唐宇嶸醫生 - 順孕安產·香港婦產科及生殖醫學資訊專頁

唐宇嶸醫生 - 順孕安產·香港婦產科及生殖醫學資訊專頁 婦產科專科醫生
Specialist in Obstetrics and Gynaecology

香港大學內外全科醫學士
新南威爾斯大學生殖醫學碩士
英國格拉斯哥皇家醫學院內科院士
英國皇家婦產科醫學院院士
香港婦產科學院院士
香港醫學專科學院院士（ 婦產科 ）
香港婦產科學院生殖醫學分科認可証書

醫生，公司話要寫病假紙 📄「醫生，我公司 HR 話一定要醫生紙，可唔可以開張畀我？」喺診所睇症，好多產檢媽媽臨尾都會緊張同我講，話要攞正式「病假紙」畀公司。但其實好幾年前政府為咗方便同支援在職孕婦，已經修咗例，出示產檢嘅「到診證明」（Cer...
11/08/2026

醫生，公司話要寫病假紙 📄
「醫生，我公司 HR 話一定要醫生紙，可唔可以開張畀我？」

喺診所睇症，好多產檢媽媽臨尾都會緊張同我講，話要攞正式「病假紙」畀公司。

但其實好幾年前政府為咗方便同支援在職孕婦，已經修咗例，出示產檢嘅「到診證明」（Certificate of Attendance），已經享有法定疾病津貼（有薪病假）保障。

📝政府官方新聞公報引述：
「接納由醫療專業人員所簽發的到診證明書，作為合資格僱員就接受產前檢查當日有權獲得疾病津貼的證明文件。」

https://www.info.gov.hk/gia/general/202012/04/P2020120200255.htm

各位準媽媽，大家可以直接 Share 呢個 Post 或者政府條 Link 出去，讓 HR 同事清楚了解最新嘅法例保障。

💡 溫馨提示：記得確保診所發出嘅到診證明上，有清楚寫明係「產前檢查」呀！咁 HR 同事處理起上嚟就名正言順，大家辦事都方便。

希望職場上能多一分體諒，畀孕婦應有嘅支持，共同建立友善嘅工作環境！大家安心做好產檢，媽媽BB 健康就係最重要！🫶

#產前檢查 #職場媽媽 #香港勞工法例 #婦產科 #健康教育

罕見宮外孕嘅「保子宮」療法「罕見宮外孕」（例如胚胎著床喺輸卵管間質部，子宮頸，或者開刀生BB留落嚟嘅疤痕度），處理起上嚟真係要步步為營🤔💡傳統手術治療：因為著床位置血流好豐富，又或者深入咗子宮肌層，做手術嗰陣會有大量出血嘅風險。情況危急起上...
02/08/2026

罕見宮外孕嘅「保子宮」療法

「罕見宮外孕」（例如胚胎著床喺輸卵管間質部，子宮頸，或者開刀生BB留落嚟嘅疤痕度），處理起上嚟真係要步步為營🤔

💡傳統手術治療：
因為著床位置血流好豐富，又或者深入咗子宮肌層，做手術嗰陣會有大量出血嘅風險。
情況危急起上嚟，有時甚至要切除埋子宮保命。

💡而家就多咗個保守治療嘅選擇——「甲氨蝶呤病灶微創注射」（Intralesional MTX）：
醫生會喺陰道超聲波引導下，用幼針直達孕囊打針落藥，等身體自然吸收返啲懷孕組織。唔使開刀，大大增加保住個子宮同埋生育能力嘅機會。

📊根據本地研究經驗，成功率去到 76.5% 至 92.3%，就算係懷孕指數（hCG）好高嘅高難度個案都一樣處理到。

不過微創注射都有佢嚴格嘅限制：
病人嘅臨床狀況一定要好穩定，孕囊無破裂、無嚴重內出血先至適合做。

康復時間會相對長啲，要定期抽血監察 hCG 幾個禮拜甚至幾個月。治療期間要避免劇烈運動、停食葉酸，仲要嚴格避孕 3 個月。

罕見宮外孕情況好複雜，有問題記住一定要問清楚你嘅婦產科醫生。

#宮外孕 #罕見宮外孕 #微創注射 #健康資訊 #保留生育能力

感謝無線電視《流行都市》的邀請，一起討論「剖腹產的利弊」這個第一胎新手媽媽常見的議題。希望節目內容能為有需要的女士提供多一點正確資訊。重點：無得「揀」順產，真實選擇係1. 揀嘗試順產及接受約二成緊急開刀「食全餐」風險2. 揀直接剖腹本帖僅作...
24/07/2026

感謝無線電視《流行都市》的邀請，一起討論「剖腹產的利弊」這個第一胎新手媽媽常見的議題。

希望節目內容能為有需要的女士提供多一點正確資訊。

重點：
無得「揀」順產，真實選擇係

1. 揀嘗試順產及接受約二成緊急開刀「食全餐」風險
2. 揀直接剖腹

本帖僅作健康資訊分享，並不構成任何醫療意見。如有疑問，請諮詢你的主診醫生。

https://www.mytvsuper.com/tc/programme/bigcityshop_118508/%E6%B5%81%E8%A1%8C%E9%83%BD%E5%B8%82/e/800519/?utm_source=gm_sharewhatsapp&utm_medium=program_share&utm_campaign=bigcityshop_118508

非常感謝明報訪問，讓我有機會分享「在家分娩」及「無輔助分娩」的相關睇法。希望我們在產婦和嬰兒安全為前提下，能帶俾每個家庭更加人性化的生產經歷🙏以下分享幾個重點👇⚠️ 「在家分娩」不等於「無輔助」 外國的在家分娩有完善的助產士上門及醫療後備方...
20/07/2026

非常感謝明報訪問，讓我有機會分享「在家分娩」及「無輔助分娩」的相關睇法。

希望我們在產婦和嬰兒安全為前提下，能帶俾每個家庭更加人性化的生產經歷🙏

以下分享幾個重點👇
⚠️ 「在家分娩」不等於「無輔助」
外國的在家分娩有完善的助產士上門及醫療後備方案；但香港目前缺乏這類系統。在本地自行在家分娩，等同「無醫學監察的生產」，這會直接放棄了香港完善的醫療安全網，令嬰兒死亡等潛在風險大幅增加。

💡 人性化生產 ⚖️ 醫療安全
兩者其實並不對立！我們可以在醫院環境下選擇「減少醫學干預」，這樣既能滿足自主生產的願望，又能確保萬一發生突發狀況時，隨時有專業團隊拯救生命。分娩永遠應以母嬰安全為先！🏥👶✨

https://news.mingpao.com/pns/%e5%89%af%e5%88%8a/article/20260720/s00005/1784478798206/%e5%ac%b0%e5%85%92%e6%ad%bb%e4%ba%a1%e9%a2%a8%e9%9a%aa%e5%a2%9e-%e9%a6%99%e6%b8%af%e5%9c%a8%e5%ae%b6%e5%88%86%e5%a8%a9-%e5%a6%82%e6%94%be%e6%a3%84%e5%ae%89%e5%85%a8%e7%b6%b2

🧵 婦產科爸爸工作日記：子宮鏡手術新舊對比最近遇到有位女士，經血過多，發現有子宮瘜肉，要做宮腔鏡手術切除。傳統電切環（resectoscope）- 用電流切除瘜肉、肌瘤，操作時會產生熱量，可能損傷子宮內膜- 切完要用儀器夾走碎片，有時視野會...
09/07/2026

🧵 婦產科爸爸工作日記：子宮鏡手術新舊對比

最近遇到有位女士，經血過多，發現有子宮瘜肉，要做宮腔鏡手術切除。

傳統電切環（resectoscope）
- 用電流切除瘜肉、肌瘤，操作時會產生熱量，可能損傷子宮內膜
- 切完要用儀器夾走碎片，有時視野會變差，手術時間長啲
-用液體要好小心，避免吸入太多

而家多咗新式「刨削系統」（shaver system）：
- 無電流，唔會有熱力損傷內膜，適合想保護生育能力嘅女士
- 即刨即吸，手術期間子宮腔乾淨，減少碎片影響視野
- 用液體較少，減低液體入血嘅相關風險

不過，傳統Resectoscope都有佢嘅獨特優勢：
- 對於肌瘤基底闊、深入子宮肌層，或者有多發性、複雜生長位置的情況，有時電切環能夠切割更深、更靈活處理複雜組織

新舊並存，醫學好多時候不是一種方法係完全取代另一種。關鍵係根據病人情況、瘜肉或肌瘤的特性、醫生技術經驗，去選擇最適合方案。

#子宮瘜肉 #子宮肌瘤 #宮腔鏡手術 #健康資訊 #黏膜下肌瘤

去唔到紅館睇方力申？去奧海城聽 Live 一樣咁有氣氛🎤今日去咗奧海城陪太太參加「世界家庭醫生日『家』年華」，一望大屏幕就見到小方「隔空撐場」😆雖然只係相片，但現場一班樂手嘅 Live Music 演出一樣炒得起氣氛，行過嘅市民都聽得好投入...
17/05/2026

去唔到紅館睇方力申？去奧海城聽 Live 一樣咁有氣氛🎤

今日去咗奧海城陪太太參加「世界家庭醫生日『家』年華」，一望大屏幕就見到小方「隔空撐場」😆
雖然只係相片，但現場一班樂手嘅 Live Music 演出一樣炒得起氣氛，行過嘅市民都聽得好投入！🎸🎶

今年嘉年華主題係「數碼時代的關懷照護」。近年醫療科技同 AI 發展迅速，但呢個主題正好提醒我哋：
無論科技點進步、遙距醫療點方便，醫生同病人之間嗰份面對面嘅互動、長年累月建立嘅信任同人情味，始終係冰冷屏幕代替唔到嘅。❤️

無論係專科定基層醫療，醫護守護大家健康嘅初心都係一樣。今日放假行經奧海城嘅朋友，不妨去支持吓，吸收健康資訊啦！💪🏻✨

#世界家庭醫生日 #基層醫療署 #香港家庭醫學學院 #家庭醫生 #方力申

婦科超聲波的「春夏秋冬」婦科超聲波幾時照最好？一定要等月經乾淨晒？🤔其實子宮同卵巢每個月都在變，就好似一棵樹咁，經歷「春夏秋冬」，唔同季節會睇到唔同光景，唔同時機照有唔同作用！👇❄️ 嚴冬 (月經期 Day 1-5)：卵巢最平靜，評估「卵巢...
06/05/2026

婦科超聲波的「春夏秋冬」

婦科超聲波幾時照最好？一定要等月經乾淨晒？🤔

其實子宮同卵巢每個月都在變，就好似一棵樹咁，經歷「春夏秋冬」，唔同季節會睇到唔同光景，唔同時機照有唔同作用！👇

❄️ 嚴冬 (月經期 Day 1-5)：卵巢最平靜，評估「卵巢儲備 (基礎卵泡)」的最佳時機。內膜有血，比較難睇清。
🌱 初春 (經後 Day 5-13)：初段內膜最薄，檢查「子宮瘜肉 / 黏膜下肌瘤」的黃金時機！後期出現「黃金三線」，可以評估內膜形態厚度。
☀️ 盛夏 (排卵期 Day 14)：內膜最豐厚，適合評估內膜厚度及估計排卵。
🍂 深秋 (黃體期 Day 15-28)：內膜變厚難看清細節，出現「黃體囊腫」，可能易造成誤判，或者需要覆檢核查。

💡沒有絕對最好的日子，取決於檢查目的！預約前先同醫生溝通啦！👩‍⚕️✨

#婦科檢查 #婦科超聲波 #盆腔超聲波 #女性健康 #子宮健康瘜肉 月經週期

餵人奶餵到懷疑人生？唔好俾「母乳」成為無形嘅壓力🍼過去十幾年，大家都成日聽「Breast is Best」，搞到好多新手媽媽覺得唔餵人奶就係唔盡責，無形中多咗個沉重嘅道德枷鎖其實堅持餵人奶，對媽媽心理健康係好定壞？2022年《婦女健康雜誌》...
13/04/2026

餵人奶餵到懷疑人生？唔好俾「母乳」成為無形嘅壓力🍼

過去十幾年，大家都成日聽「Breast is Best」，搞到好多新手媽媽覺得唔餵人奶就係唔盡責，無形中多咗個沉重嘅道德枷鎖

其實堅持餵人奶，對媽媽心理健康係好定壞？2022年《婦女健康雜誌》一份研究綜合咗全球55份文獻，得出一個好值得深思嘅結論📊：

🟢 餵得順利：的確可以促進母嬰連結，減低產後抑鬱風險
🔴 遇到困難：如果經歷塞奶、乳頭劇痛、奶量唔夠，或者同產前期望有好大落差，勉強堅持反而會顯著增加產後抑鬱同焦慮嘅風險

當媽媽因為餵哺困難感到極度挫敗同內疚，強求餵母乳帶嚟嘅心理創傷，隨時遠超母乳本身帶俾BB嘅生理益處。

醫學界嘅觀念都轉變緊——英國皇家助產士學院立場指出：媽媽決定餵唔餵母乳，都係個人選擇，必須受到尊重。重點已經由死板嘅「母乳至上」，轉向重視媽媽嘅心理健康同自主權。

💡醫療決策應該係「個人化」嘅。必要時，全力支持媽媽轉用配方奶粉或者「混合餵哺」(人奶+奶粉)，一樣可以養育出健康、聰明、快樂嘅BB👶🏻✨

照顧好自己嘅精神健康，先係俾BB最好、最珍貴嘅禮物🎁

#產後健康 #新手媽媽 #母乳餵哺 #育兒日記

今晚同太太去左睇孫燕姿演唱會佢除左唱歌、性格同正能量值得欣賞外我覺得佢係家庭計劃都好值得借鏡睇住台上嘅孫燕姿，我覺得佢真係完美示範咗咩叫出色嘅 Family Planning 同 Work-Life Balance。回顧佢嘅人生軌跡：佢22...
15/03/2026

今晚同太太去左睇孫燕姿演唱會
佢除左唱歌、性格同正能量值得欣賞外
我覺得佢係家庭計劃都好值得借鏡

睇住台上嘅孫燕姿，我覺得佢真係完美示範咗咩叫出色嘅 Family Planning 同 Work-Life Balance。

回顧佢嘅人生軌跡：佢22歲出道，將廿幾歲最黃金嘅青春同精力全部投入去打拼事業，奠定咗天后嘅地位。到咗32歲事業有成、穩定落嚟嘅時候，佢選擇步入婚姻，之後喺34歲同40歲分別生咗一仔一女。

為咗小朋友，佢好勇敢咁為事業撳低咗「暫停鍵」。喺仔女最需要媽媽陪伴嘅成長期，佢選擇減產，將重心轉移去家庭。到咗今日，一對仔女都開始大個（大仔已經十幾歲，細女都讀小學），佢又可以從容咁重返舞台，繼續發光發熱

好多事業型女性都會擔心生小朋友會令事業停滯。每個人嘅步伐都唔同，但孫燕姿嘅故事正好鼓勵緊大家：事業同家庭，從來都唔係絕對嘅單選題。只要規劃得宜，做個好媽媽同做個閃閃發光嘅女強人，絕對可以兼得！

希望大家係忙碌生活入邊都抽時間諗下自己人生嘅priority，搵到屬於自己嘅perfect balance，盡早計劃😊

#事業女性 #在職媽媽 #媽媽日常 #女性力量

順產小知識｜唔剪會陰，分娩會點？以前大家都覺得分娩時「剪一剪」會陰可以預防重撕裂，保護下身肌肉。 但近年醫學有更多證據，唔再建議一刀切全部都要剪——鼓勵按情況評估。咁，我哋香港嘅最新數據係點？📉 本地10年大型數據：剪少咗，撕裂率升啲！威...
11/03/2026

順產小知識｜唔剪會陰，分娩會點？

以前大家都覺得分娩時「剪一剪」會陰可以預防重撕裂，保護下身肌肉。
但近年醫學有更多證據，唔再建議一刀切全部都要剪——鼓勵按情況評估。

咁，我哋香港嘅最新數據係點？

📉 本地10年大型數據：剪少咗，撕裂率升啲！

威爾斯醫院2012-2021年43,000多宗單胎順產
- 會陰切開率由62.8%減到44.7%
- 嚴重會陰/肛門撕裂（OASIS）率由0.3%升到1.4%

⚠️ 唔同媽媽，唔同風險
- 首胎媽媽（自然分娩）
有剪：0.6% 無剪：1.7%
- 首胎要用儀器助產（真空/鉗）
有剪：1.7% 無剪：42.9%
- 生過一胎媽媽（自然分娩）
有剪：0.5% 無剪：0.3% （唔剪反而重撕裂更少）
- 經產要儀器助產
有剪：0.5% 無剪：23.5%

🔍 重點：點解要個別化？
減少唔必要醫療干預係好事，但實證見到——唔剪有時會升咗啲嚴重撕裂風險，尤其係首產媽媽或者要用儀器。不過經產媽媽正常分娩唔剪，重撕裂風險反而仲低。

💬 如果你對分娩有疑問，記得早啲問你嘅醫生，一齊度身訂造分娩計劃

Address

Hong Kong

Website

Alerts

Be the first to know and let us send you an email when 唐宇嶸醫生 - 順孕安產·香港婦產科及生殖醫學資訊專頁 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category