ხუჯაძე-გოგნიაშვილის კლინიკა

06/11/2025

ძვირფასო მეგობრებო, ჩვენს განახლებულ კლინიკას აქვს ახალი ფეისბუქ გვერდი, გთხოვთ გამოიწეროთ და აქ დაგვიმეგობრდეთ

https://www.facebook.com/share/1A8ntGRKnS/?mibextid=wwXIfr

ხუჯაძე-გოგნიაშვილის ფრანგულ-გერმანული კლინიკა, გთავაზობთ სრულყოფილ, ევროპული სტანდარტებით მკურნალობას, თანამედროვე ტექნოლოგიებითა და პროფესიონალური გუნდის ხელშეწყობით.

22/10/2025

მეგობრებო, ჩვენი კლინიკის ახალი ფეისბუქ გვერდი, ახალი მისამართი -გორგასლის 9 და ახალი კლინიკა.

დაგვიმეგობრდით ახალ ფბ გვერდზე 🩵

27/11/2024

კიდევ ერთი მნიშვნელოვანი რეგიონალური კონფერენცია ჩვენი კლინიკის დამფუძნებლების მონაწილეობით

ნოემბრის თვეში ვარციხეში სამეცნიერო-პრაქტიკული კონფერენცია ქუთაისის რეგიონის ოტორინოლარინგოლოგებისათვის გაიმართა.

კონფერენციის ფარგლებში მოხსენებით წარსდგნენ ფრანგულ-გერმანული ხუჯაძე-გოგნიაშვილის ყელ-ყურ-ცხვირის კლინიკის ხელმძღვანელები მიხეილ ხუჯაძე და გიორგი გოგნიაშვილი. შეხვედრა Alpen Pharma AG Georgia ორგანიზებით ჩატარდა

25/11/2024

სამეცნიერო-პრაქტიკული კონფერენცია გაიმართა თელავში რეგიონის ოჯახის ექიმებისა და პედიატრებისთვის.
კონფერენციის ფარგლებში მოხსენებით წარსდგა "ფრანგულ-გერმანული ხუჯაძე-გოგნიაშვილის ყელ-ყურ-ცხვირის კლინიკის" ხელმძღვანელი, პროფესორი, მედიცინის დოქტორი ,ოტორინოლარინგოლოგი
გიორგი გოგნიაშვილი .

მოხსენების თემა იყო: რინიტის,რინოსინუსიტის და ოტიტის უახლესი თერაპიული და ქირურგიული საშუალებები.

კონფერენციის ორგანიზატორი Alpen Pharma AG Georgia გახლდათ

11/11/2024

✔️ზამთრის პერიოდში ჰაერის გამოშრობასთან ერთად, ხშირად შრება ცხვირის ლორწოვანი გარსი, რაც იწვევს ეპისტაქსისს ანუ ცხვირიდან სისხლდენას.

✔️სისხლდენის სხვა მიზეზებია:

•ცხვირის ღრუს ლორწოვანის ქიმიური და მექანიკური გაღიზიანება
•უცხო სხეული
•ცხვირის წვეთების ხშირი მოხმარება
•გამრუდებული ძგიდე
•ცხვირის ტრავმა

✔️როგორ მოვიქცეთ ცხვირიდან სისხლდენის დროს?

•შეინარჩუნეთ სიმშვიდე
•წამოჯექით და გადაიხარეთ წინ
•თითებით მოახდინეთ ზეწოლა ცხვირის ნესტოებზე 10 წუთის განმავლობაში
•თუ სისხლდენა არ შეწყდა, გააგრძელეთ ზეწოლა და მიმართეთ ექიმს!

ჯანმრთელობას გისურვებთ

05/11/2024

🔹ხუჯაძე-გოგნიაშვილის კლინიკის ქირურგი, ოტორინოლარინგოლოგი ერნესტ მარკოსიანი , საფრანგეთში მის ხელმძღვანელთან ,პროფესორ ფრედერიკ მუშესთან, ერთად.

ერნესტ მარკოსიანი სტაჟირებას ქ.ტულუზაში კლინიკა Ambroise Pare- ში გადიოდა , მისი ხელმძღვანელი ცნობილი ფრანგი პროფესორი , ფრედერიკ მუშე, გახლდათ

🔹გამოცდილების მისაღებად და კვალიფიკაციის ასამაღლებლად კლინიკის ქირურგები ხშირად იმყოფებიან ევროპის წამყვან კლინიკებსა და კონფერენციებზე.

მუდმივი განვითარება, სწავლა და თანამედროვე მიდგომების გაცნობა მსოფლიოს მოწინავე ქირურგებისგან-ჩვენი კლინიკის გუნდის მთავარი მიზანია

24/10/2024

▪️ საქართველოს ბავშვთა სტომატოლოგების ასოციაციის ორგანიზებით ჩატარდა მეხუთე საერთაშორისო კონგრესი - „ბავშვთა ასაკის პაციენტების მულტიდისციპლინური მართვა”.

▪️კონგრესის მომხსენებელი იყო ჩვენი კლინიკის ხელმძღვანელი, მედიცინის დოქტორი, პროფესორი მიხეილ ხუჯაძე. მოხსენების თემა - „ცხვირით სუნთქვის გაძნელების მართვის თანამედროვე მეთოდები”.

▪️ღონისძიებაზე ქვეყნის სხვადასხვა დარგის წამყვანმა ექიმებმა განიხილეს საინტერესო თემები, ისაუბრეს დანერგილ სიახლეებსა და მეთოდებზე.

15/10/2024

4-6 ოქტომბერს აზერბაიჯანში, ქალაქ ბაქოში , გაიმართა საერთაშორისო კონგრესი "რინოპლასტიკის დღეები 2” , სადაც მონაწილეობა მიიღო მსოფლიოს სხვადასხვა ქვეყნის წარმომადგენელმა.

•შეხვედრაზე მოხსენებით წარსდგა ხუჯაძე-გოგნიაშვილის კლინიკის ხელმძღვანელი, სრული პროფესორი, მედიცინის დოქტორი, გიორგი გოგნიაშვილი.

•მოხსენების თემა - ცხვირის ქირურგიული პრობლემები ბავშვთა ასაკში.

•შეხვედრას ესწრებოდნენ ჩვენი კლინიკის ქირურგები ქრისტინე ჩალაძე, ბეჟან ხელაშვილი და ასევე წამყვანი პლასტიკური ქირურგი, პროფესორი ალექსანდრე კუზანოვი.

07/10/2024

ძილის აპნოე

ძილის აპნოე ზედა სასუნთქ გზებთან დაკავშირებული ძილის დარღვევაა, როდესაც ადამიანი ძილის დროს წყვეტს სუნთქვას.

ძილის აპნოეს ახასიათებს:
•ხმაურიანი სუნთქვა
•ღამით სუნთქვის უნებლიედ გაჩერება რამოდენიმე წამით და კვლავ სპონტანურად აღდგენა
•ღამით გამოღვიძების ხშირი ეპიზოდები
•პირის სიმშრალე
•დილით თავის ტკივილი
•ძილიანობა დღის განმავლობაში.

დიაგნოსტიკა მოიცავს სომნოგრაფიულ კვლევას- ძილის დროს სუნთქვის ტიპის და სისხლში ჟანგბადის კონცენტრაციის განსაზღვრას.

რეკომენდებულია:

ჭარბი წონის კლება, ფიზიკური ვარჯიში, თამბაქოსა და ალკოჰოლის მიღებისგან თავის შეკავება.

25/09/2024

🔸ლარინგოფარინგეალური რეფლუქს დაავადება წარმოადგენს კუჭის მჟავე შიგთავსის რეტროგრადულ ნაკადს, რის შედეგადაც ზიანდება საყლაპავის, ხახის და ხორხის ლორწოვანი გარსი.

🔸სიმპტომები:
•ყლაპვის გაძნელება
•მწარე გემოსა და უცხო სხეულის შეგრძნება ყელში
•ყელის ტკივილი
•ხმის ტემბრის ცვლილება

🔸დიაგნოზის დასაზუსტებლად საჭიროა ფიბროლარინგოსკოპიის ჩატარება.

🔸რეკომენდაცია:
•მცირე ულუფებით და ჯანსაღი კვება
•წონაში კლება
•დაწოლამდე მინიმუმ 3-4 საათით ადრე კვება

09/09/2024

ოტომიკოზი ყურის სოკოვანი დაავადებაა. მისი გავრცელება ყველაზე ხშირია ზაფხულში, ზღვის სეზონზე, რადგან ნესტი და სითბო ხელშემწყობ პირობებს ქმნის სოკოვანი დაავადების განვითარებისთვის.

სიმპტომები:

•სასმენი მილის ტკივილი�•ქავილი�•ყურის ნიჟარისა და სასმენი მილის კანის მომატებული მგრძნობელობა�•ყურში სისავსისა და დაცობის შეგრძნება�•სასმენი მილიდან გამონადენი

აღნიშნული სიმპტომების არსებობის შემთხვევაში დროულად გაიარეთ ოტორინოლარინგოლოგის კონსულტაცია.
მკურნალობა ინდივიდუალურია პაციენტის მდგომარეობის გათვალისწინებით.

ჯანმრთელობას გისურვებთ ☀️