თანამედროვე ადამიანს სტრესულ და დაბინძურებულ გარემოში უწევს ცხოვრება, ორგანიზმი უდიდეს დატვირთვასა და სტრესს განიცდის, ყველაზე დაუცველი კი ხშირ შემთხვევაში სასუნთქი სისტემაა. ჯანმრთელი ადამიანის ორგანიზმში გარემოს უარყოფითი ფაქტორებით გამოწვეული შედეგები შეიძლება თავიდან შეუმჩნეველი იყოს, მაგრამ რაღაც პერიოდის შემდეგ ისინი თავს იჩენენ როგორც მძიმე და ქრონიკული დაავადებები, უფრო მგრძნობიარე ადამიანები კი ხშირად ავადმყოფობენ, უჩივიან ქრონიკულ დაღლილობასა და სტრესს, ხშირად ამის მიზეზი დათრგუნული იმუნური და სასუნთქი სისტემებია...
ჰალოთერაპიას საფუძვლად უდევს სპელეოთერაპიის მეთოდი,რაც გულისხმობს პაციენტების მკურნალობას ბუნებრივ მარილოვან მღვიმეებში. მეთოდს მრავალსაუკუნოვანი ისტორია გააჩნია, ოფიციალურმა მედიცინამ ამ მეთოდს ყურადღება მიაქცია მას შემდეგ რაც 1843 წელს პოლონელმა ექიმმა ფელიქს ბოჩკოვსკიმ აღმოაჩინა რომ მარილის მაღაროებში მომუშავე მაღაროელები არ ავადდებოდნენ რესპირატორული დაავადებებით. 1958 წელს კრაკოვის მახლობლად გაიხსნა მსოფლიოში პირველი კურორტი რომელიც მარილის მაღაროში მდებარეობდა. მას შემდეგ მსოფლიოს მრავალ ქვეყანაში ამოქმედდა და დღემდე წარმატებით ფუნქციონირებს ჰალოკამერები სადაც პაციენტები გადიან ჰალოთერაპიის სეანსებს.
ჰალოთერაპია არის მკურნალობის არამედიკამენტოზური მეთოდი რომელიც ემყარება ბუნებრივი მარილის მღვიმის ანალოგიური მიკროკლიმატის გამოყენებას. მკურნალობის პროცესში მთავარი მოქმედი ფაქტორია მარილის მშრალი, მაღალდისპერსული აეროზოლი, რომელიც სპეციალური დანადგარის, ჰალოგენერატორის საშუალებით მიეწოდება ჰალოკამერაში (მარილის ოთახში) სადაც პაციენტები იმყოფებიან. ჰალოკამერაში არის ჰიპობაქტერიული და ჰიპოალერგენული გარემო, შეიძლება ითქვას რომ ჰაერი სტერილურია. მთელი ოთახი, კედლები, ჭერი და იატაკი დაფარულია ეკოლოგიურად სუფთა მარილით, რომელიც ჩამოტანილია ჰიმალაის მარილის მაღაროებიდან, ოთახში 5 ტონა მარილია, სწორედ ეს უწყობს ხელს იმ მიკროკლიმატის ჩამოყალიბებას რომელიც ჩვენს ხელოვნურ მღვიმეშია; ტემპერატურა მუდამ 20-23 გრადუსია, ტენიანობა 36-44%, ჰაერში მარილის აეროზოლის კონცენტრაცია რეგულირდება ჰალოგენერატორით და შეადგენს 1-16 მგ/მ3, მარილის აეროზოლის 80%-ს შეადგენს რესპირაბელური ფრაქცია, კერძოდ 1-5 მიკრონის ნაწილაკები. მარილის მშრალ აეროზოლს მრავალი უპირატესობა აქვს სველ აეროზოლთან შედარებით, კერძოდ; მშრალი აეროზოლის გამოყენებისას ორგანიზმში ხვდება მარილის უმნიშვნელო რაოდენობა რაც არანაირ უარყოფით გვერდით მოვლენებს არ იწვევს, მშრალ აეროზოლს გააჩნია შეღწევადობის უფრო მაღალი კოეფიციენტი და ის უმცირეს ბრონქებამდეც კი აღწევს, მშრალი აეროზოლის გამოყენებისას არ არსებობს ჰალოკამერაში პაციენტების ინფიცირების საშიშროება, რადგანაც მშრალი აეროზოლი ხელს უწყობს ჰალოკემარაში მიკროორგანიზმებისა და ალერგენებისგან თავისუფალი გარემოს ჩამოყალიბებას. ჰალოკამერის ერთ კუბურ მეტრ ჰაერში პროცედურის დროს საშუალოდ 90-200 საპროფიტული მიკრობია, მსოფლიო ჯანდაცვის ორგანიზაციის მონაცემების მიხდვით კი ჰაერი სტერილურად ითვლება თუ ერთ კუბურ მეტრში 300 მიკრობამდეა.
ჰალოტერაპიის აქვს ანტიანთებითი, ანტიბაქტერიული, მუკოლიზური და იმუნომოდულატორული ეფექტი. შედეგად ნორმალიზდება იმუნური სისტემა,უმჯობესდება ბრონქული სეკრეტის რეოლოგიური თვისებები, ხდება ალვეოლარული მაკროფაგების აქტივაცია და მატება, ასევე მატულობს T-ლიმფოციტების და ფაგოციტების რაოდენობა, მატულობს IgA, ასევე უმჯობესდება მუკოცილიარული კლირენსი,ხდება ბრონქული ობსტრუქციის დაქვეითება, ბრონქების ჰიპერსეკრეცია ქვეითდება, ნორმალიზდება პაციენტის ფსიქოემოციური მდგომარეობა,უმჯობესდება სისხლის საერთო ფორმულა,მატულობს ჰემოგლობინი , ბრონქულ სეკრეტში ნორმალიზდება NaCl-ის შემცველობა რაც აუცილებელია ბრონქების მოციმციმე ეპითელიუმის ნორმალური ფუნქციონირებისათვის, ხდება დეტოქსიკაცია, ლიმფოდრენაჟი , აღდგება და ძლიერდება კანის დამცველობითი ფუნქციები, უმჯობესდება კანის ფერი, ტურგორი და მიკროცირკულაცია, მცირდება ფორები, კანის ზედაპირი იწმინდება და ჯანმრთელ იერს იძენს.
მიუხედავად იმისა რომ ჰალოთერაპიას საკმაოდ დიდი ხნის ისტორია გააჩნია, არის მკურნალობის ეფექტური საშუალება და მსოფლიოს თითქმის ყველა ქვეყანაშია დანერგილი, დღემდე საქართველოში არ არსებობდა სამედიცინო ცენტრი რომელსაც შეეძლო თავისი პაციენტებისათვის შეეთავაზებინა ეს უნიკალური მეთოდი. მაგრამ ეს იყო ადრე .... დღეს კი თბილისში, სპორტული მედიცინისა და რეაბილიტაციის ცენტრში ფუნქციონირებს ჰალოთერაპიის ხელოვნური მღვიმე, რომელიც პირველი და ერთადერთია საქართველოში. ეს არის ხელოვნურად შექმნილი გარემო, რომელიც ზუსტად იმეორებს ბუნებრივი მარილოვანი მღვიმის მიკროკლიმატს. აქ თქვენ უჩვეულო და სასიამოვნო გარემოში მოხვდებით, აქ მკურნალობასთან ერთად საშუალება გაქვთ დაისვენოთ, ისუნთქოთ სუფთა ჰაერი, რომელიც გამდიდრებულია მარილის მშრალი აეროზოლით და უარყოფითი ნაწილაკებით. მარილის ოთახი მრავალი დაავადების პროფილაკტიკისა და მკურნალობისთვის გამოიყენება: სასუნთქი და ნერვული სისტემის დაავედებები, დერმატოლოგიური პრობლემები, საყრდენ-მამოძრავებელი სისტემის დაავადებები,ასევე გააჩნია ორგანიზმის ზოგადგამაჯანსარებელი ეფექტი და ა.შ . მარილის ოთახში შექმნილი მიკროკლიმატი დადებითად მოქმედებს ზოგადად ორგანიზმზე, ასევე მკურნალობის პროცესში არანაკლებად მნიშვნელოვანია მარილის ოთახის მშვიდი გარემო, სპეციალური განათება და რელაქსაციური სავარძლები, რომლებიც ხსნიან დაძაბულობას ზურგისა და წელის არეში. მარილის ოთახში ყველა პირობაა შექმნილი პაციენტის რელაქსაციისათვის.
რას მკურნალობს ჰალოთერაპია:
• ასთმა
• ბრონქიტი
• პნევმონია (მწვავე სტადიის შემდეგ)
• სასუნთქი სისტემის ხშირად მორეციდივე ინფექციები
• ალერგიული და ვაზომოტორული რინიტი
• მწეველთა ხველა
• სინუსიტი (ჰაიმორიტი, ფრონტიტი)
• ტონზილიტი
• ცისტური ფიბროზი
• ალერგია , პოლინოზი (სეზონური ალერგია)
• ფსორიაზი
• ეკზემა
• დერმატიტი, ნეიროდერმიტი
• აკნე
• სებორეა
• ცელულიტი
• ნევროზი
• რევმატიზმი
• ართრიტი
• ქრონიკული დაღლილობის სინდრომი
• სტრესი
• ძილის დარღვევები
• კონცენტრაციის დეფიციტი
• ასევე ჰალოთერაპია რეკომენდებულია სპორტსმენებისთვის ვარჯიშებისა და შეჯიბრებებისათვის მზადების პერიდში, ხელს უწყობს ძალების სწრაფ აღდგენას და მობილიზაციას.
ჰალოთერაპიისას ასაკობრივი შეზღუდვები არ არსებობს. მაქსიმალური კომფორტისათვის ბავშვებისთვის და მოზრდილებისთვის ცალკე პროცედურები ტარდება.
უკუჩვენებები:
• ნებისმიერი დაავადება მწვავე სტადიაში
• ავთვისებიანი წარმონაქმნები
• ტუბერკულოზი
• სისხლდენა
• მაღალი ტემპერატურა
ჰალოთერაპიის კურსის გავლის შედეგად მიღებული დადებითი ეფექტი ხანგრძლივად ნარჩუნდება. მედიკამენტური მკურნალობა დაახლოებით 70%-ით მცირდება, გაცილებით უმჯობესდება ცხოვრების ხარისხი და მატულობს ორგანიზმის ამტანობა.
