happeriod

Directions Website Contact the practice

happeriod 致力為香港人提供善待地球、又善待自己身體的月事用品選擇，推動大眾以平常心討論月事，以自在態度對待自己的身體和環境。

【必睇電影🎬｜《Pad Man》】為老婆而奮鬥嘅 #月經禁忌 一啲好理所當然嘅事其實並唔係必然？去超市隨手買一盒衛生巾，喺世界許多角落，甚至係我哋身邊，都係一種奢求！？今日推薦一套值得深思嘅電影——《Pad Man（M巾英雄）》。呢套電影講...
01/11/2026

【必睇電影🎬｜《Pad Man》】為老婆而奮鬥嘅 #月經禁忌

一啲好理所當然嘅事其實並唔係必然？去超市隨手買一盒衛生巾，喺世界許多角落，甚至係我哋身邊，都係一種奢求！？今日推薦一套值得深思嘅電影——《Pad Man（M巾英雄）》。

呢套電影講述男主角Lakshmi 為咗改善老婆Gayatri 同農村女性用爛布處理經期嘅困境，不惜被村民誤解而離鄉別井。最後，佢克服咗重重困難研發出低成本衛生巾機，仲為婦女提供工作同尊嚴。

戲嘅開頭，Gayatri 每次嚟M都用爛布當衛生巾。當Lakshmi 買衛生巾送畀佢，佢反而好驚慌仲要求Lakshmi 去退貨，因為衛生巾對佢哋嚟講太奢侈。 呢個就係月經貧窮真實嘅寫照，因為負擔唔起月經用品，被迫喺健康同生存之間二選一。

喺好多發展中國家，唔少人因為買唔起衛生巾，每次嚟M只可以請假甚至輟學。即便喺現代城市，月經貧窮依然存在，喺香港以至日本等呢啲發達嘅國家同城市，對好多基層家庭嚟講，每個月買月經用品仍然係一筆好大嘅開支。

而比貧窮更難打破嘅，係月經禁忌。睇到戲中 Gayatri 同村民嘅反應，大家可能會覺得有啲誇張，明明 Lakshmi 係想幫手，點解冇人理解？當Lakshmi 為咗測試衛生巾，綁住血袋導致血漏時，全村人仲鬧佢係道德敗壞嘅變態，老婆都因為承受唔住世俗眼光而離他而去。喺當地，月經被視為「不潔」。呢種根深蒂固嘅污名，造就咗所有人對月經嘅態度。

回看我哋嘅日常，月經禁忌大家其實都唔陌生，月經好多唔同嘅代名詞、換嘅時候都塞入衫袖等等，呢啲習以為常嘅小細節，都係認為月經需要隱藏嘅證明。

月經係再正常不過嘅生理現象，擁有月經用品、正確嘅知識，同埋喺經期保持尊嚴，係每個人基本嘅權利，從來唔應該係一種奢侈品。而我哋唔需要做出驚天動地嘅事，無論你係乜嘢性別，都可以喺日常中做出小改變，以平常心看待月經！

💬 喺你嘅校園或日常生活中，你有冇感受過某種月經貧窮／禁忌？歡迎喺Comment或者DM同我哋分享！🩸✨

#月經教育 #月經貧窮 #月經禁忌

經痛、經血量、月經污名、月經用品負擔與社會參與限制，可能不只是「月經期間的小事」。一項在西班牙進行、共收集 1,404 份問卷的研究發現，多種較差的月經健康經驗，與較嚴重的憂鬱及焦慮症狀相關。研究亦指出，出生地、年齡、教育程度及經濟壓力等社...
23/10/2026

經痛、經血量、月經污名、月經用品負擔與社會參與限制，可能不只是「月經期間的小事」。

一項在西班牙進行、共收集 1,404 份問卷的研究發現，多種較差的月經健康經驗，與較嚴重的憂鬱及焦慮症狀相關。研究亦指出，出生地、年齡、教育程度及經濟壓力等社會處境，可能影響這些關聯。

要留意的是，這項研究呈現的是關聯，並不能單獨證明月經困擾會直接導致憂鬱或焦慮。但研究提醒我們：月經健康需要被全面看待，身體不適、心理狀態、污名與資源可及性都值得重視。

經痛或月經困擾若影響日常生活，值得被認真聆聽與適切支援，不必因為「大家都會痛」而被淡化。

📚了解更多：https://happeriod.in/26mhda

📖研究全文：García-Egea, A., et al. (2026). Menstrual health outcomes and associations with depression and anxiety in Spain: a cross-sectional study. Sexual and Reproductive Health Matters.
https://doi.org/10.1080/26410397.2026.2702119

#月經健康 #經痛 #月經污名 #月經貧窮 #心理健康 #性別健康

【月經迷思】嚟M 嗰陣肚屙又想嘔？一嚟M唔單止成日肚屙，有時仲會伴隨住想嘔嘅感覺。每次返工返學要忍住腹痛搵廁所，都真係覺得好麻煩。經期肚屙同作嘔其實非常普遍，而之所以會產生呢啲腸胃症狀，主要係因為身體喺經期前，子宮會分泌前列腺素來刺激子宮收...
20/10/2026

【月經迷思】嚟M 嗰陣肚屙又想嘔？

一嚟M唔單止成日肚屙，有時仲會伴隨住想嘔嘅感覺。每次返工返學要忍住腹痛搵廁所，都真係覺得好麻煩。

經期肚屙同作嘔其實非常普遍，而之所以會產生呢啲腸胃症狀，主要係因為身體喺經期前，子宮會分泌前列腺素來刺激子宮收縮、排出經血。但如果前列腺素順住血液流到腸胃，前列腺素會擾亂小腸內嘅電解質同體液平衡，結果到嚟M嘅時候就造成肚屙同想嘔！另外，經痛時強烈嘅子宮收縮痛感都會刺激神經系統，引發胃部不適甚至作嘔！

少少清爽又舒緩嘅 Tips~☀️

經期前同期間，儘量避免太辣、太油膩、高糖同含咖啡因嘅食物，因為佢哋會刺激腸胃同刺激前列腺素分泌。平時可以多補充水份同高纖維食物，保持腸道穩定。如果經痛同肚屙非常嚴重，可以尋求醫生或藥劑師嘅意見，係唔係適合使用非類固醇消炎止痛藥（NSAIDs），抑制前列腺素生成之餘，同時舒緩經痛同肚屙！

💬 留言話我知：你有冇經期腸胃困擾？
#月經迷思 #經期肚屙 #少女健康 #女生日常 #科普

【必睇電影🎬】小熊貓背後嘅創傷？《Turning Red》呢一套風格可愛活潑嘅電影，其實仲通過Mei Mei 同媽媽之間緊張嘅關係探討咗東亞母女同跨代創傷嘅問題！“You are your mother’s whole world, Mei...
15/10/2026

【必睇電影🎬】小熊貓背後嘅創傷？

《Turning Red》呢一套風格可愛活潑嘅電影，其實仲通過Mei Mei 同媽媽之間緊張嘅關係探討咗東亞母女同跨代創傷嘅問題！

“You are your mother’s whole world, Mei Mei”— Mei's grandmother

雖然電影表現得比較誇張，但係呢種隔閡其實喺我哋生活入面經常以唔同形態出現。最常見莫過於媽媽以「為咗你好」介入我哋嘅生活，有時候都會令我哋覺得被束縛。喺電影入面，Mei Mei無論係第一次變成小熊貓，定係後面用小熊貓賺錢，都選擇隱瞞媽媽。就好似好多人第一次嚟M因為尷尬同驚恐，都會選擇隱瞞，因為害怕面對媽媽嘅過份關心同唔理解，甚至演變成一場衝突。

當媽媽唔放心Mei Mei嚟M嘅狀況，攞住衛生巾喺學校大吵大鬧，令Mei Mei喺同學面前社死。 嗰種隔住螢幕都感受到嘅尷尬，將Mei Mei內心壓抑已久嘅羞恥推到極點。最令人心痛嘅係，後面Mei Mei選擇將一切歸咎於自己，覺得變成小熊貓係自己嘅錯。

後來，當Mei Mei見到年輕嘅媽媽縮埋一角喊，我哋先知道媽媽都曾經被必須完美嘅觀念壓抑，原來媽媽對Mei Mei嘅控制就係重覆緊外婆當年對待自己嘅方式。媽媽曾經傷害過外婆，呢份未被療癒嘅創傷，隨住時間無意中傳遞咗俾下一代。 媽媽好愛Mei Mei，但係呢份希望後代可以比自己「完美」嘅愛反而傷害咗嘅Mei Mei。

“Don’t hold back. For anyone.”— Ming Lee

亞洲家長喺表達愛嘅時候好容易不自覺忽略，其實小朋友都係一個獨立自主嘅個體。電影嘅最後，母女唔係單單和好如初就結束，而是達成咗互相理解。媽媽開始學識去接受Mei Mei嘅轉變同成為一個獨立嘅自己。Mei Mei 知道媽媽點解會咁焦慮，亦明白到月經、身體嘅變化、甚至自己唔完美嘅一面都唔需要感到羞恥同自責。 唯有學識放手、學識坦誠，我哋先可以喺現實中釋放嗰隻壓抑嘅「小熊貓」。

💬 你同屋企人有冇試過因為月經而鬧交？歡迎喺Comment或者DM同我哋分享！🩸✨
#熊抱青春記 #月經教育 #跨代創傷 #母女關係

聯合國將「基於性別的暴力」（Gender-based violence，GBV）定義為：任何違背他人意願，並基於社會賦予男女的性別差異而造成傷害的行為。當中包括造成身體、性或心理傷害與痛苦的行為，以及相關的威脅、脅迫和剝奪自由。基於性別的暴...
13/10/2026

聯合國將「基於性別的暴力」（Gender-based violence，GBV）定義為：任何違背他人意願，並基於社會賦予男女的性別差異而造成傷害的行為。當中包括造成身體、性或心理傷害與痛苦的行為，以及相關的威脅、脅迫和剝奪自由。

基於性別的暴力有不同形式。除了直接傷害身體的暴力－－例如肢體暴力，也包括刻意破壞避孕措施、令對方懷孕；透過制度將某性別置於較不利位置－－例如排除教育機會、或因不生育而給予額外徵稅等懲罰；甚至是以「開玩笑」為名，令他人感到壓力或被冒犯——例如用「M到」嘲諷他人表達情緒，或男生訪問幾位女生時，笑稱自己像「坐枱」。

這些言行背後，往往反映性別刻板印象如何合理化對他人界線、尊嚴與自主的侵犯。「口沒遮攔」、「只係講笑」或「風俗如此」，都不應成為傷害他人的藉口。

了解個人界線、顧及他人的感受，是人與人相處的基本尊重。人權保障的，正是每個人都應享有的基本尊嚴與自主。性別只是尊重的一個範疇，卻也是最常被忽略的一個。

基於性別的暴力，不只是「唔得體」或「不雅」的風俗問題；它關乎僭越個人界線、權力濫用，以及貶低他人尊嚴。

尊重他人，停止性別暴力。

面斥不雅。

（借用 所賜字畫）

延伸閱讀：
UNFPA｜Gender-based violence
https://www.unfpa.org/gender-based-violence

UNFPA｜The Inter-Agency Minimum Standards for Gender-Based Violence in Emergencies Programming
https://www.unfpa.org/minimum-standards

#性別暴力 #尊重他人 #面斥不雅

【月經迷思】嚟M變重又仲暴飲暴食？一嚟M成日都好口痕，特別想食薯片、朱古力呢D高熱量嘢食！見到個肚勁脹，上磅一睇，真係重咗…嗰一刻真係好焦慮。其實月經期間體重稍有增加、同埋睇落大份咗都係正常嘅，呢個只係PMS嘅一種！有呢個現象係因為我哋體內...
12/10/2026

【月經迷思】嚟M變重又仲暴飲暴食？

一嚟M成日都好口痕，特別想食薯片、朱古力呢D高熱量嘢食！見到個肚勁脹，上磅一睇，真係重咗…嗰一刻真係好焦慮。

其實月經期間體重稍有增加、同埋睇落大份咗都係正常嘅，呢個只係PMS嘅一種！有呢個現象係因為我哋體內嘅荷爾蒙作怪。

因為經期前後體內嘅黃體素同雌激素水平會大幅波動，所以導致身體滯留水分同鹽分，容易喺腹部、手臂同腿部出現浮腫。同時間，荷爾蒙嘅波動亦會令新陳代謝率上升同血清素減少，令大腦釋放想食「高糖、高脂、高碳水」嘅訊號，令你對邪惡食物失去抵抗力！

所以，經期前短暫暴食同變重少少係嘅正常生理現象，過咗經期，荷爾蒙穩定返，體重自然會慢慢回落㗎啦！千祈唔好因為咁而自責同刻意節食！
少少舒緩嘅 Tips~ ☀️

想改善水腫同腹脹，最緊要係少食高鈉、偏鹹嘅嘢。平時都可以食多啲香蕉或者奇異果等高鉀嘅嘢食幫助身體排出多餘水分同鹽分。唔好因為怕水腫而唔飲水，因為我哋講緊嘅呢種水腫唔係因為你飲落肚嘅水導致！補充足夠嘅水分，身體先會乖乖將多餘嘅鈉同水份排出體外！ 如果真係好想食甜野，食 1-2 塊可可成份較高嘅朱古力，既能滿足食慾，又唔怕脂肪暴增～

💬 留言話我知：你嚟M最想瘋狂食咩？
#月經迷思 #經前暴食 #經前腹脹 #少女健康 #女生日常 #科普

✨ 全棉布料製作，給你柔軟的保護✨ 設有不同款式及呎吋，照顧週期不同階段的需要✨ 顏色多樣，實用美觀✨ 市場少有黑色系列，滿足不同需要Momiji Natural 的布衛生巾產品由斯里蘭卡婦女製作，款式多樣，色彩鮮艷，更有坊間少見的黑色系列...
11/10/2026

✨ 全棉布料製作，給你柔軟的保護
✨ 設有不同款式及呎吋，照顧週期不同階段的需要
✨ 顏色多樣，實用美觀
✨ 市場少有黑色系列，滿足不同需要

Momiji Natural 的布衛生巾產品由斯里蘭卡婦女製作，款式多樣，色彩鮮艷，更有坊間少見的黑色系列，型格以外讓你倍感安心。由迷你護墊到夜用加長，提供不同長度及版型選擇，配合不同日常與流量需要。衛生巾系列備有防漏層，提供全面保護；護墊系列不含防漏層，透爽舒適。

Momiji Natural 更於2022年與其他機構開展名為「Sizuku SriLanka（しずくスリランカ）」的計劃，透過捐贈布衛生巾予斯里蘭卡女性茶農，希望從改善月經貧窮出發，讓女性得以尋求茶農以外的生命選擇。

瀏覽Momiji Natural 產品
https://happeriod.in/MomijiNatural

重要提醒⏰：1.⁠ ⁠安全套係重要又方便嘅避孕工具。根據 WHO 資料，持續並正確使用時，男用安全套嘅避孕效果約為 98%，女用安全套則約為 95%。不過，兩者嘅避孕效果都低於口服避孕藥、置入式避孕裝置及絕育手術。2.⁠ ⁠安全套嘅作用唔止...
09/10/2026

重要提醒⏰：

1.⁠ ⁠安全套係重要又方便嘅避孕工具。根據 WHO 資料，持續並正確使用時，男用安全套嘅避孕效果約為 98%，女用安全套則約為 95%。不過，兩者嘅避孕效果都低於口服避孕藥、置入式避孕裝置及絕育手術。

2.⁠ ⁠安全套嘅作用唔止避孕，亦係預防性病傳播及感染嘅重要工具。

3.⁠ ⁠安全套面世超過一百年，地球人口至今仍然持續增長。

4.⁠ ⁠保安局《完善香港的性罪行法例》諮詢文件指出，性行為過程中，如果受害人要求使用性保護措施（例如安全套），或被告表示會使用，但被告故意不使用、停止使用、改變使用方法，或明知保護措施失效仍繼續使用，均可屬「受害人沒有同意」的情況。諮詢文件建議，相關行為可構成強姦罪，最高刑罰為終身監禁。故意整穿安全套再使用，可能涉及「故意更改保護措施使用方法」或「明知保護措施失效仍繼續使用」。千祈唔好做，亦唔好教唆他人做。

5.⁠ ⁠懷孕與否係個人選擇，亦係《消除對婦女一切形式歧視公約》保障嘅權利。任何人都唔應該、亦唔可以透過欺騙或強迫等方式，令他人懷孕。

6.⁠ ⁠無羞惡之心，非人也；無是非之心，非人也。

7.⁠ ⁠為老不尊，為幼不敬。

【必睇電影🎬】起身突然變咗隻小熊貓？原來係因為......如果要用一隻動物去形容青春期，佢大概就係一隻有啲笨拙又隨時可能失控嘅小熊貓！今日推薦一套好適合同父母一齊睇嘅電影——《Turning Red（熊抱青春記）》。呢套電影講述一個13歲嘅...
08/10/2026

【必睇電影🎬】起身突然變咗隻小熊貓？原來係因為......

如果要用一隻動物去形容青春期，佢大概就係一隻有啲笨拙又隨時可能失控嘅小熊貓！今日推薦一套好適合同父母一齊睇嘅電影——《Turning Red（熊抱青春記）》。

呢套電影講述一個13歲嘅女仔Mei Mei某日起身突然變成一隻小熊貓！Mei Mei會喺小熊貓同人類不斷切換。原來係因為祖先許願，所以Mei Mei家族嘅女性到一定時候，沉睡喺體內嘅小熊貓就會覺醒。

戲名入面嘅「Red」指月經、以及青少年進入青春期嘅複雜情感。對於月經，大部分人由細到大都帶住羞恥感，家長都好少主動提起。戲入面，媽媽知道Mei Mei嚟月經非常驚慌，仍然用「嗰樣嘢（That）」嚟代替月經。

“I am a gross red monster!” — Mei Mei

Mei Mei一開始非常憎變咗身嘅自己，有個大肚腩又好臭，仲冇辦法控制。再加上媽媽對小熊貓嘅恐懼同排斥，Mei Mei陷入咗深深嘅自我厭惡。青春期往往伴隨住對身體同情緒變化嘅厭惡。相信每個女仔都經歷過覺得月經好麻煩、好討厭、甚至感到羞恥嘅時候。

“We’ve all got a messy, loud, weird part of ourselves hidden away. And a lot of us never let it out. But I did. How about you?”— Mei Mei

我哋成日想收埋呢啲唔完美，但呢啲唔完美並唔需要被消滅，而係需要被認識、被接納。Mei Mei 喺儀式嘅最後一刻發現，小熊貓其實都係佢自己嘅一部分，與其去隱藏，不如釋放、去接受佢。小熊貓不再係詛咒，反而成為擁抱青春嘅方式。

小熊貓代表突如其來嘅月經，仲有嗰個有時連自己都唔鍾意嘅自己。下次當你覺得就嚟「小熊貓化」嘅時候，試吓摸摸自己內心嘅小熊貓，感受吓佢究竟係可怕嘅怪獸定係可愛嘅小熊貓！

💬 你仲記唔記得你第一次月經嘅情況係點？ 歡迎喺Comment或者DM同我哋分享！🩸✨
#熊抱青春記 #月經教育 #經前綜合症 #自我和解

✨ 裸感無痕，安心零痕跡！✨ 抑菌效果，消除異味生成！✨ 俐落包臀剪裁，不夾臀不捲邊！✨ 接縫加固線，大大提升安全感！✨ 手洗機洗都ok！知名台灣品牌谷慕慕旗下的月亮褲以吸收量大但仍能在潮濕悶熱的亞洲氣候中保持乾爽而廣受歡迎，繼早前握出吸收...
02/10/2026

✨ 裸感無痕，安心零痕跡！
✨ 抑菌效果，消除異味生成！
✨ 俐落包臀剪裁，不夾臀不捲邊！
✨ 接縫加固線，大大提升安全感！
✨ 手洗機洗都ok！

知名台灣品牌谷慕慕旗下的月亮褲以吸收量大但仍能在潮濕悶熱的亞洲氣候中保持乾爽而廣受歡迎，繼早前握出吸收量較少但更通爽的護墊褲款後，現更推出採用與月亮褲系列相近的無痕內褲，讓你在經期以外的日子亦能享受通爽舒適的每一天。

瀏覽谷慕慕無痕內褲系列產品
https://happeriod.in/gmm_panties

Address

Fanling

Website

Alerts

Be the first to know and let us send you an email when happeriod posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to happeriod:

Shortcuts

Share

Category

Nearby clinics

Other Health & Wellness Websites in Fanling

Show All