01/09/2026
नृसिंहवाडीला पहाटे दत्त महाराजांचे दार उघडण्याचे वेळी प्रभो सरकार कैलासपते गिरीजाशंकर कर्पूरगौर महाराज !!!!! अशी हाक मारून दत्त महाराजांना जागे करतात आणि त्यानंतर काकड आरत्यांना सुरुवात होते . अत्यंत तन्मयतेने म्हटल्या जाणाऱ्या ह्या गुरुभक्तांच्या काकड आरत्या फारच भावपूर्ण आहेत .
पंचप्राण काकड आरती तत्वात्मक ज्योती ll लावुनि तत्वात्मक ज्योती ll ओवाळिला गुरु त्रयमूर्ती ll ओवाळिला श्रीत्रयमूर्ती परमात्मा प्रीती ll ---
ओवाळू आरती माझ्या सद्गुरुनाथा ll स्वामी श्रीगुरुनाथा ll शरण मी आलो तुज ll श्रीपदी ठेवियला माथा ll १ll
कृष्णा सुपंचगंगा अनादि संगमी ll राहे यतिवर तरुतळी ll तो हा माझा कुळस्वामी ll ओवाळू आरती माझ्या सद्गुरुनाथा ll २ ll
द्वारी चौघडा वाजे ll वाजंत्री वाजती ll कर्णे वाजंत्री वाजती ll नाना घोषें गर्जत ll नाना वाद्ये गर्जत ll भक्त स्वानंदी स्तविती ll ओवाळू आरती माझ्या सद्गुरुनाथा ll ३ll
इंद्रादि सुरवर पन्नग दर्शनास येती ll श्रींचे दर्शनास येती ll नारद मुनिवर किन्नर तुंबर सुस्वरें आळविती ll ओवाळू आरती माझ्या सद्गुरुनाथा ll ४ ll
पाहुनी सिंहासनी आदिमूर्ती सावळी ll चिन्मय मूर्ती सावळी ll श्रीगुरुभक्त तन्मय ll श्रीगुरुभक्त निर्भय श्रीपदी ओवाळी ll ओवाळू आरती माझ्या सद्गुरुनाथा ll ५ ll
श्री गुरुदेव दत्त !!! --- अभय आचार्य
