12/08/2026
അപൂർവ്വമായ സമ്പൂർണ്ണ എൽബോ മാറ്റിവെയ്ക്കൽ ശസ്ത്രക്രിയ വിജയകരമായി പൂർത്തീകരിച്ചു കാഞ്ഞിരപ്പളളി മേരീക്വീൻസ് മിഷൻ ആശുപത്രി.
കാഞ്ഞിരപ്പളളി: അപൂർവ്വമായ എൽബോ മാറ്റിവെയ്ക്കൽ ശസ്ത്രക്രിയ വിജയകരമായി പൂർത്തീകരിച്ചു കാഞ്ഞിരപ്പളളി #മേരീക്വീൻസ് മിഷൻ ആശുപത്രിയിലെ ഓർത്തോപീഡിക്, ജോയിന്റ് റീപ്ലേസ്മെന്റ് ആൻഡ് സ്പോർട്സ് ഇഞ്ചുറീസ് വിഭാഗം. 65 വയസ്സുള്ള പൊൻകുന്നം സ്വദേശിനിക്കാണ് സീനിയർ കൺസൾട്ടന്റ് #ഓർത്തോപീഡിക് ആൻഡ് #ജോയിന്റ് #റീപ്ലേസ്മെന്റ് സർജൻ ഡോ. #ബ്ലെസിൻ എസ്. ചെറിയാന്റെ മേൽനോട്ടത്തിൽ ശസ്ത്രക്രിയ നടത്തിയത്.
ഏതാനം മാസങ്ങൾക്ക് മുൻപ് വീഴ്ചയിൽ പരിക്കേറ്റ് പ്ലാസ്റ്റർ ഇടുകയും, എന്നാൽ പ്ലാസ്റ്റർ ഒഴിവാക്കിയതിന് ശേഷവും കടുത്ത വേദനയും, കഴിഞ്ഞ രണ്ടു മാസത്തോളമായി കൈമുട്ട് സുഗമയായി ചലിപ്പിക്കാൻ സാധിക്കാതെ വരികയും ചെയ്തതിനെ തുടർന്നു രോഗി ചികിത്സ തേടി മേരീക്വീൻസിലെത്തുകയായിരുന്നു. വിശദമായ പരിശോധനയിൽ കൈമുട്ട് തെന്നികിടക്കുന്നാതായി കണ്ടെത്തുകയും എൽബോ കൊളാറ്ററൽ ലിഗമെന്റുകളുടെ തകരാർ ശ്രദ്ധയിൽപ്പെടുകയും ചെയ്തു. അതിനാൽ രോഗിയുടെ പ്രായവും ആരോഗ്യസ്ഥിതിയും പരിഗണിച്ചു ടോട്ടൽ എൽബോ ആർത്രോപ്ലാസ്റ്റി ശസ്ത്രക്രിയക്ക് വിധേയയാക്കി. ശസ്ത്രക്രിയക്ക് ശേഷം ഏതാനം ദിവസങ്ങൾക്കുള്ളിൽ രോഗി സാധാരണ ജീവിതത്തിലേക്ക് തിരികെയെത്തി. കാൽമുട്ട്, ഇടുപ്പ്, തോൾ സന്ധി മാറ്റിവെയ്ക്കൽ ശാസ്ത്രക്രിയകളുടെ എണ്ണം കണക്കിലെടുക്കുമ്പോൾ വളരെ അപൂർവ്വമായി മാത്രമാണ് #ടോട്ടൽ #എൽബോ #ആർത്രോപ്ലാസ്റ്റി ശസ്ത്രക്രിയ നടക്കാറുള്ളതെന്ന് ആശുപത്രി അധികൃതർ അറിയിച്ചു.
------------------------
Mary Queen’s Mission Hospital, Kanjirappally
200 bedded Multi Specialty Hospital
An Institution run by CMI Fathers
Hospital Helpline: 8281262626
