20/05/2026
有冇試過大髀罅位/ 髖關節/前面褲袋位覺得卡住痛，甚至遞起隻腳着襪都撠住呢？
呢個位置唔舒服，有好多可能嘅原因，可以係腰椎神經嘅反射痛，亦都可以係髖關節/ deep hip muscles拉扯嘅問題，詳細原因當然要check清楚。
早幾個星期就遇到一位網球手（好波之人，打grade A), 為咗救波踏咗個錯腳，前面髀罅位打完場波就越嚟越痛，普通行路冇事，但當佢要跑步/翹腳就trigger就零舍辛苦。
Check咗一輪，最後發現佢大髀嘅內收肌肉，特別係恥骨肌特別緊張，幫佢放鬆咗，再教佢以上嘅伸展運動，髖關節嘅活動度即時恢復，再做咗啲腹部筋膜嘅放鬆，基本上正可以跑返起。
*戴返個頭盔先，髖關節嘅問題，原因真係可以好多，我都遇過一啲個案，佢自以為髖關節移位（跌打師傅話佢聽），最後我一睇就估計係股骨頸斷裂，即時Refer返去醫院做手術，亦都試過朋友姑媽髖關節劇痛，一拎上手就知道要即刻refer去骨科，最後發覺癌症擴散，所以真係case by case, 冇得「一招處理關節痛」咁勁勁架
