Dr Amit Kumar Dutta,MBBS MD, medical oncologist

19/09/2026

আজি সেই পুৰণা গীটাৰখন...

মেট্ৰিকত ভাল ফল কৰাৰ সেই আবেলিটোত
দেউতাই মোৰ হাতত তুলি দিছিল
এখন নতুন গীটাৰ—
কাঠৰ গাত জমা হৈ থকা
আতৰৰ দৰে এক সন্মোহনী গোন্ধ,
তাঁৰত আঙুলিৰ পৰশ লাগিলেই
উঠি অহা মিহি ধাতৱ কম্পন!
আৰু দেউতাৰ চকুত
সন্ধিয়াৰ প্ৰথম তৰাৰ দৰে
এটি সৰু গৌৰৱৰ পোহৰ!

তেতিয়া নাজানিছিলোঁ,
এদিন এই গীটাৰখনেই
হৈ পৰিব
দেউতালৈ উভতি যোৱাৰ
মোৰ আটাইতকৈ নীৰৱ বাট।

দেউতা আজি নাই!

ঘৰখনত এতিয়া
তেওঁৰ খোজৰ শব্দ নাই,
দুৱাৰ খোলাৰ সেই চিনাকি কঁপনি নাই,
সন্ধিয়াৰ চাহৰ ধোঁৱাই
য’ত তেওঁৰ মুখখন অলপ অলপ ঢাকি দিছিল,
সেই কাপটোৰ কাষত
মৰমেৰে সোধা কথাবোৰো নাই।

মাথোঁ আছে—
দেৱালৰ ছাঁ দীঘল হৈ পৰা
এটা নীৰৱ কোণত থৈ দিয়া
সেই আজি এই পুৰণা গীটাৰখন।

সময়ৰ পাতল আৱৰণে
তাঁৰবোৰৰ ৰূপালী জ্যোতি ঢাকি ৰাখিলেও
মোৰ স্মৃতিবোৰক
কোনো ধূলিয়ে ঢাকিব নোৱাৰে!
কাঠৰ গাত হাত থ’লে
এতিয়াও যেন অনুভৱ কৰোঁ
দেউতাৰ উম থকা আঙুলিৰ ছাপ!

কেতিয়াবা লাহেকৈ যেতিয়া
এটি তাঁৰ চুই দিওঁ—
নখৰ তলেদি সৰি যোৱা
এটা কঁপা ধাতৱ সুৰে
নিস্তব্ধ ঘৰখনৰ বন্ধ বতাহ ফালি
ক’ৰবাৰ পৰা উভতি আনে
সেই চিনাকি আবেলিটো—
খিৰিকীৰে সোমাই অহা সোণালী ৰ’দ,
চাহপাতৰ গন্ধ,
আৰু দেউতাৰ হাঁহিৰ উমটো!

মনত হয়,
গীটাৰখনে যেন
দেউতাৰ মাতত গুণগুণাই কয়—

“তই পাৰিবি…”

আৰু সেই দুটা শব্দতেই
হঠাৎ যেন
ঠাণ্ডা হৈ পৰা ঘৰখনৰ
দেৱাল, দুৱাৰ, মজিয়া—
সকলোবোৰ দেউতাৰ হাতৰ উম পৰশত
সজীৱ হৈ উঠে!

খিৰিকীৰ সিপাৰে
সন্ধিয়াৰ পোহৰ লাহে লাহে ম্লান হয়,
আকাশৰ কমলা ৰং
ধূসৰ নীলাত গলি যায়,
দূৰৰ চৰাইবোৰে শেষ মাতটো দিয়ে;
কিন্তু গীটাৰৰ তাঁৰত
আঙুলিৰে এৰি যোৱা
এটা সুৰ বহুসময় জীয়াই থাকে।

সেই সুৰত আছে,
মোৰ শৈশৱৰ ধূলিসনা চোতাল ,
মেট্ৰিকৰ শেষ দিনৰ সেই ৰ’দসনা আবেলিটো ,
দেউতাৰ হাঁহিৰ উষ্ণ শব্দ,
আৰু
কেতিয়াও নোকোৱা
এটা গভীৰ মৰম—
যাৰ গন্ধ এতিয়াও
এই পুৰণি গীটাৰৰ কাঠৰ বুকুত লুকাই আছে।

দেউতা আজি নাই!
কিন্তু আজিৰ এই পুৰণা গীটাৰখন
আজিও মাজে মাজে
মোৰ কাষত বহি,
নিস্তব্ধ সন্ধিয়াৰ বুকুত
এটা মিহি সুৰ মেলি
লাহেকৈ গুণগুণাই…

“মই নাই বুলি নাভাবিবি,
মই আছোঁ—
তোৰ প্ৰতিটো সুৰৰ মাজত!!”

Dr Amit Kumar Dutta
20.9.26

19/09/2026

জনসমুদ্ৰ! দাদাৰ প্রতি থকা নিঃস্বাৰ্থ মৰমৰ এয়া জনসমুদ্ৰ! উৎকট গৰম! কিন্তু কাকো ক্লান্ত কৰিব পৰা নাই আজি!!
জুবিন দিৱসত দাদাৰ প্ৰতি আমাৰ মৰমখিনিক যাচি বলৈ আজি ১৯.৯.২৬ ত মই আৰু dr Sahil এ দাদাৰ লগত কিছু সময় অতিবাহিত কৰিলো।
দাদাৰ আশীৰ্বাদ পাই দুখ লাগি থকা মনবোৰে কিছু শান্তি পালে ।
জয় জুবিন দা ❤️❤️🙏🙏


( আজি এবছৰৰ আগতে মৰমৰ zubin দাৰ কায়িক শৰীৰ টো বিদাই দিছিলোঁ আমি। সেই একেই জনসমুদ্র, চকুপানী, আৱেগ আৰু প্ৰকৃতিৰ সেই একেই উত্তাল উৎকট গৰমত! ছবিবোৰ সযতনে থৈছিলোঁ। তলৰ কেখন ঠিক আজিৰ দিনতেই আজিৰ সময়তে উঠা অতি দুখলগা ছবি!এবছৰ zubeen Da অবিহনে!!!)

19/09/2026

17/09/2026

সুপ্ৰভাত সকলোকে... ❤️

নোভাকেয়াৰ ডে-কেয়াৰ ট্ৰিটমেণ্ট চেণ্টাৰৰ কাম প্ৰায় সম্পূৰ্ণ হোৱাৰ পথত। এই নতুন যাত্ৰাৰ আৰম্ভণিৰ সময়তে আমাৰ মনত এটা বিশেষ চিন্তা আহিছে।

মই আৰু ডাঃ চাহিল —দুয়ো জুবিন দাৰ একনিষ্ঠ অনুৰাগী। সেয়েহে নোভাকেয়াৰৰ ৰিচেপচনত আমাৰ অতি প্ৰিয় শিল্পী জুবিন দাৰ এখন ডাঙৰ, সুন্দৰ আৰু অৰ্থবহ ছবি স্থাপন কৰাৰ ইচ্ছা কৰিছোঁ।

জুবিন দা কেৱল এজন শিল্পী নাছিল—তেখেত আছিল অসমৰ সংগীত, সংস্কৃতি আৰু অগণন মানুহৰ আবেগৰ এক অবিচ্ছেদ্য অংশ। তেখেতৰ কণ্ঠ, সৃষ্টিশীলতা আৰু অসমীয়াৰ প্ৰতি থকা ভালপোৱাৰ স্মৃতি আমাৰ মাজত সদায় জীয়াই থাকিব।

১৯ ছেপ্টেম্বৰত আমি এটা প্ৰদীপ জ্বলাই তেখেতৰ আত্মাৰ শান্তিৰ বাবে প্ৰাৰ্থনা কৰাৰ লগতে অসমৰ প্ৰতি তেখেতে আগবঢ়োৱা অমূল্য অৱদানক গভীৰ শ্ৰদ্ধাৰে স্মৰণ কৰিম।

এই শ্ৰদ্ধাঞ্জলিৰ মুহূৰ্তত সকলো অসমবাসীক আমাৰ সৈতে অংশগ্ৰহণ কৰিবলৈ আন্তৰিক আহ্বান জনালোঁ।

জুবিন দা আমাৰ মাজত নাথাকিলেও, তেখেতৰ সুৰ আৰু স্মৃতি সদায় আমাৰ হৃদয়ত বাজি থাকিব। ❤️

ধন্যবাদ।

— টীম নোভাকেয়াৰ

17/09/2026

সকলোৰে প্ৰাণৰ zubeen দা ❤️❤️❤️

14/09/2026

আজি গধূলি ড০ সাহিলৰ সৈতে নোভাকেয়াৰ কেন্দ্ৰটোৰ মুকলি ছাদত স্নিগ্ধ বতাহজাক উপভোগ কৰাৰ মুহূৰ্ত এটা.....

(Our new Novacare centre is coming to life, beautifully prepared and ready to welcome you with open arms, warmth, and exceptional care...

নোভাকেয়াৰ কেন্দ্ৰটোৰ শুভ উদ্বোধনী দিনটো কাষ চাপিছে, আৰু আমি আপোনালোকক উষ্মতা, মৰম তথা উৎকৃষ্ট সেৱাৰে স্বাগতম জনাবলৈ সম্পূৰ্ণৰূপে প্ৰস্তুত হৈ উঠিছোঁ।)
fans