Rheumission.ge

20/08/2025

🩺 კავკასიის მედიცინის ცენტრს, რევმატოლოგიური სამსახურის ხელმძღვანელი ნინო ცისკარიშვილი შემოუერთდა. ნინო 2008 წლიდან მუშაობს რევმატოლოგიურ სფეროში და პაციენტებს სერვისების სრულ სპექტრს აწვდის – დიაგნოსტიკიდან დაწყებული, მკურნალობითა და ჯანმრთელობის გრძელვადიანი მართვით დასრულებული. პროფესიონალიზმით, სიღრმისეული ცოდნით და პაციენტზე ორიენტირებული მიდგომით, უსაფრთხო და თანამედროვე მომსახურებას უზრუნველყოფს პაციენტებისთვის.

რევმატოლოგიური სამსახურის სერვისებია:

🔹 რევმატული დაავადებების დიაგნოსტიკა, დარგზე ორიენტირებული რადიოლოგიური და ლაბორატორიული კვლევების გამოყენებით;

🔹 რევმატული დაავადებების მქონე პაციენტთა მკურნალობა და გრძელვადიანი მართვა, თანამედროვე რეკომენდაციებზე დაყრდნობით, მათ შორის ტრადიციული და უახლესი მაღალტექნოლოგიური სამკურნალო საშუალებების გამოყენებით;

🔹 პარენტერული თერაპიის მიმართულება მოემსახურება პაციენტებს ანტირევმატული პრეპარატების, მათ შორის ბიოლოგიური და სინთეზური მამოდიფიცირებელი სამკურნალო საშუალებების, ადმინისტრირების თვალსაზრისით.

📌 ექიმთან ვიზიტის დასაჯავშნად ეწვიეთ ბმულს: https://myhealth.cmchospital.ge/search/?FilterCityID=1&FilterLocationID=1&FilterDoctorName=nino_cisk... ან დაგვიკავშირდით: 2 600 600

03/04/2024

16/11/2022

28/04/2022

ჩვენი გუნდის კიდევ ერთი წევრი რევმატოლოგი ლელა ტაბიძე⭐️

🎉 „ამერიკული ჰოსპიტალი თბილისის” გუნდს რევმატოლოგი - ლელა ტაბიძე შემოუერთდა!

✨ პაციენტებზე ზრუნვა 2013 წელს დაიწყო. მას შემდეგ უწყვეტად ვითარდება და გამოცდილებას აგროვებს. AHT-ის რევმატოლოგი „New Vision University“-ის ლექტორიცაა. მუდმივად მონაწილეობს ადგილობრივ თუ საერთაშორისო კონფერენციებში, კონგრესებსა თუ კლინიკურ კვლევებში.

⚜ AHT რევმატოლოგთა გუნდი უზრუნველყოფს აუტოიმუნური, ანთებითი დაავადებების დროულ დიაგნოსტირებასა და მართვას ჯანმრთელობის სრულყოფისათვის!

🎉 Rheumatologist Dr. Lela Tabidze joined the AHT team!

✨ She started caring for patients in 2013. Since then, she has been constantly evolving and gaining experience. Rheumatologist is a lecturer at New Vision University and participates in multiple national and international conferences, congresses, and research trials.

⚜ The AHT rheumatology team provides diagnosis, assessment, and management of autoimmune inflammatory conditions for Perfecting Health!

05/02/2022

🎉 „ამერიკული ჰოსპიტალი თბილისის“ გუნდს რევმატოლოგი ნინო ცისკარიშვილი შემოუერთდა!

✨ ადამიანებისთვის სრულფასოვანი ცხოვრების დაბრუნება და შენარჩუნება მისი მთავარი გამოწვევაა. უკვე 14 წელია, რაც ადამიანებზე ექიმის ამპლუაში ზრუნავს და, ამ დროის განმავლობაში, საქართველოს არაერთ წამყვან კლინიკაში ხელმძღვანელობდა რევმატოლოგიის განყოფილებას.

⚜ გართულებული რევმატოლოგიური დაავადებები იწვევს ძლიერ ტკივილს, რაც ამცირებს ცხოვრების ხარისხს. „ამერიკული ჰოსპიტალი თბილისის“ ართრიტის ცენტრი მოწინავე ექიმებით არის დაკომპლექტებული, თქვენი ჯანმრთელობის სრულყოფისათვის!

🎉 Rheumatologist Nino Tsiskarishvili joined the AHT team!

✨ To return people to a normal lifestyle and maintain their functionality is her major challenge. It's more than 14 years that dressed in a white coat takes care of people. During this time, she headed the rheumatology department in various leading clinics of Georgia.

⚜ Complicated rheumatic diseases cause severe pain that reduces the quality of life. AHT Arthritis Center is staffed with cutting-edge doctors for Perfecting your Health!

14/12/2021

☑ თოდუას კლინიკის რევმატოლოგიური განყოფილების ხელმძღვანელი ნინო ცისკარიშვილი კოლეგებთან ერთად უერთდებიან ჩვენს 1⃣2⃣5⃣ წლიან ზეიმს და გულითადად ულოცავს როშის 125 და 25 წლის მოღვაწეობას!

💙 "როში საქართველო 25 წელია ასოცირდება ინოვაციასთან, განვითარებასთან, საიმედოობასთან. სწორედ როშის გვერდში დგომით განხორციელდა პროექტები, რომლებიც თავდაპირველად შეუძლებელი ჩანდა და რომელთაც, საბოლოო ჯამში, დიდი გავლენა იქონიეს ჩვენს ქვეყანაში რევმატოლოგიის, როგორც დარგის განვითარებასა და სერვისების სრულყოფაზე.
გილოცავთ, ჯანმრთელობის სადარაჯოზე დგომის 125 წლის იუბილეს და მადლობა 25 წლიანი მეგობრობისა და მხარდაჭერისათვის! გისურვებთ, რომ არ დაიღალოთ და ამავე შემართებით განაგრძოთ შეუძლებლის შესაძლებლად ქცევის ამბავი." - აღნიშნავს ქალბატონი ნინო.

#როში125
💫 სიცოცხლეზე ზრუნვის 125 წელი
💫 25 წელი უკვე საქართველოში

23/12/2020

👇 Sars-CoV-2 ვაქცინაცია რევმატულ პაციენტებში

🔷 უნდა ავიცრა თუ არა?
COVID-19-ის საწინააღმდეგო ვაქცინის გაკეთება ყველასთვის სწორი გადაწყვეტილებაა!

🔷 თუ უკვე მქონდა COVID-19 და გამოვჯანმრთელდი, უნდა ავიცრა თუ არა?
ამჟამად, მონაცემები არ არსებობს, თუმცა ვაქცინაცია COVID-19-ის გადატანის შემდეგ მიიჩნევა უსაფრთხოდ და პოტენციურად უზრუნველყოფს დამატებით დაცვას.

🔷 შემიძლია თუ არა ავიცრა, როცა ვიღებ ანტირევმატულ ან იმუნიტეტის დამაქვეითებელ მედიკამენტებს?
დიახ, შეგიძლიათ. ერთადერთი გამონაკლისი, შესაძლოა იყოს რიტუქსიმაბი. ამიტომ გაიარეთ კონსულტაცია თქვენს რევმატოლოგთან.

🔷 აქვს თუ არა ვაქცინას გავლენა წამლების მოქმედებაზე?
ცალსახად, არა

🔷 ვისთან უნდა გავიარო კონსულტაცია ვაქცინაციამდე? - პირად ექიმთან თუ რევმატოლოგთან?
თუ გაქვთ სპეციფიკური კითხვები თქვენს დაავადებასთან დაკავშირებით, ინფორმაციის წყარო სასურველია იყოს რევმატოლოგი

🔷 რა მონაცემებია საჭირო სწორი გადაწყვეტილების მისაღებად?
ინფორმაცია თქვენი დაავადების აქტივობის, მიმდინარე მკურნალობის და თანხმლები დაავადებების შესახებ.

🔷 რა უნდა ვიცოდე ვაქცინის გვერდითი მოვლენების შესახებ?
მკაფიო პასუხის გაცემა ნაადრევია, თუმცა აღსანიშნავია, რომ ვაქცინები, რომლებიც გამოიცადა უსაფრთხოების თვალსაზრისით, მსგავსია აქამდე არსებული გრიპის ვაქცინებისა.

🔷 რა უნდა გავაკეთო რევმატული დაავადების გამწვავების ან გვერდითი მოვლენების შემთხვევაში?
გვერდითი მოვლენები ნაკლებსავარაუდოა, თუმცა თუ მაინც გამოვლინდა ან დაავადება გამწვავდა მიმართეთ თქვენს რევმატოლოგს

🔷 არსებობს თუ არა რისკი, რომ ვაქცინამ ჩემი დაავადება გააქტიუროს?
საკმარისი გამოცდილება არ არსებობს, თუმცა ეს ნაკლებ სავარაუდოა.

🔷 დამჭირდება თუ არა ყოველწლიური ვაქცინაცია, ისევე როგორც გრიპზე?
სავარაუდოდ, დაგჭირდებათ.

🔷 როგორც რევმატული დაავადების მქონე, ვარ თუ არა COVID-19-ით დაავადების მაღალი რისკის ქვეშ?
არა, როგორც გამოცდილება გვიჩვენებს რევმატული პაციენტები COVID-19-ით დაავადების მაღალი რისკის ქვეშ არ არიან.

🔷 მიმდინარეობს თუ არა COVID-19 რევმატულ პაციენტებში უფრო მძიმედ?
მხოლოდ რევმატული დაავადების არსებობა, არ არის ასოცირებული COVID-19 ის მძიმე მიმდინარეობასთან. თუმცა, ისევე როგორც სხვა, არარევმატული, დაავადებების შემთხვევაში, შესაძლოა რისკი გაიზარდოს, თუ სახეზეა სასიცოცხლოდ მნიშვნლოვანი ორგანოების მძიმე დაზიანება.

🔷 ზრდის თუ არა ანტირევმატული მკურნალობა COVID-19-ის მძიმე მიმდინარეობის რისკს?
რევმატოლოგიაში გამოყენებული მედიკამენტების უმრავლესობა არ ასოცირდება COVID-19-ის მძიმე მიმდინარეობასთან. დღევანდელი მონაცემებით, მხოლოდ გლუკოკორტიკოიდები >10 მგ/დღეში და რიტუქსიმაბი შეიძლება კორელირებდეს COVID-19-ის შედარებით ცუდ გამოსავალთან

📌ევროპის რევმატოლოგთა ლიგის (EULAR) COVID-19-ის სამუშაო ჯგუფის მიერ შემუშავებული დოკუმენტის მიხედვით

21/03/2020

🔹 COVID-19-ის პროფილაქტიკა შესაძლებელია მხოლოდ ჯანდაცვის მსოფლიო ორგანიზაციის მიერ მოწოდებული რეკომენდაციების გათვალისწინებით, მათ შორის სოციალური დისტანცირებითა და ხელების ხშირი დაბანით;

🔹COVID-19-ის პროფილაქტიკური მკურნალობა არ არსებობს;

🔹ქლოროქინს და ჰიდროქსიქლოროქინს აქვთ რიგი სერიოზული გვერდითი მოვლენებისა, რის გამოც მათი პროფილაქტიკის მიზნით გამოყენება დაუშვებელია;

🔹ქლოროქინი და ჰიდროქსიქლოროქინი გამოიყენება COVID-19-ის შედარებით მძიმე ფორმების შემთხვევაში, სხვა სამკურნალო ღონისძიებებთან ერთად;

🔹ქლოროქინისა და ჰიდროქსიქლოროქინის პროფილაქტიკის მიზნით მიღებამ, გარდა შესაძლო გვერდითი მოვლენებისა, შეიძლება გამოიწვიოს მიწოდების შეფერხება რეალური საჭიროების მქონე პაციენტებისათვის.

21/03/2020

🔹COVID-19-ის პოტენციურ მკურნალობად, დღეის მდგომარეობით, ყველაზე აქტიურად განიხილება ანტიმალარიული პრეპარატები ჰიდროქსიქლოროქინი და ქლოროქინი.
🔹ეს პრეპარატები მრავალი ათეული წელია გამოიყენება რევმატული დაავადებების სამკურნალოდ (მაგალითად რევმატოიდული ართრიტი, სისტემური წითელი მგლურა, შეგრენის სინდრომი და სხვ.) შესაბამისად, უკიდურესად მნიშვნელოვანია, რომ გაზრდილი მოთხოვნის გამო, არ შეიქმნას დეფიციტი და არ შეფერხდეს იმ პაციენტების მკურნალობა, რომლებიც ანტიმალარიულ პრეპარატებს მოიხმარენ რევმატული ჩვენებით.

19/03/2020

✅ ევროპის წამლის სააგენტოს (EMA)18/03/2020-ით დათარიღებული განცხადების მიხედვით, ამ დროისათვის არ არსებობს მტკიცებულება იმისა, რომ ანთების საწინააღმდეგო არასტეროიდული საშუალებების (მაგალითად იბუპროფენის) გამოყენებას შეუძლია კორონავირუსული დაავადების მიმდინარეობა დაამძიმოს.
ასევე 18/03/2020-ში ჯანდაცვის მსოფლიო ორგანიზაციამ (WHO) განაცხადა, რომ იბუპროფენი COVID-19-ის მიმდინარეობის დამამძიმებელ ფაქტორად არ მიიჩნევა❗️

✅ აღნიშნული განცხადების გაკეთება საჭირო გახდა მას შემდეგ, რაც ფრანგი ჯანდაცვის სპეციალისტების მხრიდან გაჟღერდა ინფორმაცია არასტეროიდების შესაძლო არასასურველი ზეგავლენის შესახებ კორონავირუსული დაავადების მიმდინარეობაზე.

✅ ამ დროისთვის არ არსებობს სარწმუნო მტკიცებულება, რომლის თანახმადაც არასტეროიდული ანთების საწინააღმდეგო საშუალებები ზრდიან COVID-19-ით დაინფიცირების რისკს. შესაბამისად, პაციენტებმა, რომლებიც სხვა სამედიცინო ჩვენებით (მაგალითად ართრიტის გამო) იღებენ არასტეროიდებს, მათი მიღება არ უნდა შეწყვიტონ❗️

✅ გასათვალისწინებელია, რომ არასტეროიდული ანთების საწინააღმდეგო საშუალებების მიღებამ შესაძლებელია, ინფექციის სიმპტომები შენიღბოს და ამის გამო, დიაგნოსტირება შედარებით მოგვიანებით სტადიაზე მოხდეს.

✅ ზემოაღნიშნულიდან გამომდინარე, საჭიროა Covid-19-ის პრევენციისათვის მოწოდებული სიფრთხილის ყველა ზომის ზედმიწევნით დაცვა ❗️

📌წყარო 👇

The French Health Ministry recommends acetaminophen instead, but evidence on any unique COVID-19-related effects linked to ibuprofen is lacking, say the Spanish Health Ministry and a US expert.

19/03/2020

✅ COVID-19-ის ეპიდაფეთქებამ უამრავი კითხვა გააჩინა საზოგადოებაში, განსაკუთრებით, კი იმ ადამიანებში რომლებიც სხვადასხვა მიზეზის გამო გამო იმუნოსუპრესიულ თერაპიას იტარებენ და რუტინულად მოიხმარენ ისეთ სპეციფიურ მედიკამენტებს, როგორებიცაა: ბიოლოგიური აგენტები, JAK ინჰიბიტორები, სტეროიდები და დაავადების მამოდიფიცირებელი ანტირევმატული პრეპარატები (მაგალითად მეტოტრექსატი).

✅ იმუნოსუპრესიული თერაპია გამოიყენება რევმატული დაავადებების მართვისა და მათი გართულებების პრევენციისათვის. შესაბამისად, მკურნალობის შეწყვეტას მოჰყვება დავადების გამწვავება. ამ წამლების გავლენა კორონავირუსზე ჯერ-ჯერობით ცნობილი არა არის, ამიტომ გირჩევთ არ შეწყვიტოთ მკურნალობა, გარდა იმ შემთხვევისა, როდესაც თქვენი ექიმი, რაიმე კონკრეტული მიზეზით, მიიღებს ასეთ გადაწყვეტილებას.

✅ თუ დანიშნული გაქვთ გეგმიური ვიზიტი ექიმთან, გონივრული იქნება ჰკითხოთ მას, შესაძლებელია თუ არა ვიზიტის გადავადება ან მისი სატელეფონო კონსულტაციით ჩანაცვლება.

✅ თუ გაქვთ ისეთი სიმპტომები, როგორებიცაა ცხელება და ხველა, სავარაუდოდ, გჭირდებათ კორონა ვირუსზე ტესტირება. მიჰყევით ჯანდაცვის ნაციონალურ პროტოკოლსა და რჩევებს.

✅ თუ COVID19 პოზიტიური ხართ, განიხილეთ ეს საკითხი თქვენს რევმატოლოგთან.

✅ ევროპის რევმატოლოგთა ლიგა გირჩევთ პირველ რიგში მოიძიოთ ეროვნული ჯანდაცვის სისტემის მიერ მოწოდებული რეკომენდაციები და განახლებული ინფორმაცია სხვადასხვა რეგიონში არსებული მდგომარეობის გასაგებად.

მარტივი მანევრები, რითაც შესაძლებელია დაიცვათ თქვენი და თვენი ოჯახის ჯანმრთელობა:

❗️ იბანეთ ხელი რეგულარულად მინიმუმ 20 წამის განმავლობაში საპნითა და წყლით. შემდეგ კი კარგად გაიმშრალეთ;

❗️ შეეცადეთ არ შეეხოთ სახეს;

❗️ დაცემინებისა და ხველისას, სახეზე აიფარეთ მოხრლი იდაყვი;

❗️ შეძლებისდაგვარად იხმარეთ ერთჯერადი ნივთები;

❗️ ატარეთ ნიღაბი, როცა ავად ხართ. თუ სიმპტომები არ გაქვთ, ნიღბის ტარება რეკენდებული არაა. ნიღაბს არ შეუძლია სრულად დაგვიცვას დაინფიცირებისაგან, მაგრამ მისი არსებობა შეგახსენებთ, რომ სახეს არ უნდა შეეხოთ. ასევე ინფორმაციას მიაწვდის სხვებს, რომ შესაძლოა ინფიცირებული იყოთ;

❗️ თავი აარიდეთ სოციალური თავშეყრის ადგილებს, განსაკუთრებით თუ იქ ინფიცირებული ადამიანების არსებობაა სავარაუდო, მაგალითად ვინმე აცემინებს ან ახველებს;

❗️ თავი შეიკავეთ ხელის ჩამორთმევისაგან მისალმებისას, მოერიდეთ ჩახუტებას;

❗️ მოერიდეთ გადატვირთულ საზოგადოებრივ ტრანსპორტს.

❌ ნუ იმოგზაურებთ! განსაკუთრებით იმ რეგიონებში, სადაც ვირუსი მეტადაა გავრცელებული. ამ ლოკაციებზე ინფორმაცია შეიგიძლიათ ჯანდაცვის ეროვნულ ორგანოებში მოიძიოთ

წყარო:👇
https://www.eular.org/eular_guidance_for_patients_covid19_outbreak.cfm