N 3 სამკურნალო პროფილაქტიკური ცენტრი N3 Medical Preventive Center

30/01/2024

🔷საყოველთაო ჯანდაცვის პროგრამით, შესაბამისი კატეგორიის/სტატუსის მქონე მოქალაქეები, ქრონიკული დაავადებების სამკურნალო მედიკამენტებს, სრული დაფინანსებით, მთელი წლის განმავლობაში მიიღებენ;

🔷პროგრამა მოიცავს შემდეგი ქრონიკული დაავადებების სამკურნალო მედიკამენტების დაფინანსებას:
-გულ-სისხლძარღვთა ქრონიკული დაავადებები;
-ფილტვის ქრონიკული დაავადებები;
-ფარისებრი ჯირკვლის ქრონიკული დაავადებები;
-დიაბეტი ტიპი 2;
-პარკინსონი;
-ეპილეფსია;

🔷საჭირო მედიკამენტებს, მთელი წლის განმავლობაში სრულად მიიღებენ:
-სოციალურად დაუცველი პირები (რომელთა სარეიტინგო ქულა არ აღემატება 100 000 ერთეულს);
-პენსიონრები;
-ვეტერანები;
-შეზღუდული შესაძლებლობის სტატუსის მქონე პირები (შშმ ბავშვები, მკვეთრად ან მნიშვნელოვნად გამოხატული შეზღუდული შესაძლებლობის სტატუსის მქონე
პირები);
-გორის, ხაშურის, კასპის, ქარელის, დუშეთის, ონის, საჩხერის, ზუგდიდის,
მესტიის, წალენჯიხის მუნიციპალიტეტებში საქართველოს ოკუპირებულ
ტერიტორიებთან, გამყოფი ხაზის მიმდებარე სოფლებში მცხოვრები მოსახლეობა;

🔷მედიკამენტის მისაღებად პაციენტმა უნდა მიმართოს ოჯახის ექიმს.

#ჯანდაცვა2024

10/12/2022

10/12/2022

📣3 დეკემბერი შეზღუდული შესაძლებლობების მქონე პირთა საერთაშორისო დღეა. ამ დღის მიზანია კიდევ ერთხელ გაამახვილოს ყურადღება შეზღუდული შესაძლებლობის მქონე პირთა საზოგადოებაში სრული და თანასწორი ჩართულობის გაზრდისა და მათი ინტეგრაციისა და განვითარების ხელშეწყობაზე.
📍შშმ პირთა მხარდაჭერისთვის სამინისტროს მიერ ხორციელდება არაერთი პროგრამა თუ სერვისი:
✅მთავრობის გადაწყვეტილებით, 2023 წლიდან მკვეთრად გამოხატული შეზღუდული შესაძლებლობის სტატუსის მქონე პირებისთვის და შშმ სტატუსის მქონე ბავშვებისთვის სოციალური პაკეტი იზრდება 65 ლარით, ხოლო სხვა კატეგორიის შშმ პირთათვის სოციალური პაკეტის ოდენობა გაიზრდება 35 ლარით.
✅ სახელმწიფო შშმ პირებისათვის ყოველწლიურად ახორციელებს სოციალური რეაბილიტაციისა და ბავშვზე ზრუნვის სახელმწიფო პროგრამას, რომლის ფარგლებშიც ბენეფიციარები უზრუნველყოფილნი არიან სხვადასხვა მომსახურებით.
✅შეზღუდული შესაძლებლობის მქონე პირთა დასაქმების ხელშეწყობის მიზნით, დასაქმების ხელშეწყობის სახელმწიფო სააგენტო ახორციელებს მხარდაჭერითი დასაქმების მომსახურებას, რაც გულისხმობს შეზღუდული შესაძლებლობის მქონე პირების ანაზღაურებადი სამუშაოს მოძიებასა და მის შენარჩუნებაში დახმარების გაწევას.
🔹შშმ პირები სარგებლობენ სამუშაო ადგილების შრომის ანაზღაურების სუბსიდირებით, რომელიც ითვალისწინებს, დამსაქმებლებთან შეთანხმების მიღწევის გზით, ახალ ან არსებულ თავისუფალ სამუშაო ადგილებზე დასაქმებულ ბენეფიციართა შრომის ანაზღაურების სუბსიდირებას
🔹შშმ პირთა დასაქმებისთვის იმართება დასაქმების ფორუმები

✅ შშმ პირებისათვის ჯანმრთელობის დაცვა ხელმისაწვდომია ,,საყოველთაო ჯანმრთელობის დაცვის სახელმწიფო პროგრამის" საშუალებით. საყოველთაო ჯანდაცვის პროგრამითვე ხდება კოხლეარული იმპლანტით უზრუნველყოფა.

10/12/2022

19/04/2022

🌏 გლობალური დათბობა თანამედროვე მსოფლიოს ერთ-ერთი ყველაზე მნიშვნელოვანი ეკოლოგიური პრობლემა და გამოწვევაა, იგი რადიკალურად ცვლის ჩვენს ირგვლივ გარემოსა და ყოველდღიურობას.

🌩 კლიმატის ცვლილებამ შეიძლება შეცვალოს ურთიერთობა ადამიანის ორგანიზმის იმუნურ სისტემასა და სხვადასხვა პათოგენებს შორის. არსებული და მოსალოდნელი კატაკლიზმები კი პირდაპირ თუ არაპირდაპირ მოქმედებენ ადამიანის ჯანმრთელობაზე.

🌫ჰაერის დაბინძურებით, გლობალურად, წუთში 13 ადამიანი იღუპება ფილტვის კიბოს, გულ-სისხლძარღვთა სისტემის დაავადებებისა და ინსულტის შედეგად.

🤝სწორედ ამიტომ მსოფლიო ორგანიზაციები ქმნიან სტრატეგიებსა და მანიფესტებს, რათა თავიდან ავირიდოთ მოსალდნელი მძიმე შედეგები და ერთად გავუფრთხილდეთ ჩვენს პლანეტასა და ჩვენს ჯანმრთელობას.

25/02/2022

🇬🇪 თბილისი 🇺🇦 #СлаваУкраїні

17/02/2022

❗️COVID-19 დადასტურებული შემთხვევების დაახლოებით 95% ომიკრონითაა განპირობებული.

🔍ამიტომ, წარმოგიდგენთ რამდენიმე მნიშვნელოვან ფაქტს, რაც აღნიშნულ ვარიანტთან დაკავშირებით უნდა იცოდეთ:

📍COVID-19-ის გამომწვევი ახალი ვარიანტი 2021 წლის ნოემბრიდან გავრცელდა და წინა ვარიანტებთან შედარებით გავრცელების მაღალი სისწრაფით ხასიათდება;

📍ომიკრონის ვარიანტი დელტა ვარიანტთან შედარებით 5-ჯერ უფრო გადამდებია;

📍ომიკრონის შტამით ინფიცირების შემთხვევაში დაავადება, უმრავლეს შემთხვევაში, უფრო მსუბუქად მიმდინარეობს;

📍ომიკრონისთვის ყველაზე დამახასიათებელი სიმპტომებია: ყელის, თავის ან წელის ტკივილი, სურდო, ზომიერი ცხელება, ხველა, ღამით ოფლიანობა, საერთო სისუსტე და სხვ.;

📍სიმპტომების აღმოჩენის შემთხვევაში, ნუ აღელდებით, დაუკავშირდით ოჯახის ექიმს ან დარეკეთ 15-22 ზე და ისარგებლეთ ონლაინ კლინიკით. დარჩით სახლში, მოერიდეთ ოჯახის წევრებს და, თუკი მათთან კონტაქტი გარდაუვალია, გამოიყენეთ პირბადე, არ გამოიყენოთ საერთო სარგებლობის ნივთები, გაწმინდეთ და საგულდაგულოდ დაასუფთავეთ ხშირად შეხებადი ზედაპირები, მიიღეთ საკმარისი რაოდენობის სითხე და დარჩით ფიზიკურად აქტიური სახლის პირობებშიც.

📌 გახსოვდეთ, ვაქცინაცია დაავადების მძიმედ განვითარების პრევენციის ყველაზე ეფექტური საშუალებაა, ბუსტერი კი მნიშვნელოვნად ზრდის, მათ შორის ომიკრონისგან, დაცულობას.

📣გაითვალისწინეთ რეკომენდაციები და დაიცავით საკუთარი და საყვარელი ადამიანების სიცოცხლე!

#ვიცრებითერთმანეთისთვის

28/01/2022

🩺 თუ აღგენიშნებათ შემდეგი სიმპტომები:

🤕 ყელის, თავის ან წელის ტკივილი;
🤧 სურდო;
🤒ზომიერი ცხელება;
😷ხველა;
😴ღამით ოფლიანობა;
☹️საერთო სისუსტე

‼ დარჩით სახლში ან გადადით საიზოლაციო სივრცეში. მაქსიმალურად შეზღუდეთ ოჯახის წევრებთან კონტაქტი და აუცილებლობის შემთხვევაში, მათთან ურთიერთობისას გამოიყენეთ პირბადე.

🩺 ხშირად დაიბანეთ ხელები საპნითა და გამდინარე წყლით. თავი მოარიდეთ საზიარო საყოფაცხოვრებო სივცრეების გამოყენებას. თუ ეს შესაძლებელია, იყავით ფიზიკურად აქტიური სახლის პირობებში და მიიღეთ საკმარისი რაოდენობის სითხე.

❗გახსოვდეთ, ინფექციის გავრცელების შეჩერება თქვენს ხელშია! დაიცავით თქვენი საყვარელი ადამიანებისა და გარშემომყოფების ჯანმრთელობა!

#დარჩისახლში

19/01/2022

🔈ვაქცინირებული, არავაქცინირებული და კოვიდგადატანილი ადამიანებისთვის 17 იანვრიდან იზოლაციისა და კარანტინისთვის დაწესებული ვადები შეიცვალა.

📍ასიმპტომური და მსუბუქი პაციენტებისთვის:

✅იზოლაციის ვადა განისაზღვრა 8 დღით;

✅სიმპტომების ალაგებიდან გასული უნდა იყოს 24 საათი;

📍საშუალო და მძიმედ მიმდინარე შემთხვევებისთვის:

✅ კარანტინის ვადა განისაზღვრა 10 დღით;

✅პირს უნდა აღენიშნებოდეს სიმპტომების მკვეთრი გაუმჯობესების დინამიკა უკანასკნელი 24 საათის განმავლობაში;

✅იზოლაციის დასრულების შესახებ გადაწყვეტილებას, პაციენტის ჯანმრთელობის მდგომარეობიდან გამომდინარე, იღებს მისი ოჯახის ექიმი.

📌ორივე ზემოთ აღნიშნულ შემთხვევაში, იზოლაციიდან გასვლის შემდეგ პირს ეძლევა მკაცრი რეკომენდაცია 5 დღის განმავლობაში პირბადის ტარების შესახებ;

👉 კონტაქტში მყოფი პირებისთვის, არავაქცინირებულთათვის და სხვა ჯგუფებისთვის შეცვლილი ვადების შესახებ ინფორმაციას გაეცანით, მითითებულ ბმულზე https://cutt.ly/PIWwC9w

💉 აიცერი, გაიკეთე ბუსტერი და დაიცავი საკუთარი და გარშემომყოფთა სიცოცხლე.

#ვიცრებითერთმანეთისთვის
#საქართველოსსამსახურში

21/12/2021

🎉 vaccines.ncdc.ge-ზე ინფორმაციის გაცნობა ახლა უკვე აფხაზურად, ოსურად აზერბაიჯანულად და სომხურად არის შესაძლებელი.

💻 მომხმარებელს ვაქცინაციის შესახებ სანდო და გადამოწმებული მასალის მოძიება ქართული ენის გარდა დამატებით კიდევ 4 ენაზე შეუძლია.

🔎 მაშინ როდესაც, ვაქცინაციის შესახებ უამრავი ყალბი და არასანდო ინფორმაცია ვრცელდება, განსაკუთრებული მნიშვნელობა ენიჭება ფაქტებზე დაფუძნებული ახალი ამბებითა თუ კვლებით დატვირთულ ვებ-გვერდს.

📍 vaccines.ncdc.ge- არის დაავადებათა კონტროლისა და საზოგადოებრივი ჯანმრთელობის ეროვნული ცენტრის პლატფორმა, რომელიც ვაქცინაციის შესახებ თქვენ მიერ დასმულ ყველა შეკითხვას ამომწურავად პასუხობს.

✅ გვერდი მომზადდა ჯანმრთელობის მსოფლიო ორგანიზაციის და ევროკავშირის მხარდაჭერით.

https://vaccines.ncdc.ge/

World Health Organization Georgia · ჯანმრთელობის მსოფლიო ორგანიზაცია საქართველოში