10/03/2025
ലോക ഗ്ലക്കോമ ദിനം ആചരിച്ചു
വർക്കല: ലോക ഗ്ലക്കോമാ ദിനാചരണത്തിന്റെ ഭാഗമായി വർക്കല ഗവൺമെൻറ് ജില്ലാ ആയുർവേദ ആശുപത്രി ശാലാക്യ വിഭാഗം നേത്രരോഗ ചികിത്സാ ക്യാമ്പ് നടത്തി.ചീഫ് മെഡിക്കൽ ഓഫീസർ ഡോ.ഷർമദ് ഖാൻ ഉദ്ഘാടനം ചെയ്തു. സീനിയർ മെഡിക്കൽ ഓഫീസർ ഡോ പ്രിൻസ് അലക്സ് അദ്ധ്യക്ഷത വഹിച്ചു. ഹോസ്പിറ്റൽ മാനേജ്മെൻറ് കമ്മിറ്റിയംഗം വിക്രമൻ ഉദയഗിരി ആശംസകൾ അർപ്പിച്ചു. കണ്ണിനെ ബാധിക്കുന്ന വിവിധ രോഗങ്ങളും ചികിത്സകളും എന്ന വിഷയത്തിൽ ഡോ. സന്ദീപ് എസ് കുമാർ ക്ലാസെടുത്തു. രാവിലെ 10 മുതൽ ഉച്ചയ്ക്ക് 2 വരെ ഒരാഴ്ച നീളുന്ന നേത്ര പരിശോധനാ ക്യാമ്പിന് ഡോ ഐശ്വര്യ വി നായർ, ഡോ സന്ദീപ് എസ് കുമാർ എന്നിവർ നേതൃത്വം നൽകും. അത്യാധുനിക നോൺ കോൺടാക്ട് ടോണോമീറ്റർ, അപ്ലനേഷൻ ടോണോമീറ്റർ എന്നീ ഉപകരണങ്ങളുടെ സഹായത്തോടെയാണ് പരിശോധന നടത്തുന്നത്.
വർക്കല ജില്ലാ ആയുർവേദ ആശുപത്രിയിൽ ലോക ഗ്ലക്കോമ ദിന ക്യാമ്പ് ചീഫ് മെഡിക്കൽ ഓഫീസർ ഡോ. ഷർമദ് ഖാൻ ഉദ്ഘാടനം ചെയ്യുന്നു. വിക്രമൻ ഉദയഗിരി, ഡോ. പ്രിൻസ് അലക്സ്, ഡോ സന്ദീപ് എസ് നായർ എന്നിവർ സമീപം
