10/09/2026
白露｜天氣漸涼，先調肺氣再潤肺
📖 節氣由來 《月令七十二候集解》：「露凝而白也。」 暑氣消退，夜間水汽凝成白露，天氣轉涼，進入仲秋。白露極富詩意，杜甫詩云：「露從今夜白」。
一、💡 白露養生核心：先調肺功能，唔好急住潤肺
好多人一講養肺就諗住潤肺補肺，但其實白露呢段時間，最要緊嘅係調理肺臟功能，等肺嘅宣發同肅降順暢咗，到深秋再潤一潤，就可以舒服過秋。
中醫稱肺為「華蓋」，位於五臟最高處，負責兩大工作：
✅ 宣發：將脾胃運化的水濕向上、向外輸送到全身，最終到達肌膚，皮膚先會潤澤 。
✅ 肅降：將身體代謝廢物向下輸送到腎，經小便排出體外。
👉 如果肺功能失調，水液就會滯留體內，容易胸悶、提唔上氣、咳嗽痰多、皮膚乾燥。所以白露首要任務：先順暢肺氣，再談潤燥。
二、🥣 白露食療｜白露粥：補益肺氣 選取當秋成熟食材，補肺氣、性溫和，大人長幼均可適量食用。
▪️ 材料：新鮮白果 7 顆（小朋友減半）、蓮子15g 、陳皮5g 、糯米100g。
▪️ 做法：
1. 白果去殼、果衣、內芯；蓮子、糯米冷水浸 1 小時（鮮蓮子無需浸泡） 。
2. 白果滾水焯 5 分鐘左右，除去苦澀 。
3. 白果先煮 30 分鐘，充分釋放營養 。
4. 放入其餘材料，煲至軟爛即可。
💫 食材功效：白果：《本草綱目》載「益肺氣，定咳嗽，縮小便」，酸澀收斂，補肺兼鎖住肺氣 。蓮子：健脾養胃，脾土生肺金，間接補肺。陳皮：理氣消滯，防肺氣鬱滯，令粥性平和。糯米：甘甜潤養，補益肺氣。
💡 揀料貼士 ▪️白果揀無斑點色澤光亮；搖動無響即果仁飽滿 ▪️白果功效強，務必久煮，成人 7 粒，兒童減量 ▪️蓮子帶芯可清熱，無上火可去芯。
三、 🧘♀️居家調理｜刮肺經，疏通肺氣
秋天調節肺功能，刮痧係不錯嘅方法，刮痧既可「通」亦可「補」，疏通肺經能夠幫助肺臟宣發肅降、排走濁氣、補足肺氣；平時容易咳嗽、氣喘、鼻塞嘅朋友，刮完肺經會有通暢舒適嘅感覺。
✅ 位置：手臂肺經，大致由胸前沿大姆指方向，到魚際穴、少商穴 ✅ 方法：塗上刮痧油（冇可以用精油或身體乳代替），由上往下輕刮，痛嘅地方稍為用力，出痧點就好 ✅ 頻率：刮完要隔 3-4 日先再刮。
💡 小提醒 ▪️ 推薦用木質刮痧板，觸感好，天涼時唔會凍 ▪️ 刮完飲一杯熱水，幫助邪氣排出 ▪️ 刮完唔好即刻沖涼，因為毛孔已經打開，濕寒好易入侵。
四、🍵 古人白露咁過｜應季養生習俗
白露時節已屬仲秋，雖然秋意漸濃容易悲秋，但都係欣賞美景、品嘗時鮮嘅好時節。
1. 飲白露茶 🍵 白露時節新摘的茶葉，經過春夏醞釀，有獨特味道。飲白露茶係應季行為，可以潤肺，防止秋燥傷身。
2. 食秋藕 🪷 白露一過，新鮮秋藕陸續上市。俗話說「荷蓮一身寶，秋藕最補人」。 ▪️ 生食：消瘀涼血、清熱止渴、開胃 ▪️ 熟食：健脾和胃、養心安神、通氣。
⚠️ 白露養生注意
切勿急於進食大量潤燥補品，優先調理肺功能；早晚天涼，注意肩背及肺部保暖，白果務必煮熟才可食用並控制好份量。
關心您的健康，方法總比困難多。💪
🏥地址：新蒲崗大有街1號勤達中心2F /208室 （港鐵鑽石山站 A2出口）
預約
☎電話：3486 7866
📱Whatsapp：6998 0066
#中醫
#天灸
#夏灸
＃冬灸
#養生保健
#新蒲崗
#黃大仙
#鑽石山
#啟德
#方藥
#針灸
#全科
＃跌打外敷
＃地道藥材
#濕疹
#牛皮癣
#皮膚
#婦科
