د. مآب جاسم محمد

د. مآب جاسم محمد صفحة طبية توعوية في كل ما يخص أمراض المفاصل والعظام

المراجعة الاولى: شابة عمرها بالعشرينات خلال هذا الشهر مراجعة 4 اطباءتشكو من الم مفاصل وعضلات وتعب ونحول ..الفحص السريري ...
21/02/2026

المراجعة الاولى: شابة عمرها بالعشرينات خلال هذا الشهر مراجعة 4 اطباء
تشكو من الم مفاصل وعضلات وتعب ونحول ..
الفحص السريري والتحاليل والاشعات لعشرات المرات طبيعية ..
التشخيص الم مفاصل ميكانيكي نتيجة الجهد المستمر وانعدام التمارين الرياضية ..
طبعا قبل فترة جانت مراجعتني وكاتبتلها تمارين علاجية بس ممسويتها ..

المراجع الثاني: مريض بمنتصف الثمانينات يشكو من الم رقبة وظهر بسيط ..
بالفحص تبين وجود سوفان بسيط .. بس العضلات قوية ما شاء الله وگدر يقاوم بكل الاتجاهات ..
حجي انت شلون محافظ لسه على قوتك ؟
گال اني ليهسه اتمرن باوزان بسيطة بالبيت ..

كل انسان يختار شون يعيش ..
تگدر تكون قوي لاخر يوم بعمرك ..
وممكن تكون مريض وضعيف ومعتمد على غيرك وانت شاب ..

الرياضة والتمارين مو خيار هي واقع حتى نعيش طبيعي ..

الي ح يگول ماعندي وقت
تگدر بالبيت تجيب اوزان بسيطة وتصعد بالتدريج
تمرين ساعة لمدة 3 ايام بالاسبوع كلش كافي ..

طبعا صار هوايه مكاتبه منشورات بس الحجي اليوم الهمني وحتى جنت متعاجزة من التمرين بعد الصيام .. بس هسه جبرت روحي وتمرنت ..

راح اسولفلكم عن تجربتي الشخصية .. اني دائما اسوي تمارين مرونة هذه الي اعلمها الكم بالعيادة والي ناشرتها بالصفحة ..
هذه قبل جانت تكفي بس ويا الاجهاد المستمر والعمر اكيد متكفي .. بديت اوزان قبل سنة ..
بديت بكيلو وحاليا بين 20-40 حسب نوع التمرين ..
التغيير الي صار عظيم ..

مثال بسيط جنت قبل اقسم المهام اذا طبخ او تنظيف او طلعة .. حاليا بنفس اليوم اگدر اسوي اكثر من شغلة ثقيلة ووياها تمرين وهم ابقى بطاقتي .. يعني
بالتمرين مراح تخسرون وقت بالعكس راح تكسبون وقت وطاقة ..

الي عندهم تشجنات والتهابات اوتار وانزلاق وسوفان كلها تتحسن بالتمارين ..

الامراض المناعية من يهدا المرض وتحت اشراف الطبيب المعالج ممكن تتمرنون ..

دمتم اصحاء واقوياء 💪🏻

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي
F.I.B.M.S Rheum. & Med. Rehab.

09/09/2024

عنوان العيادة:
بغداد - شارع المغرب - مقابل ثانوية المتميزات

اوقات الدوام:
يوميا من الساعة ٣ الى ٧:٣٠ مساء، ما عدا يومي الجمعة والاربعاء (عطلة العيادة).

الحجز:
نستقبل يوميا عددا محدودا لا يتجاوز 15 مريضا، نظرا لان معظم مراجعي العيادة يعانون من امراض مناعية تتطلب دقة في اخذ التاريخ المرضي، والفحص، والعلاج، وشرح حالة المريض.

لذلك، يكون الحجز عن طريق الاتصال بالرقم المذكور ادناه ابتداء من الساعة ١٠ صباحا حتى اكتمال العدد.

اولوية الدخول الى العيادة تعتمد على اسبقية الحضور. وبسبب طبيعة الامراض المناعية، قد يحتاج مريض الى ربع ساعة للفحص واخر الى ساعة، مما يجعل من الصعب تحديد مواعيد دقيقة لكل مريض.

لذلك، نعتذر عن استقبال اي مريض لم يحجز مسبقا عن طريق الاتصال.
نرجو تفهمكم.
دمتم بصحة وامان.

رقم الحجز: 07737661627

علاج امراض المفاصل يتكون من 3 محاور:الاول: تعليمات صحيحةالثاني: تمارين علاجيةالثالث: علاجات دوائية بهذا الپوست راح اثبت...
17/07/2024



علاج امراض المفاصل يتكون من 3 محاور:
الاول: تعليمات صحيحة
الثاني: تمارين علاجية
الثالث: علاجات دوائية

بهذا الپوست راح اثبت اهم التمارين الي تحتاجوها وكل مريض حسب تشخيصه ..

🔹 تمارين الرقبة والظهر هي للتشنج العضلي والانزلاق والسوفان وتشمل

تمارين المدى الحركي للرقبة والظهر (صورة 1 & 2)

تمارين مكنزي
https://youtu.be/w3Q0xwuIF20?si=sfKWY0nxtr-VYPHu

🔸 تمارين الركبة للخشونة والسوفان وتشمل

المشي وبعد فترة من الالتزام بالمشي وتحس اداء الركبة تحسن تبدي ..

تمارين تقوية العضلات الرباعية مثل Quad set
https://youtu.be/5TUK4uT2nnw?si=sLEaC2dW5o7PFRXd

🔹 تمارين مرونة الورك
https://youtu.be/xn0sMRdMFC4?si=80RIp6fiZDYejq92

🔸 تمارين مرونة الكتف
https://www.facebook.com/reel/1082952595945618?fs=e&s=TIeQ9V&mibextid=0VwfS7

🔹 تمارين تجمد الكتف وتشمل

تمارين البندول وتسلق الحائط
https://youtu.be/BQIsQItAcOI
https://youtu.be/kuJjYd-rdww

🔹 تمارين الالم الليفي او الابهر
https://youtu.be/6WynJSdu2KI

🔸 تمارين فرط الحركة
https://youtu.be/XxZekPIeCzE

🔹 تمارين التهاب العضلات المناعي
تمارين تقوية عضلات الفخذ باستعمال الخاولي والكرة
الوقوف من وضع الجلوس
دفع الحائط
هذه موجودة بالصور ادناه
وبعد متبدي عضلاتكم تقوى تضيفون تمارين مرونة الورك والكتف ..

♦️ المشي 3-4 ساعات اسبوعيا مهم لكل الجسم والمفاصل وكذلك السباحة .. يعني تعتبر روتين يومي

♦️ كل التمارين تبدون بتعداد قليل حتى اذا تسوون الحركة مرة وحدة باليوم وبسرعة بطيئة وتتدرجون حسب لياقتكم يعني مو راسا مثل الڤديوات تعداد 30 ..

♦️ ونرجع الرياضة 30-60 دقيقة يوميا راح تخلصك من آلام ومشاكل المفاصل وممكن حتى زيارة الطبيب ..

دمتم اصحاء 🏃🏻 🏊‍♀️ 💪🏻

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

مريضاتي الي عندهم متلازمة اضداد الشحوم الفوسفورية (Antiphospholipid Syndrome)وعلى علاج وارفرين .. 1️⃣ الوارفرين هو علاج ...
07/06/2024

مريضاتي الي عندهم متلازمة اضداد الشحوم الفوسفورية
(Antiphospholipid Syndrome)
وعلى علاج وارفرين ..

1️⃣ الوارفرين هو علاج مضاد للتخثر (مميع) اذا انطينا بالجرعة الصحيحة ..
بالجرعة العالية ممكن يزيد نسبة النزف ..
وبالجرعة القليلة ممكن تزيد خطورة التخثر ..

2️⃣ لذلك لازم نتابع عن طريق تحليل اسبوعي وهو INR
لازم تكون نسبة INR بين 2-3
التحليل موجود باغلب المستشفيات والمختبرات الاهلية ..
اذا شفتوا الرقم اكثر من 5 تترك جرعة الوارفرين وتراجعون مباشرة ..

3️⃣ اي نزف من الجسم لازم تترك جرعة الوارفرين والمراجعة مباشرة ..
النزف يعني خروج دم من الفم سواء من اللثة او تقيوء دم - دم مع الخروج - دم من الانف - او نزف شديد مصاحب للدورة الشهرية ..
التقيوء بلون داكن مثل القهوة هذا نزف ..
الخروج اذا كان لود اسود هذا نزف ..

4️⃣ بأي تداخل جراحي او قلع اسنان لازم تبلغون الطبيب انو تستعملون الوارفرين ..

5️⃣ الوارفرين يتفاعل مع مجموعة من الاغذية والادوية .. رتبتلكم صورة بقائمة كل الاغذية الممنوعة ..
و بالنسبة للادوية دائما شوفوها لطبيبكم او للصيدلي حتى ميصرفولكم الادوية الي تتفاعل مع الوارفرين ..
و بحال الدواء كان ضروري ممكن نغير جرعة الوارفرين حتى نمنع التخثر او النزف ..

6️⃣ هسه تگولون اذا علاج خطر ليش دنصرفه ؟
لان ببساطة هو العلاج الافضل لمنع التخثر في متلازمة اضداد الشحوم الفوسفورية وبحال اذا التزمتوا بالتحليل وامتنعتوا عن الاغذية المذكورة وما اخذتوا ادوية بكيفكم مثل الاعشاب والمسكنات والمقويات الي منعرف شخابطين بيها مراح تصير مضاعفات ..
اكو غير ادوية للتخثر يستعملوها اطباء امراض الدم والاوعية الدموية وهذه اامن نسبيا من الوارفرين لكن للاسف متفيد بحالة مرضكم ..

7️⃣ اخذ الوارفرين وعندي انفلاونزة شاخذ علاج ..
اخذ براسيتول وسوائل دافية ..
لان اصلا الانفلاونزة هي التهاب ڤايروسي ميحتاج علاج ياخذ وقته ويروح ..

8️⃣ هسه نجي لاهم نقطة ..
يوميا توصلني مئات الرسائل ..
حتى اگدر اتابع تحاليلكم اسبوعيا لازم تساعدوني ..
كل اسبوع تدزون صورة الوصفة وبعدها صورة اخر تحليل
مع كتابة اخر جرعة وارفرين ..
الرسائل لمتابعة التحليل فقط اي نقاش واسئلة تكون خلال الزيارة الدورية للفحص ..

9️⃣ الوارفرين بيه جرع ١ ملغم و٣ ملغم و٥ ملغم ..
راح نبدي ب ٣ ملغم مثلا
وبعدها ابدي ازيد حتى احافظ ع نسبة التحليل
اذا كلنا جرعة ٤ ملغم يعني نفس الوقت تاخذون ٣ مع ١ ملغم مثلا ..
وحاولوا دائما تاخذون نفس الشركة الدوائية حتى يكون نفس الفعالية ونگدر نضبط التحليل ..

#وارفرين

د. مآب جاسم محمد
اختصاص (دكتوراه - بورد) في أمراض المفاصل والروماتيزم والتأهيل الطبي

04/03/2024

الهروب مش هو الحل 🏃🏻🏃🏻‍♀️

Address

شارع المغرب/مقابل ثانوية المتميزات
Baghdad

Opening Hours

Monday 15:30 - 19:30
Tuesday 15:30 - 19:30
Thursday 15:30 - 19:30
Saturday 15:30 - 19:30
Sunday 15:30 - 19:30

Telephone

+9647737661627

Website

Alerts

Be the first to know and let us send you an email when د. مآب جاسم محمد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category