28/07/2022
致我的獨角獸🦄️停業及停載通知
如無意外，這會是我最後一個在這專頁上載的貼文了，這個對我來說有點沉重，但打好文後，我卻鬆了口氣，今天是獅子座的新月，那就襯這天公佈這消息吧🌈
前排睇完Elva推介的unicorn store，故事講述一個女仔想領養一隻獨角獸，為領養獨角獸呢個過程做咗好多準備，終於去到最後可以領養到，但有多個領養者出現，最後佢將自己隻🦄🦄割愛，讓咗比另一個佢認為比自己更需要🦄🦄既人～
睇完呢個故事，我諗番水晶同身心靈曾經都令我覺得人生不可否缺，無咗我會渾身不對勁，唔順，唔work，我一定要緊緊捉住，無既話我人生會有好大缺口。
首先，水晶🔮當時既我一直都覺得水晶幫助到自己改變能量場，甚至有時出門唔記得帶，果日全日都覺得諸事不順。總括而言，曾經既我，真係認為，唔帶水晶，我會過得特別黑，又試過唔記得帶一日，果日真係特別唔順心，所以著迷時，左右手總會有各3-4條水晶喺手，全身前後帶住6-7條水晶不等😅（每條8-10mm的….嗯….🥲）我仲會記住唔同水晶既五行，如果當日想加強自己某方面既能量場，就配搭唔同既水晶。諗番起…真的人不瘋狂枉少年😂👣
慢慢到呢幾年，接觸好多唔同靈性工具，知道唔同調頻方法，知道水晶其實都只係其中一個調自己能量場既工具，而調頻最終目的都係想淨身淨心，所以近呢幾年都愈帶愈少～亦無再點買水晶～出街帶上手有時可能只帶1-2條
依家既我更加連水晶都唔帶了，並願意放下曾經好喜歡又令我十分著迷及著魔的玩具🫶🏻
至於晶洞嘛～昨日與友人說起，都決定將晶洞都送給她了❣️將獨角獸送給帶需要的人❣️
另一個係身心靈，呢個係我呢幾年學習咁多唔同既身心靈工具建立番尼比自己既信仰同寄托。佢教我探討什麼是愛，感受宇宙無條件既愛，找回善，了解慈悲法則及宇宙運行法則等等。
而停載及結業呢個決定，都考慮咗一段時間，甚至我諗兩個月前嘅自己，都絕對冇諗過會有呢一日發生。對我而言，是沉重的，畢竟New age也是這數年一直陪伴我走到今天，改變我三觀，我的思想及教我常帶份覺察及覺知。如果唔係入咗呢個圈我諗我會係更鬥贏，做事求果，用頭腦帶著負面情緒及帶著原生家庭的恨而活的軀殼。
讓我從事spritual起初是想把宇宙之愛宣揚開去，讓有需要的人都能感受到點光及神的大愛，黑暗中我仿如螢光蟲將天使及神的話語帶給他們，引領他們到較光的位置，繼續進行各自的旅途，讓他們感到仍有希望，故此成為光行者待服他人及世界。
放棄因為我覺得自己仍然未夠，呢段時間我不斷諗，我呢個肉身可以如何為呢個世界盡點綿力呢？我的定位又在那裡呢？我深究咗好一會，發現我答唔出呢d問題，或許我覺察力仍未夠高，仍需再好好沉澱內觀自己及再挖掘一下自己過往的傷跟自己和解及釋懷過去再好好想想定位。
人生就好似杯水咁，杯既容量不會變，我地只可定時將唔需要既水倒出，再注入新既水進去，人也不能永遠只抱著固有既東西，唯有放手，先可以讓自己更輕鬆及成長。況且我地都好少有d野由細到大都一樣咁喜歡呀～咁如果無任何野係不能放棄，何不放手清空令自己接納更多新既野💕為自己注入更多新既能量呢💟
放棄身心靈行業不代表不繼續修行，我仍會把自己學習過的工具繼續運用，幫助自己繼續保持覺知，活在光和愛中💕感謝在這裡遇過的所有人，感謝能與那個能讓我有這覺知的人相遇💕說不定某年某月某日我會重新開一個新ig，我相信緣份，如果到時緣份再讓我地相遇，那到時再見👋🏻
2015-2022but story never end💕
往後呢個專頁將會停載（但不會刪除專頁的）
有朋友想同我keep contact follow我近況，歡迎dm我將personal acc share比你地讓我地可繼續keep in touch💘（不過睇人🤪🙈）
最後一篇長文了，call me 散文家lmao
8月是小店經營7週年，沒想到連這IG也經不了七年之癢呀😹（誤🙊
祝福我們都能保持覺知，帶著光和愛活好每一天💕以善良的心和愛照顧好自己
最後，一切有為法 如夢幻浮生
外物有常 內悟常新 Namaste
歡迎下方留言分享你地曾經捉得好緊，覺得無咗唔得既人/事/物。有冇覺得放下反之更輕鬆呢❤️
