Mental Health - Psychiatry

Mental Health - Psychiatry Facing depression, anxiety, panic attacks, stress, or relationship challenges? You’re not alone. Reach out—we're here to help you heal and grow.

Compassionate, confidential support for mental health and marriage issues is just a message away.

06/08/2026

Today's session..

دیکھیں جی ، "جب ویرانیوں کے ڈیرے ہمارے اندر ہوتے ہیں تو پھر ساری دنیا ہی بے رنگ سی لگتی ہے۔ "

06/08/2026

Today's session..

ایک لمبے سیشن سے ایک چھوٹی سی بات۔۔۔۔
اس لڑکی نے مجھے بتایا کہ ایک سال سے ریکشن میں ہے ، اس کو دوسرے لوگوں سے ملنے اور بات چیت کرنے سے بار بار منع کیا جاتا ہے ، کلاس فیلوز سے لے کر کزن تک ، اپنی جاب کی جگہ سے لے کر کسی کام سے مارکیٹ اور دوستوں کی بھائی یا کزنز کی شادی اور باقی رشتےداروں سے بھی۔۔۔

یہ سب شروع شروع میں تو بھلا معلوم ہوتا تھا لیکن اب الجھن سی ہونے لگتی ہے ، ہر دوسرے دن ان باتوں پہ ہماری لڑائی ہوتی ہے جو ہفتوں تک چلتی ہے ، پہلہ مسئلہ حل نہیں ہوتا دوسرا سر اٹھا لیتا ہے۔

دیکھیں ، جو انسان اپنے ذاتی جذبات ، خیالات ، سوچیں ، نظریات اور قاعدے وقوانین بغیر دوسروں کی رضامندی کے ،ان پہ سیر حاصل گفتگو کیے بغیر دوسروں پہ مسلط کرے وہ انسان "شادی یا لو ریلیشن جیسے تعلق کے لئے نہایت نا مناسب ہوتا ہے"۔

ان باتوں کو ہم دوسرے سیشن میں ضرور زیر بحث لائیں گے ، آپ ایک بات لکھ لیجئے اور گھر جا کر اس پہ غور وفکر کیجیئے گا ، کیا پتہ آپ کو اس سے فائدہ پہنچے۔

"پاؤلو کوئلہو" (Paulo Coelho) نے اپنے ایک ناول میں ایک بارت لکھی تھی کہ "بھیڑ ساری عمر بھیڑیے سے ڈرتی رہتی ہے پھر ایک دن چرواہا اس کو کھا جاتا ہے "۔ میں نے نہایت نرمی سے کہا اور سیشن کا اختتام کر دیا۔




06/08/2026

Today's session..

دیکھیے، جو انسان غلطی کرے، اُسے معاف کر دینا چاہیے — کیونکہ غلطی انسان سے ہی ہوتی ہے۔
لیکن جو چالاکی سے کام لے، اُس کے بارے میں فیصلہ سوچ سمجھ کر کیجیے۔ چاہے اُسے معاف کریں یا نہ کریں، لیکن اس سے فاصلہ ضرور اختیار کریں۔

ہم میں سے اکثر غلطی کرنے والے کو معاف نہیں کرتے،
لیکن چالاکی کرنے والے کو ہنستے ہوئے چھوڑ دیتے ہیں۔
یاد رکھیں، چالاکی، نیت کی خرابی کی علامت ہے۔

06/08/2026

السلام علیکم!

آج کا ایک اور چمکتا ہوا دن ہماری قسمت میں لکھا گیا اور ہم اسے اپنی آنکھوں سے دیکھ رہے ہیں۔
یہ خود ایک نعمت ہے، ایک نئی شروعات کا موقع۔

پوسٹ پڑھنے سے پہلے دل کو کھول لیجیے، اور سوچ کو مثبت رخ دیجیے کیونکہ منفی ذہن کبھی بھی مثبت پیغام سے فائدہ نہیں اٹھا سکتا۔

آج کی بات تھوڑی گہری ہے...
لوگوں کو تین قسموں میں بانٹا جا سکتا ہے:

1️⃣ وہ لوگ جو خود حقیقتیں بناتے ہیں وہ خواب دیکھتے ہیں اور اُنہیں حقیقت میں بدلتے ہیں۔
2️⃣ وہ لوگ جو بس دوسروں کو کامیاب ہوتا دیکھتے ہیں خود کچھ کرنے کی ہمت نہیں جُٹا پاتے۔
3️⃣ اور پھر وہ جو حیران ہو کر پوچھتے ہیں: "یہ کیسے ہو گیا؟" حالانکہ سب کچھ اُن کے سامنے ہوا ہوتا ہے۔

🌱 اب فیصلہ آپ کے ہاتھ میں ہے
آپ کس صف میں کھڑے ہونا چاہتے ہیں؟
عمل کرنے والوں میں؟
یا صرف دیکھنے اور حیران ہونے والوں میں؟

ایک خوبصورت، خوشیوں سے بھرا دن ہم سب کا منتظر ہے۔

شکریہ!

❤️❤️
06/08/2026

❤️❤️

Aslam o alikum and very good morning everyone!!Have a little laugh and a good day!! 😊💐
06/08/2026

Aslam o alikum and very good morning everyone!!
Have a little laugh and a good day!! 😊💐

05/08/2026

An old session..

والدین اور اولاد کے سیشن سے۔۔

آج چھٹا سیشن تھا اور والدین کے ساتھ دو بیٹیوں اور ایک بیٹی کو بھی مدعو کیا گیا، والدین پچھلے دو ڈھائی سال سے ڈپریشن کی دوائیاں لے رہے ہیں تھے اور اولاد کے ساتھ بھی رشتوں کے حوالے سے کافی مسائل تھے۔

دیکھیں جی، آپ سب کے سب انتہائی غریب ہیں، چھوٹے بیٹے نے جلدی سے میری بات کاٹی اور کہا ”میرا خیال ہے کہ ہم شہر کے کھاتے پیتے گھرانوں میں شمار کیے جاتے ہیں“۔

میں مسکرایا اور نوجوان کو دیکھ کر کہنے لگا؛
انسان روپے پیسے، مال و دولت زمین اور گاڑیوں سے ہی امیر نہیں ہوتا بلکہ اصل امیری تو اپنے خون اور جذباتی رشتوں سے ہوتی ہے۔

آپ سب کو نہ تو کوئی مرض ہے، نہ آپ کے ساتھ مسئلے ہیں بس آپ لوگوں کو ایک دوسرے کا ساتھ میسر نہیں ، ایک دوسرے کے ساتھ بات چیت کرنے میں مسئلوں کا سامنا ہے، آپ باتیں چھپاتے ہیں کہ میں یہ سمجھاؤں گا کیسے، دوسرے کیا سوچیں گے۔۔

ایک دوسرے کو اتنا بھی کہنے سے ڈرتے ہیں کہ ”آپ میرے لیے اہم ہیں، باہر سب سے تو آپ صدقہ واری جا کر بلکہ ”آؤٹ آف دا وئے“ جا کر ملتے اور اُن کو ”فیورز“ دیتے ہیں لیکن اپنے ہی خونی رشتوں سے بات کرتے ہوئے لب و لہجے اور الفاظ بھی بدل جاتے ہیں۔

میں آپ کو بتاؤں کہ یہ بیماری ہے جب ہمیں اپنوں سے بات کرنا نہیں جانتے، کسی محفل میں ایک دوسرے کو دیکھ کر اپنی جگہ تبدیل کر لیتے ہیں، اختلافِ رائے کے ڈر سے بات کرنا بند کر دیتے ہیں، ضرورت پڑنے پر باہر سے مدد طلب کرتے ہیں لیکن گھر میں موجود کسی فرد کو اپنی تکلیف نہیں بتاتے بلکہ شرماتے ہیں تو ہمیں اپنی بیماری کا علاج کروانا چاہے۔

دیکھیں جی، اگر والدین اپنی اولاد کو گلے لگا کر یہ نہیں پوچھ سکتے کہ ”کیا مسئلہ ہوا، پریشان مت ہو سب ٹھیک ہو جائے گا، ہم سب ساتھ ہیں“ ، اور اولاد اپنے ہی والدین کو گلے لگا کر دکھ کا اظہار نہیں کر سکتی، اولاد شرماتی حالانکہ شرم تو دوری ہونے پر آنی چاہے نہ کہ پیار کے اظہار پر۔۔

”اپنوں سے بات کرنا،ساتھ بیٹھنا ہمارے مسئلوں کو کم نہیں۔کرتا لیکن اُن کا احساس ہماری تکلیف کو کم کر دیتا ہے جس سے ہمیں سوچنے سمجھنے کی طاقت ملتی ہے اور بعض دفعہ وہ ہمیں دکھوں تکلیفوں سے ایسے نکل لیتے ہیں جیسے مکھن سے بال“۔

آپ لوگ مل بیٹھیں گے تو سارے مسئلوں شکست دے لیں گے ورنہ بیماریاں اور باہر کے لوگ آپ کو ختم کر دیں گے۔

05/08/2026

Today's session..

"کبھی کبھی ہمارے لیے بے حد قیمتی لوگ کسی اور جگہ مفت میں دستیاب ہوتے ہیں۔۔۔"

میں نے سیشن میں محض ایک جملہ کہا تھا۔ سیشن ختم ہونے کے بعد نوجوان نے بیوی سے باہر جانے کا بہانہ کیا اور مجھ سے اکیلے میں پوچھا: "اس بات سے آپ کی کیا مراد تھی؟"

"میں نے کوئی اتنے بھاری، فلسفیانہ یا پیچیدہ الفاظ تو استعمال نہیں کیے کہ اس کی وضاحت ضروری ہو، لیکن آپ کے رشتے میں درحقیقت کوئی بہت زیادہ مسائل نہیں—بس ایک ہی مسئلہ ہے: آپ ایک سیدھے سادے راستے پر بھی ایسے چل رہے ہیں جیسے جگہ جگہ کیچڑ اور پانی کھڑا ہو۔"

"آپ کی ایک بات، آپ ہی کی دوسری بات کی تردید کر دیتی ہے۔ اور دیکھیں، میں جھوٹ بول سکتا ہوں، آپ جھوٹ بول سکتے ہیں، آپ کی بیوی بھی جھوٹ بول سکتی ہے، ہم سب انسان ہیں اور ہم سب سے یہ ممکن ہے۔ لیکن مشینیں جھوٹ نہیں بولتیں۔"

"آپ کا فون، آپ کی راتوں کی کہانیاں، آفس سے دیر سے آنے کی تفصیلات، بیت الخلا میں 'یوگا' کے لمبے سیشنز—یہ سب کچھ بہت تفصیل سے آپ کے گھر والوں کو بتاتا ہے۔ اور ان باتوں کا 'ذکرِ خیر' بھی نمایاں انداز میں کرتا ہے۔"

"جہاں آپ واقعی قیمتی ہیں، بلکہ جہاں آپ کی قیمت لگائی ہی نہیں جا سکتی، وہیں ٹھہرنا آپ کے حق میں بہتر ہے۔ لیکن جہاں آپ مفت میں دستیاب ہو جائیں، وہیں سے آپ کی رسوائی کا آغاز ہو گا۔"

"امید ہے کہ اب آپ کو میرا جملہ سمجھ آ گیا ہو گا؟" میں نے نرمی سے پوچھا۔

دوسری طرف خاموشی تھی۔ سیشن کا وقت ختم ہو چکا تھا۔ میں نے "اللہ حافظ" کہا اور کال منقطع کر دی۔




05/08/2026

Today's session..

کپل سیشن سے ایک اہم بات۔۔۔

ہمارے ہاں یہ تصور عام پایا جاتا ہے کہ اگر لڑکا اور لڑکی شادی کے بعد سسرال سے الگ رہیں تو شادی اچھی چلے گی۔ میں عرض کرنا چاہوں گا کہ صرف الگ رہنے سے شادی کامیاب نہیں ہوتی—الگ رہنے کے باوجود بھی طلاقیں ہوتی ہیں، لڑائی جھگڑے ہوتے ہیں، اور میاں بیوی کے درمیان کئی مسائل جنم لیتے ہیں۔

جب نوجوان نے پوچھا: "کیسے مسائل؟"
میں نے کہا:
"ایک دوسرے میں کشش کم ہونے لگتی ہے، دونوں لاشعوری طور پر ایک دوسرے سے دور ہونے لگتے ہیں، اُکتاہٹ پیدا ہوتی ہے۔ ایک انجانا سا تناؤ چھا جاتا ہے۔ دونوں کو یوں محسوس ہوتا ہے جیسے دوسرا فرد اُن پر مسلط کر دیا گیا ہو—کیونکہ شادی کے فوراً بعد الگ ہونے کی صورت میں دونوں کو ایک دوسرے کی عادت نہیں ہو پاتی۔"

اگر شادی کے بعد چند سال سسرال میں گزار لیے جائیں تو رشتہ مضبوط ہو جاتا ہے۔ دونوں ایک دوسرے کا خیال رکھنا سیکھتے ہیں۔
"ایسے جذبات، جو اس عمر میں رشتے کو مضبوط بنانے میں مدد دیتے ہیں، زیادہ شدت سے اُبھرتے ہیں اور میاں بیوی کو قریب لے آتے ہیں۔"
یہی جذبات دونوں کو ایک دوسرے کی چھوٹی چھوٹی غلطیوں کو درگزر کرنے، اور بری عادات پر خاموشی سے سمجھوتہ کرنے پر آمادہ کرتے ہیں—کیونکہ وہ اُس وقت ایک خوبصورت اور مضبوط رشتے سے لطف اندوز ہو رہے ہوتے ہیں۔

شادی کے فوراً بعد علیحدہ گھر لینا، کئی نئے مسائل کو جنم دیتا ہے۔
اکثر نوجوانوں نے کبھی خود گھر نہیں چلایا ہوتا، اور اچانک ساری ذمہ داریاں ان پر آ پڑتی ہیں—تو گھبراہٹ فطری بات ہے۔ ہر وقت کچھ نہ کچھ لانا، بنانا، سنبھالنا... اور جاب کے ساتھ ان سب کاموں کو ایک ساتھ سنبھالنا بہت مشکل ہو جاتا ہے۔
یہ مشکل صرف شوہر کے لیے نہیں بلکہ بیوی کے لیے بھی برابر ہوتی ہے۔

ہم جس معاشرے میں رہتے ہیں، اُس کی تمام رسمیں غلط نہیں ہوتیں۔ کچھ روایات دانشمندانہ بھی ہوتی ہیں—ان پر عمل کیا جانا چاہیے۔

---


05/08/2026

آج کا سیشن...

ایک سیشن اُن نوجوان لڑکیوں کے نام، جن کی شادی ہونے والی ہے یا جن کی شادی کو کچھ عرصہ گزر چکا ہے۔
آپ کو اس سیشن سے ضرور فائدہ ہو گا۔

عمر: تئیس سال۔
شادی کو چھ ماہ گزر چکے ہیں۔

پسینے سے شرابور چہرے کو رومال سے پونچھتے ہوئے، اور دوپٹہ سنبھالتے ہوئے وہ کہنے لگی:

"ڈاکٹر صاحب! شوہر کے ساتھ کافی مسئلے ہو چکے ہیں۔ ہم دونوں کی نیچر بہت مختلف ہے۔ کھانے پینے کی پسند بھی نہیں ملتی، اور کئی معاملات میں ہم ایک دوسرے کے بالکل برعکس ہیں۔
جب میں اپنی امی کے گھر جاتی ہوں تو وہاں جا کر شوہر کی شکایتیں کرتی ہوں..."

وہ لڑکی تقریباً بیس سے پچیس منٹ تک مسلسل بولتی رہی۔
جب خاموش ہوئی تو میں نے کہنا شروع کیا:

"دیکھیے، میں نے ایک روسی ناول میں ایک جملہ پڑھا تھا، اور مجھے امید ہے کہ آپ اس سے کچھ سیکھ سکیں گی۔
’ایک جیسے خیالات، باتوں اور چیزوں کو انجوائے کیجیے، اور مختلف خیالات، باتوں اور چیزوں کی عزت کیجیے۔‘”

لڑکی نے مجھے دیکھا، مسکرائی، اور کہنے لگی:
"ڈاکٹر صاحب! آپ نے بالکل درست فرمایا۔"

دوسری بات: کبھی بھی اپنے شوہر کی شکایتیں اپنی ماں، بہن یا دوستوں سے نہ کیجیے گا،
کیونکہ آپ تو بات کرکے بھول جائیں گی—آپ کے دل میں تو اُن کے لیے محبت ہے،
لیکن اُن کے دل میں وہ باتیں بیٹھ جائیں گی۔

آپ کے شوہر کا ایک منفی نقش ان کے دل و دماغ پر اُبھر جائے گا،
اور وہ وقتاً فوقتاً وہی باتیں آپ کو یاد دلاتی رہیں گی۔

خدانخواستہ اگر کبھی آپ کے شوہر سے واقعی کوئی غلطی ہو جائے،
تو یہی لوگ آپ کو منفی مشورے دیں گے—
کیونکہ وہ پہلے ہی آپ کی زبان سے اُن کی برائیاں سن چکے ہوں گے۔

میں کچھ دیر رکا، گہرا سانس لیا، اور کافی کا ایک گھونٹ بھر کر گویا ہوا:

"اپنی تکلیف کو لکھا کریں۔
لکھ کر جلا دیا کریں، یا کسی ماہرِ نفسیات سے رجوع کیا کریں جب کبھی دل بہت بوجھل ہو۔
ورنہ اپنی تکلیف کو خود سہنا اور اُس کا حل نکالنا سیکھ لیجیے۔"

---

Address

Grafton Street
Dublin

Telephone

+92518467276

Website

Alerts

Be the first to know and let us send you an email when Mental Health - Psychiatry posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Category