https://www.facebook.com/1795125410543860/

Drcjjohn Chennakkattu, Asoka Road, Kochi (2026)

28/05/2026

കട്ട പാർട്ടി അണികൾ പോലും ബുദ്ധി ഉപയോഗിക്കുന്ന ഈ നാളുകളിൽ ജനം ബുദ്ധിയില്ലാത്തോരെന്ന വിചാരത്തിലാണ് പാർട്ടികളുടെ സൈബർ കൂട്ടം സോഷ്യൽ
മീഡിയ ഉള്ളടക്കം ഉണ്ടാക്കുന്നത്.വസ്തുതാപരമായ വിമർശനങ്ങൾ ഇല്ല . തള്ള് സ്റ്റൈലിൽ നുണകളും അർദ്ധ സത്യങ്ങളും ധാരാളമായി വിളമ്പും.കോറസ്സായി അത് ഏറ്റുപാടുന്നവർ പോലും അത് വിശ്വസിക്കാറില്ല .
പിന്നെയാണ് ജനം !
(സി ജെ ജോൺ )
Drcjjohn Chennakkattu

27/05/2026

ഒക്കെ ശരിയായിയെന്നും,ഇപ്പൊ ശരിയാക്കി തരാമെന്നും പന്ത്രണ്ടാം ക്ലസ്സുകാരോട് മൊഴിയുന്ന
സി. ബി. എസ്‌. ഇ ബോർഡ്
ഉത്തര കടലാസ്സുകളുടെ പുനർ നിർണ്ണയത്തിന് പണം അടച്ച ഒത്തിരി വിദ്യാർത്ഥികൾക്ക് ഇപ്പോഴും സ്കാൻ ചെയ്ത കോപ്പി നൽകിയിട്ടില്ല .എല്ലാ വീഴ്ചകളും ഒരു ഹാക്കറുടെ മേൽ കെട്ടി വച്ച് തടി ഊരുമായിരിക്കും .ചെയ്ത് വച്ചിരിക്കുന്നത് നീറ്റായ ക്രൂരതയെന്ന് പോലും ഈ ബോർഡും വിദ്യാഭ്യാസ മന്ത്രിയും മനസ്സിലാക്കുന്നില്ല.കഷ്ടം .
(സി ജെ ജോൺ )
Drcjjohn Chennakkattu

26/05/2026

ഭരണം മാറുമ്പോൾ അതിജീവിതകൾ മൊഴി മാറ്റേണ്ട സാഹചര്യം പഠിക്കേണ്ട പ്രതിഭാസമാണ്.വുക്തിത്വത്തിൽ ചെളി വാരി എറിയാനായി പീഡന ആരോപണവുമായി സ്ത്രീകൾ അവതരിക്കുന്ന പ്രതിഭാസവും പഠിക്കണം.നേരും നുണയും തിരിച്ചറിയാനാകാത്ത അവസ്ഥഉണ്ടാകുന്നുവെന്നത് യാഥാർഥ്യം. മാറ്റാൻ വേണ്ടി പീഡന മൊഴി കൊടുക്കുന്നവരെയും പീഡനത്തിന്റെ പൊള്ളലിൽ നൊന്ത് മൊഴി നൽകുന്നവരെയും ഒരേ തട്ടിൽ കാണുന്ന അനീതിയുമുണ്ട്. .ഈ ആശയ കുഴപ്പത്തിന്റെ ആനൂകൂല്യത്തിൽ പീഡകർ ചിരിച്ചു കൊണ്ടിരിക്കുന്നു. സത്യം ജയിച്ചുവെന്ന കാഹളവുമായി കീ ജയ് വിളിച്ചു നടക്കുന്നു .യഥാർത്ഥ അതിജീവിതകൾ നീതി കിട്ടാതെ അരക്ഷിതാവസ്ഥയിൽ തേങ്ങുന്നു .
(സി ജെ ജോൺ )
Drcjjohn Chennakkattu

25/05/2026

നാളെ ലഹരി പദാർത്ഥ വിരുദ്ധ ദിനമാണ് .പോയ സർക്കാരിന്റെ പോലീസ് തുടങ്ങിയ യോദ്ധാവിന്റെ പേര് മാറ്റി ഈ സർക്കാർ തൂഫാനാക്കി ലഹരി പദാർത്ഥ ഉപയോഗത്തെ പറപ്പിച്ചു കളയാൻ പദ്ധതി തുടങ്ങി.ഈ ഉഗ്രൻ കൊടുങ്കാറ്റിൽ വടക്കൻ കേരളത്തിലെ ലഹരി തെക്കോട്ടും ,തെക്കൻ കേരളത്തിലെ ലഹരി വടക്കോട്ടും പറക്കാൻ ഇടയാകരുത്.ലഹരി വിരുദ്ധ പ്രവർത്തനത്തിനുള്ള കൊടുങ്കാറ്റ്
ഉദ്യോഗസ്ഥരുടെ മനസ്സിൽ വീശട്ടെ. ഉപയോഗിക്കുന്നവരെ അതിൽ നിന്നും മുക്തി ലഭിക്കാനുള്ള ഉൾപ്രേരണ നൽകുന്ന ഇളം കാറ്റാകാനും കഴിയട്ടെ .സ്‌കൂളുകളിൽ ലഹരി ഉപയോഗിക്കുന്ന കുട്ടികളെ തിരിച്ചറിഞ്ഞാൽ ഉടൻ ട്രാൻസ്ഫർ സർട്ടിഫിക്കറ്റ് നൽകി വിടാതെ തിരുത്താനുള്ള മനഃശാസ്ത്രപരമായ ഇടപെടലുകൾ നൽകി മാറ്റിയെടുക്കണമെന്ന ഉത്തരവ് വിദ്യാഭ്യാസ വകുപ്പ് നൽകണം .
ചികിത്സകൾ എടുക്കുകയെന്നത് നിബന്ധനയാക്കണം.സഹപാഠികളുടെ സ്നേഹ ഇടപെടലുകളും വേണം .എന്നിട്ടും മാറുന്നില്ലായെങ്കിൽ മാത്രമേ സ്‌കൂൾ മാറ്റം പരിഗണിക്കാവൂ .ഇതിനായി പ്രോട്ടോകോൾ വേണം.കുറ്റവാളിയായും ഡ്രഗ് അഡിക്ടായും മുദ്ര ചാർത്തി സ്‌കൂളിൽ നിന്നും പുറത്താക്കപ്പെടുന്ന കുട്ടി കൂടുതൽ വഷളാകാനാണ് സാധ്യത .സ്‌കൂൾ വിദ്യാർത്ഥികൾക്കായി പണ്ടെഴുതിയ കുറിപ്പ് ഇതോടൊപ്പം.
(ഡോ.സി .ജെ .ജോൺ )
Drcjjohn Chennakkattu

24/05/2026

ആൺ പെൺ തുല്യതയുടെ ഊർജ്ജം ഇല്ലാതെ ഇനി കേരളത്തിൽ ദാമ്പത്യം വർക്ക് ചെയ്യാൻ പ്രയാസമാണ് .ആൺ ജോലി, പെൺ ജോലിയെന്നൊക്കെയുള്ള വേർതിരിവുകൾ ഗാർഹിക ഉത്തരവാദിത്തങ്ങളിൽ സാധ്യമാകില്ല. അത് ഉൾക്കൊണ്ട് കൂടി വേണം പുതിയ വളർത്തൽ.പുതിയ ലക്കം മാതൃഭൂമി ആരോഗ്യ മാസികയിൽ അതെ പറ്റി എഴുതുന്നു.പ്രസ്ഥാനങ്ങളിലും ഇത് ബാധകമാണെന്ന് താര സംഘടനയിലെ കലഹങ്ങൾ ഓർമ്മിപ്പിക്കുന്നു .
(സി ജെ ജോൺ )
Drcjjohn Chennakkattu

23/05/2026

പ്രതിപക്ഷത്തിന്റെ നിർഗുണ സ്വഭാവത്തെയല്ലേ സത്യത്തിൽ പാറ്റകളുടെ ചാരു കസേര ഓൺലൈൻ വിപ്ലവം പരിഹസിക്കുന്നത് ?

23/05/2026

ദിവസങ്ങളായി സി ബി എസ് ഇ വെബ്സൈറ്റിൽ കയറി വിദ്യാർഥികൾ പുനർ മൂല്യ നിർണ്ണയത്തിനായുള്ള ബാലികേറാ മല കയറാൻ ശ്രമിക്കുകയാണ് . ഭൂരിപക്ഷത്തിന്റെയും മുമ്പിൽ വാതിൽ അടയുകയാണ് .സ്കാൻ കോപ്പികൾ കിട്ടിയവർക്ക് പലർക്കും അത് വായിക്കാൻ പറ്റുന്നില്ല .ഈ സാഹചര്യത്തിൽ പുനർ നിർണ്ണയത്തിന് അപേക്ഷിക്കുന്നവരുടെ അസ്സൽ ഉത്തര പേപ്പറുകൾ തന്നെ പരിശോധിക്കാൻ തീരുമാനിക്കണം .കേന്ദ്ര വിദ്യാഭ്യാസ വകുപ്പിന്റെ രണ്ടാം പരാജയമാണിത് . നീറ്റ് പരീക്ഷ നീറി പോയതാണ് ആദ്യത്തേത് .
രാഷ്ട്രീയക്കാരോ വിദ്യാഭ്യാസ വിദഗ്ധരോ വേണ്ടത്ര പ്രതിഷേധം കാട്ടുന്നില്ല .അത് കൊണ്ടാണ് പാറ്റകളും പൂച്ചകളും ഇറങ്ങുന്നത് .
അവരെങ്കിലും ഈ വിദ്യാർത്ഥികൾക്ക് വേണ്ടി പറയട്ടെ .പൊളിഞ്ഞു പോയ നീറ്റ് പരീക്ഷ വീണ്ടും നടത്തുന്നത് വിപ്ലവമല്ല . സി ബി എസ് ഇ പന്ത്രണ്ടാം ക്‌ളാസ്സ് ദുരന്തത്തിന് എന്ത് പ്രതിവിധി ?വെബ്സൈറ്റുകൾ സ്ഥിരമായി കൺ തുറക്കുമോ ?
(സി ജെ ജോൺ )
Drcjjohn Chennakkattu fans

23/05/2026

റോഡ് കുത്തിപ്പൊളി നയം വേണ്ടേ ?
ഇത് എറണാകുളം കലൂരിലെ ദേശാഭിമാനി റോഡ് . നാലാഴ്ചയായി എന്തോ കാര്യത്തിനായി നടുവേ കുഴിച്ച നിലയിൽ റോഡിനെ കാണാം .
ക്രൂരമായ കൂട്ട ബലാത്സംഗത്തിന് വിധേയയായി ബോധം നശിച്ചു കിടക്കുന്ന സ്ത്രീയെ പോലെ ദേശാഭിമാനി റോഡ് കിടക്കുകയാണ് .ഏതൊരു പാതയിലും മറ്റ്‌ വകുപ്പുകളുടെ പണി നടക്കുമ്പോൾ ഇതാണ് സ്ഥിതി . എന്ന് റോഡ് പൂർവസ്ഥിതിയിലാകുമെന്ന്
ഒരു വാഗ്ദാനവും ഉണ്ടാവില്ല .
ധാരാളം വാഹനങ്ങളും,
കാൽനടക്കാരും ,സൈക്കിൾ യാത്രികരും ഉപയോഗിക്കുന്ന തിരക്കുള്ള റോഡാണിത്.ദേശാഭിമാനി ദിനപത്ര കൊച്ചി ഓഫീസ് ഓരത്തുണ്ട്. റോഡ് കുത്തിപൊളിക്കൽ പുനർനിർമ്മാണ നയം വേണം .പരമാവധി ഏഴ് ദിവസത്തിനുള്ളിൽ പുനർ നിർമ്മാണം ഉണ്ടാകണം .വലിയ റോഡുകളിൽ അഞ്ഞൂറ് മീറ്റർ കുത്തിപൊളിച്ചാൽ ഈ ഏഴ് ദിവസ തത്വം പാലിച്ചു പുനർനിർമ്മിക്കണം .സഹിച്ചും ക്ഷമിച്ചും ഈ വഴികൾ ഉപയോഗിക്കുന്ന ജനങ്ങളോട് കരുണയാകാം.
(ഡോ .സി ജെ .ജോൺ )
Drcjjohn Chennakkattu

22/05/2026

രമേഷ് പിഷാരടി കേരളത്തിൽ മാനസികാരോഗ്യ വകുപ്പ് വേണമെന്ന് പറഞ്ഞതാണ് ഈ ലേഖനത്തിനുള്ള പ്രേരണയായത് .ആദ്യം ചില മുൻഗണനകളെ കുറിച്ച് ചർച്ച ചെയ്യാം .വയോജന ക്ഷേമ വകുപ്പ് പോലെ ഇതും തീർച്ചയായും ഒരു അനുബന്ധ വകുപ്പായി ഹെൽത്തിൽ വേണം .ഏത് ആരോഗ്യ മേഖലയിലാണ് മനസികാരോഗ്യത്തിന് പ്രസക്തി ഇല്ലാത്തത്.മറ്റ് ഡോക്ടറന്മാർക്ക് ഇതിലുള്ള അറിവില്ലായ്‍മ പലപ്പോഴും വ്യാജ വേഷക്കാരുടെ സൈക്കോളജിക്കൽ ചികിത്സകളെക്കാൾ ദോഷം ചെയ്യാറുണ്ട് .വൈദ്യ ശാസ്ത്ര പഠനത്തിലും വേണം മെന്റൽ ഹെൽത്ത് ഫോക്കസ്.
ആരെങ്കിലും കേൾക്കുന്നുണ്ടോ ?
ലിങ്ക് ഇതാ ..
https://share.google/HhFAS5iHqX6qO9a1s

21/05/2026

കോക്രോച് ജനതാ പാർട്ടി
"ജെൻ സിയേ പാറ്റയോട് ഉപമിച്ച ജഡ്ജി ഭാവനേ ,അഭിനന്ദനം നിനക്കഭിനന്ദനം "

21/05/2026

പത്ത് വയസ്സുള്ള കുട്ടിക്കും പ്രശ്ന വേളയിൽ തോന്നുന്ന പ്രതിവിധി ആത്മഹത്യ . ആത്മഹത്യാ ഭീഷണി സമരങ്ങളുടെ ഭാഗമാകുന്ന കേരളത്തിൽ പിള്ളേർക്കും ഈ പാഠം കിട്ടിയാൽ എന്ത് അത്ഭുതം ?അവനവനോടും മറ്റുള്ളവരോടും അക്രമം കാട്ടുന്നതിനെ നോർമലൈസ് ചെയ്യുന്ന നാട്ടിൽ കുട്ടികൾ ആത്മഹത്യക്ക്‌ ശ്രമിക്കുന്ന പ്രായം കീഴോട്ട് ഇറങ്ങി എവിടെയെത്തും മുതിർന്നവരെ ?സമരം ചെയ്യുമ്പോൾ നമുക്ക് പെട്രോൾ ദേഹത്ത് ഒഴിച്ച് മരണഭീഷണി മുഴക്കം .മരത്തിൽ കയറി കഴുത്തിൽ കുടുക്കിട്ട് ആവശ്യങ്ങൾ അംഗീകരിച്ചില്ലെങ്കിൽ ചാടുമെന്ന് വിരട്ടി വിപ്ലവം ജയിക്കട്ടെയെന്ന് വിളിച്ചു കൂവാം .ഭീരുവിനെ പോലെ മരിച്ചാൽ വിപ്ലവം ജയിക്കുമോ ?ഇല്ലെന്ന സന്ദേശമല്ലല്ലോ കുട്ടികൾക്ക് കിട്ടുന്നത് .
(ഡോ .സി ജെ ജോൺ )
Drcjjohn Chennakkattu

Drcjjohn Chennakkattu

28/05/2026

27/05/2026

26/05/2026

25/05/2026

24/05/2026

23/05/2026

23/05/2026

23/05/2026

22/05/2026

21/05/2026

21/05/2026

Address

Website

Alerts

Contact The Practice

Shortcuts

Share