16/01/2019
შვილის წერილი მშობლებს
ნუ მანებივრებთ, რადგან ეს ჩემზე ცუდად მოქმედებს. ნუ მომცემთ ყველაფერს, რასაც ვითხოვ. ზოგჯერ უბრალოდ გამოცდას გიწყობთ;
ჩემთან ურთიერთობისას შეინარჩუნეთ სიმტკიცე. ასე უფრო ადვილად ვიპოვი საკუთარ ადგილს;
ჩემთან ძალას ნუ გამოიყენებთ, რადგან ასე ვისწავლი იმას, რომ ანგარიში მხოლოდ ძლიერებს გავუწიო;
ნუ დამპირდებით იმას, რასაც ვერ შემისრულებთ, რომ თქვენს მიმართ ნდობა არ დავკარგო;
როცა ვამბობ, რომ „ვერ გიტანთ“, არ მიწყინოთ, რადგან სულაც არ ვგულისხმობ ამას;
მინდა, რომ მოინანიოთ საკუთარი საქციელი, რამაც მე გული მატკინა;
ნუ მაიძულებთ, რომ თავი იმაზე პატარად ვიგრძნო, ვიდრე სინამდვილეში ვარ, თუ არ გსურთ, რომ „მტირალა“ და „წუწუნა“ გავხდე;
ნუ აკეთებთ ჩემთვის და ჩემს ნაცვლად იმას, რისი გაკეთება თავადაც შემიძლია. ასე მუდამ მსახურივით გამოგიყენებთ;
ნუ მაძლევთ შენიშვნას სხვების თანდასწრებით - თქვენს შენიშვნას უფრო მეტად გავითვალისწინებ, თუ სათქმელს ცალკე მეტყვით;
ნუ ეცდებით ჩემი საქციელის განხილვას ცხარე კონფლიქტისას. ამ დროს სმენა მეხშობა და თქვენთან ურთიერთობის სურვილი მიქრება. უკეთესი იქნება, თუ ამაზე მოგვიანებით ვისაუბრებთ;
ნუ ცდილობთ ჩემთვის ჭკუის დარიგებას. რომ იცოდეთ, რა კარგად ვიცი ავ-კარგის გარჩევა, გაგიკვირდებოდათ;
ნუ აცხადებთ ჩემს საქციელს საშინელ ცოდვად. მე შეცდომების დაშვება ისე უნდა ვისწავლო, რომ თავი დამცირებულად არ ვიგრძნო;
ნუ მდებთ შარს და ნუ მიღრენთ. თუ ასე გააგრძელებთ, იძულებული ვიქნები თავი ისე მოგაჩვენოთ, თითქოს არაფერი მესმის;
ნურასოდეს გადაკრულადაც კი ნუ მეტყვით იმას, რომ სრულყოფილი ხართ. ასე, მუდმივად მექნება იმის განცდა, რომ თქვენნაირი ვერასოდეს გავხდები;
ნუ ღელავთ იმაზე, რომ ერთად ცოტა დროს ვატარებთ. მთავარია როგორ ვატარებთ ამ დროს;
ნუ გაღელვებთ ჩემი შიში და გაუბედაობა, თორემ უფრო მეტად შემეშინდება. თავად მომეცით ვაჟკაცობის მაგალითი.
ნუ დაგავიწყდებათ, რომ ჩემი განვითარებისათვის აუცილებელია თქვენი ყურადღება და გამხნევება;
მომექეცით ისე, როგორც ექცევით თქვენს მეგობრებს. მაშინ მეც თქვენი მეგობარი გავხდები;
მიუხედავად ყველაფრისა, მე ორივე ძალიან მიყვარხართ. ჰოდა, თქვენც ამითვე მიპასუხეთ;
ჩემს წესიერებას დიდ გამოცდას ნუ მოუწყობთ. ასეთ შემთხვევაში შესაძლოა მატყუარად ვიქცე.
ნუ გავიწყდებათ, რომ ექსპერიმენტები მიყვარს. სწორედ ასე შევიმეცნებ სამყაროს, ამიტომ შეეგუეთ ამას;
ნუ მიცავთ საკუთარი შეცდომების შედეგისაგან. მე საკუთარი გამოცდილებით ვსწავლობ;
ნუ უთმობთ დიდ ყურადღებას ჩემს პატარა ავადმყოფობებს. მე შემიძლია ცუდად ყოფნისაგან სიამოვნება მივიღო, რადგან ეს დიდ ყურადღებას იპყრობს;
ნუ გაურბიხართ ჩემს მიამიტურ კითხვებს. თუ არ მიპასუხებთ, აღარაფერს გკითხავთ და პასუხს სხვაგან მოვძებნი.
