康匯手法物理治療中心 United Manual Therapy Centre - HK

康匯手法物理治療中心 United Manual Therapy Centre - HK Rm 1101, 11/F., Central Commercial Tower, 736 Nathan Road, Mong Kok (Mong Kok MTR Exit B3)

旺角?

Rm 1101, 11/F., Central Commercial Tower, 736 Nathan Road, Mong Kok (Mong Kok MTR Exit B3)

旺角彌敦道736號中匯商業大廈11樓1101室 (旺角港鐵站B3出口)

Tel: 2504 1299

02/09/2026

［等睇醫生有感］
已經過咗50分鐘，仲等緊。

基本上醫生就係睇死你啲時間唔夠佢咁值錢先要你等，
如果李嘉誠去搵佢你估佢夠唔夠膽咁遲？

呻完。

p.s. 99.99%時間下我係唔使病人等我嘅

26/06/2026

［呻］好怕啲人食完煙先上來，一入門口已經成浸煙味攻埋嚟。本中心地方淺窄，佢一個人嘅三手煙搞到半個單位都有臭味。最慘係我同佢近距離接觸嗰陣，啲煙味嗱到我眼都澀埋，喉嚨又涸。

為本人健康著想，從今日起，一身煙味上到嚟嘅病人，本人會將埋身治療時間減到最少。自己都唔為自己健康著想，我都無謂咁上心了。

我好多謝每位轉介親朋前來求診嘅朋友，但可唔可以唔好R折扣？我諗介紹得朋友求診嘅，最主要係信得過對方醫得好，而唔係收得平吧，況且我就算加完價，都仲係俾人話平過出面。再者，唔好用自己冇保險去做理由叫我收平啲，除非你期望我對冇保險嘅病人會求其做。...
06/06/2026

我好多謝每位轉介親朋前來求診嘅朋友，但可唔可以唔好R折扣？

我諗介紹得朋友求診嘅，最主要係信得過對方醫得好，而唔係收得平吧，況且我就算加完價，都仲係俾人話平過出面。

再者，唔好用自己冇保險去做理由叫我收平啲，除非你期望我對冇保險嘅病人會求其做。

確實我有俾折扣少部份病人，但呢個係我接觸過該病人後因應各種原因主動提供嘅，而唔係見都未見過就折俾你。連病情都未問，我會點醫又冇問，一嚟就R折，呢啲係對我嘅侮辱。

［都係留返喺度講］呢間嘢嘅廣告之前都有feed過俾我，個所謂醫師輕佻古怪、資歷不詳，間嘢仲要喺髮型屋樓上閣樓...佢當自己係Saul Goodman!?近年坊間太多甚麼痛症中心魚目混珠，要分辨是否正規，只需要睇佢有冇講明自己係註冊物理治療師...
26/05/2026

［都係留返喺度講］呢間嘢嘅廣告之前都有feed過俾我，個所謂醫師輕佻古怪、資歷不詳，間嘢仲要喺髮型屋樓上閣樓...佢當自己係Saul Goodman!?

近年坊間太多甚麼痛症中心魚目混珠，要分辨是否正規，只需要睇佢有冇講明自己係註冊物理治療師或註冊中醫，同埋有冇喺處所當眼處展示相關牌照及執業證書就得。

[終於得閒打吓文] 間中會有肩頸痛病人提及，當症狀嚴重嘅時候，會感到喉嚨有嘢卡住，甚至連吞嚥都有困難。部份病人因此曾經向耳鼻喉科醫生求診，但又搵唔出有明顯毛病。 當排除咗內科問題，剩低嘅可能往往就係肌肉及關節。我哋前頸裡面，有一組好特別嘅肌...
24/04/2026

[終於得閒打吓文] 間中會有肩頸痛病人提及，當症狀嚴重嘅時候，會感到喉嚨有嘢卡住，甚至連吞嚥都有困難。部份病人因此曾經向耳鼻喉科醫生求診，但又搵唔出有明顯毛病。

當排除咗內科問題，剩低嘅可能往往就係肌肉及關節。我哋前頸裡面，有一組好特別嘅肌肉，叫「肩胛舌骨肌」（omohyoid）。肩胛舌骨肌分為上下兩部份，下半段由肩胛上端開始走向前頸，並於該處連接至一段肌腱，再由該肌腱演變為上半段肌肉，最終連接到下巴下面嘅舌骨（hyoid bone）。

不論係吞嚥或發聲，舌骨上面嘅肌肉都會將舌骨、喉頭（larynx）及與其相連嘅舌頭向上拉。而肩胛舌骨肌嘅主要功用，就係將上述嘅組織向下拉，並將其回復至原本嘅位置。

作為唯一一組直接由前頸連接到背後嘅肌肉，肩胛舌骨肌於正常情況下，係靠肩胛提供穩定嘅地基，從而作出上段提到將喉頭及舌骨向下拉嘅功能。

不過，如果我哋長期以圓肩、聳膊、突頦（即俗稱嘅「烏龜頸」）等不良姿勢進行電腦工作，肩胛舌骨肌會因應肩胛骨嘅不良位置而縮短並變得繃緊，如是者就有可能會將舌骨過份往下拉扯，造成不適，甚至吞嚥困難。

治療方法其實同一般肩頸痛無異，一樣係先處理好上背、肩胛及前胸嘅軟組織同埋關節，然後再處頸椎、下巴及牙骹嘅問題。當然最重要嘅，係指導病人正確嘅電腦姿勢、作息有序、與及定時進行復康運動。

［一年一度family trip］下星期三照常應診，如有查詢可whatsapp/signal 97996749, 謝謝
01/04/2026

［一年一度family trip］下星期三照常應診，如有查詢可whatsapp/signal 97996749, 謝謝

呢期完全冇時間打文，唯有post住啲病人回應先😅
26/03/2026

呢期完全冇時間打文，唯有post住啲病人回應先😅

17/03/2026

[衣食足而知榮辱]睇見threads上面嘅同行，不論係資深定係初畢業，都因為生意難做而互相攻擊、譴責、詆譭，就會好慶幸自己係出道於互聯網生態仲係比較純良嘅時代。

［歷史總是不斷重複］當年政府以物理治療需求將會增加為由，透過教資會建議理工大學增加物理治療學額，幾年間由每年不足一百人，加到我入讀嗰屆嘅150人。不幸香港經濟就係嗰幾年開始下滑，即使到我畢業嘅時候，有差不多20人因唔同嘅理由未能完成課業，剩...
13/03/2026

［歷史總是不斷重複］當年政府以物理治療需求將會增加為由，透過教資會建議理工大學增加物理治療學額，幾年間由每年不足一百人，加到我入讀嗰屆嘅150人。

不幸香港經濟就係嗰幾年開始下滑，即使到我畢業嘅時候，有差不多20人因唔同嘅理由未能完成課業，剩低嘅仍然有大部份未能進入政府（主要係醫管局轄下醫院）工作，有人轉投私人市場、有人轉戰海外工作、更有部份畢業後就轉行，未能學以致用。

如今情況更加嚴峻。大約十年前政府再次以相同理由，建議增加物理治療學額，提供物理治療培訓嘅院校由以往只限理大，增加至四所大學／專上學院，每年畢業生差不多翻倍，而海外畢業生回流執業嘅數字亦不斷增加。

不幸地，政府近年喺持續財赤下，開始削減用於醫療及社福界嘅預算，導致近一兩年嘅畢業生好多畢業即失業，甚至好多已經份屬中層嘅資深治療師，亦因為機構缺乏預算而不獲續約。

當年畢業生人數少，經濟亦算好快否極泰來；今日呢個殘局比當時更難解決，說好的“多咗畢業生可以一齊做大個餅”呢？

16/02/2026

歲晚收爐，初七啟市

祝大家身體健康，心想事成

Address

Room 1101, 11/F. , Central Commercial Tower, 736 Nathan Road, KLN (Mong Kok MTR Exit B3)
Mong Kok

Opening Hours

Monday 10:00 - 20:00
Tuesday 10:00 - 20:00
Wednesday 10:00 - 20:00
Thursday 10:00 - 20:00
Friday 10:00 - 20:00
Saturday 10:00 - 14:00

Telephone

+85225041299

Website

Alerts

Be the first to know and let us send you an email when 康匯手法物理治療中心 United Manual Therapy Centre - HK posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 康匯手法物理治療中心 United Manual Therapy Centre - HK:

Shortcuts

Share

Category