Samvedana Happiness Hospital

Samvedana Happiness Hospital A centre par excellence in Psychiatry, Deddiction, child psychiatry & S*xual Health related problems We believe in minimum medicines maximum output.

“A HEALTHY YOU IS POSSIBLE WITH A HAPPY YOU”

The clinical roots of Samvedana Psychiatry track back to 1984 when psychiatric clinic was established at Relief Road by Dr Mrugesh Vaishnav. The current establishment originates from 16th October 1996. Since its inception the clinic has been serving the masses in field of psychiatry. We have been working seamlessly to cater clients suffering from vario

us mental ailments, psychological issues, relationship stressors, youth problems, severe mental illness like bipolar Mood Disorder and Schizophrenia. We have a registered 9 bed indoor facility and psychiatric emergency round the clock. We also provide home visits in case of non co operative patients. In tune with time we have started Skype sessions for counselling/ Psychotherapy to clients abroad or at difficult to reach places. We cater to super speciality psychiatric services like, S*x and relationship Therapy, Deaddiction and Child Psychiatry. The clinic uses latest advances in the field of psychiatry either psychotherapeutic approaches or pharmacological management. Regular case meetings for complicated cases and individualized case based approach help in managing difficult to treat or treatment resistant psychiatric cases. Any ongoing medication is explained to patient and relatives and we refrain from polytherapy or practices least helpful to patients. Samvedana Psychiatry has been involved in many clinical studies in the past and have been recognized by highest of the audit agencies as the most efficient and ethical sites across the globe in field of clinical trials. We are involved in human behaviour research and modification activities. Through our Foundation “Samvedana Foundation” we have been regularly organizing CMSs, Public seminars, Lectures, Workshops and self help group meetings to make the masses aware about psychiatric illnesses and the possible outcomes and measures to prevent them. We have been associated in many school and college projects as well as corporate collaborations to maximize output among students and employees In their assigned tasks like exams or work performance. Regular free as well as low cost check up OPDs are set up on behalf of Samvedana Foundation to help the weaker sections of the society in a bid to make psychiatric treatment financially viable and prevent relapses of the disease. We encourage you to take a step forward and be a part of the Samvedana family and help us propagate out motto

29/07/2026

જે સહારો બનવાના હતા, એ જ તૂટવાનું કારણ બની ગયા. - Dr Mrugesh Vaishnav

Gujarat Samachar – Shatdal – Vedana Samvedana Columnઇન્સ્ટન્ટ પ્રસિદ્ધિનું વ્યસન : યુવાવયની સૌથી ખતરનાક મહામારીવેદના-સંવ...
29/07/2026

Gujarat Samachar – Shatdal – Vedana Samvedana Column

ઇન્સ્ટન્ટ પ્રસિદ્ધિનું વ્યસન : યુવાવયની સૌથી ખતરનાક મહામારી
વેદના-સંવેદના- મૃગેશ વૈષ્ણવ

**************************
જે સમાજમાં પ્રસિદ્ધિ મેળવવા માટે પ્રતિભા નહીં, પરંતુ નગ્નતા, જોખમ અને મૂર્ખામી વેચાતી હોય… ત્યાં સંસ્કૃતિ નહીં, બજાર જીવતું હોય છે.
**************************

ચાણક્ય કહે છે - ''જે વ્યક્તિ પરિશ્રમથી ભાગે છે, તે અંતે અપમાન તરફ જ દોડે છે.'' આજની યુવા પેઢી સામે સૌથી મોટો પડકાર બેરોજગારી નથી, સ્પર્ધા નથી, કે ટેકનોલોજી પણ નથી. પણ સૌથી મોટો પડકાર છે - ''ઇન્સ્ટન્ટ પ્રસિદ્ધિનું વળગણ અને વ્યસન.''
એક સમય હતો જ્યારે યુવાનોનું સ્વપ્ન ડોક્ટર, એન્જિનિયર, વકીલ, શિક્ષક, વૈજ્ઞાનિક કે સરકારી અધિકારી બનવાનું હતું. તેઓ વર્ષો સુધી પુસ્તકોના ઢગલા વચ્ચે બેસીને મહેનત કરતા, નિષ્ફળતા સહન કરતા અને ધીમે ધીમે સફળતાની સીડી ચડતા. સમાજમાં માન-સન્માન મેળવવાનો માર્ગ જ્ઞાન, મહેનત અને ચારિત્ર્યમાંથી પસાર થતો હતો. તેમને ખબર હતી કે સફળતાનો રસ્તો લાંબો છે.
આજના યુવાનોને ઝડપથી પ્રસિદ્ધ થવું છે. ચારેય તરફ છવાઈ જવું છે. દુનિયા માત્ર તેમનીજ ચર્ચા કરે તેવું જોઈએ છે. તેના માટે તેઓ કોઈ પણ જાતના અખતરા કરવા કે જોખમો લેવા તૈયાર થઇ જાય છે. ગ્લેમરની દુનિયાની ઝાક ઝમાળથી અંજાઈ ગયેલી બાળ પેઢી તથા સેલીબ્રીટી પાછળ ઘેલી બનેલી યુવા પેઢી ઈન્સ્ટન્ટ કીર્તિ મેળવવા જાત જાતના નુસખા શોધી રહી છે. તેમને પ્રોફેશનલ નહિ પણ પાવરફુલ બનવું છે. તેમને પુરુષાર્થ વાદી નહિ પણ પ્રસિદ્ધી વાદી બનવું છે. મોટાભાગ ના તરુણો ફટાફટ ખ્યાતી મળે એવી કારકિર્દી પસંદ કરવામાં રાચે છે. તેઓ એવું માને છે કે પ્રસિદ્ધિ પાછળ પૈસો એની મેળે આવે છે . એટલે તેઓ એક કાંકરે બે પક્ષી મારવા માંગે છે. અત્યારે મોટાભાગના યુવાનો વિચારે છે કે જ્યારે માત્ર એક વાયરલ વીડિયો લાખો લોકો સુધી પહોંચી શકે, લાખો ફોલોઅર્સ મેળવી શકે અને લાખોની કમાણી કરાવી શકે, ત્યારે વર્ષો સુધી અભ્યાસ શા માટે કરવો? આ વિચારધારા જ આજની સૌથી મોટી માનસિક અને સામાજિક સમસ્યા બની રહી છે.
એટલે આજે… ઘણા યુવાનોને પાંચ વર્ષનું MBBS લાંબું લાગે છે. ત્રણ વર્ષનું LLB બોજ લાગે છે. દિવસ-રાતની મહેનત મૂર્ખામી લાગે છે. કારણ કે તેમના મોબાઇલમાં દરરોજ કોઈને કોઈ વ્યક્તિ માત્ર ૩૦ સેકન્ડના વીડિયોથી લાખો રૂપિયા કમાતી દેખાય છે. આજની યુવા પેઢીની નજર અત્યારે સોશીઅલ મીડિયા તરફ છે. તેમના માટે સોશિયલ મીડિયા : પ્રસિદ્ધિનો શોર્ટકટ છે.
તેઓ પરિણામ જુએ છે… સંઘર્ષ નથી જોતા. અને ત્યાંથી વિનાશ શરૂ થાય છે. આજનો યુવાન સફળ બનવા માંગતો નથી… તે અત્ર-તત્ર- સર્વત્ર દેખાવા માંગે છે. તેને જ્ઞાન નહીં… ઓળખ જોઈએ છે. તેને કૌશલ્ય નહીં… ફોલોઅર્સ જોઈએ છે. તેને ચારિત્ર્ય નહીં… વેરિફાઇડ બ્લૂ ટિક જોઈએ છે. તેને વાયરલ થવાની ભૂખ છે. આ ભૂખ એટલી ભયંકર છે કે હવે લોકો જીવતા નથી… પોતાના જીવનનું પ્રસારણ કરે છે. ''લાઇક'' હવે નશો બની ગઈ છે
દારૂ છોડાવી શકાય. સિગારેટ છોડાવી શકાય. પણ દર પાંચ મિનિટે મોબાઇલ ખોલીને પોતાનો વીડિયો કેટલા લોકોએ જોયો તે જોવાની લત… તે વધુ ખતરનાક બની રહી છે. આ વ્યસન માણસને ધીમે ધીમે પોતાની કિંમત ભૂલાવી દે છે.એક દિવસ એવો આવે છે કે તે પોતાના માતા-પિતા, મિત્રો અને અભ્યાસ કરતાં મોબાઇલના નોટિફિકેશનને વધુ મહત્વ આપે છે. ઉદાહરણ આપું છું.
૨૨વર્ષનો કોલેજ વિદ્યાર્થી. ઇન્સ્ટાગ્રામ પર તેના લગભગ ૪૫ હજાર ફોલોઅર્સ. દર અઠવાડિયે જોખમી સ્ટંટની રીલ બનાવતો. મિત્રોએ ઘણી વખત કહ્યું - ''આ બંધ કર.'' પણ તેનો એક જ જવાબ હતો… ''રિસ્ક નહીં લો તો વાયરલ કેવી રીતે થવાશે?'' એક દિવસ ચાલતી ટ્રેનની બાજુમાં વીડિયો બનાવતી વખતે સંતુલન ગુમાવ્યું. એક ક્ષણ… અને આખું જીવન સમાપ્ત. બીજા દિવસે સમાચારપત્રમાં ફોટો હતો. ત્રણ દિવસ સોશિયલ મીડિયામાં RIP લખાયું. એક અઠવાડિયા પછી દુનિયા આગળ વધી ગઈ. પણ વૃદ્ધ માતા-પિતાની દુનિયા ત્યાં જ અટકી ગઈ. રીલ વાયરલ થઈ… પણ દીકરો પાછો આવ્યો નહીં. તેઓ ભયાનક હતાશાના શિકાર બન્યા. તેમણે મને પુછયું , સાહેબ તમારી દવાથી અમારો દીકરો પાછો આવે ખરો? મેં નિખાલસતાથી જણાવ્યું - દીકરો તો પાછો ન આવે પણ તમે માનસિક રીતે સ્વસ્થ થઇ યુવા પેઢીને આ સત્ય ઉદાહરણથી સોસીઅલ મીડિયાના વળગણમાંથી છોડાવી શકો.
આજે ઘણા યુવાનો પોતાની પ્રતિભાથી નહીં… પોતાના શરીરથી ઓળખાવા માંગે છે. અશ્લીલ ભાષા… અર્ધનગ્ન કપડાં… ડબલ મીનિંગ સંવાદ… ઉશ્કેરણીજનક હરકતો… અને પછી તેને નામ આપવામાં આવે છે - ''ર્ભહાીહા ભિીર્ચૌહ.ધ આ પ્રસિદ્ધિ નહિ પ્રદર્શન છે. ચાણક્ય આજે જીવતા હોત તો કદાચ કહેતા કે - ''જે પોતાની મર્યાદા વેચીને પ્રસિદ્ધ થાય, તે પ્રસિદ્ધ નથી… વેચાયેલો છે.''
બીજું સત્ય ઉદાહરણ છે ૨૪ વર્ષના એક યુવાનનું. તેનો એક કોમેડી વીડિયો વાયરલ થયો. એક જ મહિનામાં ત્રણ લાખ ફોલોઅર્સ મળી ગયા. દરેક પોસ્ટ પર હજારો કોમેન્ટ. પણ પછી થોડા મહિનામાં વ્યૂ ઘટવા લાગ્યા. ફોલોઅર્સ વધવાનું બંધ થયું. તે આખો દિવસ માત્ર આંકડા જોતો. રાત્રે ઊંઘ આવતી નહીં. દર પાંચ મિનિટે મોબાઇલ ચેક કરતો. પછી ચીડિયાપણું શરૂ થયું. પરિવાર સાથે ઝઘડા થવા લાગ્યા. કામમાં તેને રસ પડતો નહીં. ધીમે ધીમે ગંભીર હતાશા અનુભવવા લાગ્યો. પછી શંકા થવા લાગી કે, ''લોકો જાણી જોઈને મને ડાઉન કરી રહ્યા છે.'' ''મારા વિરોધીઓ મારા એકાઉન્ટ સામે કાવતરું કરે છે.'' કેટલાક દિવસોમાં તેની સ્થિતિ એટલી બગડી કે તેને મનોચિકિત્સા માટે હોસ્પીટલમાં દાખલ કરવો પડયો. કારણ તેનો વિડીઓ વાયરલ થયો… પણ પછી પ્રસિદ્ધિનો ગ્રાફ નીચો પાડવા લાગ્યો એટલે તે માનસિક રીતે તૂટી ગયો. તેનું નિદાન થયું Severe Depression with Brief Psychotic Symptoms.
પ્રશ્ન એ નથી કે સોશિયલ મીડિયાએ તેને બીમાર બનાવ્યો. પ્રશ્ન એ છે કે…તેણે પોતાની ઓળખ આખી સોશિયલ મીડિયામાં મૂકી દીધી હતી. યાદ રાખો દરેક વાયરલ વ્યક્તિ સફળ થતી નથી વાયરલ થવું એટલે સફળતા નથી. ઘણા લોકો એક વીડિયોથી જાણીતા બને છે… અને આખી જિંદગી એ જ એક વીડિયો સમજાવતા રહે છે.
એક માનોચિકિત્સક તરીકે આ મારી ચિંતાનો વિષય છે. છેલ્લાં થોડાં વર્ષોમાં મેં અનેક યુવાનોને જોયા છે -
લાઇક ઓછી મળતા રડતા.
કોમેન્ટથી ઘટવાથી આત્મવિશ્વાસ ગુમાવતા.
ફોલોઅર્સ ઘટતા હતાશ થતા.
દિવસના ૧૦-૧૨ કલાક ફોનમાં જીવતા.
ઊંઘ ગુમાવતા.
ચિંતા, ડિપ્રેશન, ઓબ્સેશન અને ગુસ્સાથી પીડાતા.
કેટલાક કિસ્સાઓમાં સતત ઊંઘનો અભાવ, ભારે તણાવ અને અતિશય ડિજિટલ ઉત્તેજનાના કારણે Brief Psychotic Episode પણ જોવા મળે છે. આવી સ્થિતિમાં વ્યક્તિ અચાનક અત્યંત ગુસ્સે થઈ જાય, શંકાશીલ બની જાય, હિંસક વર્તન કરે, અસંગત વાતો કરે અથવા વાસ્તવિકતા સાથેનો સંપર્ક થોડા સમય માટે ગુમાવી બેસે. આ ગંભીર માનસિક સ્થિતિ છે અને તેની સારવાર જરૂરી બને છે.
તેમનો રોગ મોબાઇલ નથી હોતો . તેમનો રોગ હોય છે - ''બીજાની નજરમાં જીવવાની આદત.''
એક સત્ય હંમેશા યાદ રાખો ''જે માણસ પોતાની કિંમત બીજાની તાળીઓથી નક્કી કરે છે, તેનું પતન નિશ્ચિત છે.''
તમારી ઓળખ… તમારા ફોલોઅર્સથી નક્કી ન કરો. તમારી કિંમત… તમારા વ્યૂથી નક્કી ન કરો. તમારું જીવન… એક રીલ કરતાં લાખ ગણું કિંમતી છે.
યાદ રાખજો… જોખમી રીલ તમને લાઇક આપી શકે છે… વાયરલ બનાવી શકે છે… પણ જો જીવન જ ચાલ્યું જાય… તો દુનિયા માત્ર થોડા દિવસ ઇૈંઁ લખશે.માતા-પિતાના આંસુ કોઈ ટ્રેન્ડમાં નથી આવતા. ક્ષણિક પ્રસિદ્ધિ પાછળ દોડતા પહેલાં… કાયમી પ્રતિા બનાવવાનો સંકલ્પ કરો.
અહી માતા-પિતાની પણ જવાબદારી છે ઘણા માતા-પિતા માને છે કે બાળક આખો દિવસ ઘરમાં છે એટલે સુરક્ષિત છે. પણ આજે જોખમ ઘરની બહાર નહીં, મોબાઇલની અંદર બેઠું છે. બાળક શું જુએ છે? કોને ફોલો કરે છે? કયા પ્રકારના કન્ટેન્ટથી પ્રભાવિત થાય છે? તેના માટે પ્રસિદ્ધિનો અર્થ શું છે? આ પ્રશ્નો પૂછવા હવે જરૂરી બની ગયા છે.
સાચી સફળતા શું છે? સાચી સફળતા એ એક વાયરલ વીડિયો નથી. સફળતા એ વર્ષો સુધી ટકી રહે એવી ઓળખ છે. એક ડોક્ટર દર્દી બચાવે છે. એક શિક્ષક પેઢી ઘડે છે. એક વૈજ્ઞાનિક નવી શોધ કરે છે. એક સારો લેખક સમાજને વિચારો આપે છે. આ લોકો કદાચ દરરોજ ટ્રેન્ડિંગમાં ન હોય, પરંતુ ઇતિહાસમાં જરૂર રહે છે. વાયરલ થવું સરળ છે. વિશ્વાસપાત્ર બનવું મુશ્કેલ છે. પ્રખ્યાત થવું સહેલું છે. માનનીય બનવું કઠિન છે.
યુવાનો ને મારે થોડા પ્રશ્નો પુછવા છે. - તમારી ઓળખ તમારા ફોલોઅર્સ છે કે તમારા ગુણ? તમારી કિંમત લાઇકથી નક્કી થાય છે કે તમારા વ્યક્તિત્વથી? જો આવતીકાલે તમારું એકાઉન્ટ બંધ થઈ જાય તો તમારી પાસે શું બચશે? તમારી ડિગ્રી, તમારી આવડત, તમારું ચારિત્ર્ય અને તમારો સ્વભાવ… કે માત્ર વાયરલ થયેલા થોડા વીડિયો? આ પ્રશ્નોનો જવાબ દરેક યુવાને પોતાને આપવો જોઈએ.
યુવાનીમાં સપના જોવાં ખૂબ જરૂરી છે. પરંતુ સપનાઓને શોર્ટકટથી નહીં, શ્રમથી સાકાર કરવાના હોય છે. સોશિયલ મીડિયાનો ઉપયોગ કરો, પરંતુ તેના ગુલામ ન બનો. પ્રતિભા બતાવો, પરંતુ શરીર નહીં. સર્જન કરો, સસ્તું મનોરંજન નહીં. પ્રેરણા આપો, જોખમ નહીં. અને સૌથી મહત્વની વાત… યાદ રાખો - રીલથી લાઇક મળી શકે છે… ફોલોઅર્સ મળી શકે છે… થોડી કમાણી પણ થઈ શકે છે… પણ ગુમાવેલું જીવન… ગુમાવેલું માનસિક સ્વાસ્થ્ય… અને ગુમાવેલું આત્મસન્માન… પાછું ક્યારેય મળતું નથી.
ક્ષણિક પ્રસિદ્ધિ કરતાં કાયમી પ્રતિા વધારે મૂલ્યવાન છે. કારણ કે વાયરલ વીડિયો થોડા દિવસ જીવે છે, પરંતુ જ્ઞાન, ચારિત્ર્ય અને સારા કર્મોથી બનેલી ઓળખ પેઢીઓ સુધી જીવંત રહે છે.

ન્યુરોગ્રાફ :
ઇતિહાસમાં સ્થાન પ્રતિભાને મળે છે… પ્રદર્શનને નહીં.

Gujarat Samachar – Shatdal – Vedana Samvedana Columnરોસ્ટર ડેટિંગની આચારસંહિતાવેદના-સંવેદના- મૃગેશ વૈષ્ણવ***************...
22/07/2026

Gujarat Samachar – Shatdal – Vedana Samvedana Column

રોસ્ટર ડેટિંગની આચારસંહિતા
વેદના-સંવેદના- મૃગેશ વૈષ્ણવ

***********************
કોઈપણ એક સંબંધ આગળ વધવા લાગે ત્યારે કોઈ એક વધારે સારું વ્યક્તિ એપ પર મળી જાય છે એટલે જુના સંબંધોને સમાપ્ત કરી દઈ થોડા અઠવાડિયામાં નવા સંબંધો શરુ કરવામાં આવે છે.
***********************

ગયા લેખમાં આપણે રોસ્ટર ડેટિંગ, તેની પાછળના મનોવિજ્ઞાન, એરેન્જડ મેરેજ અને રોસ્ટર ડેટિંગથી ભાવિ પાત્ર પસંદ કરવાની પ્રક્રિયાઓ વચ્ચેની સમાનતા અને સંબંધો પર તેની અસરની ચર્ચા કરી ગયા. અત્રે આપણે સૌપ્રથમ કેટલીક કેસ હિસ્ટ્રીસની ચર્ચા કરીશું.
અનાયા એક મલ્ટીનેશનલ કંપનીમાં સારા હોદ્દા પર કામ કરે છે. તેનું મુખ્ય ધ્યેય તેની કારકિર્દી વિકસાવવાનું છે. સાથે સાથે લગ્નને લાયક ઉંમર થઇ હોવાથી તેના માતા-પિતા તેના પર લગ્નનું દબાણ કરે છે. અનાયા એક જ સમયે ત્રણ અલગ અલગ યુવકોને મળે છે. તેનું કહેવું છે કે હજી તે લગ્ન માટે તૈયાર નથી પરંતુ તે માત્ર લોકોને ઓળખી રહી છે.
થોડા મહિનાઓ પછી ત્રણેય યુવકો સાથે સંખ્યાબંધ વખત અલગ અલગ ડેટિંગ કર્યા પછી તેને સમજાય છે કે ત્રણેયની અપેક્ષાઓ જુદી જુદી છે. એક માત્ર મિત્રતા ઈચ્છે છે. બીજો કમિટેડ સંબંધ રાખવાની વાત કરે છે અર્થાત જો તેની સાથે સંબંધ રાખવો હોય તો અન્ય કોઈ જોડે ડેટિંગ નહીં કરવું. અને ત્રીજો તરતજ લગ્નની વાત કરે છે. આ કારણે અનાયા મૂંઝવણમાં મુકાઈ જાય છે અને યોગ્ય વિકલ્પ પસંદ કરવાની ઈચ્છા ધરાવતી અનાયાના ત્રણેય સંબંધો પુરા થઇ જાય છે. એટલે અનાયા માતા-પિતાને છોકરો શોધવા માટે ''હા'' પાડે છે. અનાયાની પસંદ નાપસંદ, તેનું શૈક્ષણિક સ્તર અને કેરિયરમાં આગળ વધવાની અપેક્ષાઓ અનુસાર તેના માતા-પિતા છોકરો શોધવાનું શરુ કરે છે. સાથે સાથે દિકરીને એ પણ સમજાવે છે કે વધુ વિકલ્પો હંમેશા ખુશી આપતા નથી. એટલે ક્યાંકને ક્યાંક તો અપેક્ષાઓ સાથે સમાધાન તો કરવુંજ પડે. માતા-પિતાએ શોધી આપેલા યુવકો સાથે પણ તે વારંવાર મુલાકાતો કરે છે, તેમની સાથે ડેટ પર જાય છે, તેમને સમજવાની કોશિશ કરે છે અને આખરે એક વિકલ્પ પસંદ કરી લે છે.
અહીં મુખ્ય વાત એ સમજવાની કે રોસ્ટર ડેટિંગ દ્વારા તમે તમારી મેળે પાત્ર શોધો કે માં-બાપે શોધેલા પાત્ર સાથે રોસ્ટર ડેટિંગની જેમજ વિવિધ મુલાકાતો કરો અને યોગ્ય પાત્ર ન મળે ત્યાં સુધી રાહ જુઓ તો આ બે પદ્ધતિઓમાં કઈ બહુ ફેર નથી. બીજી પદ્ધતિમાં પાત્રની પસંદગી માત્ર એકલાની નથી હોતી એટલે ભવિષ્યમાં સંબંધોની સારી-માઠી સ્થિતિ ઉભી થાય તો કુટુંબનું પીઠબળ પણ મળી રહે છે એટલો ફાયદો છે. બાકી બંને પદ્ધતિ યોગ્ય છે.
બીજું ઉદાહરણ, જયનું આપું છું. જયને તેની સ્કૂલ લાઈફ અને કોલેજ લાઈફમાં બે જુદા જુદા સંબંધોમાં દગો મળ્યો હતો. હવે તે કોઈપણ છોકરી પર વિશ્વાસ કરી શકે તેમ ન હતો. એટલે તે પાંચ અલગ અલગ યુવતીઓ સાથે ડેટિંગ કરતો હતો. કારણ તે એવું માનતો હતો કે આમ કરવાથી જો એક સંબંધ તૂટે તો બીજો સંબંધ તૈયારજ હોય. તેથી બ્રેકઅપનું દુ:ખ સહન કરવું ન પડે. પરંતુ એક સાથે પાંચ પાત્રો સાથે જુદી જુદી રીતે જોડાણ રાખવામાં તે કોઈની પણ સાથે લાગણીથી જોડાઈ શકતો નથી. તેને કાંતો બધામાં કંઇકને કંઇક ખામી દેખાય છે અથવા બધાના ઈરાદા પર કંઇકને કંઇક શંકા જાય છે. આમ, અસુરક્ષામાંથી બચવા માટે તેણે ઉભી કરેલી દીવાલ સાચા સંબંધને તેનાથી દુર રાખે છે.
જયને સલાહ આપવામાં આવી કે ''દૂધનો દાઝયો છાસ ફૂંકીને પીએ'' એ રીતે દરેક સંબંધોને ફૂકીને ચકાસવા જરૂરી નથી. કોઈ એક વ્યક્તિ સાથે સંબંધ તૂટે તો એને માટે બંનેની માનસિક અપરિપક્વતા, વધારે પડતી અપેક્ષાઓ વગેરે ઘણા પરિબળો જવાબદાર હોય છે. એટલે બ્રેકઅપ થાય એનો અર્થ એ નથી કે સામેવાળું પાત્ર વફાદાર ન હતું કે પછી એણે તમારી સાથે દગો કર્યો છે. પરંતુ બ્રેકઅપ પછી માત્ર એટલુંજ સમજવાનું કે એ સંબંધ સાચવવામાં શું ભૂલ રહી ગઈ અને એ ભૂલ સુધારીને હવે આગળ કેવી રીતે વધી શકાય.
જયને એ પણ સમજાવવામાં આવ્યું કે તે હકીકતમાં સામેના પાત્ર પાસેથી તે ઈચ્છે છે શું? … સુંદરતા? આધુનિકતા? બુદ્ધિમત્તા? આર્થિક સ્થિરતા? કે પછી માત્ર એક ગૃહિણી અને સહચારિણી?. આમ તેના મનનું ચિત્ર જો સ્પષ્ટ થઇ જશે તો એને બહુ ગુંચવાડો નહીં રહે અને એ સહેલાઇથી યોગ્ય પાત્ર પસંદ કરી શકશે. શક્ય છે કે કોઈ એક પાત્ર તેની બધીજ અપેક્ષાઓ સંતોષી ન શકે તો સાથે સાથે એણે પણ એક વાતનો સ્વીકાર કરવો જોઈએ કે કોઈપણ વ્યક્તિ ક્યારેય પરફેક્ટ હોવાની નથી. આમ જયનો દ્રષ્ટિકોણ બદલાયો એ સાથેજ જે પાંચ છોકરીઓ સાથે ડેટિંગ કરતો હતો એમાંથી એક ને તેણે પસંદ કરી લીધી.
આજકાલ નવી જનરેશન ડેટિંગ એપ ઉપર બહુજ સક્રિય છે. દરરોજ નવા નવા પાત્રો સાથે વાતચીત કરવાનો અવસર મળે છે. આનું એક સૌથી મોટું ભયસ્થાન એ છે કે કોઈપણ એક સંબંધ આગળ વધવા લાગે ત્યારે કોઈ એક વધારે સારું વ્યક્તિ એપ પર મળી જાય છે એટલે જુના સંબંધોને સમાપ્ત કરી દઈ થોડા અઠવાડિયામાં નવા સંબંધો શરુ કરવા માં આવે છે. કેટલાક વર્ષો પછી તેને સમજાય છે કે તેણે ઘણા સારા સંબંધો માત્ર વધુ સારા વિકલ્પની આશામાં ગુમાવી દીધા છે. હવે તેને ડેટિંગ એપ પર કોઈ નવા પાત્રને શોધવાનો રોમાંચ રહ્યો નથી અને જો કોઈ સામેથી પાત્ર આવીને તેની સાથે ડેટિંગ કરવા માંગે તો આ ડેટિંગમાં તેને કોઈ ઉત્સાહ રહેતો નથી. હવે આ આખી પ્રક્રિયા તેને કંટાળાજનક લાગે છે. આમ રોસ્ટર ડેટિંગમાં પણ થોડી ધીરજ અને સાતત્યતા જરૂરી છે.
રોસ્ટર ડેટિંગની પ્રક્રિયામાં તમે શરૂઆતથીજ જેટલા સ્પષ્ટ વક્તા રહો તેટલું ફાયદાકારક રહે છે. નેહા એક એવીજ યુવતી છે. તે એક કરતા વધારે લોકોને ઓળખી રહી છે. અને તે કોઈની પણ સાથે ગંભીર સંબંધમાં નથી. જે લોકોને નેહાની આ વાત સ્વીકાર્ય હોય એમની સાથેજ નેહા આગળ વધે છે. એકાદ વરસમાં જ નેહા પોતાની પસંદગી મુજબ એક યુવાન સાથે એક્સક્લુસીવ સંબંધમાં જોડાય છે. અહી કોઈને છેતરપિંડીની લાગણી થતી નથી કારણ સંબંધોમાં શરૂઆતથી જ પારદર્શિતા હતી. રોસ્ટર ડેટિંગ કરનાર એક વાત ખાસ યાદ રાખે કે ઈમાનદારી અને સ્પષ્ટ સંવાદ સ્વસ્થ સંબંધો વિકસાવે છે અને સંબંધોની આ શોધ ઉપર કોઈક સમયે પૂર્ણવિરામ તો મુકવું જ પડે છે.
કેટલાક લોકો રોસ્ટર ડેટિંગને અયોગ્ય કે અનૈતિક પ્રવૃત્તિ ગણાવે છે. જે વાત સાથે સંમત થઇ શકાય તેમ નથી. તમારે કોઈ એક ટીશર્ટ કે ટોપ ખરીદવું હોય તો પણ તમે વિવિધ બ્રાંડના વિવિધ વિકલ્પો જુઓ છો. કિચનની કોઈ વસ્તુ ખરીદવી હોય તો તમે એના અનેક વિકલ્પો ચકાસો છો. જોકે લગ્ન જેવા પવિત્ર સંબંધને કોઈ વસ્તુની ખરીદી સાથે સરખાવી ક્યારેય ન શકાય પરંતુ જેની સાથે જીવન વિતાવવાનું છે એ વિશે શક્ય હોય તેટલી પુરેપુરી માહિતી મેળવવામાં અને વિકલ્પો ચક્સવામાં કશું જ ખોટું નથી.
આપણે એક ખુરશી કે સોફાસેટ ખરીદવા જઈએ તો તેના પર બેસીને, તેની ડીઝાઇન જોઇને અનેક વિકલ્પોમાંથી એકને પસંદ કરીએ છીએ. એટલે રોસ્ટર ડેટિંગ જો વિશાળ પસંદગીનો ફલક પૂરું પાડતું હોય તો એમાં કંઇજ ખોટું નથી. પરંતુ એ જરૂરી છે કે આમાં જોડાતા તમામ લોકો એક પાયાની વસ્તુ સમજે કે હજી કોઈ સંબંધ એક્સક્લુઝીવ નથી અને વ્યક્તિ પોતાની સંમતિથી આ સંબંધમાં જોડાયેલી છે. જો સામેની વ્યક્તિની પસંદગીને પાત્ર એ બને તો એ સારી વાત છે અને ન બને તો વધારે સારી વાત છે. કારણ એના માટે બીજા વિકલ્પો ખુલ્લા છે. પરંતુ રોસ્ટર ડેટિંગ દરમ્યાન વ્યક્તિ શરૂઆતથીજ પોતાના વિશે ખોટી માહિતી આપે. એટલું જ નહીં પણ સંબંધો એક્સક્લુઝીવ છે એવો ભ્રમ ઉભો કરે. જ્યારે હકીકતમાં આવા કહેવાતા એક્સક્લુઝીવ સંબંધો એક કરતા વધારે પાત્રો સાથે હોય તો આ વિશ્વાસઘાત ગણાય.
રોસ્ટર ડેટિંગ માં સ્વસ્થ સંબંધ માટે નીચેની બાબતો જરૂરી છે :
૧. શરૂઆતથી જ પોતાની અપેક્ષાઓ સ્પષ્ટ જણાવવી
૨. જો એક્સક્લુસીવ સંબંધ ન હોય તો એ અંગે ઈમાનદારી રાખવી
૩. સતત સરખામણી કરવાને બદલે વ્યક્તિના ગુણોને સમજવાનો પ્રયત્ન કરવો.
૪. સંબંધમાં વિશ્વાસ અને સન્માનને પ્રથમ સ્થાન આપો.
૫. કોઈપણ સબંધ માત્ર પોતાની એકલતા દુર કરવા ન બાંધવો.
૬. પોતાની ભાવનાઓ અને માનસિક જરૂરિયાતોને સમજવાનો પ્રયત્ન કરો.
રોસ્ટર ડેટિંગને કારણે સંબંધો પ્રત્યે લોકોનો અભિગમ ઝડપથી બદલાઈ રહ્યો છે. કેટલાક લોકો માટે તે જીવનસાથી પસંદ કરવાની એક વ્યવહારુ રીત બની છે જ્યારે કેટલાક લોકો માટે તે અસ્થિરતા, દગો, શોષણ અને અનિશ્ચિતતા વધારનાર બની છે. આમ તો રોસ્ટર ડેટિંગ અને અરેન્જડ મેરેજમાં બહુ તફાવત નથી. જો રોસ્ટર ડેટિંગ કરતી વ્યક્તિ પોતાની બધીજ વાતો માતા અથવા પિતાને નિખાલસતાથી કરી શકે અને તેમનું માર્ગદર્શન તો નહીં પણ અભિપ્રાય મેળવી શકે તો રોસ્ટર ડેટિંગમાં અસ્થિરતા અને અનિશ્ચિતતા ઓછી થઇ શકે.
આજની બદલાતી જીવનશૈલીમાં સોશ્યલ મીડિયા અને ડેટિંગ એપ્સને કારણે લોકો પાસે જીવનસાથી પસંદ કરવાના વિકલ્પો બહુજ વધી ગયા છે. સાથે સાથે ધીરજ, પ્રતિબદ્ધતા અને લાંબાગાળાના સંબંધો જાળવવા માટે નવા પડકારો પણ ઉભા થયા છે. તેથી માત્ર વધુ વિકલ્પો ઉભા કરવા કરતાં યોગ્ય વ્યક્તિ સાથે વિશ્વાસ, સંવાદ અને પરસ્પર સન્માન વિકસાવવું એ વધારે મહત્વનું છે.
રોસ્ટર ડેટિંગ આધુનિક સમાજમાં વધતો જતો સંબંધોનો ટ્રેન્ડ છે. પરંતુ તેની સફળતા કે નિષ્ફળતા તેનો ઉપયોગ કેવી રીતે થાય છે તેના પર આધાર રાખે છે. જો તેમાં પારદર્શિતા, પરસ્પર સંમતિ અને સ્પષ્ટ અપેક્ષાઓ હોય તો કેટલાક લોકો માટે તે જીવનસાથી પસંદ કરવાની ઉત્તમ પ્રક્રિયા બની શકે છે. પરંતુ જો તેમાં છેતરપીંડી, સતત સરખામણી, કમીટમેન્ટનો ડર અથવા ભાવનાત્મક અસુરક્ષા સામેલ હોય તો તે વ્યક્તિ અને સંબંધ બંને માટે નુકશાનકારક બની શકે છે.

ન્યુરોગ્રાફ :
વિકલ્પોની ભીડમાં સાચો સંબંધ મળવો મુશ્કેલ છે, સાચો સંબંધ વિશ્વાસ, પ્રમાણિકતા અને પ્રતિબદ્ધતાથી જ વિકસે છે.

18/07/2026

આ દુનિયા સંબંધોથી નહીં, સ્વાર્થથી ચાલે છે. - Dr Mrugesh Vaishnav

Gujarat Samachar – Shatdal – Vedana Samvedana Columnરોસ્ટર ડેટિંગ - આધુનિક સંબંધોનું મનોવિજ્ઞાન (2)વેદના-સંવેદના - મૃગેશ...
16/07/2026

Gujarat Samachar – Shatdal – Vedana Samvedana Column

રોસ્ટર ડેટિંગ - આધુનિક સંબંધોનું મનોવિજ્ઞાન (2)
વેદના-સંવેદના - મૃગેશ વૈષ્ણવ

*************************
વિકલ્પો બહુ વધારે હોય ત્યારે યોગ્ય નિર્ણય લેવો મુશ્કેલ બની જાય છે. પરિણામે વ્યક્તિ સતત સરખામણી કરતી રહે છે અને કોઈપણ સંબંધથી સંપૂર્ણ સંતોષ મેળવી શકતી નથી
*************************

(ગતાંકથી ચાલુ)
રોસ્ટર ડેટિંગ પાછળનાં કારણો
૧. વધુ સારા વિકલ્પની શોધ (Fear of Missing out) - "FOMO") - ધર્ખંસ્ર્ંધ થ ઘણા લોકોના મનમાં સતત એવો વિચાર રહે છે કે કદાચ તેમને હજુ સારી વ્યક્તિ મળી શકે. સોશિયલ મીડિયા અને ડેટિંગ એપ્સ પર સેકંડો પ્રોફાઈલ્સ ઉપલબ્ધ હોવાથી વ્યક્તિને લાગે છે કે જો કોઈ એક સંબંધમાં જલ્દીથી બંધાઈ જશે તો કદાચ શ્રેષ્ઠ તક ગુમાવી દેશે. આ માનસિક વ્યક્તિને લાંબા સમય સુધી કોઈ એક સંબંધમાં પ્રતિબદ્ધ બનતા રોકે છે.
૨. કમીટમેન્ટનો ડર : કેટલાક લોકો ભૂતકાળનાં ખરાબ સંબંધો, છૂટાછેડા અથવા વિશ્વાસઘાતનાં અનુભવ પછી ફરીથી કોઈ એક વ્યક્તિ પર સંપૂર્ણ વિશ્વાસ મુકવામાં સંકોચ અનુભવે છે. તેથી તેઓ ઉત્તમ પસંદગી માટે એક કરતા વધુ લોકોને મળે છે પરંતુ આ મુલાકાતો દરમ્યાન ભાવનાત્મક અંતર જાળવીને આખરી કમીટમેન્ટ કરતા થોડા ડરે છે.
૩. આત્મવિશ્વાસ અને માન્યતાની જરૂરિયાત : જ્યારે એક કરતા વધારે લોકો કોઈ એક વ્યક્તિમાં રસ બતાવે ત્યારે એ વ્યક્તિને પોતાનું મહત્વ અને આકર્ષણ વધુ અનુભવાય છે. લાઈક, મેરેજ, કોલ અને સતત મળતા ધ્યાનથી વ્યક્તિમાં આત્મસંતોષની લાગણી વધે છે. પરંતુ જો આ આત્મવિશ્વાસ માત્ર બહારથી મળતી માન્યતા પર આધારિત હોય તો તે લાંબાગાળે નુકશાનકારક પણ બની શકે છે.
૪. વિકલ્પો વધુ હોવાનો ભ્રમ : મનોવિજ્ઞાાનમાં આને 'પસંદગીનો ઓવરલોડ' કહેવામાં આવે છે. જ્યારે વિકલ્પો બહુ વધારે હોય ત્યારે યોગ્ય નિર્ણય લેવો મુશ્કેલ બની જાય છે. પરિણામે વ્યક્તિ સતત સરખામણી કરતી રહે છે અને કોઈપણ સંબંધથી સંપૂર્ણ સંતોષ મેળવી શકતી નથી.
હવે, રોસ્ટર ડેટિંગની સંબંધો પર શું અસર થઈ શકે એ ચકાસીએ. રોસ્ટર ડેટિંગ દરેક માટે નુકશાનકારક જ હોય એવું નથી. પરંતુ જો પારદર્શિતા ન હોય તો સંબંધોમાં અનેક મુશ્કેલીઓ ઉભી થઈ શકે છે.
૧. વિશ્વાસની સમસ્યા : કોઈપણ સંબંધનું સૌથી મહત્વપૂર્ણ તત્વ વિશ્વાસ છે. જો એક વ્યક્તિ એવું માને કે તે એક્સક્લુઝિવ સંબંધમાં છે પણ બીજી વ્યક્તિ અન્ય લોકો સાથે પણ ડેટિંગ કરી રહી હોય તો વિશ્વાસ તૂટી શકે છે. અને એક વાર વિશ્વાસ તૂટે પછી સંબંધને ફરીથી મજબુત બનાવવો મુશ્કેલ બને છે.
૨. ભાવનાત્મક થાક : એકસાથે અનેક લોકો સાથે વાતચીત કરવી. અલગ-અલગ વ્યક્તિઓની અપેક્ષાઓને સંભાળવી અને સંતોષવી. અને દરેક સાથે સમય પસાર કરવો વ્યક્તિને ક્યારેક માનસિક રીતે થકવી નાખે છે. ઘણા લોકો થોડા સમય પછી ભાવનાત્મક રીતે ખાલીપો અનુભવવા લાગે છે.
૩. સતત સરખામણી : રોસ્ટર ડેટિંગમાં વ્યક્તિ ઘણીવાર દરેક પાર્ટનરની સરખામણી કરતી રહે છે. 'આ વ્યક્તિ વધારે સમજદાર છે.' 'પેલી વ્યક્તિ વધુ સફળ છે.' 'પણ આ વ્યક્તિ તો બહુ રોમેન્ટિક છે.' આ સતત સરખામણી કોઈપણ સંબંધને ઊંડાણ સુધી પહોંચવા દેતી નથી.
૪. ઊંડા જોડાણનો અભાવ : સાચો સંબંધ સમય, વિશ્વાસ અને લાગણીથી વિકસે છે. જો વ્યક્તિ સતત નવા વિકલ્પો શોધતી રહે તો કોઈપણ એક સંબંધને વિકસવાનો પુરતો સમય મળતો નથી.
રોસ્ટર ડેટિંગ પાછળના મનોવિજ્ઞાાન અને સંબંધો પર તેની અસરની આપણે અત્રે ચર્ચા કરી. હવે પછીના લેખમાં રોસ્ટર ડેટિંગની કેટલીક કેસ હિસ્ટ્રી, એના ફાયદા-ગેરફાયદા અને વ્યક્તિ અને સમાજ પર તેની અસરની ચર્ચા કરીશું.
એ પહેલા આ લેખમાં એક નગ્ન સત્યની ચર્ચા કરી લઉં કે તમે એરેન્જ્ડ મેરેજ, લવ મેરેજ કે રોસ્ટર ડેટિંગથી જીવનસાથી પસંદ કરી અને લગ્ન કરી લો તો પણ એક દિવસ તો દિલમાં જરૂરથી વિચાર આવશે કે 'શું મેં સાચો માણસ પસંદ કર્યો છે ?' પણ સાચી વાત એ છે કે પ્રોબ્લેમ પસંદગીમાં નથી, અપેક્ષાઓમાં છે. કારણ કે આ દુનિયામાં કોઈ પરફેક્ટ નથી.
જેની પાસે પૈસા હોય છે એની પાસે તમારા માટે સમય નથી હોતો. અને જેની પાસે સમય હોય છે એ સંઘર્ષ કરતો હોય છે અને એની પાસે પૈસા નથી હોતા.
જે રોમેન્ટિક લાગે છે એ હંમેશા વિશ્વાસપાત્ર હોય એવું નથી બનતું અને જે વિશ્વાસપાત્ર હોય છે એ એક્સાઈટીંગ નહિ પણ બોરિંગ લાગે છે.
જે સાચું બોલતો હોય છે એની વાતો ઘણીવાર ચુભી જાય છે અને જે હંમેશા હાજર રહે છે એની કિંમત સમજાતી નથી. જે તમને ખૂબ આકર્ષે છે એ જીવનપર્યંત તમારું જ બનીને રહેશે એની કોઈ ગેરન્ટી નથી. એટલે જો તમે પરફેક્ટ માણસની રાહ જોઈ રહ્યા છો તો કદાચ આખી જિંદગી રાહ જોતા જ રહેશો. પણ જો તમે ખામીઓ સાથે કોઈને સ્વીકારી શકો અને સાથે મળીને મજબુત સંબંધ બનાવવાનો દ્રઢ નિશ્ચય કરો તો તમને એવો પ્રેમ મળશે જે શોર નથી કરતો પણ અંદરથી મજબુત હોય છે.

ન્યુરોગ્રાફ
આ દુનિયામાં કોઈ જ પરફેક્ટ નથી. એટલે કલ્પનાઓની મૂર્તિરૂપે બનાવેલા પરફેક્ટ જીવનસાથીને શોધવામાં ઉંમર ખર્ચી નાખવી જરૂરી નથી.

11/07/2026

તમે તમનેજ ઓળખો છો? -
Do you know yourself? - Dr Mrugesh Vaishnav

08/07/2026

Breakup નું દર્દ - દિલનું કે દિમાગનું? - Dr Mrugesh Vaishnav

Gujarat Samachar – Shatdal – Vedana Samvedana Columnરોસ્ટર ડેટિંગ - આધુનિક સંબંધોનું મનોવિજ્ઞાન (1)-વેદના-સંવેદના - મૃગે...
08/07/2026

Gujarat Samachar – Shatdal – Vedana Samvedana Column

રોસ્ટર ડેટિંગ - આધુનિક સંબંધોનું મનોવિજ્ઞાન (1)
-વેદના-સંવેદના - મૃગેશ વૈષ્ણવ

************************
આજની પેઢી એકસાથે અનેક સંબંધો બાંધે છે. આમાં યુવાનો અને યુવતીઓ બંનેના વર્ગનો સમાવેશ થાય છે. આજની પેઢીને આમાં કશું જ ખોટું લાગતું નથી
************************

આજના યુવક યુવતીઓ એક નહીં અનેક સાથે સંબંધો રાખે છે. સામેના પાત્રને પુરી રીતે ચકાસી લીધા પછી કોની સાથે સમગ્ર જીવન વિતાવવું ફાવશે એ નક્કી કરી કમીટેડ રિલેશનશિપમાં આગળ વધે છે. આ પદ્ધતિ માતા-પિતાની મદદથી યોજાતા એરેન્જ્ડ મેરેજમાં વિવિધ છોકરા છોકરીઓને જોવાની અને આખરે પાત્ર પસંદ કરવાની પદ્ધતિને મળતી આવે છે પરંતુ આમાં જોખમ અને જવાબદારી વ્યક્તિનાં પોતાના પર હોય છે.
આજના ડીજીટલયુગમાં સંબંધોની વ્યાખ્યા ઝડપથી બદલાઈ રહી છે. એક એવો પણ સમય હતો જ્યારે કોઈ એક વ્યક્તિ માત્ર એક જ વિજાતીય પાત્ર સાથે સંબંધ બાંધવા અને તેને આગળ વધારવાની ઇચ્છા રાખતી હતી અને બનતી તમામ કોશિશ કરતી હતી. પણ આજના યુવક-યુવતીઓ કોઈપણ કમિટેડ સંબંધ બાંધતા પહેલા લભ્ય એ તમામ વિકલ્પો ચકાસી લે છે. એ માટે આજની પેઢી એકસાથે અનેક સંબંધો બાંધે છે. આમાં યુવાનો અને યુવતીઓ બંનેના વર્ગનો સમાવેશ થાય છે. આજની પેઢીને આમાં કશું જ ખોટું લાગતું નથી પરંતુ જેની સાથે આખી જિંદગી વિતાવવી છે તે વ્યક્તિને પસંદ કરતા પહેલા જુદા જુદા પ્રકારના દેખાવ, સ્વભાવ અને મનોવલણોવાળી વ્યક્તિઓ સાથે ડેટિંગ કરીને કે સંબંધો વિકસાવીને વ્યક્તિને ચકાસે છે અને પછી જ આખરી નિર્ણય લે છે. નવા જમાનાનાં આ ટ્રેન્ડને 'રોસ્ટર ડેટિંગ' (Roster Dating) કહે છે. આનો અર્થ એ છે કે કોઈ એક વ્યક્તિ એક જ સમયે બે, ત્રણ અથવા તેથી પણ વધારે વિજાતીય પાત્રો સાથે ડેટિંગ કરે છે. આ પ્રકારના ડેટિંગનો એક વિશેષ લાભ એ છે કે આમાં જ્યારે કોઈ પણ વ્યક્તિ કોઈની સાથે પણ ડેટિંગ કરે છે ત્યારે કોઈ પ્રકારની છેતરપિંડી કે બદમાશી કરતી નથી. કારણ, આવા સંબંધોમાં કોઈ કોઈને કમટેડ હોતું નથી. જો ન ફાવે તો છુટા થઈ જવાની બંને પક્ષે પૂરી તૈયારી હોય છે. આવા સંબંધોમાં વ્યક્તિ સામેના પાત્રને ચેક કરે છે. તેના પ્લસ અને માઈનસ પોઈન્ટનો અભ્યાસ કરી અને નક્કી કરે છે કે 'આની સાથે જીવન વિતાવવું ફાવશે કે કેમ ?' અમુક પરિચય પછી જો ન ફાવે તો સંબંધોને એક નવો વળાંક આપીને નિખાલસ ચર્ચા કરી અને એક બીજાને આ સંબંધોમાંથી મુક્ત કરી દે છે. આવા સંબંધો પુરા થાય ત્યારે બ્રેકઅપનો કોઈ આઘાત લાગતો નથી. કારણ બીજો ઓપ્શન તૈયાર જ હોય છે. પ્લાન એ ફેલ જાય તો પ્લાન B, Cઅને D પણ તૈયાર જ હોય છે. એટલે વ્યક્તિ બીજા વિકલ્પો ચકાસવાનું શરૂ કરે છે. બીજી વ્યક્તિ સાથે ક્લિક થાય છે કે નહીં ? બંનેના વિચારો મળે છે કે નહીં ? સામેની વ્યક્તિ સંબંધોમાં સ્પેસ અને સ્વતંત્રતા આપવામાં માને છે કે નહીં ? અને સામેના પાત્ર પાસેથી કેટલી ઇમોશનલ અને ફાઈનાન્સિયલ સિક્યોરિટી મળી શકે એમ છે. એ ચકાસે છે અને આ માણસ સાથે આખી જિંદગી જીવી શકાશે નહીં એ નક્કી કરે છે.
આ સંબંધોની આ આધુનિક પદ્ધતિ પ્રથમ દ્રષ્ટિએ તો વાંધાજનક હોય એવું લાગતું નથી. કારણ, અત્યાર સુધી પ્રચલિત એરેન્જ્ડ મેરેજની પદ્ધતિમાં પણ એક છોકરો કે છોકરી સંખ્યાબંધ વિજાતિય પાત્રોને મળે છે. તેમનો બાયોડેટા, ફેમિલી બેકગ્રાઉન્ડ ચકાસે છે. તેની સાથે મુલાકાતો યોજી તેની પસંદ-નાપસંદ, સ્વભાવ, વર્તણુંક અને ફેમિલી બેકગ્રાઉન્ડ ચકાસે છે અને એક ઓપ્શન પૂરો થઈ જાય એટલે બીજા ઓપ્શન તરફ આગળ વધે છે. આમાં ફેર માત્ર એટલો જ છે કે પાત્રોની વાત વડીલો તરફથી કે મેરેજ બ્યુરો તરફથી આવે છે. એટલે તેમાં અન્યના અભિપ્રાયો અને અનુભવોનો લાભ પણ મળી શકે. જ્યારે રોસ્ટર ડેટિંગમાં વ્યક્તિ પોતાની રીતે જ વિવિધ વિકલ્પો ચેક કરતી રહે છે. એટલે આમાં સાવધાની, પ્રમાણિકતા અને નિખાલસતા દાખવવાની જવાબદારી વ્યક્તિની પોતાની જ હોય છે. એટલું જ નહીં પણ જ્યાં સુધી કોઈ એક વ્યક્તિને કમીટેડ ન થવાય ત્યાં સુધી સંબંધોમાં પારદર્શિતા રાખવી જરૂરી હોય છે. અને પોતે અન્ય વ્યક્તિને પણ મળી રહ્યા છે એવું સ્પષ્ટ જણાવવું અને ક્યારેક જુઠ્ઠું ન બોલવું એ પણ જરૂરી હોય છે. આમાં સામેના પાત્રની દાનત જો ફીઝીકલ રિલેશનશિપ પુરતી જ હોય તો તે પણ સમજવી પડે છે અને જ્યાં સુધી કમીટેડ રિલેશનશિપમાં ન પડવાનું થાય ત્યાં સુધી ફીઝીકલ રિલેશનશિપથી દૂર રહેવું હિતાવહ હોય છે અને એક વખત કમિટેડ રિલેશનશિપ નક્કી થઈ જાય પછી અન્ય પાત્રો સાથે સંબંધ ચાલુ રાખવાની પડદા પાછળની રમત બંધ કરવી પડે છે.
રોસ્ટર ડેટિંગને ઘણા લોકો પોતાની પસંદગી સમજવાનો રસ્તો માને છે જ્યારે મનોચિકિત્સકો એવું માને છે કે આ પદ્ધતિ વ્યક્તિનાં ભાવનાત્મક સ્વાસ્થ્ય અને સંબંધોની ગુણવત્તા પર અસર કરી શકે છે. આ માટે, રોસ્ટર ડેટિંગ પાછળનાં મનોવિજ્ઞાન અને સંબંધોના વિવિધ પાસાઓને સમજીએ.
રોસ્ટર ડેટિંગ માત્ર એક સામાજિક ટ્રેન્ડ નથી. તેની પાછળ વ્યક્તિની માનસિક જરૂરિયાતો, ડર અને જીવનશૈલી જવાબદાર હોય છે, રોસ્ટર ડેટિંગ પાછળ નીચેના મનોવૈજ્ઞાનિક કારણો હોય છે.
(ક્રમશ:)

Address

3rd Floor Satya One Complex, Opp Manav Mandir Helmet Circle Memnagar
Ahmedabad
380052

Telephone

+919712904377

Website

Alerts

Be the first to know and let us send you an email when Samvedana Happiness Hospital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category