註冊營養師 Dietitian Vivian

22/04/2025

【營養師 #外食健康推介 ！】
想食得健康，但有時真係好難餐餐都自煮😣
✨今期有新搞作就係聯乘地捫 堅信號 設計咗一系列，又好食又健康嘅菜式； 幫大家試咗佢嘅湯底唔算太鹹，仲有蕃茄新鮮嘅甜味😆等大家出去食嘢多個選擇🥰 最驚喜係蕃茄小籠包🤩🤩 紅卜卜好盞鬼😆平時小籠包熱量高係源自於肥豬肉😈，今次用咗雞肉取替熱量會比起傳統小籠包⬇️50%!

不過都提堤大家，唔想攝取咁多鈉質就記得唔好飲湯喇 😎

今次主要食材都係用到蕃茄🍅
蕃茄中嘅茄紅素係超強抗氧化物，有助抵擋UV☀️對我哋皮膚嘅侵害，幫助修復皮膚！而當中嘅胡蘿蔔素仲可以轉化成維他命A對我哋眼睛👀同埋心臟💞健康都好有益處㗎！

食材方面，就有揀咗低脂肪高蛋白嘅雞蛋🥚雞絲🐓同埋牛冧肉🥩，佢哋都有豐富嘅維他命B可以改善疲勞問題，以牛肉更加係鐵質嘅來源啱晒女士💁🏻‍♀️
💡特別加入咗海帶幫大家補補纖維，佢嘅水溶性纖維亦有助增強飽肚感幫助控制食慾😌 當中嘅礦物質鈣鎂碘都有助維持骨骼心臟同甲狀腺健康💞

歡迎大家食咗同我分享下食評😆
➡️快啲分享俾屋企人同朋友仔啦

#註冊營養師 #減肥 #減重 #營養師 #卡路里 #熱量 #營養資訊 #外出飲食 #1對1營養咨詢 #食物安全 #食譜 #有營食譜

16/09/2024

25/04/2023

【👩🏻‍⚕️營養師推薦5大貼士預防嬰兒濕疹】 ! 嬰幼兒營養小教室👩🏻‍🏫

近日回南天氣，時冷時熱☀️，溫度同濕度嘅變化會令皮膚容易出現乾燥、紅腫、痕癢、敏感等問題，特別係皮膚屏障較弱嘅寶寶更容易被濕疹纏身💦。雖然濕疹唔會傳染，但又痕又痛，非常影響日常生活，所以係好多新手爸媽一大煩惱🤯，究竟有咩食物同小貼士可以 #預防濕疹 復發呢？

✎深海魚類
黃花魚、三文魚同倉魚都屬於油性魚類，含有豐富omega 3脂肪酸，有抗炎同滋潤皮膚嘅作用🐟。

✎益生菌
#益生菌 有助鞏固身體免疫系統，或有助減少突發濕疹同過敏反應⤵️。而乳酪、麵豉湯和泡菜都含有天然益生菌☝🏻，鼓勵交替進食不同牌子嘅乳酪，從中獲取唔同嘅益生菌。

✎富含槲皮素食物
槲皮素係一種抗氧化物同時有抗組織胺(敏感)嘅效能，減輕炎症，止痕止癢。菠菜、西蘭花🥦、蘋果🍎同藍莓🫐都含豐富槲皮素。

✎適度清潔皮膚
唔少人都覺得清潔不足係引起濕疹嘅原因，但其實過度清潔反而會令皮膚屏障受損，令表皮皮脂流失💦，導致肌膚更難鎖水，越來越乾燥。建議日常要用較為溫和嘅清潔產品，🙅🏻‍♀️避免大力擦拭皮膚，同時亦要避免水溫過高。

✎注意及時保濕
當皮膚持續出現乾燥而又缺乏保養，皮膚嘅含水量及鎖水能力就會下降⤵️，會導致甩皮、角質層變厚。清潔完皮膚後應及時用保濕乳液為皮膚補水🧴，吸收後再塗一層油霜狀的封閉性產品鎖住水分💧。

💡提提大家
千祈唔好因為患有濕疹而過分限制飲食🚫，因為咁樣有機會令營養素攝取不均衡又增加小朋友偏食問題👶🏻，反令濕疹更嚴重。各位爸爸媽媽可以耐心測試下小朋友有無對某種食物有過敏反應☝🏻或者考慮進行皮膚試驗或血液檢驗測試🩸有冇 #食物過敏 問題；如有，再諮詢註冊營養師整體改善飲食👩🏻‍⚕️，進食過敏食物嘅代替品，避免缺乏某類營養素。

嚟緊我會繼續為大家分享新手媽媽嘅常見問題，有興趣想知更多媽媽同BB健康資訊，記得緊貼我哋嘅營養小教室喇👩🏻‍🏫！

#註冊營養師 #孕婦飲食 #孕婦須知 #母嬰營養知識 #加固期 #營養師 #濕疹