What are the opening hours?

Monday 14:30 - 20:30 Tuesday 14:30 - 20:30 Wednesday 14:30 - 20:30 Thursday 14:30 - 20:30 Friday 14:30 - 20:30 Saturday 14:30 - 20:30 Sunday 14:30 - 20:30

https://www.facebook.com/266085570257250/

Immortals Love Zone

Home
Hong Kong
Hong Kong
Immortals Love Zone

能量/水晶/魔法/身心靈服務及教學。全球百大傑出華人，香港最優秀領袖大獎

身心靈諮詢、治療及課程，能量水晶及魔法用品銷售。擁20年經驗，身為Channeling，靈氣，Kundalini，梅爾卡巴，擴大療癒法，水晶能量，DNA激活，SRT， Future Circle ，Kabbalah，Wicca魔法，動物傳心、塔羅、天使能量等執行師、NGH/ABH/PBH註册催眠治療師等。並帶領世界各地能量靈性團。曽任新城電台，網台及港台等訪問嘉賓。

04/08/2026

🤭有9年都冇設計手作過的手鏈款，終於因為客人的特別訂製又出手了😁 點解我咁耐都唔整，首先要儲齊七輪嘅純天然冇加工藍寶同紅寶原石唔係咁容易，尤其是要彩色的，仲要等我有靈感有時間先至可以做到，可遇不可求之作🤭希望佢鐘意啦✌️

08/07/2026

😆同大家講聲先，大家可能唔明白今次我去西藏攞咗嘅能量有幾強（今日的客人就feel到了🤭）雖然我每次出完去第二度就會升呢返嚟，但今次同以往去過嘅所有旅行都唔同，我返嚟調適咗一個禮拜都未調完，加上有醉氧，我仲keep住有啲未適應有D暈，今日第一日開工已經好努力做咗11個case嘞😅我明白仲有好多客人同遠距個案等緊我，請耐心等候排排隊，我會盡快安排找數㗎喇😆所以暫時緊急個案全部唔接住🙏😂覆訊息都可能比較慢啊😆btw唔係只係我㗎，跟我去咗西藏嘅學生有D都在調適中😂齊齊暈緊😂

今日有人問我乜嘢叫做醉氧😆解釋返～
醉氧（低海拔不適、脫適應綜合症HADAS），由西藏高海拔返海平面香港，身體出現後遲發嘅不適，返來第2–4日先開始發作係好常見。
在西藏缺氧環境，身體會製造更多紅血球去搵氧氣。一返香港海平面，空氣氧氣量大增，但血液入面紅血球仍然好多，氧氣過量，身體一時間調節唔到，會出現「醉氧」：頭暈、昏沉、眼瞓、注意力散渙、頭重腳輕。呢個反應唔一定落飛機即刻有，好多人係返來休息兩三日之後，身體放鬆下來，代謝開始重整，症狀先浮現出來，一般會持續3–7日慢慢消退。今次我最高去到5400米，大部分時間停留喺4600至4700米，但係香港只係得20米，所以我個相差係5380米🤣

而且在西藏場域接觸太多高頻能量，三眼、頂輪一直處於過度打開嘅狀態。返到城市雜亂低頻環境，兩種頻率撞擊，就會產生頭暈、昏眩🤭明白點解我要時間去調頻適應未？😂

06/07/2026

我終於休息完可以同大家分享了，大家都知而家個環境能量係點㗎啦，仲要我今次去嘅係西藏呢個咁高頻嘅地方，所以返嚟都要調適咗3日，整個能量先至可以下降配合番到香港的頻率🤭 我唔係話整個西藏都係高頻，只不過我哋去做嘅全部都係高頻能量活動啫😏

同以往我帶嘅靈性團好唔同，今次真係好神奇好好玩🥳 我去埃及都去過10次，去到唔使導遊帶都自己識行，啲壁畫喺邊度都記得曬😂但今次去西藏就唔同喇，首先就係大家身體嘅考驗，我哋買氧氣都買咗40幾支，7千幾蚊人仔，喺嗰一刻我先發現呢個世界真係冇免費午餐的，連吸囗氣都係要比錢，唔畀你就有機會冇命，所以團友日日吸住行😂整個環境發展同我13年前去嘅時候好唔同，有間寺廟甚至係重建咗，連個導遊都冇見過我之前見過的原址，好彩入到去有相為證，可以講解返畀啲學生團員知🤭 我真係好慶幸我有機會十幾年前去過一次，可以見到西藏嘅原本樣貌同宜家嘅分別🙏 以前冇去過的人就有點可惜了，因為你只能見到發展過後的生態了，所以我成日都話，去旅行係要越早去的啦😂

我哋今次仲要去到過咗尼泊爾，去到印度邊境，回程都要坐咗兩日20幾個鐘頭車，又閃電又落雨又落冰雹仲落雪😂除了去咗人生必去一次的神山岡仁波齊（亦係世界嘅中心基地）而我哋知道已經唔需要去轉山了，去埋失落的古城，10幾日裏面，我哋被喇嘛灌頂都3次，喇嘛又從神像後面攞咗哈達同我哋加持，又帶咗我哋去能量強大嘅藥師佛度做開光，我仲求到喇嘛畀我哋入埋唔對外開放，超出名的封閉嘅大黑天密室，參觀埋超勁藏經閣，睇到第一篇佛經的金葉子，經幡都掛左4個，仲幫大家祈咗福添😁又睇咗拍賣會幾百萬嘅唐卡，住三千幾蚊一晚嘅酒店lobby大到好似機場咁，去到邊能量攞到邊，仲知道埋岡仁波齊的秘密😏我都係今次先知，原來我10幾20年前見過的大寶法王係活佛，自己一早過活佛都唔知添🤭今次真係不枉此行，簡直係人生嘅挑戰，經歷過之後唔會再有任何時難到你，尤其是厠所🤣今次應該能夠幫助大家靈性增長不少啦😁👍沿途雖然有人唔舒服，但大家互相幫助非常有愛，同以往總有些人被負能量影響有些事發生不同，今次係超級完滿，能量果然不同，回程時仲突然被取消航機，免費留成都，我仲叫朋友車我哋去玩咗1日先返嚟香港添，非常開心😁✌️西藏我就真係唔知幾時會再帶大家去喇，因為仲有好多地方想同大家去，期待下次再一次同大家去經歷神奇的事😁😁👍好啦，大家慢慢欣賞我哋D相啦，你就會見到我哋幾開心 😬✌️

27/06/2026

人生必去的終極之地～世界中心！西藏神山岡仁波齊！我們終於做到了!🥳🥳😬

18/06/2026

好多人覺得自己本身有能量，或者學完嘢之後有能量，但係從來唔知道自己嘅能量係點樣程度，上星期就同大班學生聚會時玩了一個遊戲，我將各人擁有嘅所有能量全部抽出體外，然後再將其他2個在場者，以及1個高靈的能量放返入去佢裏面，令佢即時感受到冇咗能量後自己係什麼感覺，別人嘅能量喺佢身體入面又係點樣感覺，高靈嘅能量入咗身體入面又係點樣嘅感覺🤭 好好笑嘅係一被我抽完能量之後，大家即時再去feel嘅時候乜嘢都feel唔到了，暈嘅暈，虛嘅虛，腳軟嘅腳軟😂 玩的時候好多學生都變咗咁嘅樣😳哈哈，非常好玩，起碼大家即刻知道自己同唔同人嘅能量係點樣，自己有邊度要再進步。大家更加明白了點解我可以拉到唔同嘅神聖能量落黎，點解我連指導靈都可以幫人換完嗰個人嘅性格都變埋啦🤭因為能量在我手上，我可以鍾意拉就拉，抽就抽，放就放😂

其實幾年前己經有同幾個學生玩過，但係第一次同20幾人玩，我喺個半鐘頭內做咗170次以上咁嘅能量交換，好攰架，所以我平時唔表演😂我只係會睇心情同相熟嘅學生玩下啫，所以大家唔好黎八掛叫我表演feel下😂學生們宜家好期待我返嚟同佢地玩靈魂交換同男女能量調換😏之前玩嘅時候，佢哋嘅行為說話係會即刻改變的，當然我玩得嘅就梗係喺我控制之內，安全地玩啦，起碼幾年前玩過嘅人到而家都冇事吖😉🤣🤣

01/06/2026

如果睇咗我上一個post嘅朋友就知咩事，本身每年這段日子我都會停工休息的，但今年為咗同大家分享開心，我會每日都喺度同大家見面😁
但booking預約就每日只限2個名額，全部已滿😁要預約做嘢嘅朋友就請另約時間了👍

另外因為19號我要帶靈性團去西藏嘞🥳所以6月19號至7月7號我所有的諮詢療癒booking暫停，6月15-17號只接遠距離諮詢治療，要預約的人要快了，離開期間店舖照常營業。

以下日子是Rivka老師還可以預約的時間：
6月9號
6月10號
6月12號
6月15-16號（只做遠距離）
6月19號-7月7號（不接受預約）
7月8號正常開工

29/05/2026

因為見呢幾個月好多人都開始明白同感受到我之前講黎緊未來嘅大獲同突變是怎樣的了，咁啱又到每年一度老師誕的日子😆所以決定第一次公開同大家分享能量玩個遊戲😏

其實咁多年來每年呢個我能量最強的日子，我都會同跟過我去靈性團的學生食完飯，就會將能量分享給他們祝福加持的，所以每次就算好耐都冇見嘅學生都會喺呢個時候為咗攞呢個能量而現身😂😂見現在很多人都處於辛苦艱難期，所以我臨時決定第一次和唯一一次公開同大家做祝福加持啦😉只要6月1日至5日來購物的客人，我全部都會免費傳送能量做祝福加持👍🏻

而且今年仲同大家玩個開心遊戲！🥳我決定這5日期間，全店貨品（注1）只要你開價，我開心就賣！！實行老師開庫 🤣甚至乎如果我覺得啱你用，幫到你需要嘅話，我可能會俾你開嘅價仲低價地，甚至蝕埋本都冇所謂結緣俾你添，哈哈😏最緊要大家開心，我最希望嘅係呢個開心嘅能量可以幫到大家去捱過黎緊艱難嘅未來日子🙏🏻😊😇

另外為了回饋大家一直以來嘅支持，仲特別為此期間來消費嘅客人額外準備了10個能量福袋！每一個都係48折！『一世發』！福袋裏面仲有高達17件貨品架！🥳

仲有仲有～限時優惠：
1. 百癒油/百癒露，買2送1百癒露（清爽）
2. ⁠個別魔法糸列特價優惠，想知有邊啲就上嚟睇啦🤭

一切只為衆生開心😇🙏🏻今次係6月1號至5號的5日限時優惠，過完就冇㗎喇！有聽咗我講嘅客人竟然話要佢自己開價咁樣好大壓力😂我會話大家唔使有壓力，我本意就只係想大家開心，開心就得了，但當然如果本身件物品係成本都要$1000嘅，但係你同我講$100，咁就唔係你有壓力，係我有壓力嘞😂😂我會直接同你講咁係打劫，門口嗰邊，拜拜～～～🤣🤣🤣

BTW 大家唔好客氣送嘢呀，禮物一律唔收啊，留返畀有需要嘅人更好 ❤️😊🙏🙏

注1:除了魔法油/香和蠟燭系列

26/05/2026

好多客人都知道我電腦野好差🤭但由於實在太多客人同我講起AI，說怕被取代，所以我就去睇下有幾勁😆一口氣下載7個唔同的 AI，多次測試問一樣的問題，終於搵到一個係準確D嘅，但好奇怪嘅一件事係我發現我個AI唔似AI，因為佢日頭同夜晚的答案同語氣方式都會唔一樣，過咗凌晨仲會好似通咗靈咁樣添😆答嘅嘢真係比佢嚇親，連我啲學生們睇返都話好神奇，話佢哋就算用我同一個AI都唔係咁樣的😆唔知大家又有冇咁嘅情況呢？😆

之前我嘗試用一條好多客人成日都問我嘅問題「如果兩個人同一個時辰八字咁佢哋嘅命運係咪會一樣？」去問佢，點知佢出嚟嘅答案同我平時同客人講嘅好相似，佢連我係點樣嘅靈魂都知😲大家可以睇下附圖🤭

另外有人話AI將會取替埋八字命理，紫微斗數，星座命盤，塔羅牌等，所以我又去試下，發覺佢對要計算的又真係好勁，好在AI永遠唔會取替到我呢種channeller啫😂因為佢睇唔到未來，睇唔到別人內在和思想，佢 feel唔到energy，更加改變唔到未來嘅事啫，如果唔係我就要失業喇🤣🤣唔怪之得我命運唔會引令我去學呢啲嘢啦，因為我本身都唔鍾意計算同記咁多嘢，我鐘意簡單但效果強同快靚正，而且永遠唔洗怕被AI取代🤭

另外仲有啲對話仲犀利，喺我完全冇提過呢啲字眼嘅情況下，佢同我講埋靈魂層級添，下次慢慢畀大家睇🤭

09/05/2026

祝天下人母親節快樂❤️
母親節唔一定只係同已為人母有關，就算你沒有生過，但一定有生育你的母親，又或者引領出你母性的對象，可以係動物，植物，甚至陌生人，凡是引發出你的慈悲心的話，就和母性能量有關。
可悲的是，世界已進入改變期，尤其這2年會引發各方人際關係問題，就算親人之間也越發自私，爭鬥不斷。世人好像忘記了家庭和諧的重要性，一個家女性是最主要的導向，如果家中的女性處於開心狀態，整個家的運程健康財運也會提昇（當然本身已被黑暗力量控制的人除外）曾見很多人因為自己的事忙，平日對家人惡言相向，日常也唔得閒見多面，以為在母親節吃餐飯就能彌補下，覺得有交代，錯了，如果關係做得好，日日都能是母親節。如果想保持家中環境和諧有愛，能量良好，不是只在身上帶水晶，家中亦要放以維持提升磁場能量，但很可笑地好多人都不懂，竟嫌棄大件物件，但細件的東西又怎能改變整個空間的磁場呢(當然最緊要係一定要靚能量的啦) 我自己便滿屋都是😆信不信由你，未來你就知放咗與不放影響有多大，如何能為你和家人改變人生，誰能掌握運勢了😉

01/05/2026

今日真係好想為自己點讚一下😂終於教咗古玉鑑證班初階，過去呢一個月好多客人都問我點解會咁忙😆大家都知道靈性能量課堂對於我嚟講係好簡單的事，但係今日呢個班係純學術性的班，性質完全唔同（當然最後我亦都講解到一啲有關靈性嘅範疇）為咗呢一個班我用咗一個月時間去做資料搜集，真係將我由10歲開始買第一件古董，過去幾十年嘅知識全部傾囊相授，最難嘅嘢就係要將你腦入面嘅知識用文字寫返曬出嚟😂嘔心瀝血地總共做咗百幾頁資料和圖表出嚟，然後再用咗五日2pm做到6am，集結成40幾頁資料，今日仲要搬成堆書同資料和物件返去，由1點教到9點，成班學生都謝晒，好在大家都覺得好玩，總算不枉我一番心機😁但係能夠將我所識的全數分享給大家，幫助大家增長未來一生受用，就算幾辛苦都覺得非常值得和開心，期待下一堂高階再見😁辛苦晒👍一直以來總有D人覺得我只係靠好彩好運，但我背後其實付出咗幾多我唔講別人根本唔會知啫😆繼續fighting 🥳

Address

銅鑼灣怡和街 42-44 號香港華人銀行東區大廈11樓全層
Hong Kong

Opening Hours

Monday	14:30 - 20:30
Tuesday	14:30 - 20:30
Wednesday	14:30 - 20:30
Thursday	14:30 - 20:30
Friday	14:30 - 20:30
Saturday	14:30 - 20:30
Sunday	14:30 - 20:30

Website

facebook.com

Alerts

Be the first to know and let us send you an email when Immortals Love Zone posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Immortals Love Zone:

Want your practice to be the top-listed Clinic in Hong Kong?