11/09/2026
「我情緒穩定咗，亦減少與其他人發生衝突🌈」
我好想分享一下，在臨床心理學家饒姑娘 Ms Venus 的陪伴和引導下，我在情緒、行為控制同埋社交方面的轉變同成長。以前有時候我會因為壓力、唔開心或者同人互動唔順，令情緒好快升溫；當我覺得自己“唔係咁順”嘅時候，我可能就會用比較衝動嘅方式表達，事後先發現原來自己可以做得更好。當時我都會覺得好辛苦，亦唔太懂得點樣即刻令自己平靜落嚟。
後來喺 Ms Venus 的鼓勵下，我開始學識先辨認自己而家係咩情緒、咩係令我壓力變大嘅原因，再慢慢用唔同方法去調整自己。譬如我會練習放鬆、轉換思考角度，當情緒上到一個程度之前先提醒自己，唔好比衝動帶住走。亦因為咁，我喺日常行為上變得更穩定，遇到問題時亦更願意嘗試用更成熟嘅方式處理，而唔係一味硬碰硬。
最令我開心嘅係，我喺社交方面都見到進步：我開始更留意自己同別人之間嘅界線，會更努力理解他人嘅感受同反應。原來人哋行為背後都有唔同原因，每個人都有自己嘅困難同弱點，換一個角度去看待事情我會有唔一樣嘅感受。當我唔開心或者有需要時，我學到可以用比較平和同清楚嘅方式去表達，衝突自然就少咗，互動亦更順暢，就算一時衝動過頭都學識點向同學表達歉意再和好。因為同同學相處和諧咗，我更願意投入群體活動，建立正向連結。
另外，我亦發現畫畫好幫到我抒發情緒。以前我可能用衝動去表達，而而家我會試下用畫畫將心入面嘅感受畫出嚟：畫到我逐漸冷靜落嚟，亦更容易理解自己到底想要咩、需要咩。畫完之後，我會更有能力慢慢向前處理問題，唔使畀情緒一直困住我。同時，畫畫令我更有信心，我搵到自己嘅過人之處，更加肯定自己能力，仲得到其他人讚賞同Ms Venus嘅鼓勵肯定。
以前覺得返學辛苦，除咗社交困難，仲覺得課堂沉悶，而家慢慢識得用視覺圖像提醒自己用唔同方法學習，開始感受到學習嘅唔同樂趣！
慢慢地，我明白到：情緒唔係壞嘅，最重要係我學識點樣同佢相處。我好感謝 Ms Venus 同童心苗一路嚟嘅支持同陪伴，令我喺情緒掌控同社交能力上，真正一步一步向前行。💗
媽媽亦反映Ms Venus給了他鼓勵，希望兒子越來越好。現在兒子會跟同學們一起出門了！上星期三居然與六七個同學一起去深圳了，並回來跟媽媽說他雖然走了很多路，但是很開心，社交也好起來了，人也開朗了。感謝Ms Venus的一路陪伴和關愛，感謝童心苗，讓我的兒子重新活過來了！感恩不盡🙇🏻♀️🙇🏻♀️
【來自B和媽媽的分享】
