11/08/2026
🐔 როგორ მოვუაროთ ფრინველს სწორად? - 10 პრაქტიკული რჩევა დამწყებთათვის
1️⃣ ბუდე ყოველთვის მშრალი და სუფთა უნდა იყოს
სუფთა ბუდე ამცირებს კვერცხის დაბინძურების რისკს და ხელს უწყობს მის უკეთ შენახვას.
2️⃣ კვერცხი რეგულარულად აკრიფეთ და სუფთა ხელით აიღეთ
ეს განსაკუთრებით მნიშვნელოვანია საინკუბაციო კვერცხისთვის, რადგან დაბინძურება ამცირებს გამოჩეკვის ხარისხს.
3️⃣ საინკუბაციო კვერცხი არ გარეცხოთ
კვერცხის ნაჭუჭზე არსებული თხელი დამცავი ფენა იცავს შიგთავსს ბაქტერიებისგან, ამიტომ გარეცხვა დაუშვებელია.
4️⃣ საინკუბაციოდ სწორად შერჩეული კვერცხი გამოიყენეთ
საინკუბაციოდ გამოიყენეთ სწორი ფორმისა და ზომის კვერცხი, რომლის მასა, სასურველია, არანაკლებ 52-55 გრამია
5️⃣ კვერცხი სწორ პირობებში შეინახეთ
საინკუბაციო კვერცხი შეინახეთ სუფთა, მშრალ სათავსოში, +12-+15°C ტემპერატურაზე და დაახლოებით 75% ტენიანობაზე.(პრაქტიკაში საინკუბაციო კვერცხი ხშირად ინახება ბლაგვი ბოლოთი ზემოთ (ვერტიკალურად), განსაკუთრებით თუ რამდენიმე დღეზე მეტხანს ინახება. ჰორიზონტალურად შენახვაც შესაძლებელია, მაგრამ ამ შემთხვევაში პერიოდულად გადაბრუნებაა საჭირო.) თუ კვერცხი ჰორიზონტალურად ინახება, სასურველია პერიოდულად გადაბრუნდეს.
6️⃣ ინკუბაცია დროულად დაიწყეთ
სასურველია, ინკუბაცია კვერცხის დადებიდან 7 დღის განმავლობაში დაიწყოს. რაც უფრო დიდხანს ინახება კვერცხი, მით მეტად მცირდება გამოჩეკვის პროცენტი.
7️⃣ ინკუბაციამდე კვერცხი შუქზე შეამოწმეთ
საჰაერო კამერა ბლაგვ ბოლოზე უნდა იყოს, ყვითრი - ცენტრში, ხოლო ცილა - მკვრივი. თუ ყვითრი ან საჰაერო კამერა ზედმეტად გადაადგილდება, ასეთი კვერცხი საინკუბაციოდ არ გამოდგება.
8️⃣ ბუდე სწორად მოამზადეთ
ბუდე შეიძლება მოეწყოს ყუთში ან კალათში. მასში სუფთა, მშრალი თივა ან ნამჯა უნდა დააფინოთ და ნახევრად ბნელ, მშვიდ, მშრალ და კარგად განიავებად ადგილზე მოათავსეთ.
9️⃣ კრუხი ზედმეტად არ შეაწუხოთ
საჭიროების შემთხვევაში მხოლოდ დაზიანებული ან გაფუჭებული კვერცხი ამოიღეთ. ინკუბაციის დაწყების შემდეგ ახალი კვერცხის დამატება არ არის რეკომენდებული.
🔟 წიწილებს სწორი პირობები შეუქმენით
ინკუბატორში გამოჩეკილი წიწილებისთვის პირველ დღეებში ტემპერატურა 32-35°C უნდა იყოს, ხოლო შემდეგ ყოველ კვირას 2-3°C-ით თანდათან შემცირდე ასევე, დაუშვებელია სხვადასხვა ასაკის წიწილების ერთად მოთავსება.
💬 გჭირდებათ დახმარება ფრინველის მოვლის, ინკუბაციის ან წიწილების გამოზრდის საკითხებში?
კონსულტაციისთვის მოგვწერეთ ან დაგვირეკეთ: 📲 032 2 74 63 94
🌟 როქი - ცოდნა, რომელიც მუშაობს ფერმაში.
წყარო: აგროკავკასიის სტატია - პრაქტიკული რჩევები ფრინველის საკარმიდამო პირობებში გაზრდისთვის - _მიხეილ ჭიჭაყუა, ბიოლოგიის დოქტორი._
#ვეტერინარისრჩევა #მეფრინველეობა #ფრინველი #ქათამი #საინკუბაციოკვერცხი #წიწილები #ფერმა #როქი
