25/08/2026
اشرحلكم موضوع مهم
موضوع ابو صفار الناتج عن اختلاف فصائل الدم بين الام و طفلها
ما راح اتكلم عن فصائل الدم النكتف و البوزتف
يعني اذا دم الام سالب و الطفل طلع دمه موجب
راح احجيلكم على فد شي نسميه ABO incomparable
راح احجيلكم اذا كانت فصيله الدم O
حتى اوضح الصوره
اللي دمه O يكدر ياخذ دم A او B ؟
الجواب هو اكيد لا
ليش لا؟
لان اللي دمه O عنده اجسام مضاده لفصيله الدم A و B
حلو حلو
شويه نصعب الموضوع و نكول لو خطا و ضفنا دم للي دمه O و انطينا دم A شراح يصير؟
لااااا شون يصير فصيله الدم O بيها مضادات لفصيله الدم A و راح يتكسر الدم اللي انطينا !!
احسنت و هذا اللي يصير
مضادات المناعه هذه تصير من النوع اللي يعبر المشيمه و يوصل للطفل لذلك يبدي يكسر دم الطفل و من تتكسر خلايا الدم يطلع عدنا جزيئات ابو صفار
و بما انه كبد الطفل مو ناضج اذن راح يزيد الحمل على الكبد و يزيد ابو صفار اكثر و اكثر
و هنا يصعد ابو صفار
زين دكتور ليش ما نعرف بيه مثل الدم السالب و الموجب ؟
يعني من الام دمها سالب تضرب ابره
شعجب ما سامعين بيه
ببساطه لان هذا اقل حده من الاول و احيانا كثيره اصلا ما يسوي ابو صفار و لا يتاذى الطفل
بس في احيان نادره لا و الله يصير جدا شديد
بس في اغلب الحالات لا جدا خفيف
طيب شنو الحل ؟
مراقبه اكثر
و لا تطلعين من المستشفى اذا دمك O بدون ما تعرفين دم طفلك شنو حتى تراقبين اكثر
لان ابو صفار ماله علاج اما فقط مراقبه او علاج ضوئي او علاجات اخرى بالمستشفى او تبديل الدم
ملاحظه
ما جبنا سيره الاب و لا علينا بيها
الموضوع بين الطفل و امه
ملاحظه ٢
الموضوع اذا بالعكس ما ياثر يعني الام A او B او AB و الطفل O ما ياثر
ملاحظه ٣
اترككم مع بعض العلاجات التقليديه المضحكه الخاصه بابو صفار ؟
د. سيف سمير البياتي
اخصائي طب الاطفال
