16/04/2022
ليش ننعس بعد الافطار ؟!
هم سألتو نفسكم فد يوم ليش الواحد يثكل وينعس بعد الافطار !!!
شنو تفسيرها العلمي !
- طول اليوم انت صايم والسكر منخفض عندك ، تجي فجاة تاكل وجبه دسمة ،
يصعد السكر بسرعة … يفرز الجسم الانسولين بسرعة حتى يعادل مستوى السكر ،
وية الانسولين ينفرز عندك هرمون السيروتونين الي هو هرمون السعادة
السيروتونين يشتغل كناقل عصبي ينشط الميلاتونين ( الي يسموه هرمون النوم )
وانت اصلاً جسمك مستعد للنوم نتيجة خربطة ساعتك البايولوجية واوقات النوم عندك ،
بالتالي تكون جدا خامل ومستعد تنام حتى وانت كاعد …
الحل // وجبة الافطار تكون وجبة متوازنة مو دسمة كلش ،
صيامكم مقبول
