27/05/2026
📌 კლინიკა MediClubGeorgia-სთვის პაციენტებზე ზრუნვა მხოლოდ სამედიცინო სერვისების მიწოდებით არ შემოიფარგლება- ეს არის უწყვეტი პარტნიორობა ოჯახებთან. გუშინ ჩვენს კლინიკაში განსაკუთრებული დღე გვქონდა: „Angelman Georgia“-ს მშობელთა ორგანიზაციის წევრებისთვის BLS (Basic Life Support) და პირველადი გადაუდებელი დახმარების სპეციალიზებული ტრენინგი გაიმართა. იშვიათი დაავადებების მქონე პაციენტებისა და მათი ოჯახებისთვის მსგავსი პრაქტიკული მზადყოფნა ფასდაუდებელია, რადგან სწორედ მსგავსი ცოდნა აძლევს მშობლებს რეალური უსაფრთხოების განცდასა და კრიზისულ მომენტში სწორი მოქმედების შესაძლებლობას.
🪽🪽 ანგელმანის სინდრომი (Angelman Syndrome) იშვიათი გენეტიკური დარღვევაა, რომელიც ხასიათდება განვითარების შეფერხებით, მეტყველების სირთულეებით, კოორდინაციისა და წონასწორობის დარღვევით, ძილის დარღვევებით. ასევე ამ სინდრომის მქონე ბავშვებში განსაკუთრებით ხშირია ეპილეფსიური გულყრები, რაც ყოველდღიურ ცხოვრებაში მშობლებისგან განსაკუთრებულ ყურადღებასა და სპეციფიკურ ცოდნას მოითხოვს. სწორედ ამიტომ, ბატონმა გია მელიქიშვილმა ტრენინგის მნიშვნელოვანი ნაწილი დაუთმო ბავშვებში გულყრების დროს სწორი რეაგირების სწავლებას.
🔴 მოხარულები ვართ, რომ ტრენინგი ნინო აგლაძის ხელმძღვანელობით ძალიან საინტერესო, პროფესიონალური და პრაქტიკულად ღირებული გამოვიდა. ჩვენთვის, როგორც Angelman Syndrome Foundation-ის საერთაშორისო კლინიკური ქსელის ოფიციალური წევრისა და „2026 Clinic Champion Award“-ის მფლობელისთვის, უდიდესი პატივია ამ ოჯახების გვერდით დგომა. MediClubGeorgia მომავალშიც აქტიურად გააგრძელებს მსგავსი ინიციატივების მხარდაჭერას, რათა ერთად შევქმნათ უფრო ინფორმირებული, უსაფრთხო და დაცული გარემო იშვიათი დაავადებების მქონე პირებისთვის საქართველოში.
