فراس جلو

08/08/2026

كمال الاجسام كلعبة مابيها مشكلة اذا جنت تحبها وتمارسها بشكل طبيعي بس حتى تستفاد منها اقصى استفادة لازم تدمج ويها تمارين قوة وتحمل،

هسة تكلي مو هي قوة اكلك لا هاي مو قوة، اي نعم جاي تبني عضل بس تبني عضل بس بناء سلبي ممحتاجه، حتى لو جاي تبني طبيعي،

بينما تمارين القوة انت حتبني العضل لان جسمك محتاجه،
اما التحمل هو يخلق عندك تكيف وظيفي وتوازن ببيلوجية الجسم حتى ما ينمو عندك شي على حساب شي ثاني يعني متكبر عضلات الهيكلية وتضعف العضلات الملساء مثل القلب والرئتين

02/08/2026

صح الرياضة متنزل وزن تنزل دهون
وانت ما عندك مشكلة بالوزن مشكلتك بالدهون

وهاي المشكلة ماكو اي نظام غذائي ولا علاج بالدنيا يحلها غير الرياضة

ولما تعرف الجسم شلون يتخلص من الدهون حتتاكد ان ماكو شي غير الرياضة هي اللي تحركها وتخلصك منها

31/07/2026

الركض والحبل ثنينهم مفيدات ويعتبرن من اقوى وابسط الرياضات بحرق الدهون والبناء العضلي والتحمل القلبي والقوة والسرعة واللياقة وحتى متحتاج تلتزم التزام صارك بالتغذية اذا مارستهم بس اهم شي تبدا بالتدريج
ومتضغط على نفسك

09/07/2026

اذا وزنك عالي كمال الاجسام لتنزلك وزن ولا تسوي جسمك مرتب

اذا مفصلت حاجتك عن رغبتك وحددت مشكلتك ووظفت لها التمرين الصحيح عمرك محتوصل لاي نتيجه

اذا وزنك عالي وتريد جسم مرتب او مهارة معينة، اشتغل على خسارة الوزن اول شي وبعدين رتب جسمك،

اذا وزنك عالي متلعب كمال اجسام متلعب رياضة مهارية متسوي اي شي غير انك تاخذ برنامج تأهيل هم يحرك الدهون وهم ياهل عضلاتك ومفاصلك وطاقتك وقوتك للمرحلة القادمة

اي شي عدا هذا هو عبث ومضيعة وقت

04/07/2026

ركضvs هرولة
خسارة عضل مقابل دهون

01/07/2026

27/06/2026

هواي ناس اشوفها مهتمة لموضوع الاستراحة بين الجلسات،
بالواقع كل ما طال وقت الاستراح بين تمرين وتمرين كل ما كان افضل بالنسبة لتمارين القوة،
وكل ما زادت شدة التمرين لازم تكون الاستراحة طويلة،

شخصيا مرات استراحتي بين بعض التمارين تصير ربع ساعة ومتوسط استراحتي 10 دقايق واقل وقت استراحة بين التمارين هو 5 دقايق،

لهذا السبب اكدر اخلص كل مهامي اثناء التمرين،

وكالعادة اكو اجابلة للناس اللي حتطلع صفح، مثل مواضح هنا جاي اقصد تمارين القوة والمهارات اللي تعتمد القوة مو التحمل مو الرشاقة مو اي شي ثاني

20/06/2026

اغلب اللي يركضون بالبداية يصير عندهم احباط لان يركضون سريع ويتعبون بسرعة، وهذا الشي جدا طبيعي،
بس اكو اشياء بسيطة اذا تسويها راح يتطور عندك النفس وبالتالي يتطور الركض،

1 بالهداوة يا حلاوة
ذكر نفسك انت مداخل سباق ولا عندك بطولة، فلا تتسابق وي افكارك وجسمك وشجع نفسك على هالخطوة حتى لو تركض متر

2 اقل وقت واقصر مسافة
انت طالع تختبر نفسك وتريد تبني عادة جديدة فلتفكر ابد بالوقت والمسافة وابدي اركض 5 دقايق، ولا تحاول تركض اكثر من 10 دقايق

3 التدرج بالسرعة
اول متبدي تركض سرعتك حتكون بطيئة عادي ابدي طور النفس وبعدين من تكدر تركض 10 دقايق برتم واحد بدون تعب .. ابدي طور سرعتك

4 لا تاكل قبل الركض
جسمك دائما مخزن طاقة وانت مطالع مرثون فمتحتاج تاكل، والاكل بكل الاحوال يثكلك، دائما اركض على معدة فارغة

5 اضبط التكنيك
رخي جسمك وخلي مستقيم ولا تحني ضهرك للامام، دائما خلي جسمك مستقيم

6 استمر
حاول حتى لو مرتين بالاسبوع تطبق هاي القواعد، وبمرور الوقت تلكي نفسك متطور

27/05/2026

مقولة اكبر عدو للانسان نفسه ما اجت اعتباط، وتقريبا هي اعظم مقولة بالتاريخ،

عدو الانسان الاول هو دماغه،
ادمغتنا تقاوم وتحارب كل شي غريب وغير مالوف او يطلعها من منطقة الروتين والراحة،

ومنطقة الروتين وراحة مو بعبع مثل ما يصورها جماعة التنمية والتطوير بالعكس احنا نكدر نستخدمها نفسها كسلاح

يعني الدماغ يحب الراحة والروتين ويقاوم كل شي غريب،
طبعا احنا ممكن نقاوم الدماغ ونشتغل عكسه وراح ننجح
بس هذا يدخلنا بدوامة العلل العصبية والنفسيه،

چا شنسوي متفضها وتحچي؟
ببساطة مشكلة الدماغ كلنها هو يقاوم كل شي غريب وغير مالوف بالنسبه له.. هذا يعني انه ما عنده مشكلة مع الاشياء المالوفة،

اذن ببساطة كل شي غريب وغير مالوف نحوله الى قريب مألوف وهذا من خلال "الفهم"

مفتاح الدماغ وحل سر الاسرار ولغز الالغاز هو الفهم،

يعني انا وياك والكوكب كله تعرف تظيم الاكل وممارسة الرياضة
هي اللي تحافظ على الرشاقة والصحة،

بس الفرق بيني وبينك، انت اذا تلتزم 100% وانا التزم 10%
انا راح احقق نتائج افضل منك لسببين رئيسيات

1- التزامك العالي خلق مقاومة عالية عند الدماغ، وهذا يخليك تحقق نتائج بدنية صحيح بس ضريبتها المشاكل الذهني اللي راح ترجع تنعكس عليك بالسلب وتقضي على النتائج اللي حصلتها

2- عدم فهمك للالتزام نفسه يخلق مقاومة ثانية من للدماغ هي اسمها مقاومة الجدوى او الهدف، دماغك راح يبقى دائما يدخلك بدائرة لا متناهية من الاسئلة ما الجدوى من الامر، ويقنعك انك لو صار عندك ظرف لمدة اسبوع راح يضيع كل تعبك، وانت تنقتنع لان سبق وصارت،

اكو سبب ثالث فرعي وهو ان الانضباط غير الالتزام والانظباط مقائم على المثالية او النسق المتشابه اليوم، الانضباط هو استمرارية روتين ثابت بانماط متغير ومتفاوته وغير مثالية

فالتزامي ال10% انا محوله روتين بسيط سهل مريح مفهوم وقريب واضح للدماغ كجزء من نمط حياته بدون انتظار هدف او جدوى.. شي اشبه بالولادة، احنا انولادنا اذن خلص لازم نكمل حياتنا، وهذا هو جوه وكنز "الفهم"

ففكرة ان الرياضة المعينة والتغذية المعينة والتزام صارم هي اللي تخلينا محافظين على رشاقتنا وصحتنا للابد فكرة عبيطة،

راح تخلص من المشكلة بشكل جذري وبسيط ويتحول الموضوع مجرد روتين لا يختلف عن روتين وبساطة اخذ دوش.. لمجرد انك تفهم لغز الجسم وعلاقته بالدهون والتغذية والرياضة.. نعم هو مو بالسهولة اللي احچيها
بس من تاخذه كفكرة اشبه بالكبسولة شي صغير واضح وبسيط ومعروف ومفهوم وفعلها كبير ونتائجها معروفة،
هذا اللي راح يختصر عليك الوقت والجهد والموارد

وطبعا هنا جاي احجي عن مرحلة ما بعد النتائج مو مرحلة التشافي،

وللي مقاري او مشايف فديواتي السابقة وشقصد بهاي المرحلة، فخسارة الوزن مرحلتين، الاولى تعتبر مرحلة علاجية او مرحلة تشافي،
وهي اللي تحتاج شغل صحيح ومنظم لمدة ادنها شهرين اقصها سنة، والمرحلة اللي بعدها هي مرحلة تنظيمية.

وكل عام وانتم بخير