Dr Vidya M V

13/11/2022

Thank you Mahilaratnam 🙏

31/10/2022

17/10/2022

Thanks to MeDeVision for arranging Neurology teaching session for medical students at Amrita
And for giving me an opportunity to take part in it ....

11/04/2022

പ്രായമുള്ളവരിൽ വീഴ്ച എങ്ങനെ തടയാം?

പ്രായമുള്ളവരിൽ വളരെ സാധാരണമായി കാണുന്ന ഒരു പ്രശ്നമാണ് ഇടയ്ക്കിടക്കുള്ള വീഴ്ചകൾ. ഏകദേശം ഒരു കണക്കെടുത്താൽ 65 വയസ്സിന് ശേഷമുള്ള ഏകദേശം 30 ശതമാനം ആളുകളും 85 വയസ്സിനുശേഷം ഏകദേശം 45 ശതമാനം ആളുകളും വർഷത്തിലൊരിക്കൽ വീഴുന്നത് ആയിട്ടാണ് കണക്കുകൾ സൂചിപ്പിക്കുന്നത്. അതിൽ 5-10 % ഗൗരവമായ പ്രശ്നങ്ങൾ ഉണ്ടാക്കുന്നു.മരണ കാരണമാവുകയോ മരണത്തിലേക്ക് നയിക്കുകയോ ചെയ്യാം.

എന്തൊക്കെയാണ് കാരണങ്ങൾ എന്ന് നോക്കാം.

ഒരു പ്രായം കഴിയുമ്പോൾ നമ്മുടെ ശരീരത്തിന് ബാലൻസ് ചെയ്യാനുള്ള പല കഴിവുകളും മന്ദഗതി യിൽ ആവുന്നു.

ഇതിൽ വളരെ ശ്രദ്ധ അർഹിക്കുന്നത് കാഴ്ചശക്തി മങ്ങൽ,കൈകാലുകളുടെ ബലം കുറയുക സ്പർശന ശക്തി കുറയുക അതുപോലെ കാലിന്റെ മുട്ടു കൾക്കുണ്ടാവുന്ന സന്ധിവാതം പോലുള്ള രോഗങ്ങൾ.
അതുകൂടാതെ ശരീരമാകെ stiff ആവുന്ന പാർക്കിൻ സോണിസം പോലെ അസുഖങ്ങൾ ഉള്ളവർക്ക് പോസ്റ്റ റൽ കൺട്രോൾ ബുദ്ധിമുട്ടാവും.പെട്ടെന്ന് തിരിയുമ്പോൾ എല്ലാം വീഴാൻ സാധ്യത ഉണ്ടാവും അതുപോലെ തന്നെ പ്രധാനമാണ് നമ്മുടെ ചെവിയിലുള്ള വെസ്റ്റിബുലർ അപ്പരറ്റസിനു പ്രശ്നങ്ങൾ വരുമ്പോൾ. തലകറക്കംഅനുഭവപ്പെടാം വീഴ്ച ക്കും സാധ്യത കൂടുതൽ ആണ്.
ഉറക്കക്കുറവും മദ്യപാനവും വീഴ് ച ക്ക് കാരണം ആവാം.

രണ്ടാമത്തെ പ്രധാന കാരണം മരുന്നുകളുടെ ഉപയോഗം ആണ് അതിൽ വളരെ പ്രാധാന്യമർഹിക്കുന്നത് ഉറങ്ങാനുള്ള മരുന്നുകളാണ് പ്രായമുള്ളവരിൽ ഉറക്കം കുറവ് കൂടുതലായി കണ്ടു വരുന്നു. ഉറക്കത്തിനുള്ള മരുന്ന് കൊടുക്കുമ്പോൾ പ്രത്യേകിച്ച് ആദ്യത്തെ ദിവസങ്ങളിൽ വീഴ്ച്ചക്ക് സാധ്യത കൂടുതലാണ് . അതുപോലെ രക്തസമ്മർദ്ദത്തിനുള്ള മരുന്നുകളും വീഴ്ചയ്ക്ക് വഴിയൊരുക്കാം ആൻറി ഡിപ്രെസന്റ്സ് മരുന്നുകളും വളരെ ശ്രദ്ധയോടെ ഉപയോഗിക്കേണ്ട മരുന്നുകളാണ്.

ഇതല്ലാതെ നേരത്തെ ഒരു തവണ വീണിട്ട് ഉള്ളവർക്ക് രണ്ടാമത് സാധ്യത കൂടുതലാണ് അതുകൊണ്ട് വളരെ ശ്രദ്ധ വേണം.

വേറൊരു വിഭാഗം സ്ട്രോക്ക് വന്നിട്ടോ അല്ലെങ്കിൽ ഹാർട്ട് സംബന്ധമായ പ്രശ്നങ്ങൾ കൊണ്ട് ബിപി കുറഞ്ഞു പോയിട്ടോ വീഴുന്ന വരും ഉണ്ട് . അതുപോലെ പോസ്റ്റരൽ ഹൈപൊ ടെന്ഷന് (എഴുന്നേറ്റു നിൽക്കുമ്പോൾ BP കുറഞ്ഞു പോകുന്ന അവസ്ഥ) അത് വേറെ അസുഖം ഒന്നും ഇല്ലാത്തവർക്കും പ്രായക്കൂടുതൽ കൊണ്ട് മാത്രം വരാൻ സാധ്യതയുണ്ട്. പ്രമേഹം ഉള്ളവർക്കും BP ക്ക് മരുന്ന് എടുക്കുന്നവർക്കും ഇങ്ങനെ കാണാറുണ്ട്.

ഇനി വളരെ പ്രാധാന്യം ഉള്ളത് നമ്മുടെ ജീവിത ചുറ്റുപാടുകളാണ് പുതിയ ചുറ്റുപാടുകളിൽ
വരുന്നവരിൽ വീഴ്ച കൂടുതലായി കാണുന്നു ഉപയോഗിക്കുന്ന ചെരുപ്പ് വരെ പ്രാധാന്യമർഹിക്കുന്നുണ്ട്.

വീഴാനുള്ള സാധ്യത എങ്ങനെ തിരിച്ചറിയാം?

ചില പരിശോധനകളിലൂടെ വീഴാനുള്ള സാധ്യത എത്രമാത്രം ഉണ്ടെന്ന് മനസ്സിലാക്കാൻ പറ്റും അതുപോലെതന്നെ വീണാൽ എത്ര ആഘാതം ഉണ്ടാകും എന്ന് തിരിച്ചറിയാനുള്ള കുറച്ച് ടെസ്റ്റ് ചെയ്ത് നോക്കുന്നത് നല്ലതാണ് പ്രത്യേകിച്ച് രക്തത്തിലെ ഹീമോഗ്ലോബിൻ അളവ് വിറ്റാമിൻ ഡി യുടെ അളവ്
എല്ലുകളുടെ ശക്തി എത്രയുണ്ട് എന്ന് മനസ്സിലാക്കുന്ന ബോൺ മിനറൽ ഡെൻസിറ്റി ഇവ എല്ലാം അതിൽ പെടും.

വീഴാതിരിക്കാനുള്ള മുൻകരുതലുകൾ എന്തൊക്കെ ചെയ്യാം എന്ന് നോക്കാം.

ജീവിത ചുറ്റുപാടുകൾ വയോജന സൗഹൃദ പരമായി രിക്കണം.
ഉറങ്ങുന്ന മുറികളിൽ ചെറിയൊരു വെളിച്ചം അത്യാവശ്യമാണ് അതുപോലെ മതിലിൽ ചെറിയ ഹാൻഡ് റെയിൽസ് ഘടിപ്പിക്കാം ശുചിമുറികളിൽ തെന്നാതിരിക്കാൻ ഉള്ള തറയോട് പാകുന്നതും ഗ്രാബ് റെയിൽസ് പിടി പ്പിക്കുന്നതും ഉചിതമാണ്.
നടക്കാൻ ബുദ്ധിമുട്ടുള്ളവർക്ക് walker, cane മുതലായ അസിസ്റ്റ് ഡിവൈസസ് ഉപയോഗിക്കാം കൃത്യം ആയിട്ടുള്ള ചെരിപ്പുകളും ഉപയോഗിക്കുന്നത് നല്ലതാണ്.

വീണു പോയാൽ അധികം പേർക്കും അവിടെ നിന്ന് എഴുന്നേൽക്കാൻ ബുദ്ധിമുട്ടാണ്. ഒരു മണിക്കൂറിലേറെ താഴെ കിടക്കേണ്ടി വരാം.

എന്തെങ്കിലും ബുദ്ധിമുട്ട് തോന്നിയാൽ ഉപയോഗിക്കാവുന്ന അലെർട് സിസ്റ്റംസ് ഉപകാരപ്രദമാണ്.

ബാലൻസ് കിട്ടാനുംശ ക്തി കിട്ടാനും ചലന ശേഷി കൂട്ടാനുമുള്ള വ്യായാമം വളരെയധികം ഉപയോഗപ്രദമാണ്.

അതുപോലെ ഉപയോഗിക്കുന്ന മരുന്നുകൾ minimise ചെയ്യുക.
ബിപി യിലോ ഹാർട്ട്‌ ബീറ്റ് ലോ ഉള്ള വ്യതിയാനങ്ങൾ കൃത്യമായി കണ്ടുപിടിച്ചു അത് ശരിയാക്കുക.
കൃത്യമായി കാൽസ്യം, വിറ്റാമിൻ ഡി ഉപയോഗിക്കണം

അതുപോലെതന്നെ വീഴ്ചയ്ക്ക് കാരണമായേക്കാവുന്ന വേറെ അസുഖങ്ങൾ എന്തെങ്കിലുമുണ്ടോ എന്ന് കണ്ടുപിടിച് അതിനുള്ള ചികിത്സ ലഭ്യമാക്കുക ഇവയെല്ലാം വീഴാതിരിക്കാനുള്ള മുൻകരുതലുകൾ ആയി കണക്കാക്കാം

02/03/2022

Thank you Markaz Arogyam 🙏