14/10/2023
წინაგულთა ფიბრილაციის (მოციმციმე არითმიის) აბლაციის უსაფრთხოება და ეფექტურობა პაციენტის წონის მიუხედავად
კვლევაში გამოყენებულ იქნა კლივლენდის კლინიკის რეესტრის იმ პაციენტების მონაცემები, რომლებსაც ჩაუტარდათ წინაგულთა ფიბრილაციის კათეტერული აბლაცია 2013-2021 წლებში და რომელთა BMI*-ც ცნობილი იყო.
*BMI - სხეულის მასის ინდექსი. იანგარიშება წონის (კგ) შეფარდებით სიმაღლის (მ) კვადრატთან
წინაგულთა ფიბრილაციის კათეტერულ აბლაციას ჰქონდა გართულების დაბალი მაჩვენებელი (1.5%), მიუხედავად პაციენტის სხეულის მასის ინდექსისა (BMI). საკვლევ ჯგუფს წარმოადგენდა აშშ-ს 5800 პაციენტი.
წინაგულთა ფიბრილაციის რეციდივი მნიშვნელოვნად მაღალი იყო მეორე (BMI 35-39.9) და მესამე ხარისხის (BMI>40) სიმსუქნის დროს, ნორმალური სხეულის მასის ინდექსის მქონე ინდივიდებთან შედარებით (სამ წლიანი დაკვირვება).
თუმცა პაციენტების თქმით, აბლაციამ დიდად გააუმჯობესა მათი ცხოვრების ხარისხი და ნებისმიერი BMI-ს მქონე პაციენტებთან შეამცირა წინაგულთა ფიბრილაციის მიერ გამოწვეული დისკომფორტი.
ჭარბწონიანობა/სიმსუქნე წინაგულთა ფიბრილაციის რისკ ფაქტორია, შესაბამისად ასეთ პაციენტებს ხშირად ურჩევენ კათეტერულ აბლაციას, რაც წინაგულთა ფიბრილაციასთან გამკლავების სტანდარტული მეთოდია. თუმცაღა, კვლევები სიმსუქნის მქონე პაციენტებთან ამ პროცედურის ჩატარების ეფექტურობისა თუ უსაფრთხოების შესახებ სხვადასხვა შედეგებს იძლეოდნენ.
ეს არის ყველაზე დიდი კვლევაა რომელიც ჩაუღრმავდა BMI-ს ეფექტს პროცედურის შემდგომ შედეგებზე, უსაფრთხოებასა და პაციენტთა ცხოვრების ხარისხზე.
შედეგების მიხედვით წინაგულთა ფიბრილაციის აბლაცია უსაფრთხოა პაციანტებთან, მიუხედავად მათი BMI-სა. აბლაცია ამცირებს დისკომფორტს და აუმჯობესებს ცხოვრების ხარისხს. შესაბამისად აბლაცია რეკომენდაცებულია სიმპტომურ პაციენტებში განურჩევლად მათი BMI-სა.
უყურადღებოდ არ უნდა დავტოვოთ წონაში კლების უპირატესობები; ამასთან პაციენტებს ეძლევათ არჩევანი სტანდარტული წონის კონტროლის პროგრამას და ბარიატრიული ოპერაციას შორის.
მკვლევარებმა პაციენტები 5 სხვადასხვა კატეგორიაში გაანაწილეს BMI-ს ინდექსის მიხედვით; ნორმალური BMI(18.5-24.9), ჭარბწონიანობა(BMI 25-29.9), ან I, II, III ხარისხის სიმსუქნე (BMI 30-34.9, 35-39.9, და >40, შესაბამისად).
ცხოვრების ხარისხთან დაკავშირებულ გამოკითხვაში 2635 პაციენტი მონაწილეობდა. წინაგულთა ფიბრილაციის ყველაზე დაბალი მაჩვენებელი ნორმალური წონით კატეგორიაში დაფიქსირდა, ხოლო ყველაზე მაღალი სიმსუქნის მესამე კატეგორიაში. აბლაციის შემდეგ ცხოვრების ხარისხი ყველა BMI-ს ქვეჯგუფში თანაბრად გაუმჯობესდა.
