newlife330

31/07/2026

【與人聯繫｜學識「正向聆聽」，建立更有連結嘅溝通✨】

日常同家人、朋友、伴侶或者同事相處時，您有冇試過傾完之後先後悔：

「頭先應該咁講先啱……」

又或者，對方仲未講完，自己已經急住插嘴、解釋或者畀建議；有時一邊望住手機、一邊「hea應」，令對方感覺自己冇被好好聆聽？

其實，溝通都需要練習。

真正嘅聆聽，唔只係人喺度，個心都要喺度。透過「正向聆聽」，我哋可以暫時放低自己心入面嘅答案、判斷同反應，將注意力帶返去眼前嘅人，了解對方真正想表達嘅感受同需要。

不妨將以下溝通小方法融入日常，練習專注當下，先安頓自己，亦讓對方感到被聽見：

📱 對話前先放低手機
同屋企人、朋友、伴侶或者同事傾計時，可以先將手機放低，畀對方知道：呢一刻，我願意專心陪伴您。

😮‍💨 回應前先停一停
聆聽對方分享時，如果心入面開始急住解釋或者畀建議，可以先停一停、深呼吸，將注意力溫柔地帶返當下。確認自己理解對方想表達嘅意思，再作回應。

💬 專注眼前嘅人
嘗試留意對方嘅說話、語氣、表情同身體語言。好多時候，對方需要嘅未必係答案，而係一份不帶批判、願意陪伴嘅聆聽。

❤️ 先理解，再表達自己
您可以嘗試用自己嘅說話覆述對方嘅意思，例如：
「聽落您好似因為呢件事覺得好委屈，係咪？」

簡單嘅確認，可以減少誤會，亦讓對方知道自己嘅感受有被接住。

有研究發現，較專注嘅聆聽與更正面嘅人際互動及較高嘅關係滿意度有關。當我哋願意放低急於回應嘅衝動，先了解對方，彼此就更容易建立信任同連結。

✨由今日開始，不妨將正向聆聽融入生活。下一次同身邊人傾計時，試下少一點急於回答，多一點專心陪伴，好好照顧自己同身邊人❤️

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

26/07/2026

因颱風影響，原定今天 (7月26日) 在香港藝術館舉行的最後一場免費「靜觀呼吸體驗」活動取消，並不設補辦安排。

在這個天氣不穩的日子，希望您能繼續透過靜觀練習錄音，讓自己的內在感受片刻平靜。而相關錄音將開放至7月29日「園美生活──中外園林藝術」展覽結束當日，歡迎聆聽。

廣東話：https://hk.art.museum/tc/web/ma/exhibitions-and-events/mindful-breathing-experience.html
普通話：https://hk.art.museum/sc/web/ma/exhibitions-and-events/mindful-breathing-experience.html
英文：https://hk.art.museum/en/web/ma/exhibitions-and-events/mindful-breathing-experience.html

🔗 關於展覽詳請：https://hk.art.museum/tc/web/ma/exhibitions-and-events/blooming-the-art-of-gardens-in-east-and-west.html

#新生精神康復會 #香港藝術館 #好去處 #工作坊 #身心靈 #靜觀 #自然療癒

最後召集！ 📢26/7最後一場免費「靜觀呼吸體驗」

✨最近生活節奏太快，覺得喘不過氣？不如給自己一個空間，在香港藝術館的藝術氛圍中，一同放慢步調，透過身心練習重新連結當下，感受內在的寧靜與平衡。🧘

匯聚莫奈和張大千等中外大師真跡的「園美生活——中外園林藝術」展覽將於 7 月 29 日結束。展覽配套活動「靜觀呼吸體驗」的最後一場將於本周日舉行，歡迎大家前來參與這場結合「藝術與靜觀」的免費體驗！

📅體驗活動詳情請參閱帖圖
📣 無需報名｜活動前10分鐘開放入場

未能到場參與的人士，亦可聆聽我們的靜觀練習錄音📱，一起感受當下，找回內心的平靜與覺察。

廣東話：https://hk.art.museum/tc/web/ma/exhibitions-and-events/mindful-breathing-experience.html
普通話：https://hk.art.museum/sc/web/ma/exhibitions-and-events/mindful-breathing-experience.html
英文：https://hk.art.museum/en/web/ma/exhibitions-and-events/mindful-breathing-experience.html

🔗 更多詳請：https://hk.art.museum/tc/web/ma/exhibitions-and-events/blooming-the-art-of-gardens-in-east-and-west.html

#新生精神康復會 #香港藝術館 #好去處 #工作坊 #身心靈 #靜觀 #自然療癒

24/07/2026

【24/7齊齊自我關懷❤️】

7月24日係世界衞生組織訂立，每年一度嘅「國際自我關懷日」（International Self-Care Day）❤️，提醒大家喺每星期7日📅，每日24小時⏰，隨時隨地都要預留時間俾自己，好好咁關心自己，照顧自我精神健康。

⭐其實關心自己並唔需要大量時間，只需要將休息嘅項目，好好分配喺日常生活之中，甚至係用嚟「攝時間」都絕對無問題，例如曬吓太陽享受陽光🌞、嘆杯茶或咖啡，配合靜觀，幫助自己放鬆自然事半功倍🥰！

不妨參考以下呢個「自我關懷打卡表」，睇吓您今日照顧咗自己未啦：
✅靜觀一下
✅見字飲水
✅曬太陽
✅做運動
✅安排Me Time
✅與朋友聊天

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

21/07/2026

【認識身心靈｜睇完決賽，個人好似無晒寄托？⚽】

過去一個月，您係唔係都喺通頂、眼瞓、補眠之間不斷循環？

不過，隨住決賽落幕，突然唔使再追賽程，社交平台上嘅討論逐漸降溫，朋友同事之間亦好似少咗個共同話題。生活回復正常，反而令人覺得好似少咗啲趣味，甚至有少少空虛。

心理學及日常討論中，有人會將呢種感覺稱為「大型活動後失落感（post-event blues）」。當一段持續令人期待同投入嘅日子突然結束，生活節奏回復平常，情緒自然可能出現落差。

就好似旅行返到屋企、演唱會散場，或者一項籌備已久嘅活動結束後，明明一切順利完成，心入面卻突然有種「跟住落嚟做咩好？」嘅感覺。

過去一段時間，您可能一直期待下一場賽事，同朋友討論賽果，亦會為支持嘅球隊緊張、失望或者歡呼。您投入嘅，除咗比賽本身，仲有期待、參與感，以及同身邊人連結嘅時刻。

⚽ 所以，當決賽完結，令人失落嘅未必只係冇波睇，而係生活突然少咗一件每日值得期待嘅事。

面對呢份失落，唔需要急住迫自己立即「搵返目標」。不妨先讓身體休息，慢慢調整返作息，再想想世界盃為自己留下咗啲咩。

您可以試下：

✨ 問問自己：「過去一個月，最令我享受嘅係比賽、期待，定係同人一齊投入嘅感覺？」

✨ 將部分熱情帶入生活，例如相約朋友踢波、做運動、學習新事物，或者重新發展一直想試嘅興趣

✨ 繼續約朋友見面——唔一定要有球賽先可以相聚，重要嘅可能一直都係嗰份連結

✨ 為生活加入一個小小期待，例如一次聚會、一項挑戰，或者一件想完成嘅事

比賽總會完場，但球場上帶嚟嘅熱情、投入同連結，仍然可以延續落去🙌

#照顧身心靈

－－－－－－－－－－－－－－－－

🔍 三分鐘了解您嘅身心靈健康狀況：
https://wellbeingindex.dayday330.hk/330/home

📝 立即透過以下網站簽署dayday330約章，承諾每日抽時間進行「小休息」，好好照顧自己嘅身心靈：
https://dayday330.newlife330.hk/

📲 想體驗不同靜觀練習，可以下載「330」應用程式，為每日預留一份寧靜空間：
https://apple.co/42eOojo

20/07/2026

【把注意力，溫柔地放回身體裡✨】

現代人經常活喺思緒當中，成日忙住應付排山倒海嘅工作，又或者係思考過去、展望將來，好多時會忽略咗「當下」，更忽略忽略咗身體一直發出緊疲勞或者緊張嘅訊號。呢個時候，不如我哋一齊用短短一分鐘，幫自己做個「身體掃描（Body Scan）」，練習將注意力溫柔咁帶返返嚟當下，建立照顧自己嘅良好習慣。

其實正念（Mindfulness）並唔係「放空」或者「無念頭」，但其實最緊要嘅係：當您發現自己分心嗰陣，只需唔帶批判咁覺察，然後溫柔咁將注意力帶返去身體就可以㗎喇。根據正念減壓課程（MBSR）嘅研究指，培養呢種身體覺察（Body Awareness），唔單止可以幫您舒緩壓力、提升情緒調節能力，仲可以令您更早察覺到攰，及時照顧自己。

✨ 隨時隨地1分鐘「身體掃描」小練習
無論係喺辦公室、屋企，甚至係返工搭緊車，您都可以隨時隨地試吓呢個簡單練習：

Step 1️⃣：安頓自己
搵個舒服嘅姿勢坐低或者瞓低，調整一下呼吸，令自己定落嚟。

Step 2️⃣：專注頭部
閉上眼（或者眼神放鬆），深呼吸，將注意力先集中喺個頭。感受吓頭皮、眉心同埋下顎有無不自覺咁用力？試吓將佢哋放鬆。

Step 3️⃣：掃描身體
慢慢將注意力向下移動去身體軀幹。留意吓膊頭有無沉重感、呼吸嗰陣胸口嘅起伏，仲有背脊貼住凳或者床嘅感覺。

Step 4️⃣：延伸至四肢
最後，將意識延伸去雙手、雙腳，直至腳底板。感受吓佢哋嘅存在，只需如實觀察，唔需要特登追求咩感覺。

練習「身體掃描」嘅過程，其實係一次同自己重新連結嘅機會。只要持之以恆，您會發現自己可以更敏銳咁察覺到身體嘅訊號，喺壓力爆煲之前，就能夠俾自己最及時嘅陪伴。由今日開始，試吓俾自己 1 分鐘，將注意力溫柔咁放返入身體入面啦❤️

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

20/07/2026

最後召集！ 📢26/7最後一場免費「靜觀呼吸體驗」

✨最近生活節奏太快，覺得喘不過氣？不如給自己一個空間，在香港藝術館的藝術氛圍中，一同放慢步調，透過身心練習重新連結當下，感受內在的寧靜與平衡。🧘

匯聚莫奈和張大千等中外大師真跡的「園美生活——中外園林藝術」展覽將於 7 月 29 日結束。展覽配套活動「靜觀呼吸體驗」的最後一場將於本周日舉行，歡迎大家前來參與這場結合「藝術與靜觀」的免費體驗！

📅體驗活動詳情請參閱帖圖
📣 無需報名｜活動前10分鐘開放入場

未能到場參與的人士，亦可聆聽我們的靜觀練習錄音📱，一起感受當下，找回內心的平靜與覺察。

廣東話：https://hk.art.museum/tc/web/ma/exhibitions-and-events/mindful-breathing-experience.html
普通話：https://hk.art.museum/sc/web/ma/exhibitions-and-events/mindful-breathing-experience.html
英文：https://hk.art.museum/en/web/ma/exhibitions-and-events/mindful-breathing-experience.html

🔗 更多詳請：https://hk.art.museum/tc/web/ma/exhibitions-and-events/blooming-the-art-of-gardens-in-east-and-west.html

#新生精神康復會 #香港藝術館 #好去處 #工作坊 #身心靈 #靜觀 #自然療癒

18/07/2026

【認識身心靈｜一出街就忟憎？可能係「情緒中暑」☀️😮‍💨】

最近天氣熱到咩程度？就係您出門5分鐘，但啲汗會流足30分鐘；留喺室外就好似焗桑拿，行兩步路已經想發脾氣。咁嘅天氣之下，明明冇發生咩事，但個人就特別容易忟憎、冇耐性、想鬧人。如果您最近都係咁，可能係——「情緒中暑」☀️

「情緒中暑」唔係正式醫學診斷，而係形容高溫天氣下，身心都被熱力消耗嘅狀態；當天氣持續炎熱，身體需要花更多能量去調節體溫，所以心跳會加快、睡眠質素會下降，大腦亦更容易出現疲勞感。

結果就可能出現：
😤 容易煩躁
😮‍💨 做咩都冇心機
😫 專注力下降
😴 成日覺得攰
💢 小事都特別易嬲

有研究更加發現，高溫環境同壓力感、焦躁感及負面情緒增加有關。

🌿 當身體唔舒服，情緒自然都會受影響。

如果您最近成日「火氣大」，不妨試吓以下消暑方法：

💡 幫自己降溫，其實都係照顧緊情緒；
🥤 記得補充水分。唔好等口渴先飲水；
🌳 適當搵陰涼地方休息，畀身體有機會散熱；
😴 保持充足睡眠，天氣熱已經消耗好多能量，更需要休息；
🚶‍♀️ 避免最熱時段進行戶外活動，減少身體負擔；

#照顧身心靈
－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

16/07/2026

【認識身心靈｜通頂睇波為咗撐愛隊？更可能係想搶返一點自由！⚽🌙】

無論平時幾早瞓，遇上四年一度嘅世界盃，好多球迷都會選擇通頂睇波，支持自己鍾意嘅球隊。大家都知道，咁樣捱夜，第二朝可能會攰到懷疑人生，精神大打折扣。但有時候，我哋唔捨得去瞓，可能唔只係因為想睇波咁簡單。

🧠 近年常被提起嘅「報復性熬夜」（Revenge Bedtime Procrastination），講嘅係當一個人日頭大部分時間都被工作、責任、KPI 同各種壓力填滿，夜晚就會特別想搶返一點屬於自己嘅時間。即使已經好攰，都唔甘心就咁上床瞓覺，因為一瞓醒，第二朝又要重新投入忙碌生活。

當然，深夜睇世界盃未必完全等同報復性熬夜。畢竟賽事時間係固定嘅，球迷亦可能係有計劃地選擇觀看。但對唔少人嚟講，深夜賽事之所以吸引，可能唔只係因為足球本身，亦因為嗰一刻代表住：

⚽ 對比賽結果嘅期待；
⚽ 一段真正屬於自己嘅時間；
⚽ 可以暫時放低工作、身份同責任，純粹投入一件自己鍾意嘅事。

所以某程度上，您睇緊嘅未必只係一場足球賽，而係一種對自主感、投入感同生活空間嘅追求。

不過都要留意，如果長期靠捱夜去換取「自由感」，身體同情緒都可能慢慢透支。真正嘅自由，唔應該每次都要用睡眠嚟交換。

🌿 想照顧自己，可以試下：

✨ 每日預留 30 分鐘「真正屬於自己」嘅時間，唔一定要等到凌晨先開始生活；
✨ 睇波前先決定最遲幾點休息，幫自己定一條清晰界線；
✨ 第二日補充水分、曬少少太陽、做適量伸展或輕鬆活動，幫身體慢慢恢復節奏；
✨ 問下自己：「我係真係想睇波，定其實我太耐冇好好擁有自己嘅時間？」

有時候，我哋唔捨得去睡覺，唔係因為唔攰；而係因為喺忙碌生活入面，終於等到一段屬於自己嘅時光。

#照顧身心靈
－－－－－－－－－－－－－－－－
🔍三分鐘了解您嘅身心靈健康狀況： https://wellbeingindex.dayday330.hk/330/home

📝立即透過 https://dayday330.newlife330.hk/ 簽署 dayday330 約章，承諾每日抽時間進行「小休息」，好好照顧自己身心靈，了解更多健康資訊！

📲想體驗不同靜觀練習，可以下載「330」應用程式，為自己每一日都預留一份寧靜嘅空間： https://apple.co/42eOojo

16/07/2026

【☀️爸爸媽媽都需要放暑假】

📅暑假一到，對於家長嚟講，真係比起平時忙碌一百倍😵‍💫除咗要安排小朋友嘅行程、照顧佢哋三餐，更要忙碌工作、做家務，成日都無時停，好似永遠都無得休息咁，但其實家長們都要好好咁「放暑假」抖一下💪🏻

為咗照顧屋企，家長們好多時都會忽略咗自己，又或者會覺得太忙碌，而無視自己身體發出要求休息嘅訊號🛏️，搞到精神同身體都非常繃緊，其實只要每日喺小朋友活動嘅時候，例如午睡、睇圖書，又或係送咗佢地去參加興趣班時，抽少少時間去進行「Me Time」⏰，去嘆杯茶、飲杯咖啡，又或者純粹聽下歌、睇陣電視，做啲自己熱愛嘅事，甚至全程放空咩都唔做，都可以幫助自己放鬆一下㗎，抖一抖氣㗎🧘🏻‍♂️🧘🏻‍♀️

⭐時刻記住：要照顧好自己，先至有足夠嘅能量去照顧屋企人！各位家長記得喺暑假忙碌之餘，都要留時間同空間俾自己呀！加油❤️！

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

14/07/2026

【DSE 放榜日｜為努力過的自己喝采！🌟】

今日，係DSE 放榜日。

無論您即將展開大學生活、踏入職場，定係選擇另一條屬於自己嘅道路，都值得為自己鼓掌。

因為這一路走來，您克服過壓力、挑戰過自己，也堅持走到了今天。

放榜固然重要，但真正值得珍惜的，是您在這段旅程中學會了成長、堅持和勇敢面對未知。

今天，不妨為自己留一個 330 小休息：

💙 回想這一路走來，感謝一直努力沒有放棄的自己。
💙 帶著信心迎接下一個新開始。

請相信，每一段經歷都有它的價值，每一步前進都在塑造更好的自己。

祝願每一位 DSE 考生，都能帶著勇氣、信心和期待，迎接人生下一個精彩篇章。

✨ 今天不是終點，而是夢想的新起點。

#330小休息 #身心健康 #相信自己

－－－－－－－－－－－－－－－－
🔍三分鐘了解您嘅身心靈健康狀況： https://wellbeingindex.dayday330.hk/330/home

📝立即透過 https://dayday330.newlife330.hk/supportDay 簽署 dayday330 約章，承諾每日抽時間進行「小休息」，好好照顧自己身心靈，了解更多健康資訊！

📲想體驗不同靜觀練習，可以下載「330」應用程式，為自己每一日都預留一份寧靜嘅空間： https://apple.co/42eOojo