15/08/2026
當遲到一次又一次發生，我哋可能聽過好多建議：
「早啲起身咪得囉。」
「預鬆啲時間啦。」
「唔好臨出門先執嘢。」
道理可能明白，但真正做起上嚟，未必咁簡單。從心理學角度睇，反覆遲到背後，未必只有一個原因。
有時，面對一件令人焦慮或有壓力嘅事，我哋可能會不自覺拖慢出門嘅步伐；有時，我哋對時間流逝嘅感覺同實際時間有落差；亦有時，即使有過往經驗，我哋仍然會低估完成一件事真正需要幾耐。
可能你已經試過早啲起身，最後仍然遲到；
試過較鬧鐘，撳熄之後又繼續手頭上嘅事；
甚至每次遲到之後都好自責，提醒自己「下次一定唔可以再係咁」。
但下一次，相似嘅情況仍然可能出現。
呢個時候，比起再問自己：
「點解我仲未改到？」
或者可以慢慢轉一個角度去睇下 ：
「我通常喺邊度開始卡住？」
「嗰一刻嘅我，發生緊咩事？」
「有冇一啲我一直未留意到嘅需要或困難？」
而前一晚執袋、放低電話、實際計時等方法，都唔係一條「做咗就唔會再遲到」嘅公式。更重要嘅可能係，慢慢了解邊一種方法適合自己、邊一種唔適合，再一次次調整。
理解自己，往往比責怪自己，更能夠為改變帶來方向。但都要提醒自己： 改變有時會反覆，亦未必係一條直線。
如果你發現反覆遲到背後夾雜住好多壓力、自責，甚至開始影響日常生活，亦可以俾自己一個空間，慢慢整理背後發生緊咩事。
APPHK 輔導中心現提供 一次性心理諮詢，由輔導心理學家陪你探索及整理當下困擾，尋找更適合自己嘅方向。
📍 APPHK輔導中心｜上環
🌻 一次性心理諮詢・暑期限時優惠 $499
#心理學 #心理輔導 #輔導 #心理健康
