31/07/2026
🔴 LIVE ქირურგია და ინოვაციური ონკოლოგია: მარდალეიშვილის სამედიცინო ცენტრი მედიკოსთა საიუბილეო კონფერენციაზე.
👉🏻ჩაქვში გამართულ მედიკოსთა მე-60 საიუბილეო საერთაშორისო კონფერენციაზე ცალკე სესია დაეთმო მარდალეიშვილის სამედიცინო ცენტრს, რომელმაც კოლეგებს ონკოლოგიის სფეროში არსებული უახლესი ინოვაციები გაუზიარა.
🔹სესია -“ინოვაციები თანამედროვე ონკოლოგიაში: კლინიკური გამოწვევები და განვითარების სტრატეგიები“ -დარგის წამყვან ქართველ სპეციალისტებს აერთიანებდა. თუმცა, დამსწრეთა განსაკუთრებული ინტერესი და აღფრთოვანება LIVE ქირურგიამ გამოიწვია.
🤖მარდალეიშვილის სამედიცინო ცენტრმა მშრალი სტატისტიკის ნაცვლად საზოგადოებას ინოვაციის პრაქტიკული ჩვენება შესთავაზა. ონკოგინეკოლოგმა ნიკოლოზ სარაულმა პირდაპირ ეთერში, ოპერაციის დაწყებიდან დასრულებამდე წარადგინა, თუ როგორ ტარდება საშვილოსნოს კიბოს ოპერაცია რობოტული სისტემით და რით სჯობნის ის ტრადიციულ ლაპარასკოპიულ მეთოდს.
🔹სამედიცინო ქეისი კი იყო შემდეგი:ენდომეტრიული ადენოკარცინომის გამო პაციენტს ჩაუტარდა რადიკალური ჰისტერექტომია ორმხრივი ლიმფოდისექციით (ICG-ის გამოყენებით).
🔹რთული გამოწვევა მდგომარეობდა იმაში, რომ პაციენტის სხეულის მასის ინდექსი (BMI) 100 კილოგრამს აღემატებოდა, რაც ონკოლოგიურ ქირურგიაში ერთ-ერთ ყველაზე რთულ შემთხვევად ითვლება. სწორედ ასეთ პაციენტებში ავლენს რობოტული ქირურგია უდიდეს უპირატესობას -ინარჩუნებს მაქსიმალურ სიზუსტესა და კონტროლს იქ, სადაც სტანდარტული ლაპარასკოპია ტექნიკურად საგრძნობლად რთულდება.
🧑⚕️ექიმმა ნიკოლოზ სარაულმა დამსწრეებს დეტალურად აჩვენა სიმსივნური წარმონაქმნის ამოკვეთის გადამწყვეტი ეტაპი. თემა განაგრძო ცენტრის ქირურგიული დეპარტამენტის ხელმძღვანელმა, ემზარ ნადირაძემ, მოხსენებით: რობოტული ქირურგიის კლინიკურ სარგებელი ონკოლოგიაში.
🔬სესიას უძღვებოდნენ მედიცინის მეცნიერებათა დოქტორი, ცენტრის დამფუძნებელი პროფესორი კონსტანტინე მარდალეიშვილი და მედიცინის აკადემიური დოქტორი, ენდოკრინოლოგი, სამეცნიერო დირექტორი თამარ მაკარიძე.
🔴სესიის მეორე ნაწილი ონკოლოგიის თანამედროვე სამეცნიერო მიღწევებს დაეთმო:
👩⚕️სოფო შარაშიძემ (ექიმი ციტოლოგი) ისაუბრა უჯრედული ბიოლოგიის მიღწევებსა და მათ გავლენაზე თანამედროვე ონკოლოგიურ დიაგნოსტიკაში.
🧑⚕️ამირან მათითაშვილმა (კლინიკური ონკოლოგი) მიმოიხილა იმუნოთერაპიის როლი და კონკრეტული კლინიკური ქეისების მაგალითზე აჩვენა, თუ როგორ შეცვალა ამ მეთოდმა მკურნალობის ტაქტიკა.
🏥მარდალეიშვილის სამედიცინო ცენტრის სესიამ მონაწილეებს მისცა იშვიათი შესაძლებლობა, ეხილათ ის, რასაც ჩვეულებრივ მხოლოდ სახელმძღვანელოებში კითხულობენ - რობოტული ტექნოლოგიის შეუდარებელი სიზუსტე რეალურ დროში.
ყველა ადამიანი მნიშვნელოვანია!
დამატებითი ინფორმაციისთვის დაგვიკავშირდით:
📍თბილისი, ლ. ჩარკვიანის N 8,
📞+995 32 2 43 01 01
🌐 www.mmc.ge
📩[email protected]
#მარდალეიშვილისკლინიკა #მე-60მედიკოსთასაიუბილეოსაერთაშორისოკონფერენცია
#რობოტულიქირურგია #ონკოლოგია #იმუნოთერაპია
