18/01/2026
✨ شلون تساعدون طفلكم بزيارته الأولى لطبيب الأسنان؟ ✨🦷
أول زيارة لطبيب الاسنان تبقى بذاكرة الطفل دائما 👶
يا إمّا يحب العيادة و الطبيب 💖
يا إمّا يخاف منها و يكره كل طبيب 😣
لذلك لازم يتحضر نفسيا ويتقبل الشغل نفسيا لان صعوبة التعامل داخل العيادة صعوبة نفسية فقط ...
وهنا يجي دوركم :
اول شي قبل الزيارة:
• احچوا ويا طفل عن طبيب الأسنان كأنه صديق جديد راح يتعرف عليه 😊
• لا تذكرون كلمات تخوف مثل (إبرة 💉، وجع 😖، حفر، الم ) خلوا يفكر انه الطبيب موجود حتى يساعده
• خلوا الزيارة الأولى تعارف وفحص بسيط وابتعدوا عن الزيارات الطويلة او الانتظار الطويل الي تدخل الطفل بملل وتعب 🦷
• اختاروا وقت يكون الطفل مرتاح، لا نعسان 😴 ولا جوعان 🍎 ولا مريض 🤧
⏰ مهم جداً:
•اختياركم لطبيب يتعامل صح مع الطفل بعيد عن العنف و الاجبار لان حتى لو اشتغل للطفل وراح الم سنه بس يبقى الالم النفسي مصاحب اله بكل زياراته المستقبلية
• الالتزام بوقت الموعد يساعد طفلكم يبقى هادئ وبعيد عن ملل الانتظار
• التأخير عن الموعد ممكن يخليه يشوف تجارب أطفال ثانية وتسبب له خوف
• ترتيب الوقت يخلي التجربة أحلى وأسهل للجميع 💗
💺 أثناء الزيارة:
• لا تجبرون الطفل، خلي الأمور تمشي على راحتها 🌼
• هدوئكم ينتقل لطفلكم ، لذلك ابقوا هادئين ، ولا تبقون واكفين بشكل مربك للطبيب و يبقى الطفل نفسيا يفكر انه وجودك القريب هو خوف من الي راح يصير مو اهتمام منكم
• خلي الطبيب يتعامل وياه، وتجنبوا التدخل الزايد
• شجعوا حتى لو فتح فمه ثواني 👏✨ودائما استخدموا تعليقات ايجابية وابتعدوا عن جملة( دكتوره خو ما ابرة تره يخاف ،دكتوره خو ما ياذي ) والطبيب بعده اصلا ما مكمل فحص ..هالشي راح يخلي الطفل يكون صورة لا ارادية انه راح يتاذه وراح ينتظر شي مؤذي باي لحظه
خلوا الطبيب بكلماته يشرح للطفل شنو راح يصير
🎉 بعد الزيارة:
• امدحوا حتى لو ما جان كلش متعاون 🤍
• كولوا أنت بطل وشجاع 🦸♂️🦸♀️
• سووها ذكرى حلوة، مو تجربة تخوف 🌈
🪥 معلومة مهمّة:
أول زيارة لطبيب الأسنان يفضل تكون مو بسبب الالم …خلوها زيارة روتينية
٥ دقايق من وقتكم للفحص الروتيني راح تفرق بزياراته المستقبلية
💖 هدفنا نخلي الطفل يحب زيارته لطبيب الأسنان من البداية
د.ندى علي الشرع
دبلوم مهني في طب اسنان الاطفال / معهد اكسفورد
عضو الجمعية الدولية لطب اسنان الاطفال
📲 للحجز والاستفسار عبر الواتساب
📞 07845967876
#الديوانية
