Jack On 運動與心理

Jack On 運動與心理 想喺呢道同大家傾下「體壇消息」、「運動心理」、 「訓練資訊」，全方位享受體育樂趣~

小編： #吳國佃 #曾健威
老編：

首先恭喜大佬B，上季畀人話唔識入波，今場一入就三粒！不過今晚 #曼聯 雖然贏波，但要解決嘅問題實在太多：正選四個後衛淨係得麥隊ok，新兵傷兵都未有態(特別係泰利文斯冇乜建豎)；對住升斑馬都要輸兩粒，睇嚟卡蛇有大把嘢要諗分分鐘好快佢嗰把濃密...
30/08/2026

首先恭喜大佬B，上季畀人話唔識入波，今場一入就三粒！

不過今晚 #曼聯 雖然贏波，但要解決嘅問題實在太多：正選四個後衛淨係得麥隊ok，新兵傷兵都未有態(特別係泰利文斯冇乜建豎)；對住升斑馬都要輸兩粒，睇嚟卡蛇有大把嘢要諗分分鐘好快佢嗰把濃密嘅頭髮就會變到好似保姆同埋馬莎咁。

#卡域克 #英超

一陣23：30 #曼聯 就會對今屆另一隊英超升班馬葉氏域治，唔知係咪為咗幫我哋曼重振聲威賽會諗住畀張好牌我曼上點知第一場就陰溝裡翻了船...今場就咁睇前中後三甲擺位都正路，希望卡蛇呢場就開始重拾上年復甦嘅正軌啦。 #阿摩廉喺嗰邊食住薄餅開...
30/08/2026

一陣23：30 #曼聯 就會對今屆另一隊英超升班馬葉氏域治，唔知係咪為咗幫我哋曼重振聲威賽會諗住畀張好牌我曼上點知第一場就陰溝裡翻了船...今場就咁睇前中後三甲擺位都正路，希望卡蛇呢場就開始重拾上年復甦嘅正軌啦。 #阿摩廉
喺嗰邊食住薄餅開貴贏兩場，卡蛇唔好衰畀人睇呀🙏🏻😔

#英超

呢一輪29年亞洲盃預賽三場分組香港隊已經贏出兩場，正式出線晉級今年第11月尾第二階段賽事。呢場波香港基本上大部分時間就係靠曾湛元，同佢有關嘅得分我都接近40分；但係贏出呢場比賽關鍵老編就覺得係好多位球員嘅hustle。防守補位、彪波、進攻籃...
30/08/2026

呢一輪29年亞洲盃預賽三場分組香港隊已經贏出兩場，正式出線晉級今年第11月尾第二階段賽事。呢場波香港基本上大部分時間就係靠曾湛元，同佢有關嘅得分我都接近40分；但係贏出呢場比賽關鍵老編就覺得係好多位球員嘅hustle。防守補位、彪波、進攻籃板、籃底干擾，呢啲就係自己入唔到波都唔好畀人贏嘅關鍵，往往數據睇唔到但係勝負關鍵就喺其中，所以今日邦邦、Ivan、阿卜、馬仔、阿征一定要讚。

另外讚唔落但係又吹唔脹嘅就係楊和，佢今日表現認真麻麻，但係會當對手追上嚟我哋一定要入嘅止血波佢又會搞得掂(下半場一球三分同Q4臨尾罰球線一球pull-up)；所以就算佢狀態再唔得都一定要預埋佢。

希望到第二階段嘅時候甲一開咗波佢哋都keep到狀態同唔好受傷啦。Duncan要快啲好返呀!

#香港籃球

香港隊暫時半場領先印尼16分形勢大好，曾湛元個人獨取18分勁，阿卜、馬港燊籃底震懾力加上阿征、Ivan嘅hustle都係統計數字反映唔到嘅貢獻，加油！贏波呀！支持 #香港籃球
30/08/2026

香港隊暫時半場領先印尼16分形勢大好，曾湛元個人獨取18分勁，阿卜、馬港燊籃底震懾力加上阿征、Ivan嘅hustle都係統計數字反映唔到嘅貢獻，加油！贏波呀！

支持 #香港籃球

如果香港呢場贏都印尼就搞掂喇，Duncan繼續因傷缺陣非常可惜，但上場開唔到齋今場逐任正選嘅Ricky一開波就入咗球三分，希望今日手風順啦。支持🔥🤝 #香港籃球
30/08/2026

如果香港呢場贏都印尼就搞掂喇，Duncan繼續因傷缺陣非常可惜，但上場開唔到齋今場逐任正選嘅Ricky一開波就入咗球三分，希望今日手風順啦。

支持🔥🤝 #香港籃球

經過上一場追分就比教練換走畀外間講到失曬威，今日大佬就返嚟射入致勝球喇。普遍傳媒今日唱好，有啲仲話41歲嘅C朗只係差22球就夠1000球，講到好似好容易咁，其實一個入廿球好多聯賽都做神射手囉。。。呢場波除咗C朗入波之外吸引到老編注意力嘅反而...
29/08/2026

經過上一場追分就比教練換走畀外間講到失曬威，今日大佬就返嚟射入致勝球喇。普遍傳媒今日唱好，有啲仲話41歲嘅C朗只係差22球就夠1000球，講到好似好容易咁，其實一個入廿球好多聯賽都做神射手囉。。。

呢場波除咗C朗入波之外吸引到老編注意力嘅反而係另外三樣嘢：

1. 如果艾納斯贏唔到C朗上半場接應唔到高文嘅橫傳射空門肯定係成為焦點；

2. 25歲仔葡萄牙國家隊嘅森美哥斯達，今季由馬略卡轉會過嚟已經入到第二球，咁fit咁當打嘅時候去享受足球兼搵真銀，相信會越嚟越普遍；

3. C朗門前剔入嗰球，原本佢唔掂個波司馬簡嘅遠射都似乎好大機會係會入嘅，如司馬簡嘅身體語言彷彿係對呢件事好震驚同不滿。如果自然反應未經過濾往往都係最真實嘅，唔知佢心裏面點諗球隊大佬嘅呢🫢？

今晚亞洲盃外圍賽開鑼，恭喜香港隊旗開得勝77:54擊敗馬來西亞！楊和繼續BCL嘅勇態19分領軍，重返香港隊嘅卜聿揚除咗染咗一頭金髮搶眼佢嘅表現都好搶鏡(13分8板2封)，即將登陸BLeague1嘅徐遠征就貢獻12分9扳。今晚老編教書要夜啲先...
28/08/2026

今晚亞洲盃外圍賽開鑼，恭喜香港隊旗開得勝77:54擊敗馬來西亞！楊和繼續BCL嘅勇態19分領軍，重返香港隊嘅卜聿揚除咗染咗一頭金髮搶眼佢嘅表現都好搶鏡(13分8板2封)，即將登陸BLeague1嘅徐遠征就貢獻12分9扳。今晚老編教書要夜啲先睇返重溫啦🙂，阿卜出去闖一闖返嚟好似好唔同喎，一陣睇下佢實際打成點先。

#香港籃球

【 求 #心理陰影 面積 】【 必然發生嘅事點可以冇 #心理預案 】一般如果C朗入波老編好快就會出post，但今次呢個情況唔係單純拍手慶祝，所以要多咗時間準備。首先想講下「心理陰影」。一向好勝心咁強嘅C朗喺球隊落後嘅時候畀人換走固然會受...
26/08/2026

【 求 #心理陰影 面積 】
【 必然發生嘅事點可以冇 #心理預案 】

一般如果C朗入波老編好快就會出post，但今次呢個情況唔係單純拍手慶祝，所以要多咗時間準備。

首先想講下「心理陰影」。一向好勝心咁強嘅C朗喺球隊落後嘅時候畀人換走固然會受打擊，但係呢位沙場老將自細就喺掙扎中成長，未必會因為一次教練覺得用其他人好過用佢就會有心理陰影。反而Bento自爆(香港嗰次)或者倒霉(上季尾二嗰場聯賽)基本上有睇過艾納斯嘅球迷都會知道，可能C朗見到佢守龍門會有心理陰影多過畀人換走。喺呢場波真正可能有心理陰影嘅應該係因Bento領紅牌而需要臨危授命嘅18歲門將Al-Otaibi(編譯:艾奥達比)：喺估唔到嘅情況底下突然要出場，仲要打少個兼夾失兩球明顯唔難救嘅射門；喺未有經驗同成績建立自信之前已經受咁大挫折(好彩最後贏波)，老編覺得佢嘅心理陰影面積肯定唔細。

要避免呢啲情況再次發生，老編認為全隊上下都一定要做定Bento舐嘢嘅「心理預案」。心理預案要應付嘅並唔係戰術或者技術上嘅挑戰，而係要預備定點樣應對某啲事件發生對心理狀態以致場上表現嘅負面影響。好明顯儘管艾奧達比係小將都總唔會技術同練習不足，打得咁差老編傾向覺得係因為上到場環境嘅壓迫感同震撼再疊加上失咗第一球波之後嘅負面情緒所致(失第二球更差更核突)。老編會建議艾奧達比透過心理預案養成一有嘢令到情緒波動就即刻做啲嘢stop/轉念/專心再努力嘅習慣，最好練埋每次出場都用有場景submodalities元素嘅visualization嚟做準備咁就更好；而最好當然係用埋ABC概念review構成心理陰影嘅belief啦(C朗都啱用㗎：review下係咪打少個要踢防反所以要靠文尼哨半場，就代表以後都唔需要我C朗呢?云云)。

大概半個鐘頭前 #安德拉 喺佢自己嘅個人ig官宣加盟蒙古聯賽MBL #科布多城獵鷹！之前佢去長沙老編仲以為佢會加盟長沙勇勝，點知原來去蒙古先係真，話唔定去長沙佢只係去睇下幫自己個牌子出衫嗰間廠 UNFAZED_ATHLETICS_sto...
22/08/2026

大概半個鐘頭前 #安德拉 喺佢自己嘅個人ig官宣加盟蒙古聯賽MBL #科布多城獵鷹！之前佢去長沙老編仲以為佢會加盟長沙勇勝，點知原來去蒙古先係真，話唔定去長沙佢只係去睇下幫自己個牌子出衫嗰間廠 UNFAZED_ATHLETICS_store_34 ，呃曬🤣 All the best Big Guy !!

對蒙古聯賽嘅認識唔多，淨係知道Simba喺嗰度打波，同啱啱完咗個BCL睇烏蘭巴托野馬。當時野馬同兩支台灣隊一樣都係要一路喺本地聯賽爭標一路應付BCL，所以都唔算睇得出佢哋嘅實力，如果香港波同佢哋嘅聯繫越嚟越多嘅話，遲啲真係要了解多啲先得喇。

#香港籃球

係咪有英超觀眾見到侯城半場領先曼聯2:0腦海已經開始浮現呢幅圖呢？開鑼第一場嘅頭半啫小編作為曼迷都未驚。唔係話以前試過反勝就呢場一定可以反勝所以盲目有信心，只不過兩球都輸傳中波，缺口咁明顯，有得跟進就唔係絕望啦。當Baleba都就嚟有her...
22/08/2026

係咪有英超觀眾見到侯城半場領先曼聯2:0腦海已經開始浮現呢幅圖呢？開鑼第一場嘅頭半啫小編作為曼迷都未驚。

唔係話以前試過反勝就呢場一定可以反勝所以盲目有信心，只不過兩球都輸傳中波，缺口咁明顯，有得跟進就唔係絕望啦。當Baleba都就嚟有here we go嘅時候，其實係咪要諗諗中堅同左閘先係最缺人嘅位？

#英超 #曼聯 #咪一鳩樣 ？？NO！

Address

Hong Kong

Telephone

+85267045995

Website

Alerts

Be the first to know and let us send you an email when Jack On 運動與心理 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Jack On 運動與心理:

Shortcuts

Share

Category