05/06/2026
親子關係。課題分離。公平對待。感恩有您
‘’我呢幾年都無係佢地學業、功課各方面勞氣
佢地兩個都能夠自己處理，亦都係令我感動既部分‘’
以上係我尋日回應兩位媽媽既說話
係未有療癒自己以前，
我形容自己係‘焦慮型媽咪’
我會幫佢地把屎把尿
近來5年，我則變得越來越懶
接觸薩堤爾學習對話，我同兩個小朋友既關係遙遠了
遙遠既部分在於佢地任何成績，分數上
我把許許多多個人責任上既事情交由佢地自己負責
小朋友間房亂如垃圾站，關上門就好了！
課題有分隔開，我個人自然越輕鬆
日常生活中，我極享受同佢地一齊耍廢；
我享受聆聽佢地對人，事，物既任何睇法
我享受聞佢地腳板底
我享受同佢地打架
我享受擁抱佢地親吻佢地
我享受彼此說愛你
我享受幫佢地按摩等等
我自己來自於一個重男輕女家庭
而正正我自己生既亦係一男一女
老早，
我已提醒自己不要把任何‘不公平對待’延續落去
對哥哥也好對妹妹也好，
給一方50元，另外一方都會得到50元
給好吃的，縱使另一方不喜歡吃都會給其他東西
分配家務的，要做兩個一齊做！做幾多做邊樣，則自行處理
以我觀察，我感覺到哥哥同妹妹關係好好
孩子能否‘’真正的‘’友好相處，父母角色很重要
閒時，我喜歡同小朋友講：
屋企有你真係好！
我地需要你呀！
我代狗狗多謝你願意照顧佢地！
我地想同你一齊呀！
你咁夜未反，我掛住你！
脫離囉嗦既說話
我只想提供生活既養分比佢地
哥哥今年15歲，同成年人身份既距離越近
我係非常期待見證佢一切既改變
妹妹今年12歲，準備由小學踏入中學生活
我會一直擁抱佢直至某天佢拒絕我
親子關係上，
我會問自己‘我想延續乜野比小朋友’？
讓孩子成為孩子自己，足夠已！
我愛你們💓
#愛係純粹無條件
#父母給愛孩子被愛係一種真實感受
#愛與被愛
#真正溝通由聆聽開始
#感恩有您們
#生育小朋友係父母成長既機會
#原生家庭
