Snowey 雪姑娘

Snowey 雪姑娘 Contact information, map and directions, contact form, opening hours, services, ratings, photos, videos and announcements from Snowey 雪姑娘, Occupational therapist, 香港九龍油麻地彌敦道518-520號彌敦行1字樓B室, Yau Ma Tei.

雪姑娘於香港理工大學職業治療學系2003年畢業，曾於醫管局公共醫院(HA)、不同非牟利機構(NGOs)及私人中心任職，2021年於油麻地成立私人工作點，現亦會向不同機構/中心/主流學校提供職業治療(OT)評估訓練、諮詢教育及講座工作坊等服務，服務對象由嬰幼兒/學童/青少年至老人家。
💁🏻‍♀️歡迎聯絡及查詢服務👩🏻‍⚕️ 雪姑娘工作經驗及履歷簡介：

-2003年畢業後曾任職公共醫院職業治療部(東區尤德、東華東院及大口環兒童醫院/兒童體能智力測驗中心)，為老人科、內科、骨科、胸肺科、心臟科、中風科、精神科、兒科、日間醫院/復康中心服務使用者提供相應復康服務。

-曾於不同非牟利機構(TWGHs, BGCA, PLK, HKCS) 任職合約員工，與不同團隊合作提供專業復康服務，如改善家居及社區照顧服務，以及由2012年起主力於不同兒童復康單位(關愛基金資助服務、早期教育及訓練中心、到校學前康

復服務、特殊幼兒中心、特殊學校等)提供職業治療服務。

-2016年開始將部份時間轉為自由工作(as freelancer)，為不同機構/團體(專業同工、家長及老師)進行教育講座及專業諮詢，亦會為主流幼稚園、主流小學及主流中學內有特殊教育/學習需要(SEN)學生提供專業評估及職業治療訓練(入校/中心為本/視像形式)，以協助提升日常生活及學習能力等表現。

-2021年建立油麻地中心，期望能幫助更多有需要群組(兒童/青少年/成年人/老人家)，發展不同範疇新服務以填補復康服務罅隙，以及向社會大眾宣揚以下訊息：「職業治療幫到你 / OT can help」！

01/08/2026

#職業治療師之日常
#職業治療幫到你 #雪姑娘

啱啱又完成咗一班講兒童成長能力發展嘅課堂～👏🏻🙂 希望各位同學仔都有所得着啦！❤️😉今次嘅同學仔入面，繼續有老師有家長有社工有教學助理，當中其中一位家長好有心，送咗佢公司代理嘅一份文具禮物包俾我哋(每人一份🫶🏻) ❣️Thanks so m...
15/07/2026

啱啱又完成咗一班講兒童成長能力發展嘅課堂～👏🏻🙂 希望各位同學仔都有所得着啦！❤️😉

今次嘅同學仔入面，繼續有老師有家長有社工有教學助理，當中其中一位家長好有心，送咗佢公司代理嘅一份文具禮物包俾我哋(每人一份🫶🏻) ❣️
Thanks so much～🥰

其實我一早就認識呢個德國牌子，不嬲好多OTs都有買佢嘅洞洞筆比有需要嘅小朋友用，而近幾年市面上亦都越嚟越多不同公司不同產地出類似嘅洞洞筆，但講真，呢間公司出品嘅質量確然係最有保證！🇩🇪

（㊙️雪姑娘不嬲都有我嘅堅持，就係工作上用嘅所有物品，價錢💸係其次，對我嚟講最緊要係物料及質量都要係安全無害，當然最好就加埋價錢合理啦❣️😌）

講開「執筆書寫」📝，都不得不提宜家嘅市場越嚟越貼心，好多公司都專為「左手為主手」嘅人設計咗好多文具：今次呢個小禮物包入面，就分別有一支(右手用)（R)洞洞筆同埋一支(左手用)(L)洞洞筆，仲特別附上一個俾「左手為主手」嘅人專用嘅鉛筆刨添❣️
💬大家又睇唔睇得出「左手文具」及「右手文具」，兩者有啲咩窩心嘅分別呢？☺️

💗職業治療雪姑娘溫馨小提示💗
無論天生係「左手主手」定「右手主手」，家長/老師都唔使太擔心，亦都唔好勉強去改變，自然發展就OK 㗎啦❣️
因為如果勉強去改變，有可能會影響小朋友之後嘅空間概念同埋雙手協調動作發展㗎～
（响課程入面我都有詳盡解釋🗣️）

📢講開又講，如果大家有興趣想聽我講下兒科嘅知識～可以留意返雪姑娘與不同機構合作舉辦嘅課程sss👇🏻 以下課程會一直不定時舉辦，而舉辦嘅日子時間會响相關網站上不斷更新🤗

👶🏻 職業治療與初生幼兒(0至2歲)成長發展課程
https://clc.hkfyg.org.hk/2025/04/01/職業治療與初生幼兒0至2歲成長發展課程/

👧🏻 職業治療與兒童成長能力發展(專注力、執筆書寫、感覺統合、執行功能)專業證書
https://coc.cymca.edu.hk/portfolio-posts/職業治療與兒童成長能力發展專業證書/

👦🏻職業治療與特殊學習需要兒童(SEN - 發展遲緩、自閉症譜系障礙、專注力不足過度活躍症、讀寫障礙)專業證書
https://coc.cymca.edu.hk/portfolio-posts/職業治療與特殊學習需要兒童專業證書/

睇下之後有冇緣分見到大家啦～😉

#職業治療幫到你 #雪姑娘

根據教育局嘅資料顯示，全港小學生及中學生人數大約各為30幾萬，而最新2025/2026年度入讀主流學校嘅小學生SEN及中學生SEN人數大約各為3萬幾⋯即係大約10位學生入面會有1位為SEN，平常一班30-40人入面會有3-4個SEN同學，對...
29/04/2026

根據教育局嘅資料顯示，全港小學生及中學生人數大約各為30幾萬，而最新2025/2026年度入讀主流學校嘅小學生SEN及中學生SEN人數大約各為3萬幾⋯即係大約10位學生入面會有1位為SEN，平常一班30-40人入面會有3-4個SEN同學，對於主流學校老師要進行有效嘅教學嚟講，如果冇足夠嘅SEN知識以及合適嘅人手支援的話，確然係一個大挑戰。😔
（❤️辛苦了各位老師們～)

大家又知唔知道教育局認受而會提供支援嘅SEN（Special Educational Need 特殊教育需要）種類有幾多種呢？
答案係有以下9種👇🏻
1️⃣智力發展障礙
2️⃣自閉症
3️⃣注意力不足/過度活躍症
4️⃣精神病
5️⃣特殊學習困難
6️⃣肢體傷殘
7️⃣視覺障礙
8️⃣聽力障礙
9️⃣言語障礙
*教育局於 2017/18 學年先正式加入「精神病」為受支援SEN類別
**而「有限智能」及「發展遲緩」並不屬於受支援SEN類別之一

https://news.mingpao.com/pns/教育/article/20260416/s00011/1776276060106/主流中小學sen生-6年增27-1580中學生患精神病-增1-4倍

👆🏻從最近4月呢份明報文章可見，確診精神病嘅中學生人數於6年內由660人增至1580人（仲未計有啲「未有求助」或「未有確診」嘅⋯）；同埋細心啲睇，每學年確診精神病嘅中學生人數（已經過千）比小學生人數（通常只有一百二百）都會大幅上升。如果咁睇，即係好多學生都係响中學階段先出現精神狀況，係咪代表佢哋大個咗先有壓力？雪姑娘唔排除到咗青少年期有好多轉變同煩惱，呢個階段壓力會增多都無可厚非；但雪姑娘亦都想講一句，壓力係可以日復日年復年咁累積嘅，當去到一個臨界點都未被處理同埋承受不了的話，就會爆發或者崩潰，亦即係出現精神狀況嘅時候。

近幾年無論係政府定係社會大眾，都見到大家開始想辦法提供不同服務及不同小組幫香港學生們改善「身心靈」；但雪姑娘服務咗SEN學生咁耐，真心好想提醒一句：要真正改善學生們嘅身心狀況，必須治本唔單止治標‼️
👉🏻必須搵出壓力嘅源頭及進行改善，而唔係當佢哋有壓力已經出現緊情緒行為問題嘅時候，甚至已經爆發及崩潰之後，先諗辦法幫佢哋舒緩⋯
👉🏻所以大家值得反思嘅係，香港學生們由細到大嘅壓力來源主要係由邊到嚟嘅呢？

💬試細想一下佢哋嘅成長過程當中，由幼稚園去到小學再去到中學⋯成個學習過程及要求，日常活動流程及生活習慣，以及與家人嘅相處互動等等⋯究竟邊度出現咗問題呢？🤔

只要我哋諗得通以上嘅問題答案(sss)，☃️👩🏻‍⚕️雪姑娘相信先可以真正幫到香港嘅學生們❣️

#有感而發分享文章不定時上載未完待續
#職業治療幫到你 #雪姑娘

Address

香港九龍油麻地彌敦道518-520號彌敦行1字樓B室
Yau Ma Tei

Website

,

Alerts

Be the first to know and let us send you an email when Snowey 雪姑娘 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Snowey 雪姑娘:

Shortcuts

Share

Category