ReMind Wellness

Call Directions Website Contact the practice

ReMind Wellness Psychological well being centre

31/07/2025

ഇത്തരക്കാർക്ക് വിവാഹം ചെയ്‌തു കൊടുക്കരുത്

 #ദുരന്തത്തിൻ്റെ_പല_മുഖങ്ങൾ !ഒരു ദുരന്തം സംഭവിച്ചു കഴിഞ്ഞാൽ അത് നേരിട്ടവർ ഒരുപാട് ഘട്ടങ്ങളിലൂടെ കടന്ന് പോവേണ്ടതായി വരും....
31/07/2024

#ദുരന്തത്തിൻ്റെ_പല_മുഖങ്ങൾ !

ഒരു ദുരന്തം സംഭവിച്ചു കഴിഞ്ഞാൽ അത് നേരിട്ടവർ ഒരുപാട് ഘട്ടങ്ങളിലൂടെ കടന്ന് പോവേണ്ടതായി വരും. ദുരന്തത്തെ അഭിമുഖീകരിക്കുന്നവർ മാത്രമല്ല, അവരെ സാഹയിക്കുന്നവരും ഇത്തരം ഘട്ടങ്ങളെ പറ്റി ചെറിയൊരു ധാരണയുണ്ടാക്കുന്നത് ഒരുപാട് ഉപകാരം ചെയ്യുമെന്നതിനാലാണ് ഈ പോസ്റ്റ് തയ്യാറാക്കുന്നത്.

1. ഉടനടി ഘട്ടം (Immediate Phase) ദുരന്തം ഉണ്ടാവുന്നതിന് മുമ്പ് അതിനെ കുറിച്ച് സിഗ്നലും, മുൻകരുതലെടുക്കാനുള്ള നിർദ്ദേശങ്ങളും ലഭിക്കുന്നതിനെ ആദ്യം ഘട്ടമെന്ന് പറയാറുണ്ടെങ്കിലും തൽക്കാലം ഞാനതിനെ പറ്റി പരാമർശിക്കുന്നില്ല.

ദുരന്തം നടന്നതിന് ശേഷമുണ്ടാവുന്ന ഘട്ടത്തിൽ വല്ലാത്തൊരു മരവിപ്പായിരിക്കും രക്ഷപ്പെട്ടവർക്കുണ്ടാവുക. ആകെ കൺഫ്യൂഷൻ (എന്ത് ചെയ്യണം, ആരൊക്കെ മരിച്ചു, എങ്ങനെ മറ്റുള്ളവരെ രക്ഷപ്പെടുത്തണം, എവിടെ പോവണം എന്ന് പോലും അറിയാത്ത അവസ്ഥ) ഷോക്ക്, ശക്തമായ പേടി എന്നിവയൊക്കെ ഈ സ്റ്റേജിൽ ഉണ്ടാവും.

2. വീര ഘട്ടം (Heroic Phase)
ഈ സമയത്ത് എന്തും ത്യജിച്ച് രക്ഷിക്കാനുള്ള മനസ്ഥിതിയിലേക്ക് കൂടെയുള്ളവരും ജനങ്ങളും പോവും. High level of activity with a low level of productivity
എന്നാണ് ഈ സ്റ്റേജിനെ പൊതുവെ പറയാറ്. അതായത് എന്തും ചെയ്യാനുള്ള മാനസികാവസ്ഥയിൽ ഇറങ്ങുമ്പോഴും അതിനനുസരിച്ചുള്ള റിസൾട്ട് കിട്ടണമെന്നില്ല.

ഈ വീരഘട്ടത്തിൽ വൈകാരികമായി എടുത്തു ചാടുന്നതിന് പകരം, ഒരോ മേഖലയിൽ കഴിവും പ്രാപ്തിയുമുള്ളവർ ഇറങ്ങുന്നതാണ് നല്ലത്. ശക്തമായ ഒഴുക്കിൽപ്പെട്ടയാളെ തീരെ നീന്താനറിയാത്തയാൾ രക്ഷപ്പെടുത്താൻ ശ്രമിച്ചാൽ അത് ദുരന്തത്തിൻ്റെ വ്യാപ്തി കൂട്ടും. പിന്നെ ഇവരെ രണ്ട് പേരെയും രക്ഷിക്കേണ്ട അവസ്ഥ വരും.

അഡ്രിനാലിൻ്റെ അമിത പ്രസരണം മൂലം എന്തും ചെയ്യാൻ തോന്നുന്ന ഘട്ടത്തിൽ ക്ഷമയോടെ കാര്യങ്ങൾ കൈകാര്യം ചെയ്യുക എന്നത് വളരെ പ്രധാന്യമുള്ളതാണ്.

ദുരന്തത്തെ പറ്റിയുള്ള വാർത്തകൾ കാണുമ്പോൾ സംഭവ സ്ഥലത്ത് പോവാനും എന്തെങ്കിലും സംഭാവനകൾ ചെയ്യാനും തോന്നും. പക്ഷെ, നമുക്കതിനുള്ള കെൽപ്പുണ്ടോ ? അവിടെ പോയാൽ ദുരന്തനിവാരണം ചെയ്യുന്നവർക്ക് പ്രയാസമാവാൻ സാധ്യതയുണ്ടോ എന്നൊക്കെ ചിന്തിച്ച് മതി എടുത്തു ചാടാൻ. അല്ലാത്ത പക്ഷം വെളുക്കാൻ തേച്ചത് പാണ്ടായി മാറുന്ന അവസ്ഥയായിരിക്കും. (NB: ഇത്തരം ദുരന്ത നിവാരണത്തിൽ മുൻപ് പ്രവർത്തിച്ച് അനുഭവമുള്ളവരും, കഴിവുള്ളവരും ഇറങ്ങാൻ അമാന്തിക്കേണ്ട)

3. ഹണിമൂൺ ഘട്ടം (Honeymoon Phase)
ഈ ഘട്ടമാവുമ്പോൾ ആളുകളെ മിക്കവാറും പല സ്ഥലങ്ങളിലേക്കും പുനരധിവസിപ്പിച്ചിട്ടുണ്ടാവും. ഏറ്റവും കൂടുതൽ സഹായവും, കരുതലും ലഭിക്കുന്ന ഘട്ടമാണിത്. ആൾക്കാർ വരുന്നു, മന്ത്രിമാർ വരുന്നു, ജനപ്രതിനിധികൾ വരുന്നു, ഭക്ഷണം/ വസ്ത്രം വിതരണം ചെയ്യുന്നു, സഹായങ്ങൾ നൽകുന്നു, വാഗ്ദാനങ്ങൾ നൽകുന്നു. മൊത്തത്തിൽ ദുരന്തത്തിൻ്റെ വ്യാപ്തിയെ പറ്റി കൂടുതൽ ആലോചിക്കാൻ അവസരം ലഭിക്കാതെ ഈ ഘട്ടം കടന്നു പോവുന്നു.

4. നിരാശയുടെ ഘട്ടം (Disillusionment Phase)
ദുരന്തത്തിൻ്റെ വ്യാപ്തിയെ പറ്റി കൃത്യമായ അവബോധം ലഭിക്കുന്ന ഘട്ടമാണിത്.
ദുരന്ത സഹായത്തിൻ്റെ പരിധികൾ സമൂഹവും വ്യക്തികളും തിരിച്ചറിയുന്നു. ശുഭാപ്തിവിശ്വാസം നിരുത്സാഹത്തിലേക്ക് തിരിയുന്നു.

പഴയ അവസ്ഥയിലേക്ക് തിരിച്ചെത്തുക സാധ്യമല്ല എന്ന തിരിച്ചറിവ് പലരേയും മാനസിക രോഗത്തിലേക്ക് (PTSD അടക്കം) ലഹരി ഉപയോഗത്തിലേക്ക് നയിക്കാൻ സാധ്യതയേറുകയും ചെയ്യുന്നു.

ഗവൺമെൻ്റും സന്നദ്ധ സംഘടനകളും ഏറ്റവും കൂടുതൽ ഉണർന്ന് പ്രവർത്തിക്കേണ്ടത് ഈ ഘട്ടത്തിലാണ്. ദുരന്തം അഭിമുഖീകരിച്ചവർ പുതിയ ജീവിതവുമായി പൊരുത്തപ്പെടുന്നത് വരെ കൂടെ ഉണ്ടായേ തീരൂ...

5. പുനർ നിർമ്മാണ ഘട്ടം (Reconstruction Phase)
ജീവിതം തിരികെ പിടിക്കുന്ന ഘട്ടമാണിത്. നഷ്ടങ്ങളൊക്കെ മാനസികമായി ഉൾകൊണ്ട്, തിരിച്ച് പിടിക്കാൻ പറ്റുന്നത് മാക്സിമം തിരിച്ച് പിടിച്ച് യാഥാർത്ഥ്യം ഉൾകൊണ്ട് മുന്നോട്ട് പോവുന്ന ഘട്ടം. ഇത്തരം ഘട്ടത്തിലും പല ട്രോമ ചിന്തകൾ ചെറിയ രീതിയിൽ അസ്വസ്ഥതപ്പെടുത്തുമെങ്കിലും പടച്ചവനിലുള്ള വിശ്വാസവും കൂടെയുള്ളവരുടെ കൈതാങ്ങും ദുരന്തത്തിൽ നിന്ന് പൂർണ്ണമായി കരകയറാൻ സാധിക്കുന്നു.

29/06/2024
Book your session now
06/06/2024

Book your session now

06/06/2024

🛑 *കുട്ടികളിലെ വിർച്വൽ ഓടിസം - സ്‌ക്രീനുകളിൽ പതുങ്ങിയിരിക്കുന്ന അപകടത്തെ തിരിച്ചറിയാം*

സ്വന്തം കുട്ടികൾ മിടുക്കരും ബുദ്ധിമാന്മാരുമായി വളരണമെന്നാണ് ഓരോ മാതാപിതാക്കളും ആഗ്രഹിക്കുന്നത്. എന്നാൽ ഈ ആഗ്രഹം മനസ്സിൽ ഇരിക്കെത്തന്നെ, കുട്ടികളെ ബുദ്ധിമാന്ദ്യമുള്ളവരായി മാറ്റുകയാണ് മാതാപിതാക്കളുടെ ഭാഗത്ത് നിന്നുള്ള അശ്രദ്ധ. കുട്ടികളിൽ വിർച്വൽ ഓട്ടിസം വർധിക്കുന്നു എന്ന വാർത്ത വിരൽചൂണ്ടുന്നത് ഇതിലേക്കാണ്.

കുട്ടികളിൽ സ്‌ക്രീൻ ടൈം കൂടുതലാകുന്നത് കൊണ്ടുണ്ടാകുന്ന ഒരു ശാരീരിക - മാനസിക അവസ്ഥയാണ് വിർച്വൽ ഓട്ടിസം. കുറച്ചു കൂടി വ്യക്തമാക്കി പറഞ്ഞാൽ മൊബൈൽ ഫോൺ, ലാപ്ടോപ്പ്, ടാബ് തുടങ്ങിയ ഗാഡ്‌ജെറ്റ്സുകളുടെ അമിതമായ ഉപയോഗം മൂലമുണ്ടാകുന്ന അവസ്ഥ. പലപ്പോഴും മൊബൈൽ ഫോണുകളുടെ ഉപയോഗം കുട്ടികളിൽ ഉണ്ടാക്കുന്ന ആരോഗ്യപ്രശ്നങ്ങൾ ചർച്ച ചെയ്യപ്പെട്ടിട്ടുണ്ടെങ്കിലും വിർച്വൽ ഓട്ടിസം എന്ന നിലയിലേക്ക് ആ പ്രശ്നങ്ങൾ വളർന്നത് വളരെ പെട്ടെന്നാണ്.
പലപ്പോഴും പല മാതാപിതാക്കളും തങ്ങൾ ചെയ്യുന്ന തെറ്റിന്റെ ആഴം അറിയാതെ ഇപ്പോഴും കുഞ്ഞുങ്ങളെ അടക്കിയിരുത്തുന്നതിനായി കയ്യിൽ മൊബൈൽ ഫോൺ നൽകുന്നു. ഭക്ഷണം കഴിക്കണമെങ്കിൽ, ഉറങ്ങണമെങ്കിൽ, പറഞ്ഞാൽ അനുസരിക്കണമെങ്കിൽ എല്ലാം തന്നെ കളിയ്ക്കാൻ, കാർട്ടൂൺ കാണാൻ ഫോൺ തരാം എന്നതാണ് മാതാപിതാക്കളുടെ വാഗ്ദാനം.

കണ്ണും കാതും തുറക്കുന്നതിനു മുൻപേ മൊബൈൽ ഫോണിന്റെ ഉപയോഗം പഠിക്കുന്ന കുട്ടികൾ കൃത്യമായ സമയങ്ങളിൽ അവർ പൂർത്തിയാക്കേണ്ട ഫിസിക്കൽ മൈൽസ്റ്റോണുകൾ പൂർത്തിയാക്കാതെ പോകുന്നു. ഇതിനുള്ള കാരണം ചിന്തിക്കാനുള്ള കഴിവില്ലാതാകുന്നതും സന്തോഷം നൽകുന്ന ഏക ഉപാധിയായി ഫോണുകൾ മാറുന്നതുമാണ്. കുട്ടികൾക്ക് സോഫ്റ്റ് സ്കില്ലുകൾ ഇല്ലാതാക്കുക, സംസാരിക്കാൻ വൈകുക, സോഷ്യൽ സ്കില്ലുകൾ ഇല്ലാതാക്കുക തുടങ്ങിയ അവസ്ഥയിലേക്ക് ഇത് നയിക്കുന്നു. ജീവിതവും ലോകവും മൊബൈലിനു ചുറ്റുമാണ് എന്ന അവസ്ഥയാണ് ഇതിലൂടെ സംജാതമാകുന്നത്.
ലേണിങ് ഡിസെബിലിറ്റി ഇതിന്റെ മറ്റൊരു വശമാണ്. സ്‌കൂളുകൾ കേന്ദ്രീകരിച്ച് നടത്തിയ പഠനങ്ങളിൽ നിന്നും വ്യക്തമാകുന്നത് പണ്ട് ഒരു കാര്യം കുട്ടികളെ പറഞ്ഞു മനസിലാക്കാൻ എടുത്തതിന്റെ ഇരട്ടി ശ്രമമാണ് ഇന്നത്തെകാലത്ത് അനിവാര്യമായി വരുന്നത് എന്നാണ്. ഇതിലുള്ള പ്രധാനകാരണം കുട്ടികളിലെ ഗ്രാഹ്യശക്തി കുറയുന്നതാണ്. കോവിഡ് കാലഘട്ടത്തിനു ശേഷമാണ് വിർച്വൽ ഓട്ടിസം വർധിച്ചിരിക്കുന്നത്. ക്ലാസിക്കൽ ഓട്ടിസത്തിന്റെ ലക്ഷണങ്ങളോട് കൂടിയാണ് ഇത് കാണപ്പെടുന്നത്. എന്നാൽ സ്‌ക്രീൻ ടൈം കുറച്ചാൽ, അല്ലെങ്കിൽ പൂർണമായും ഒരു വിടുതൽ നൽകിയാൽ ഈ അവസ്ഥയിൽ നിന്നും മാറ്റം ഉണ്ടാകും.

ഒന്നര വയസ് കഴിഞ്ഞിട്ടും സംസാരം തുടങ്ങാത്ത അവസ്ഥ കുട്ടികളിൽ ഉണ്ടാകുന്നതും നടക്കാനും മറ്റ് ആക്റ്റിവിറ്റികൾ ചെയ്യാനും വൈകുന്നതുമെല്ലാം വിർച്വൽ ഓട്ടിസത്തിന്റെ ഭാഗമാണ്. ഭക്ഷണം കഴിപ്പിക്കുന്നതിനായി മൊബൈൽ നൽകുന്നത് മൂന്നു വയസ് വരെ പൂർണമായും ഒഴിവാക്കേണ്ട കാര്യമാണ്. കുട്ടികളുടെ കണ്മുന്നിൽ മാതാപിതാക്കൾ കഴിവതും മൊബൈൽ ഉപയോഗിക്കാതിരിക്കുക. പ്ലേ തെറാപ്പിയാണ്‌ കുട്ടികൾക്ക് ആവശ്യം. ആയതിനാൽ കുട്ടികൾക്കൊപ്പം കളിക്കുന്നതിനായി മാതാപിതാക്കൾ കൂടുതൽ സമയം കണ്ടെത്തുക.

ആവശ്യമെങ്കിൽ സഹായം തേടാനും മടിക്കരുത്.

കുട്ടികളിൽ ഉണ്ടാവുന്ന മാനസികാരോഗ്യ പ്രശ്നങ്ങളെ പറ്റി അറിയുവാനും സംശയങ്ങൾ പങ്ക് വെക്കുവാനും ഈ ഗ്രൂപ്പിൽ ജോയിൻ ചെയ്യാം

https://chat.whatsapp.com/JWDqCgqP9Gf4nQOs8d1mqP

+91 9446297910

Address

Korom Road
Payyannur

Alerts

Be the first to know and let us send you an email when ReMind Wellness posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ReMind Wellness:

Shortcuts

Share

Category