08/08/2026
ലോക മുലയൂട്ടൽ വാരാചരണത്തിന്റെ ഭാഗമായി മൗലാന ഹോസ്പിറ്റലിൽ വിവിധ ബോധവത്കരണ പരിപാടികൾ സംഘടിപ്പിച്ചു. ശിശുരോഗ വിഭാഗത്തിന്റെ നേതൃത്വത്തിൽ ആശുപത്രിയിൽ പൊതുജനങ്ങൾക്കായി ഒരുക്കിയ പോസ്റ്റർ പ്രദർശനം സീനിയർ ഗൈനക്കോളജിസ്റ്റ് ഡോ.കൊച്ചു നാരായണി ഉദ്ഘാടനം നിർവഹിച്ചു. പീഡിയാട്രിക്സ് ക്രിട്ടിക്കൽ കെയർ മേധാവി ഡോ.ദീപു സ്വാഗതം പറഞ്ഞ ചടങ്ങിൽ കൺസൾട്ടന്റ് പീഡിയാട്രീഷൻ ഡോ.ആശാ പ്രഭാകർ, കൺസൾട്ടന്റ് ഗൈനക്കോളജിസ്റ്റ് ഡോ.പവിത്രാ മഹേഷ് എന്നിവർ മുഖ്യപ്രഭാഷണങ്ങൾ നടത്തി.
അമ്മയും കുഞ്ഞും തമ്മിലുള്ള സ്നേഹത്തിന്റെ വളർച്ച തുടങ്ങുന്നത് തന്നെ മുലപ്പാൽ ഊട്ടുന്നതിലൂടെയാണെന്നും, ഇത് കുഞ്ഞിന് മാത്രമല്ല അമ്മയ്ക്കും ആരോഗ്യം നിലനിർത്തുന്നതിനുള്ള ഒരു പ്രധാന ഘടകമാണെന്ന് പ്രഭാഷണങ്ങൾ നിർവഹിച്ചവർ ഊന്നിപ്പറഞ്ഞു. മുലയുട്ടലുമായി ബന്ധപ്പെട്ട അജ്ഞതകൾ മാറ്റി അതിന്റെ പ്രാധാന്യം പൊതുജനങ്ങളിലേക്കെത്തിക്കുന്നതിനായി മൗലാന ഫാർമസി കോളേജിലെ വിദ്യാർത്ഥികൾ തയ്യാറാക്കിയ ലഘുലേഖകൾ സീനിയർ ഗൈനക്കോളജിസ്റ്റ് ഡോ. കൊച്ചു നാരായണി മൗലാന ആശുപത്രി ചീഫ് ഓപ്പറേഷൻ ഓഫീസർ രാംദാസിന് കൈമാറി. ചടങ്ങിൽ പ്രിൻസിപ്പാൾ ഡോ.ഹനീഫ, ഫാർമസി പ്രാക്ടീസ് വകുപ്പ് മേധാവി ഡോ. മുഹാസ് എന്നിവർ പങ്കെടുത്തു. മൗലാനാ നിയോബ്ലസ് മേധാവി ഡോ. ജയചന്ദ്രൻ നന്ദി പ്രകാശിപ്പിച്ചു. വിദ്യാർത്ഥികൾക്കുള്ള ക്വിസ് മത്സരങ്ങളും സംഘടിപ്പിച്ചു.പരിപാടികൾക്ക് മൗലാനാ ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് മാനേജർ ശ്രീ.വിനു കൺസൾട്ടന്റ് പീഡിയാട്രീഷൻ ഡോ.ജാസിം മുഹമ്മദ് , ഡോ.അനീഷ, ഡോ.അജ്മി പർവീൻ, ഡോ. പാർവതി, ഡോ.വസീം വദൂദ്,
ഡോ. നജീനത്ത്,ഡോ. ഹർഷ സുനിൽ, ഡോ. മുഹമ്മദ് ഷഹീൻ എന്നിവർ നേതൃത്വം നൽകി.
