29/09/2026
ലോക ഹൃദയദിനാചരണത്തിന്റെ ഭാഗമായി കുന്നംകുളം യൂണിറ്റി ഹോസ്പിറ്റലിൽ ഹൃദയരോഗ ബോധവൽക്കരണ സെമിനാർ സംഘടിപ്പിച്ചു.
രോഗികൾക്കായി സംഘടിപ്പിച്ച സെമിനാറിൽ യൂണിറ്റി ഹോസ്പിറ്റൽ മാനേജിങ് ഡയറക്ടർ വിജയകുമാർ ഐ.ആർ.എസ്., മെഡിക്കൽ സൂപ്രണ്ട് ഡോ. ജോഷി തോമസ്, ചീഫ് ലൈസൺ ഓഫീസർ ഡോ. ബി. സുശാന്ത്, കാർഡിയോളജിസ്റ്റ് ഡോ. അഖിൽ പി. സി. എന്നിവർ പങ്കെടുത്തു.
ഹൃദയാരോഗ്യ സംരക്ഷണം, ഹൃദ്രോഗ പ്രതിരോധ മാർഗങ്ങൾ, നേരത്തെയുള്ള രോഗനിർണയത്തിന്റെ പ്രാധാന്യം, ആരോഗ്യകരമായ ജീവിതശൈലി എന്നിവയെക്കുറിച്ച് കാർഡിയോളജിസ്റ്റ് ഡോ. അഖിൽ പി. സി. ബോധവൽക്കരണ ക്ലാസ് നടത്തി.
പരിപാടിയുടെ ഭാഗമായി അന്നേദിവസം കൺസൾട്ടേഷനായി രജിസ്റ്റർ ചെയ്ത രോഗികൾക്ക് സൗജന്യ മെഡിക്കൽ കൺസൾട്ടേഷൻ സൗകര്യവും ഒരുക്കിയിരുന്നു. ആശുപത്രിയിലെ ചടങ്ങിൽ ഡോക്ടർമാരും ജീവനക്കാരും പങ്കെടുത്തു
കുന്നംകുളത്തെ ആദ്യ ഹൃദ്രോഗ ചികിത്സാ കേന്ദ്രമായ യൂണിറ്റി ഹാർട്ട് കെയർ പത്ത് വർഷത്തെ സേവനപാരമ്പര്യം പൂർത്തികരിച്ചു. ഹൃദ്രോഗ ചികിത്സാരംഗത്ത് ഗുണമേന്മയുള്ള സേവനവും രോഗികേന്ദ്രിത പരിചരണവും തുടർന്നും ഉറപ്പാക്കുമെന്ന് ആശുപത്രി അധികൃതർ അറിയിച്ചു.