11/05/2016
നായാട്ടിനു പോയ രാജാവ് ദിശതെറ്റി ആശ്രമത്തിലെത്തി. അന്ധനായ ഋഷി മാത്രമേ അവിടെയുണ്ടായിരുന്നുള്ള്.
രാജാവ് ചോദിച്ചു: “മഹാത്മാവേ, ദയവായി നഗരത്തിലേക്കുള്ള വഴി പറഞ്ഞു തരുമോ?”
“വലത്തോട്ടു പോയാല് നഗരത്തിലെത്താം”ഋഷി പറഞ്ഞ ദിശയില് രാജാവ് പോയി.
പിന്നാലെയെത്തിയ മന്ത്രി ഋഷിയോട് ചോദിച്ചു: “സ്വാമി, ഇതുവഴി ആരെങ്കിലും വന്നോ?” “മഹാരാജാവ് വന്നിരുന്നു; അദ്ദേഹം വലത്തോട്ടുള്ള വഴിയിലൂടെ നഗരത്തിലേക്ക് പോയിട്ടുണ്ട്” ഋഷി പറഞ്ഞു.
കുറെ നേരം കഴിഞ്ഞ് സേനാനായകന് എത്തി. അദ്ദേഹം ചോദിച്ചു: “ആരെങ്കിലും ഇതുവഴി വന്നതായി താങ്കള്ക്ക് അറിയുമോ?” ഋഷി മറുപടി പറഞ്ഞു: “രാജാവും മന്ത്രിയും വന്നിരുന്നു; അവര് വലത്തോട്ടുള്ള വഴിയേ പോയി.”
മൂവരും കൊട്ടാരത്തില് സന്ധിച്ചപ്പോള്അന്ധനായ ഋഷി തങ്ങളെ ഓരോരുത്തരെയും തിരിച്ചറിഞ്ഞത് എങ്ങനെയെന്നു ആശ്ചര്യപ്പെട്ടു. അവര് ഉടനെ പുറപ്പെട്ട് ഋഷി സന്നിധിയില് എത്തി.
അപ്പോള് ഋഷി പറഞ്ഞു: “ഓരോരുത്തരുടെയും വാക്കുകളില് നിന്ന് അവര് ആരാണെന്ന് പറയാനാവും. എന്നെപ്പോലെ ഒരു ഋഷിയെ “മഹാത്മാവേ” എന്ന് ഒരു രാജാവു മാത്രമേ അഭിസംബോധന ചെയ്യുകയുള്ളൂ. “സ്വാമി” എന്ന് വിളിച്ചത് മന്ത്രിയായിരിക്കുമെന്ന് ഊഹിച്ചു; “താങ്കള്” എന്ന് സംബോധന ചെയ്തത് സൈന്യാധിപനും.”
നമ്മുടെ ഭാഷയും നാം ഉപയോഗിക്കുന്ന വാക്കുകളും നാം ആരെന്ന് വെളിപ്പെടുത്തുന്നു. ഓരോ വാക്ക് ഉച്ചരിക്കുമ്പോഴും അത് ഓര്ക്കണം. പലപ്പോഴും അത് പ്രശ്നങ്ങള് ഒഴിവാക്കും.. Copied..
