CHOICE 再思社區健康組織

CHOICE 再思社區健康組織 再思社區健康組織成立於2002年，是專注推廣疾病預防的非政府社會服務機構。我們一直致力推廣「促進健康、預防疾病」的訊息，鼓勵公眾加強對健康生活的認識，建立健康社區。

🥮【月亮下的我畫畫工作坊】：畫出屬於你的中秋故事🎨✨提到中秋節，你第一時間會諗起咩？ 係童年同屋企人玩燈籠嘅歡笑？ 係某一年同重要嘅人秘密過節嘅緊張？ 定係自己一個人睇住月亮、享受平靜嘅時光？對我哋嚟講，中秋嘅意義從來唔止一種。不論你嘅中秋...
10/09/2026

🥮【月亮下的我畫畫工作坊】：畫出屬於你的中秋故事🎨✨

提到中秋節，你第一時間會諗起咩？ 係童年同屋企人玩燈籠嘅歡笑？ 係某一年同重要嘅人秘密過節嘅緊張？ 定係自己一個人睇住月亮、享受平靜嘅時光？對我哋嚟講，中秋嘅意義從來唔止一種。不論你嘅中秋回憶係溫馨、孤單、抑或帶點微酸，呢啲都係組成今日嘅你嘅一部分。

喺呢個中秋前夕，我哋想邀請你嚟到一個安全、舒壓嘅空間，用顏料同畫筆，將屬於你嘅中秋記憶同情緒凝固喺畫布上面。無需任何繪畫底子！呢度冇評分，只有理解同陪伴，喺無壓力嘅氛圍下輕鬆交流 🥮今個中秋，無論你點過，呢度都有人陪住你 🌕💛

【月亮下的我畫畫工作坊】
日期：2026年9月22日（星期二）
時間：晚上19:00 - 21:00
地點：再思中心
對象：男同志
費用：免費
名額：8人
點擊 IG Bio 或連結報名：https://docs.google.com/forms/d/e/1FAIpQLSea_SI_ij8NHIykamV04Yei7Q6LEJJt9pJUmQfM-NZIdLhQUw/viewform?usp=dialog

-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：5544 5540 (CF輔導) / 5402 9299 (快速測試) / 5244 3296 (自助測試)
地址: 九龍旺角弼街9-15號恒利中心3樓302室
#再思社區健康組織 #保密

【玩得盡興點少得 L**e？三大常見潤滑劑特性拆解！💦】買 L**e 唔係見到就求其買！大家都知發生性行為（包括口交、陰道性交及肛交等），必須正確使用安全套和合適嘅潤滑劑，先可以減低感染性病及愛滋病嘅風險。但如果用錯 L**e 配搭，分分鐘...
09/09/2026

【玩得盡興點少得 L**e？三大常見潤滑劑特性拆解！💦】
買 L**e 唔係見到就求其買！大家都知發生性行為（包括口交、陰道性交及肛交等），必須正確使用安全套和合適嘅潤滑劑，先可以減低感染性病及愛滋病嘅風險。但如果用錯 L**e 配搭，分分鐘整爛過千蚊嘅心愛玩具，甚至搞到安全套穿窿染病 😱！
其實市面上嘅潤滑劑主要分做「水性」、「矽性」同「油性」3 大類。睇下上面比較圖，揀返最適合你嘅首選啦~📌 睇完記得 Save 低呢個 Post，下次買 L**e 就唔會再揀錯啦！
除咗做足安全措施，定期進行身體檢查同性病測試，先可以真正保障身體健康。如果你對性健康有任何疑問、想了解測試服務，隨時 DM 我哋傾吓啦 🫂！
本會為18歲或以上人士提供愛滋病病毒，梅毒，乙型肝炎和丙型肝炎快速測試，
所有測試均匿名、免費、保密，保障所有測試者的私隱。
另外，本會亦提供藥愛/CF輔導，有需要可以隨時找我們。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室

#再思社區健康組織 #愛滋病毒 #愛滋病 #愛滋 #再思社區健康組織 #保密

【 嗨完之後嘅寂寞感】Chem Fun完落嚟嗰種空虛，你今日經歷緊嗎？「嗰幾個鐘，我覺得自己好受歡迎、好被愛。但係當我Chill 完個陣、其他人走晒，返到自己間房，個世界靜到好似聽到自己心跳聲咁……嗰種嘅孤獨感，仲刺眼過日光。」你有依種落差...
04/09/2026

【 嗨完之後嘅寂寞感】

Chem Fun完落嚟嗰種空虛，你今日經歷緊嗎？「嗰幾個鐘，我覺得自己好受歡迎、好被愛。但係當我Chill 完個陣、其他人走晒，返到自己間房，個世界靜到好似聽到自己心跳聲咁……嗰種嘅孤獨感，仲刺眼過日光。」

你有依種落差其實好正常，因為化學物質已經幫你一口氣用晒體內嘅多巴胺，融雪嗰陣，心情會跌落谷底、焦慮、突然想喊，唔係因為你弱，而係你嘅身體提醒緊你：「我好攰啦。」

如果你依家正處於依種狀態，試吓幫自己做呢幾件事，睇下有冇舒服啲
1. 飲一杯暖水或者食少少嘢，就算冇胃口，飲少少湯都好。
2. 換一套舒服嘅睡衣，聽啲平靜啲嘅歌，比自己冷靜左落黎先。
3. 唔好迫自己即刻諗「未來」，照顧好依一刻嘅身體先﹏

再思想同你講：我哋唔會批判你嘅選擇，但心疼你嘅難過。 如果你覺得落差大到承受唔住，或者想搵個人陪你講吓心事，我哋一直喺度。DM我哋傾吓呀，你唔需要一個人硬撐，比一個機會我地陪你一齊行下。

-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund
#愛滋病病毒 #愛滋病 #愛滋 #再思社區健康組織 #保密 #禁毒 #禁毒處 #禁毒基金 #禁毒基金會資助

【約 Fun 完秒速著褲走人？其實可以有個 Aftercare 先！🛌✨】有無試過完事後，對方或者自己急急腳著衫走人，或者喺到玩電話，氣氛就會突然降到冰點 🥶？好多朋友約 Fun 之後，就會上演內心小劇場：「完事傾偈會唔會好 Kam？」、「...
02/09/2026

【約 Fun 完秒速著褲走人？其實可以有個 Aftercare 先！🛌✨】
有無試過完事後，對方或者自己急急腳著衫走人，或者喺到玩電話，氣氛就會突然降到冰點 🥶？好多朋友約 Fun 之後，就會上演內心小劇場：「完事傾偈會唔會好 Kam？」、「攬吓佢會唔會令佢以為我想 拍拖？」為咗避免「沉船」誤會，好多人選擇保持距離，結果反而令對方感到莫名的空虛同難受 🌧️。

其實高潮過後，大腦嘅「快樂荷爾蒙」會急跌，身體同情緒都需要時間回落。呢個時候嘅 事後護理 (又叫Aftercare) ，唔一定等於浪漫承諾，佢只係一個必要嘅緩衝期，亦係激情後成人之間最基本嘅風度！做 Aftercare 唔使諗到要一齊食飯或者傾心事咁複雜。比杯水 💧、輕輕摸下、或者簡單問句「頭先 OK 嗎？有冇唔舒服？」，已經足夠令雙方由激情順利過渡，感覺到尊重。 做個有風度嘅 Partner，下次試吓比大家一個aftercare啦！

如果你喺交友、性健康、或者關係上面有任何疑難，甚至純粹想搵人聽你呻吓，隨時都可以 DM 我哋！再思嘅社工同輔導員喺度陪住你 🫂，關心你身心需要。如果你擔心自己身體情況，我哋仲有測試~

本會為18歲或以上人士提供愛滋病病毒，梅毒，乙型肝炎和丙型肝炎快速測試，
所有測試均匿名、免費、保密，保障所有測試者的私隱。
另外，本會亦提供藥愛/CF輔導，有需要可以隨時找我們。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室

#再思社區健康組織 #愛滋病毒 #愛滋病 #愛滋 #再思社區健康組織 #保密

【「我驚同屋企人講，驚畀人標籤」】好多有Chem fun習慣嘅朋友最怕就係「畀人知」→畀朋友疏遠、畀屋企人失望、畀同事睇唔起。但係你知唔知？其實你唔講，個問題只會越滾越大；只要你肯講，件事先會有轉機。我哋提供100%保密輔導，連你真名都可以...
31/08/2026

【「我驚同屋企人講，驚畀人標籤」】

好多有Chem fun習慣嘅朋友最怕就係「畀人知」→畀朋友疏遠、畀屋企人失望、畀同事睇唔起。但係你知唔知？其實你唔講，個問題只會越滾越大；只要你肯講，件事先會有轉機。

我哋提供100%保密輔導，連你真名都可以唔使畀，輔導員同你傾偈嘅內容絕對唔會外洩。試過先知，原來講出嚟之後，塊石頭真係放低咗。今日開始，不如試下畀自己一個機會好唔好？

-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund
#愛滋病病毒 #愛滋病 #愛滋 #再思社區健康組織 #保密 #禁毒 #禁毒處 #禁毒基金 #禁毒基金會資助

【「冇咗佢，我好似唔識同人有連結？」—— 傾吓 Chem 以外的親密感 💬】你有沒有試過依個感覺？ 清醒嘅時候，世界好像開了「靜音mode」同「灰階mode」咁，身邊嘅人都緊「正常」嘅生活，返工、放工、見朋友……但自己就好似覺得自己融入唔到...
28/08/2026

【「冇咗佢，我好似唔識同人有連結？」—— 傾吓 Chem 以外的親密感 💬】

你有沒有試過依個感覺？ 清醒嘅時候，世界好像開了「靜音mode」同「灰階mode」咁，身邊嘅人都緊「正常」嘅生活，返工、放工、見朋友……但自己就好似覺得自己融入唔到咁，同所有人之間都好似隔著一塊好厚嘅玻璃咁，社交都覺得好大壓力，硬係要迎合人地嘅期望，覺得好攰。只有係個一間房到、係個一陣煙、或者個啲水有藥效之後， 個世界先有番色彩同溫度。

係個段Chill 緊同放鬆嘅時間入面，你覺得自己終於放底咗武裝，可以好赤裸、好坦白，同平時唔敢接近嘅人擁抱、傾計、甚至發生埋親密關係。係個一刻，你覺得自己係被看見、被接納、被愛嘅。但係當音樂停咗、藥效退咗、大家各自著返衫走人嘅時候…… 嗰種排山倒海嘅孤獨感，其實仲大。 你開始問自己：如果冇咗呢樣嘢，係咪就唔配得到愛？係咪就唔識再同人連結？

但我想同你講，有呢種掙扎，其實真係好正常，你並唔孤單，我地每一個人，生來都渴望同人有深度的連結，渴望被愛、被擁抱。只係有時候，現實生活太沉重、受過嘅傷太多，我們先需要借助一啲工具去幫自己開一扇窗。依個唔係你嘅錯，你都唔係一個壞人或失敗者。

我知道，係好多時候想揾人傾下，但係又驚身邊嘅朋友唔理解自己，更驚被啲唔熟嘅人訓話、judge自己嘅生活方式。如果你依家正處於Come-down嘅空虛入面或者只係睇著電話，覺得個心好似空左咁，想搵個人傾下……我地喺度。

-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund
#愛滋病病毒 #愛滋病 #愛滋 #再思社區健康組織 #保密 #禁毒 #禁毒處 #禁毒基金 #禁毒基金會資助

【healthy s*x = enjoyable s*x】街頭快閃玩遊戲・學揀套！🥒✨【保護自己揀邊套】我地又嚟啦！啪啪啪之前，你有冇諗過——你同你嘅伴侶有冇揀啱套？唔係揀顏色🎨、唔係揀味道👅而係揀啱size、質量、安全標準我地準備左一個青...
27/08/2026

【healthy s*x = enjoyable s*x】街頭快閃玩遊戲・學揀套！🥒✨
【保護自己揀邊套】我地又嚟啦！

啪啪啪之前，你有冇諗過——
你同你嘅伴侶有冇揀啱套？

唔係揀顏色🎨、唔係揀味道👅
而係揀啱size、質量、安全標準

我地準備左一個青瓜套套配對遊戲
Text下你揀唔揀得啱👍
我地仲有簡單嘅性健康知識問答，玩完會有專人會即刻同你解說，踢爆常見迷思
仲會介紹埋我哋嘅免費快速測試服務，有興趣都可以即場了解同預約㗎～
想知自己有冇風險，同點樣「玩得開心又放心」？過嚟捉住我哋啦！😆💪

時間：28/8 19:00-21:00
地點：蘭桂坊

🎯 密切留意我哋 Story！
💬 約埋 friend 一齊嚟挑戰，性健康知識人人都要識～

----------------------------------------------
再思專注推廣疾病預防的非政府社會服務機構
免費提供性健康資訊、測試及輔導服務
📞如有疑問歡迎致電：3188 9024
📣四合一快速測試服務（愛滋病病毒 / 梅毒 / 乙型肝炎 / 丙型肝炎）
Whatsapp: 5402 9299
🏠愛滋病病毒自助測試服務
Whatsapp:5244 3296
🌈濫藥CF輔導
Whatsapp: 5544 5540
地址：九龍旺角弼街9-15號恒利中心3樓302室
#再思社區健康組織 #愛滋病毒 ＃愛滋病 ＃愛滋 #再思社區健康組織
=EnjoyableSex
#性健康 #安全套知識
#街頭快閃 #青瓜挑戰 #性教育 #香港青年

#玩得放心 #性行為要戴套 #我哋喺街頭等緊你

在生活中，你是追求痛苦還是追求快樂的個體?人類行為的核心動機，往往圍繞著「追求快樂」與「逃避痛苦」。正如飢餓時進食會帶來滿足，而當手指觸碰到沸水時，劇烈的痛楚會驅使我們立刻縮手。在繁華的城市裡，感官享受無處不在：從視覺衝擊的電影、轟炸味蕾的...
26/08/2026

在生活中，你是追求痛苦還是追求快樂的個體?

人類行為的核心動機，往往圍繞著「追求快樂」與「逃避痛苦」。正如飢餓時進食會帶來滿足，而當手指觸碰到沸水時，劇烈的痛楚會驅使我們立刻縮手。在繁華的城市裡，感官享受無處不在：從視覺衝擊的電影、轟炸味蕾的餐廳美食，到讓人盡情狂歡的酒吧與派對，都源源不絕地為我們提供快樂。

然而，你是否也曾體驗過狂歡過後的莫名失落？心理學上的「享樂適應（Hedonic Adaptation）」正正解釋了這個現象：當我們經歷快樂的事情一段時間後，大腦便會漸漸習慣，心理狀態也會悄悄恢復到原本的平常水平。因此，無論是購物、戀愛、升職，甚至是大發橫財，當初的雀躍與興奮終究會歸於平淡，無法讓我們感到持久的幸福。

由此可見，快樂往往稍縱即逝，難以捕捉。如果你很喜歡吃炸雞，一但變成天天都吃，那份滿足感就會逐漸遞減，直到最後麻木無感。這正是快樂的弔詭之處：我們越是刻意追求，往往越難真正擁有。
但是，我制止不到自己追求快樂的行為...

你有否經歷過存在空虛感? 存在空虛感是指在我們的生存問題(包括飢餓、住所、疾病)被滿足了後，反而被推向自由的深淵 ，不知自己為何而活。當內心缺乏核心意義時， 現代人往往會試圖用消費、刷短影音、瘋狂追逐即時快樂來填補那個黑洞。 然而，感官刺激就像望梅止渴，短暫的快感退去後，隨之而來的是更深層的虛無與無意義感。

不去追求快樂，難道就要追求痛苦嗎?

其實，不去追求表面的快樂，絕非意味著我們要自虐地去追求痛苦，而是追求延遲享樂更能為我們帶來長遠並且實在的滿足感和意義感。那些真正讓我們感到生命豐盈的事物，往往藏在不易達到的目標背後。在跨出舒適圈、向前奔跑的過程中，我們必定會經歷流汗、迷茫與忍耐的時刻。 但正是這些短暫的「痛」，讓最終抵達的甜顯得無可替代。在這個過程中，你經歷的每一次堅持，都在重塑你的自我效能感。你會驚喜地發現：「原來我比想像中更強大，原來我可以掌控自己的方向。」這種由內而生的力量，遠比滑手機、吃炸雞帶來的多巴胺更加踏實。它讓你不再害怕生活的無常，因為你已經在有意義的忍耐中，拼湊出了一個更完整、更堅韌的自我。

-------------------------------------------
再思專注推廣疾病預防的非政府社會服務機構
免費提供性健康資訊、測試及輔導服務
📞如有疑問歡迎致電：3188 9024

📣四合一快速測試服務（愛滋病病毒/梅毒/乙型肝炎/丙型肝炎）
Whatsapp：5402 9299

🏠愛滋病病毒自助測試服務
Whatsapp：5244 3296

🌈濫藥CF輔導
Whatsapp：5544 5540

地址: 九龍旺角弼街9-15號恒利中心3樓302室
#世界肝炎日 #肝臟健康 #乙型肝炎 #丙型肝炎
#再思社區健康組織 #愛滋病毒 #愛滋病 #愛滋 #再思社區健康組織 #保密

有某平台收到某局警告，將日本動畫《尼古喵喵》喺香港區下架，即刻引起網上一陣熱烈討論 👀最近。📺 呢部作品講述一隻有極度煙癮嘅貓娘，為咗食煙過住極度頹廢、甚至極嘔心嘅生活。雖然動畫用誇張搞笑嘅手法去畫，但其實佢呈現咗好多成癮者最真實嘅日常掙扎...
25/08/2026

有某平台收到某局警告，將日本動畫《尼古喵喵》喺香港區下架，即刻引起網上一陣熱烈討論 👀最近。

📺 呢部作品講述一隻有極度煙癮嘅貓娘，為咗食煙過住極度頹廢、甚至極嘔心嘅生活。雖然動畫用誇張搞笑嘅手法去畫，但其實佢呈現咗好多成癮者最真實嘅日常掙扎。窮到燶都要R錢買、斷癮嗰陣會發癲、同埋對自己嘅生活完全失去控制。
👀 當大眾嘅焦點都放曬喺「呢部動畫會唔會教壞人去食煙」嗰陣，我哋不如退一步，換個角度諗吓，究竟點解一個人（或者一個貓娘），會需要對某種物質產生咁極端嘅依賴？

👉 上癮，係「結果」，唔係「原因」。 好多時，成癮行為嘅背後，其實收埋咗當事人處理唔到嘅情緒、巨大嘅生活壓力、過往嘅創傷，又或者純粹係一種講唔出口嘅孤獨感。物質（無論係煙、酒、藥物，甚至係一段有毒嘅關係），往往成為咗佢哋逃避痛苦、尋求短暫安慰嘅寄託。

👉 其實，我哋每個人都有唔同程度嘅「癮」 有人依賴尼古丁，有人依賴每日三杯珍奶，有人依賴AI短劇，甚至有人依賴CF。雖然程度唔同，但背後嗰種想搵個出口、心裡想有安全感嘅心理機制，其實非常相似。

🐈 與其用單一批判嘅眼光去標籤有癮嘅人就係廢、教壞人，不如試吓去理解佢哋，更重要係去理解一下自己。問一句「你最近係咪頂住好大壓力？你需要嘅，究竟係要止癮，定係真正嘅關心同陪伴？」

喺再思，我哋相信每一個行為背後都有佢嘅故事。如果你或者你身邊嘅人，正因為成癮問題而覺得好痛苦、好掙扎，請記住，尋求協助絕對唔係一件羞恥嘅事🫂。

💬 留言話畀我哋知：大家又有啲咩精神寄託？
-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund
#愛滋病病毒 #愛滋病 #愛滋 #再思社區健康組織 #保密 #禁毒 #禁毒處 #禁毒基金 #禁毒基金會資助

由8月開始嚟再思接受四合一快速測試或領取自助測試包即送50ML潤滑劑一支*💡 四合一快速測試：我哋提供全方位、高效、同埋專業嘅測試服務，可以一次過同你驗晒：1️⃣ 愛滋病病毒 (HIV)2️⃣ 梅毒 (Syphilis)3️⃣ 乙型肝炎 (...
17/08/2026

由8月開始嚟再思接受四合一快速測試或領取自助測試包即送50ML潤滑劑一支*

💡 四合一快速測試：
我哋提供全方位、高效、同埋專業嘅測試服務，可以一次過同你驗晒：
1️⃣ 愛滋病病毒 (HIV)
2️⃣ 梅毒 (Syphilis)
3️⃣ 乙型肝炎 (Hepatitis B)
4️⃣ 丙型肝炎 (Hepatitis C)🔒

不論你之前經歷過啲咩、個故事有幾複雜，喺我哋呢度，會尊重同理解：
全匿名制：唔使俾真名，完全密實，保障你嘅私隱。
完全免費：所有服務冇任何收費。
高度保密：獨立測試房，專業測試員一對一陪住你、同你一齊面對。

唔好再俾恐懼同猜忌做你人生嘅導演喇。
主動啲過嚟，一齊打破呢場困擾你咁耐嘅擔憂，攞返自己身體同未來嘅話事權！
快啲Call 3188 9024 或者whatsapp 5402 9299預約做測試啦！

💡家居HIV自助測試：
1️⃣ 愛滋病病毒 (HIV)

怕醜唔想上中心，都得！有自助測試幫到你！
快啲whatsapp 5244 3296預約領取自助測試包啦！

*數量有限,送完即止
*只限18歲或以上男同志人士
*領取者必須3個月內未曾在本中心進行測試
-------------------------------------------
再思專注推廣疾病預防的非政府社會服務機構
免費提供性健康資訊、測試及輔導服務
📞如有疑問歡迎致電：3188 9024

📣四合一快速測試服務（愛滋病病毒/梅毒/乙型肝炎/丙型肝炎）
Whatsapp：5402 9299

🏠愛滋病病毒自助測試服務
Whatsapp：5244 3296

🌈濫藥CF輔導
Whatsapp：5544 5540

地址: 九龍旺角弼街9-15號恒利中心3樓302室
#再思社區健康組織 #愛滋病毒 #愛滋病 #愛滋 #再思社區健康組織 #保密

Address

旺角弼街9-15號恒利中心302室
Mong Kok

Opening Hours

Monday 09:30 - 17:30
Tuesday 09:30 - 21:30
Wednesday 09:30 - 17:30
Thursday 09:30 - 21:30
Friday 09:30 - 17:30
Saturday 09:30 - 17:30

Telephone

3188 9024

Website

Alerts

Be the first to know and let us send you an email when CHOICE 再思社區健康組織 posts news and promotions. Your email address will not be used for any other purpose, and you can unsubscribe at any time.

Shortcuts

Share