Dr AV Gurava Reddy

10/08/2026

జీవితంలో కొన్ని హోదాలు,
చెమటోడ్చి గెలిచిన గెలుపుల్లోనో,
ఎదురీది చేరిన తీరాల్లోనో వుండవు..
అవి, సున్నితంగా హృదయాలలో
ఆనందంగా జ్ఞాపకాలలో మిగిలిపోతాయి..!
ఆడపిల్ల పుట్టినప్పుడు,
అల్లారు ముద్దుగా మనవళ్లు ఉరికినప్పుడు,
జీవితం తాలూకు అసలైన రుచి తెలుస్తుంటుంది!
తాతగా మా మనవళ్లు ఇచ్చిన ఆ హోదా,
మానవళ్లుగా వాళ్ళు అందించిన ఆ రుచి,
మొన్నీమధ్య
వాళ్ళని సరదాగా ‘The Great Show ‘ సర్కస్ కు తీసుకెళ్లినప్పుడు,
‘Grand Parents Day’ సందర్భంగా,
వారి స్కూలుకి వెళ్ళినప్పుడు కలిగింది..!
కళ్ళ ముందు పెరిగిన బుడతలు,
వాళ్ళకంటూ స్నేహితులని చేసుకొని,
వాళ్ళని మాకు పరిచయం చేస్తూ..
సర్కస్ లో విన్యాసాలని చూసి నివ్వెరబోతూ,
ఆనందంతో వెలిగిపోయిన వారి కళ్ళల్లో
‘ఇంత వయస్సు’ రావడం
బరువు కన్నా మరింత తేలిక అనిపించింది..!
వయస్సు, ఎదో చివరాఖరి గీతకు దెగ్గర చేస్తునట్టు భ్రమ పరిచినా,
మనవళ్లు ఎంతో సునాయాసంగా ఆ గీతని ప్రేమతో చెరుపుతారు..
ఇంకో నిండు జీవితానికి కావాల్సిన ఆయుష్యుని, ఆనందాన్ని
అమాయకంగా అందించి కౌగలించుకుంటారు..
ఆ తృప్తి పరిచిన జ్ఞాపకాన్ని.. మీతో పంచుకుందాం అనీ...

08/08/2026

'ప్రేమ' పేరుకి హృదయం లో పుట్టినా,
అది ఇంకో గుండెకి వినిపించాలంటే
'పియానో' ఆ మృదువైన మాధ్యమం..!
తరతరాలుగా, ప్రేమని వ్యక్తం చేయడానికి ప్రేమికులు,
ఆనందాన్ని వ్యక్తం చేయించడానికి మనుష్యులు,
బాధని కప్పిపుచ్చడానికి కనీళ్ళు,
పియానో నే నమ్మాయి..
అందుకే, పేరుకి అది సంగీత వాయిద్యమే అయినా,
నిజానికి అది మనస్సులో మాట కరిగించే మాధ్యమం!
ఇలాంటి పియానో పై మన తెలుగు చిత్రాలలో వచ్చిన
ఐకానిక్ పాటలని, వాటి వెనుక కథలని
నెమరువేసుకుంటూ.. అనుభవించుకుంటూ..
ఈ వారం సంగీత సాహిత్య నైవైద్యం సిద్ధంగా వుంది..
చిత్తడి చినుకులు పడే పసందైన సాయంకాలానికి,
ఈ నైవేద్యాన్ని ఆరగించగలరు.. గురవా రెడ్డి!

'ప్రేమ' పేరుకి హృదయం లో పుట్టినా,అది ఇంకో గుండెకి వినిపించాలంటే '...

06/08/2026

మోకాళ్ల నొప్పికి - నడుము నొప్పికి సంబంధం వుందా?

03/08/2026

సర్వేజనా సోమవారాలు - అధ్యాయం 17

ఆరోగ్య సమస్యలకి కారణాలు
ఎన్నో వున్నా..
ప్రప్రధమైన కారణం
సరైన అవగాహన లేకపోవడం,
సరైన సమయంలో సమస్యని గుర్తించడం!
అందుకే, సర్వేజనా లో ఆ రెండూ, రెండు కళ్ళు!
సౌకర్యాలు, అవకాశాలు లేని పల్లెటూర్లకి
అందాల్సిన అవగాహన,
దక్కాల్సిన వైద్యం చేరడానికి
సర్వేజనా నిరంతరం కృషి చేస్తోంది!
అందులో భాగంగానే, నాట్కో ఫార్మా వారి సౌజన్యం తో
మొన్నీమధ్య సర్వేజనా బృందం మెకాగూడ అనే పల్లెటూరికి చేరింది!
సుమారు 158 మంది పైచిలుకు గ్రామస్థులకు,
ఇవ్వాల్సిన అవగాహనను,
కావాల్సిన పరీక్షలు చేసి,
విజయవంతంగా 55వఆర్థో క్యాంపు ని నిర్వహించారు..!
ప్రతి సోమవారం, ఇలా మీతో
సర్వేజనా ద్వారా జరిగే కృషి గురించి పంచుకోవడం,
పంచుకునేందుకు వీలుగా ఎంతో కృషి జరగడం,
నాకు ఎంతో తృప్తిని ఇస్తోంది..
మీ అందరి సహకారం మరింత తోడై,
ఇలా మరిన్ని గ్రామాలకు ఈ మంచి చేరుకోవాలని ఆశిస్తూ.. గురవా రెడ్డి!

02/08/2026

65 ఏళ్లకు MRI Scan అవసరమా?

31/07/2026

వాన చినుకులకి మొలిచిన మొక్క
బండరాళ్లను చీల్చి ఎదిగిన మొక్క
పేరుకి ఒకే ఆకుని చాచినా,
తీరులో రెండు కథలని చూపిస్తుంది..
అనువుగాని చోటలో, ఎదురీదుకుంటూ
స్వయంకృషితో గెలిచిన కథలే
ప్రవాస భారతీయులలో నిండా కనిపిస్తాయి..
అలాంటి ఒక కథే మిత్రుడు రమేశ్ ది,
Morrisville మరియు Cary లో Spice Hut Indian Groceries పేరుతో
ఇండియన్ డిపార్ట్మెంటల్ స్టోర్ నడుపుతూ
చక్కటి తెలుగు రుచుల్ని పరిచయం చేసే కఫే కూడా అందులో అంతర్భాగంగా చేశారు..
నా స్నేహితులు మధు-శిరీషల ద్వారా పరిచయం అయిన మిత్రుడు రమేశ్,
ఎంతో స్వయంశక్తితో నిలిచిన తన కథ అంటే నాకంతే స్ఫూర్తిదాయకం..
మొన్నామధ్య అమెరికాలో వున్నప్పుడు రమేశ్ హోటల్లో
రుచికరమైన ఉప్మా పెసరట్టుని ఆస్వాదించి,
ఇటు జిహ్వను అటు బంధాన్ని రెండిటిని
సంతృప్తి పరిచాను..
ఆ చక్కటి జ్ఞాపకాన్ని మీతో పంచుకుందామని..

Spiceshut Morrisville

30/07/2026

మోకాళ్ల క్షేణం మరీ ముఖ్యం.. ఆలోచించి సరైన వైద్యాన్ని పాటించండి.. నాటు వైద్యం పట్ల జాగ్రత్త వహించండి..

27/07/2026

సర్వేజనా సోమవారాలు - అధ్యాయం 16

రోడ్ ప్రమాదాలలో
నిర్లక్షత కనిపించే శత్రువైతే,
అవగాహనలేమి కనపడని శత్రువు..
మరీ ముఖ్యంగా,
తరచూ రోడ్లమీదే జీవితాలు గడిపే
లారీ డ్రైవర్లకు,
వారి ఆర్థిక స్థోమత వల్ల
వారు మోసే ఆర్ధిక బాధ్యతల వల్ల,
కొన్ని ముఖ్యమైన అంశాలని పరిగణించరు!
హైవేలపై, ఊర్లో రోడ్లపై,
అత్యధిక శాతం ప్రమాదాలు, ఈ భారీ వాహనాల ద్వారానే జరుగుతుంటాయి!
అందుకు ముఖ్య కారణం, ఈ డ్రైవర్ల కళ్ళకి ద్రుష్టి లోపం ఉండడం..
అందుకే, సర్వేజనా బృందం,
హైదరాబాద్ లోనే అత్యంత బిజీ transport హబ్ అయినా,
లయన్స్ క్లబ్ క్లినిక్ ఆటో నగర్ వద్ద
ఉచిత కంటి చూపు పరీక్షా,
పరీక్షా results బట్టి, ఉచితంగా కళ్లజోడుని కూడా అందచేసే క్యాంపుని
విజయవంతంగా నిర్వహించారు..
దీనికి తోడుగా నిలిచినా CSR Eye హాస్పిటల్ మరియు KVR మెమోరియల్ ట్రస్ట్ వారికి
ప్రత్యేకంగా నా కృతఙ్ఞతలు తెలుపుకుంటున్నాను!
ఇలాంటి ఎంతో మంది సౌజన్యంతో,
ఇంకా ఎన్నో విధాలుగా రోడ్ భద్రతకై మరిన్ని అడుగులు వేయాలనే
మా తాపత్రయానికి మీ వంతు సాయం చేయగలరు..
శ్రమ రూపేణా లేక ఆర్థిక రూపేణా మీ సహకారాన్ని అందిస్తూ,
కలిసి కట్టుగా మన హైదెరాబాద్ని Saferabad గా మార్చే
ఈ యజ్ఞంలో మీరు భాగ్యులు అవుతారని ఆశిస్తూ.. గురవా రెడ్డి!

26/07/2026

కొన్ని విజయాలు,
కిరీటాలు-కీర్తి చిహ్నాలకి ప్రతిబింబాలు మాత్రమే కాదు,
అది గొప్ప క్రమశిక్షణకు,
అలుపెరుగని కృషికి నిర్వచనాలు!
అలాంటి ఒక గొప్ప విజయమే,
మొన్న పీ వీ సింధు గెలిచిన జపాన్ ఓపెన్..
మొట్ట మొదటిసారి
ఇటువంటి ప్రతిష్టాత్మక టోర్నమెంట్ లో
భారత దేశ మువ్వన్నెల జెండాని రెప రెపలాడించడం
నాకెంతో ఆనందాన్ని కలిగించింది..
ఎంతో సన్నిహితంగా వుండే మా సింధు,
ఇంతటి ఘనత సాధించడం
అందరి భారతీయుల కన్నా ఇంకాస్త గర్వాన్ని అందించింది..
అడగగానే, మా సర్వేజనా కి చేదోడు వాదోడుగా
మరింత మంది యువతకి మా ఆలోచన చేరే విధంగా
తానె బ్రాండ్ అంబాసిడర్ గా వుంటూ,
చేతిలో రాకెట్ తోనే కాక,
మనస్సులో మంచితనంతో ఎప్పుడు విజయాన్ని పొందే
సింధు ప్రయాణం చూస్తుంటే,
నాకు బోలెడంత తృప్తిగా ఉంటుంది!
ఈ సందర్భంగా సింధు తల్లి తండ్రులు రమణ, విజయ గార్లకి అలాగే వెంకట దుత్తకి
మనస్ఫూర్తిగా నా అభినందనలు తెలియచేస్తున్నాను..
కుటుంబం బలం లేనిది, ఇలాంటి విజయాలు దొరకవు..
ఇలా ఇంకా ఎన్నో విజయాలు పొందుతూ,
మరింత మమ్మల్ని ఆనందపరచాలనే కోరికతో.. గురవా రెడ్డి

22/07/2026

ఒకే రోజులో మోకాళ్ళ ఆర్థరైటిస్ స్టేజ్ 3 ఆర్థరైటిస్ గా మారుతుందా?