23/07/2026
2026 წლის 2-5 ივლსს ქ. მილანში (იტალია) სტომატოლოგთა საერთაშორისო კოლეგიის (International College of Dentists-ICD) 69-ე კონგრესი ჩატარდა. საქართველო აღნიშნულ ღონისძიებაზე უკვე რამდენიმე წელია დამოუკიდებელი, მე-16 დისტრიქტის სახით მონაწილეობს.
მოხარული ვარ გაგიზიაროთ, რომ წელს ICD-ის საერთაშორისო კანცლერად პროფესორი მარინა მამალაძე — მე-16 დისტრიქტის ხელმძღვანელი (რეგენტი) აირჩიეს.
კონგრესის მუშაობაში მონაწილეობის მისაღებად საქართველოდან 17 სტომატოლოგი ვიყავით მიწვეული, მათგან 9 თბილისის სახელმწიფო სამედიცინო უნივერსიტეტის აკადემიური პერსონალი გახლდათ. პროფესორი მარინა მამალაძე, ასოცირებული პროფესორები - ლია სანოძე, ნათია ნიჟარაძე, დეა ვადაჭკორია, თეონა დანელია, ნინო ჭუჭულაშვილი, თამარ სულაძე, ასისტენტ-პროფესორები ეკატერინე ბეშკენაძე და თეა ჯანჯალაშვილი, ასევე 3 მოწვეული პედაგოგი - მანანა უსტიაშვილი, ლიკა მინაშვილი და ნინო უსანეთაშვილი. სტომატოლოგიის კლინიკა და სასწავლო კვლევითი ცენტრი უნიდენტის ექიმები თამარ ჟღენტი, მაკა კოპალიანი, თამარ კუთხაშვილი, თსსუ-ის დოქტორანტი, New Dent XXI (ქ.ბათუმი) - ის ექიმი-სტომატოლოგი თამარ შავაძე და კლინიკა ექსპერტალის (ქ. ბათუმი) ექიმი-სტომატოლოგი ჯელო ჩელებაძე. წელს პირველად ღონისძიებას ჩვენთან ერთად ახალგაზრდა ICD-ის წევრებიც ესწრებოდნენ:მარიამ წივწივაძე, ანა გენძეხაძე, ანანო მახვილაძე, ნინო მშვიდობაძე და ნანი კონცელიძე.
თსსუ-ის დელეგაციის წევრებმა წელსაც აქტიურად მივიღეთ მონაწილეობა კონგრესის მთავარ — სამეცნიერო სესიაში. საგულისხმოა, რომ შეხვედრებზე განსაკუთრებული ყურადღება ICD-ის ჰუმანიტარულ საქმიანობასაც დაეთმო.
წელს ICD-ის ოჯახს საქართველოდან კიდევ 4 ახალი წევრი საზეიმოდ შემოუერთდა. თსსუ-ის ასოცირებული პროფესორები ნინო ჭუჭულაშვილი, თამარ სულაძე, თსსუ-ის მოწვეული პედაგოგი და თსსუ-ის პირველი საუნივერსიტეტო კლინიკის ექიმი-ორთოდონტი ნინო უსანეთაშვილი და კლინიკა ექსპერტალის (ქ. ბათუმი) ექიმი-სტომატოლოგი ჯელო ჩელებაძე.
საქმიანმა შეხვედრებმა და იტალიაში გატარებულმა დღეებმა თითოეულ ჩვენგანზე წარუშლელი შთაბეჭდილება მოახდინა.
ICD-ის ევროპის სექციის საიუბილეო, 70-ე კონგრესი 2027 წლის 18–20 ივნისს, ესპანეთის ქალაქ ბარსელონაში გაიმართება.
