31/08/2026
الاستعداد للمدرسة مع طفل ADHD ما بيبدأ من شراء القرطاسية والشنطة والملابس، بيبدأ من تدريبه على اللي رح يواجهه كل يوم.
وهالخطوات حتساعدك بإذن لله:
• بلّشي بتعديل وقت النوم والاستيقاظ قبل المدرسة بوقت كافي، بدل التغيير المفاجئ بأول أسبوع.
• اعملي روتين صباحي ثابت، وخليه يتدرّب عليه يوميًا حتى يعرف شو عليه يعمل بدون ما يسمع عشر تعليمات.
• درّبيه على تنفيذ التعليمات خطوة خطوة، لأن إعطاء أكثر من طلب بنفس الوقت ممكن يشتته.
• احكي معه عن المدرسة مسبقًا: شو رح يصير، مين رح يقابله، وكيف ممكن يتصرف إذا واجه صعوبة.
• أعطيه مهام بسيطة يتحمّل مسؤوليتها، حتى يدخل المدرسة وهو حاسس إنه قادر، مش إنه كل شي رح يكون صعب عليه.
• والأهم… لا تنتظري أول أسبوع مدرسة حتى تكتشفي وين الصعوبة. راقبيه من هلا، وحددي احتياجاته، وابدئي بالتدريب عليها
النجاح بالمدرسة ما بيبدأ من أول يوم… بيبدأ من الفهم الكافي لكل موقف كيف تتصرفي وتساعدي ابنك أو بنتك فرط النشاط تشتت الانتباه على إدارة أعراض الإضطراب.
وإذا مهتمة توصلي لهالمرحلة تابعني لأن عن قريب حإعلن عن برنامج مسموع تتعلمي في كل شي بساعدك بإذن لله.
#امهات #الكويتيات #الخليج
