柴醫（李廣冀醫師）

08/09/2026

《去濕毒的老鼠湯》
披唇：柴醫，我皮膚濕疹濕度，煲什麼湯好？🤔
柴醫：介紹隻老鼠湯比你飲。😌
披唇：唔係掛？外賣有老鼠，連湯都有？😱😱😱
柴醫：係鑽地老鼠牛大力土茯苓豬骨湯啊，可清濕毒，對筋骨好！😆😆😆

06/09/2026

男披唇全身出疹，睇完醫生後話係濕疹，外塗類固醇和食抗敏藥，但一路發到全身都係。之後嚟睇柴醫，其實他是玫瑰糠疹，大約14日後就會達到病情高峰期，一般會發2-3個月就自然康復，食中藥可協助身體健脾祛濕，止癢退疹。

06/09/2026

今日天氣晴朗，適合和波友們一齊打波。今日第一球三分就入令柴醫信心大增，誰不知竟然可以連入三球！😆😆👍🏻👍🏻👍🏻之後幾場體力下降，準繩度亦恢復正常。希望下星期可以繼續天晴喇。

秋天就快到，但依然炎熱，濕疹人士有些好轉，有些加重，可能部分患者對天氣乾燥也相當敏感，記得注意保濕。🙇🏻‍♂️🙇🏻‍♂️🙇🏻‍♂️

04/09/2026

《比濕疹更痕的皮膚病！》
有一種皮膚病比濕疹更加痕，就係蕁麻疹。發咗起上嚟，嚴重的會呼吸困難，甚至有生命危險。最慘係難以確定發病原因，一旦發病，痕到無命！😵‍💫😵‍💫😵‍💫

這位女披唇7月15日開始發病，去政府西醫睇三次，去私家醫生睇一次，都無法控制痕癢，仲越來越痕，四肢紅腫風團痕癢難眠，連本來打算和朋友去旅行散心也取消埋，因為擔心食嘢會再加重病情。

後來有朋友介紹找到柴醫治療，一星期後明顯好轉，經過一個月的治療，完全臨床康復，皮光肉滑，避免了成為慢性蕁麻疹！👏🏻👏🏻👏🏻😃😃

#照片經披唇授權同意刊登

中醫博士，著作《快樂養心2》、《快樂養心》、《家湯》、《熱血中醫》、《女神好體質》、《祛濕密碼》。
希望把中醫知識、歡樂帶給大眾。

04/09/2026

柴醫漫畫有得睇喇，開心鬆一鬆，氣血更暢通！😆😆👏🏻👏🏻👏🏻👏🏻

04/09/2026

《長者有出無入》
獨居退休長者因為皮膚生粒嘢，擔心睇西醫要檢查，所以來睇柴醫。
長者：柴醫，我驚要睇西醫，檢查化驗，又要洗幾千蚊，我真係好大壓力。😫
柴醫：係啊，檢查唔便宜的。🤓
長者：你知啦，我哋退休長者，“有出無入”，大喇喇幾千蚊，真係肉赤。😔
柴醫：你放心，睇我只需幾百蚊，我保證你四個字。😎
長者：完全康復？🤔
柴醫：唔係，係“出入平安”，你平安入嚟，平安離開診所，保證唔會一頸血，咁就有出有入喇！😆😆
長者：比你激死！🤣🤣😃😃

03/09/2026

女披唇坐飛機耳朵痛，捏鼻鼓氣無效。柴醫教她拉耳朵，45度向下拉，同時張開口，這有助通暢耳咽管，平衡耳膜裡外的氣壓。女披唇表示這個柴醫小妙招好有效！👏🏻👏🏻😆😆😃😃

02/09/2026

《被稱讚了》
一位新症披唇説是我am730的讀者，問我為什麼不寫了。我説：無靈感了。
披唇笑笑口說：你會無靈感？你咁叻！
柴醫：我唔係講笑，我真係無靈感。

後記：柴醫被讀者讚叻，心情也覺得好了。奇怪，有幾多斤兩，自己知道，但當面被稱讚了，會沾沾自喜。是柴醫太耐無被讚叻，還是自信不足喜歡被誇獎？我也不清楚，你哋覺得呢？🤔

30/08/2026

柴醫集錦有得睇喇，星期六打完後，全身陽氣流注十二經脈，熱到不停流汗。回家洗澡後，汗液繼續流，但返工一定要穿著恤衫，吃完午飯後，真的汗流浹背。返到診所後，連候診的披唇都竊竊私語：哇，醫師濕曬啊。😳😳😳

28/08/2026

千金難買真頭髮，女披唇一年前因為脫髮量多，每日洗頭都一撮頭髮，心情真的唔好受。經過一年內服中藥調理，再加上針灸、養髮中心的頭皮護理，髮量終於見到有所改善，而每日脫髮量也減少到可接受水平，見到頭頂髮界有肉眼可見的改善，柴醫也替她感到開心！😃😃🫶🏻🫶🏻🫶🏻

中醫博士，著作《快樂養心2》、《快樂養心》、《家湯》、《熱血中醫》、《女神好體質》、《祛濕密碼》。
希望把中醫知識、歡樂帶給大眾。