09/08/2026
حوضك ضيق… غالبًا رح تحتاجي قيصري!!!!
جملة ممكن تنحكى للحامل بثواني…
بس تضل براسها لباقي الحمل.
وتبدأ تسأل حالها:
يعني جسمي مش قادر يولد؟
يعني الولادة الطبيعية مش إلي؟
يعني من هسا خلص القرار؟
لا. مش بهالبساطة!
الولادة مش متر قياس.
والحوض مش قطعة عظم جامدة وثابتة.
خلال المخاض، جسمك بيتحرّك، الحوض بيتحرّك، الجنين بيدور وينزل… والوضعيات اللي بتاخديها ممكن تفرق.
وفي حالات خاصة فعلًا ممكن تكون بنية الحوض عامل مهم،
بس الاستثناء مش هو القاعدة
عشان هيك، بدل ما تدخلي ولادتك وإنتِ خايفة من جملة سمعتِها…
ادخليها وإنتِ **فاهمة جسمك، محضّرة جسمك وأرضية حوضك، وعارفة كيف تتحركي وتستخدمي الوضعيات خلال المخاض.** 🤍
إذا إنتِ حامل وسمعتِ قبل هيك: "حوضك ضيق"
اكتبيلي بالتعليقات: "سمعتها"👇🏻
بدي أشوف قديش هاي الجملة منتشرة بين الحوامل.
واحفظي البوست… يمكن تحتاجي ترجعي له.
وشاركيه مع حامل لازم يوصلها هالحكي. 🤍
للتسجيل بدورة التحضير للولادة مع أخصائية فيزيوترابيا متخصصة بصحة المرأة وأرضية الحوض، تواصلي معي🫶
#الحمل #الولادة
