Mosc Medical College Hospital , Kolenchery

06/08/2024

𝐌𝐒. 𝐀𝐌𝐈𝐍𝐀 𝐈𝐋𝐋𝐈𝐘𝐀𝐒

"If my people who are called by My name humble themselves, and pray and seek My face and turn from their wicked ways, then I will hear from heaven and will forgive their sin and heal their land."
2 Chronicles 7:14

14/10/2022

കോലഞ്ചേരി ആശുപത്രിയിലെ സ്റ്റാഫ് നേഴ്സുമായ നിജി ജോൺ ഇന്ന് രാവിലെ മരണപ്പെട്ടു. ഹൃദയാഘാതമാണ് മരണകാരണം. ഭർത്താവും രണ്ടു കുഞ്ഞു മക്കളും അടങ്ങുന്ന കുടുംബമാണ് നിജിയുടേത് .

ആദരാഞ്ജലികൾ🙏🌹

07/04/2021

A tribute to the Stars in the HR Profession. Kudos to Adv. Bejoy K. Thomas, Currently Head - Human Resources, Kolenchery M.O.S.C. Medical College & Hospital. Formerly Spearheaded HR at CGH Earth Experience Hotels, Apollo Hospitals, IPSR & Muthoot Group. He is celebrating 24 Years of Excellence in Human Resource Management. A big salute to you.

22/04/2020

Invite Friends to Like This Page

22/04/2020

22/09/2019

ആരോഗ്യ രംഗത്ത് സ്വകാര്യ മേഖലയുടെ പങ്കും പ്രശംസാര്‍ഹം : മുഖ്യമന്ത്രി പിണറായി വിജയൻ:
പൊതുജനാരോഗ്യ രംഗത്ത് സര്‍ക്കാര്‍ സംവിധാനങ്ങളെ പോലെ തന്നെ സ്വകാര്യ മേഖലയും മികച്ച സംഭാവനകളാണ് നല്‍കുന്നതെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. കോലഞ്ചേരി മലങ്കര ഓര്‍ത്തഡോക്‌സ് ചര്‍ച്ച് മെഡിക്കല്‍ മിഷന്‍ ആസ്പത്രിയുടെ സുവര്‍ണ ജൂബിലിയാഘോഷങ്ങള്‍ ഉദ്ഘാടനം ചെയ്ത് പ്രസംഗിക്കുകയായിരുന്നു അദേഹം. എന്നാല്‍ സ്വകാര്യമേഖലയിലെ ചില ആതുരാലയങ്ങള്‍ സേവനത്തിന് പകരം ലാഭക്കണ്ണോടെയാണ് പ്രവര്‍ത്തിക്കുന്നത്.ഇത്തരം നടപടികള്‍ അംഗീകരിക്കാനാവില്ല. ചികിത്സാ രംഗത്ത് ജനങ്ങള്‍ക്ക് ആശ്വാസമേകാനാണ് ആധുനിക സംവിധാനങ്ങള്‍ ഏര്‍പ്പെടുത്തുന്നത്. എന്നാല്‍ ഇത് പണമുണ്ടാക്കാനുളള മാര്‍ഗമാണെന്ന ധാരണ ചിലര്‍ക്കെങ്കിലുമുണ്ട്. ഡോക്ടര്‍മാര്‍ക്ക് ടാര്‍ജറ്റ് നിശ്ചയിച്ച് അനാവശ്യ പരിശോധനകള്‍ക്ക് രോഗികളെ നിര്‍ബന്ധിക്കുന്നതായ പരാതികള്‍ വിവിധ കോണുകളില്‍ നിന്നുയരാറുണ്ട്. ആസ്പത്രികള്‍ കൊളളലാഭമുണ്ടാക്കാനുളള കേന്ദ്രങ്ങളാണെന്ന ധാരണ നല്ലതല്ല.എന്നാൽ കോലഞ്ചേരി മെഡിക്കൽ കോളേജിൻ്റ പ്രവർത്തനങ്ങൾ പ്രശംസനീയമാണെന്നും, വർഷം തോറും 2 കോടി രുപയുടെ ചികിത്സ സൗജന്യമായി നൽകുന്നതും, 3 കോടി രുപ കുട്ടികൾക്ക് സ്കോളർഷിപ്പ് നൽകുന്നതും പ്രത്യേകം പ്രശംസനീയമാണെന്ന് മുഖ്യമന്ത്രി പറഞ്ഞു. പാവപ്പെട്ടവര്‍ക്ക് ആശ്വാസകരമാകുകയെന്ന ലക്ഷ്യത്തോടെയാണ് ആരോഗ്യമേഖലയില്‍ വിവിധ പദ്ധതികള്‍ സംസ്ഥാന സര്‍ക്കാര്‍ നടപ്പാക്കുന്നത്. ആര്‍ദ്രം പദ്ധതി നടത്തിപ്പിലൂടെ വലിയമാറ്റങ്ങളാണ് ഈ മേഖലയില്‍ സംഭവിക്കുന്നത്. ഈ പദ്ധതിയിലൂടെ 157 പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി ഉയര്‍ത്തി. 504 പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റുന്നതിനുളള നടപടികള്‍ അന്തിമഘട്ടത്തിലാണ്. ലോകത്തിന് തന്നെ മാതൃകയാകുന്ന തരത്തിലാണ് കേരളത്തിലെ ആരോഗ്യ മേഖലയിലെ കുതിപ്പ്. സ്വാതന്ത്യംലഭിക്കുന്ന വേളയില്‍ രാജ്യത്ത് മനുഷ്യന്റെ ശരാശരി ആയുര്‍ ദൈര്‍ഘ്യം 32 ആയിരുന്നെങ്കില്‍ ഇന്നത് 68 ആയി ഉയര്‍ന്നു. കേരളത്തിലിത് 75 ആണ്. ഇതുപോലെ തന്നെ മാതൃശിശു മരണ നിരക്കുകള്‍ ഏറ്റവും കുറഞ്ഞതും കേരളത്തിലാണ്. സാമുഹ്യരംഗത്തെ കൃത്യമായ ഇടപെടലാണ് ഇതിനെല്ലാം കാരണം. നിപ പോലുളള പകര്‍ച്ച വ്യാധികളെ അതിജീവിക്കാന്‍ നമുക്ക് കഴിഞ്ഞതും ആരോഗ്യ രംഗത്തെ വളര്‍ച്ചയുടെ ഉദാഹരണമാണെന്നും മുഖ്യമന്ത്രി കൂട്ടിച്ചേര്‍ത്തു. സര്‍ക്കാര്‍-സ്വകാര്യ മേഖലകള്‍ കൈകോര്‍ത്ത് പ്രവര്‍ത്തിച്ചാല്‍ ആരോഗ്യ മേഖലയിലെ പലപ്രശ്‌നങ്ങള്‍ക്കും വേഗത്തില്‍ പരിഹാരം കാണാന്‍ കഴിയുമെന്ന് ചടങ്ങില്‍ പ്രസംഗിച്ച ആരോഗ്യ വകുപ്പ് മന്ത്രി കെ.കെ.ഷൈലജ അഭിപ്രായപ്പെട്ടു. സുവര്‍ണ ജൂബിലിയാഘോഷങ്ങളുടെ ഭാഗമായി നടത്തുന്ന നൂറ് ഹൃദയ ശസ്ത്രക്രിയ പദ്ധതിയുടെ സമ്മതപത്ര കൈമാറ്റം നിര്‍വഹിച്ച് സംസാരിക്കുകയായിരുന്നു അവര്‍. സര്‍ക്കാര്‍ സഹകരിക്കുന്ന സ്വകാര്യ ആസ്പത്രികളുടെ നടപടി ശ്ലാഘനീയമാണെന്നും മന്ത്രി കൂട്ടിച്ചേര്‍ത്തു. ചടങ്ങില്‍ ആസ്പത്രി പ്രസിഡന്റ് ബസേലിയോസ് മാര്‍ത്തോമ പൗലോസ് ദ്വീതിയന്‍ ബാവ അധ്യക്ഷത വഹിച്ചു. സൗജന്യ തിമിര ശസ്ത്രക്രിയ പദ്ധതിയുടെ ഉദ്ഘാടനം വി.പി സജീന്ദ്രന്‍ എം.എല്‍.എ നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് ഡോളികുര്യാക്കോസ്, വടവുകോട് ബ്ലോക്ക് പഞ്ചായത്ത് പ്രസിഡന്റ് ഗൗരിവേലായുധന്‍, പഞ്ചായത്ത് പ്രസിഡന്റ്മാരായ കെ.കെ.രാജു, ഷിജിമോള്‍ അജയന്‍, മെത്രാപ്പോലീത്തമാരായ മാത്യൂസ് മാര്‍ സെവേറിയോസ്, തോമസ് മാര്‍ അത്തനാസിയോസ് തുടങ്ങിയവര്‍ പ്രസംഗിച്ചു. ആസ്പത്രി സി.ഇ.ഒ ജോയി.പി.ജേക്കബ് സ്വാഗതവും മെഡിക്കല്‍ സൂപ്രണ്ട് ഡോ.സോജന്‍ ഐപ്പ് നന്ദിയും പറഞ്ഞു

21/09/2019

Golden Jubilee logo Unveiled.

Golden jubilee logo of kolenchery MOSC Medical Mission hospital unveiled during the 49th Hospital day celebration of the institution by Justice Jacob Benjamin Koshy, Former Chief Justice of Patna High Court on 14th September, 2019.

21/09/2019

♥️കോലഞ്ചേരി മെഡിക്കൽ കോളേജ് സുവർണ്ണ ജൂബിലി നിറവിൽ♥️
കോലഞ്ചേരി മലങ്കര ഓർത്തഡോക്സ്‌ സിറിയൻ ചർച്ച്‌ മെഡിക്കൽ കോളേജ്‌ ആശുപത്രി 50 സുവർണ ജൂബിലി കാരുണ്യപ്രവർത്തന പദ്ധതികൾ തുടങ്ങുന്നു. ആശുപത്രിയുടെ സുവർണ ജൂബിലി ആഘോഷങ്ങളുടെ ഭാഗമായി നടത്തുന്ന വിവിധ ജീവകാരുണ്യ പദ്ധതികൾക്കായി അഞ്ചു കോടിയോളം രൂപയാണ്‌ ചെലവ്‌ പ്രതീക്ഷിക്കുന്നത്‌.
നിർധനരായ നൂറ്‌ രോഗികൾക്ക്‌ സൗജന്യ ഹൃദയശസ്ത്രക്രിയ, ആയിരം പേർക്ക്‌ സൗജന്യ തിമിരരോഗ ശസ്ത്രക്രിയ, പതിനായിരം വിദ്യാർഥികൾക്ക്‌ സൗജന്യ ആരോഗ്യ പരിശോധന, ആദിവാസി മേഖലകളിലും നാട്ടിലുമായി കാൻസർ നിർണയ ക്യാമ്പുകളും തിരഞ്ഞെടുക്കപ്പെടുന്ന നവജാത ശിശുക്കൾക്ക്‌ ആജീവനാന്തം സൗജന്യ നിരക്കിലുള്ള ചികിത്സ തുടങ്ങി അമ്പതോളം പദ്ധതികളാണ്‌ ലക്ഷ്യമിടുന്നത്‌.
ഇടുക്കി ജില്ലയിലെ ചില ആദിവാസി കോളനികളിലെ ജനങ്ങൾക്ക്‌ സൗജന്യ ചികിത്സയും രോഗ പ്രതിരോധത്തിനുള്ള ബോധവത്‌കരണവും സംഘടിപ്പിക്കാൻ നടപടികളായിട്ടുണ്ടെന്ന്‌ ആശുപത്രി സെക്രട്ടറി ജോയ്‌ പി. ജേക്കബ്‌ പറഞ്ഞു. കൂടാതെ, രോഗപ്രതിരോധ ബോധവത്‌കരണം കുടുംബശ്രീ അംഗങ്ങൾക്കും ഡ്രൈവർമാർക്കും നൽകും.
സംസ്ഥാനത്തെ മുഴുവൻ മെഡിക്കൽ കോളേജുകളെയും ഉൾപ്പെടുത്തി മെഗാ മെഡിക്കൽ പ്രദർശനവും നടത്തുന്നുണ്ടെന്ന്‌ ആശുപത്രി സൂപ്രണ്ട്‌ ഡോ. സോജൻ ഐപ്പ്‌ വ്യക്തമാക്കി.
1970-ൽ 100 കിടക്കകളും ഒമ്പത്‌ വിഭാഗങ്ങളിലായി 30 ജീവനക്കാരും രണ്ട്‌ ഓപ്പറേഷൻ തിയേറ്ററുകളുമായി തുടങ്ങിയ കോലഞ്ചേരി മെഡിക്കൽ മിഷൻ ആശുപത്രിയായിരുന്നു അന്ന്‌ കിഴക്കൻ മേഖലകളിലെ ജനങ്ങൾക്ക്‌ ഏക ആശ്രയമായിരുന്നത്‌.
എം. ചാക്കോ പിള്ളയുടെ നേതൃത്വത്തിലാണ്‌ ആശുപത്രി സ്ഥാപിക്കുന്നതും വളരുന്നതും. ഇന്ന്‌ 25 ഏക്കർ സ്ഥലത്ത്‌ 1,600 ബെഡ്ഡുകളുള്ള ആശുപത്രിയും 200 ഡോക്ടർമാരും 1,700 ജീവനക്കാരുമുള്ള മെഡിക്കൽ കോളേജാശുപത്രിയായി മാറിയ വളർച്ചയ്ക്കു പിന്നിൽ കൂട്ടായ പ്രവർത്തനമാണെന്ന്‌ ആശുപത്രി എച്ച്‌.ആർ. മാനേജർ ബിജോയ്‌ കെ. തോമസ്‌, അഡ്‌മിനിസ്‌ട്രേറ്റീവ്‌ ഡയറക്ടർ പി.വി. തോമസ്‌ എന്നിവർ വ്യക്തമാക്കി.
ഒരു വർഷം നീണ്ടുനിൽക്കുന്ന സുവർണ ജൂബിലി ആഘോഷങ്ങൾ ഞായറാഴ്ച ഉച്ചയ്ക്കുശേഷം മൂന്നിന്‌ ബസേലിയോസ്‌ മാർത്തോമ പൗലോസ്‌ ദ്വിതീയൻ കാതോലിക്ക ബാവയുടെ അധ്യക്ഷതയിൽ മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. മന്ത്രിമാരായ കെ.കെ. ശൈലജ, പ്രൊഫ. സി. രവീന്ദ്രനാഥ്‌, ബെന്നി ബഹനാൻ എം.പി. എന്നിവർ വിവിധ പദ്ധതികൾക്ക്‌ ചടങ്ങിൽ തുടക്കമിടും.

04/09/2019

MOSC medical college employees co. Operative society യുടെ ആഭിമുഖ്യത്തിലുള്ള ഓണാഘോഷം ഹോസ്പിറ്റൽ സെക്രട്ടറി ശ്രീ ജോയ് P ജേക്കബ് ഉദ്ഘാടനം ചെയ്യുന്നു. സംഘം പ്രസിഡൻറ് K. S അജയ് കുമാർ, AD -തോമസ് PV, സംഘം വൈസ് പ്രസിഡൻ്റ് വിജയൻKA, ഹോ. സെക്രട്ടറി ബേസിൽ വർഗീസ്, കമ്മറ്റി അംഗങ്ങളായ സന്തോഷ് AK ,ലീല പൈലി, റിയ പീറ്റർ, ഷീല രാജൻ, ജിന്നി ജോസഫ് തുടങ്ങിയവർ സമീപം.

03/09/2019

🎯ഒരു അമ്മയുടെ കുറിപ്പ്:

രാവിലെ എഴുന്നേറ്റപ്പോൾ മുതൽ മൂന്ന് വയസുള്ള മോന് ജലദോഷവും ചെറിയ പനിയും. ജലദോഷപ്പനിയല്ലേ ഡോക്ടറെ നാളെ കാണിക്കാമെന്ന് ഞാൻ കരുതി.
പെട്ടെന്നാണ് അത് സംഭവിച്ചത്. മോന്റെ കണ്ണിന്റെ കൃഷ്ണമണി മേൽപ്പോട്ട് മറിഞ്ഞു പോകുന്നു. കയ്യും കാലും ബലം പിടിച്ച് കഴുത്തും ശരീരവും വില്ലുപോലെ പുറകിലേക്ക് വളയുന്നു. വായിൽ നിന്നും നുരയും പതയും വന്നു തുടങ്ങി..മോൻ മരിക്കാൻ പോവുകയാണെന്ന ഭയം മനസ്സിൽ നിറഞ്ഞു.എന്തു ചെയ്യണമെന്നറിയില്ല. ഞാൻ പേടിച്ചു നിലവിളിച്ചു.. ഇതിനിടയിൽ കുഞ്ഞു അറിയാതെ മലവും മൂത്രവും പോയി.വീട്ടിലെ വേലക്കാരി താക്കോൽ കയ്യിൽ കൊടുക്കാൻ പറഞ്ഞു കൊണ്ടിരുന്നു. 5 മിനിറ്റായി കുഞ്ഞു ആകെ കുഴഞ്ഞു. മയക്കത്തിലേക്ക് വഴുതി വീണു.വിളിച്ചിട്ടും ഉണരുന്നില്ല.ആകെ പേടിയായി.ഉടനെ Mosc kolenchery ആശുപത്രിയിലേക്ക് കൊണ്ട് പോയി. അവിടെ എത്തി കുറച്ചു കഴിഞ്ഞതും കുഞ്ഞു ഉണർന്നു. പെട്ടെന്ന് സാധാരണ പോലെയായി. ഡോക്ടറെ കണ്ടയുടനെ ഇത് പനിയോട് കൂടിയുള്ള ജന്നിയാണ് (ജ്വരജന്നി)(Febrile Fits) പേടിക്കണ്ട ആവശ്യമില്ല എന്ന് പറഞ്ഞു. അപ്പോഴാണ് എന്റെ ശ്വാസം നേരെ വീണത്.!!

🔴എന്താണീ ജ്വരജന്നി (Febrile Seizure)?

കുഞ്ഞു കുട്ടികളിൽ പനി മൂലം ശരീര താപനില കൂടിയാല്‍ അപസ്മാരം ഉണ്ടാകാം. പനി മൂലമുള്ള ഇത്തരം അപസ്മാരത്തിന് ഫെബ്രയില്‍ സീഷര്‍ (febrile seizure) എന്നാണ് പറയുക. കുഞ്ഞുങ്ങൾക്ക് പനി ഒരു പരിധി കഴിഞ്ഞാൽ ശരീരത്തിന്റെ ഒരു പ്രതികരണം ആയി ജന്നിയായി മാറാം.100 കുട്ടികളിൽ ഏകദേശം രണ്ടു മുതൽ അഞ്ചു വരെ പേർക്ക് ഇത് കാണപ്പെടുന്നു.

🔴ഏതു പ്രായത്തിലാണ് ജ്വരജന്നി കാണപ്പെടുന്നത്?

6 മാസം മുതൽ 5 വയസ്സ് വരെയാണ് പനി മൂലം ഇത്തരം അപസ്മാരം ഉണ്ടാകുന്നത് . 1 വയസ്സിനും 1.5 വയസ്സിനും ഇടയിലാണ് ഫിറ്റ്‌സ് വരുവാൻ സാധ്യത കൂടുതൽ. ഒരു തവണ അപസ്മാരം വന്നാൽ, പിന്നീട് 5-6 വയസ്സ് വരെ പനി വന്നാൽ അപസ്മാരം വരാം. അതുകൊണ്ട് പനി കൂടുമ്പോൾ തന്നെ പനി കുറച്ചു അപസ്മാരം വരാതെ നോക്കുക.

🔴എന്തൊക്കെയാണ് രോഗലക്ഷണങ്ങൾ?

● ശരീര താപനില 100.4 F(38 ℃) കൂടുതൽ
● ബോധം നഷ്ട്ടപ്പെടുക
●കൈകാലുകൾ മുറുക്കി പിടിക്കുകയോ ശരീരം വില്ലു പോലെ വളയുകയോ ചെയ്യുക
●അറിയാതെ മലമൂത്ര വിസ്സർജനം ചെയ്യുക
●കണ്ണുകൾ ഉരുണ്ട് പിറകോട്ട് പോകുക

🔴 ഇത് അപകടകാരിയാണോ?

സാധാരണ, പനിയോട് കൂടെയുള്ള അപസ്മാരം പേടിക്കേണ്ടതില്ല. എന്നാൽ 15 മിനിറ്റിൽ കൂടുതൽ നീണ്ടു നിൽക്കുന്ന അപസ്മാരം, 24 മണിക്കൂറിൽ ഒന്നിൽ കൂടുതൽ തവണ അപസ്മാരം അപകടകാരിയാണ്. ഇതിനെ കോംപ്ലസ്‌ ഫെബ്രയിൽ സീഷർ (Complex Febrile Seizure) എന്ന ഗണത്തിൽ പെടുത്തുകയും ചെയ്യുന്നു. കുട്ടിയെ ഉടനെ ആശുപത്രിയിൽ എത്തിക്കുക.

🔴 എന്താണ് ഫെബ്രൈൽ കൺവൽഷന്റെ കാരണം?

ഏതു പനിയും അപസ്മാരം ആകാം.
മാരക രോഗങ്ങളായ മെനിഞ്ചൈറ്റിസ്, എൻസെഫലൈറ്റിസ് എന്നിവ മുതൽ വളരെ സാധാരണവും, താരതമ്യേന നിരുപദ്രവകരവുമായ വൈറൽ പനി കൊണ്ട് വരെ അപസ്മാരം ഉണ്ടാകാം.

🔴ജ്വരജന്നി (Febrile Seizure) ഭാവിയിൽ കുട്ടികൾക്ക് പ്രശ്നമുണ്ടാക്കുമോ?

ഇല്ല. പനി കൂടുമ്പോൾ ശരീരത്തിന്റെ ഒരു പ്രതിരോധമാണ് ഈ അപസ്മാരം. ഇത്തരം കുട്ടികൾക്ക് ഭാവിയിൽ അപസ്മാരം വരാൻ 1-3% താഴെ സാദ്ധ്യത മാത്രമാണുള്ളത്.

🔴 ജ്വരജന്നി (Febrile Seizure) വന്നാൽ എന്താണ് ചികിത്സ?

1●ആദ്യമായി കുഞ്ഞിന് അപകടം വരാതെ സംരക്ഷിക്കുക.

2●കഴുത്തിൽ മുറുകുന്ന വസ്ത്രങ്ങളും ആഭരണങ്ങളും ഉടനെ നീക്കം ചെയ്യുക.

3●അപകടരഹിതമായ സ്ഥലത്ത് കിടത്തുക.

4●മലർന്നു കിടക്കുമ്പോൾ ശ്വാസതടസ്സം വരാൻ സാധ്യത കൂടുതലാണ്. നാക്ക് പിറകിലേക്ക് വീണ് ശ്വാസതടസ്സം വരാം.

5●ഇടത്തോട്ടു ചരിച്ചു കടത്തിയാൽ വായിലുള്ള തുപ്പലും മറ്റും ശ്വാസനാളത്തിൽ പോകാതെ പുറത്തേക്ക് ഒഴുകിപ്പോകാൻ സഹായിക്കും.

6● അപസ്മാരം സാധാരണ, ഏതാനും നിമിഷങ്ങൾ കൊണ്ട് തനിയേ മാറും.

7●കയ്യിൽ ആണിയോ താക്കോലോ പിടിപ്പിക്കുന്നതോ തലയിൽ നെയ്യ് പുരട്ടുന്നതോ കൊണ്ട് പ്രത്യേകിച്ച് കാര്യമൊന്നുമില്ല.

8●അഞ്ചു മിനിറ്റ് കൊണ്ട് മാറുന്നില്ലെങ്കിൽ എത്രയും വേഗം ആശുപത്രിയിൽ എത്തിക്കുക.

9●ഛർദി, ശ്വാസംമുട്ടൽ, മയക്കം, കഴുത്തിന് പിടിത്തം പോലെ അനുഭവപ്പെട്ടാലും ഉടനടി കുട്ടിയെ ആശുപത്രിയിൽ എത്തിക്കുക.

10●സാധാരണ പനി അല്ലെന്നു ഡോക്ടറിന് സംശയം ഉണ്ടായാൽ രക്തവും, മൂത്രവും പരിശോധിക്കാൻ ഡോക്ടർ നിർദ്ദേശിക്കാം. തലച്ചോറിന്റെ പ്രവർത്തനം അറിയുവാനായി CT scan, EEG എടുക്കുവാൻ ഡോക്ടർ നിർദ്ദേശിക്കാം.

🔴പനി കൂടുമ്പോൾ അപസ്മാരം വരാതിരിക്കാൻ എന്ത് ചെയ്യണം?

1● പനി വരുമ്പോൾ തന്നെ ദേഹം ചെറിയ ചൂട് വെള്ളത്തിൽ തുണി മുക്കി തുടയ്ക്കുക. ചൂട് കുറയാൻ അത് സഹായിക്കും. കഴുത്ത്, കക്ഷം, തുടയിടുക്കുകൾ എന്നിവിടങ്ങളിലാണ് പ്രധാനമായും നനച്ച് തുടക്കേണ്ടത്. കാരണം വലിയ രക്തക്കുഴലുകൾ ഏറ്റവും പുറമേ കാണുന്നത് ഇവിടെയാണ്.

2● പാരസെറ്റമോൾ വീട്ടിൽ കരുതുക.തൂക്കത്തിന് കൃത്യമായ മരുന്നിന്റെ ഡോസ് കൊടുക്കുക. യാത്ര ചെയ്യുമ്പോഴും മരുന്ന് കയ്യിൽ കരുതുന്നത് നല്ലതാണ്.

3●എന്നിട്ടും കുറയുന്നില്ലെങ്കിൽ കുട്ടിയെ ആശുപത്രിയിൽ ഉടനെ എത്തിക്കുക.

4● Meftal (മെഫറ്റാൽ) , brufen (ബ്രൂഫിൻ) മരുന്ന് ഡോക്ടർ നിദ്ദേശിച്ചാൽ മാത്രം പനി കുറയ്ക്കാനായി കൊടുക്കാം.

5● ഫിറ്റ്സ് വരാതെയിരിക്കുവാൻ clonazepam, diazepam പോലെയുള്ള മരുന്നുകൾ ഡോക്ടർ നിർദ്ദേശിക്കാം. അപസ്മാരം തടയുന്നതിന് ഡോക്ടർ തന്ന ഈ മരുന്നുകൾ പനിയുടെ തുടക്കത്തിൽ തന്നെ കൊടുത്തു തുടങ്ങുക.

⚠️ കുട്ടികളിൽ പനി കൂടി ഫിറ്റ്‌സ് വരാതെയിരിക്കാൻ ശരീര താപനില കൂടുമ്പോൾ തന്നെ വെള്ളം വെച്ച് തുടച്ചു കുറക്കുക. അഥവാ പനി കൂടി അപസ്മാരം വന്നാലും മുകളിൽ പറഞ്ഞ കാര്യങ്ങൾ കൃത്യമായി പേടിക്കാതെ ചെയ്യുക..

ഈ വിലപ്പെട്ട വിവരം നിങ്ങൾ സ്നേഹിക്കുന്നവർക്കായി ഷെയർ ചെയ്യൂ.