21/07/2026
ژبەر هەستیارییا دوسيەیێن پزیشکی یێن نوژداران و هاووڵاتییان و پاراستنا مافێن وان یێن یاسایی ب تایبەت ل دەمێ پێرابوونێن ڤەکولینێ و دادگەهکرنێ، لسەر داخوازا لقێ دهۆک یێ سەندیکا نوژدارێن هەرێما کوردستانێ، داواکارییا گشتی جەخت ل (ماددێ ٩/ برگا (٦) ژ یاسا کارێ رۆژنامەڤانی یا ژمارە (٣٥) یا ساڵا ٢٠٠٧) بۆ گشت دەزگەهێن ڕاگەهاندنێ کریە کۆ نابیت ب هیچ رەنگەکی بابەت و هورکاریێن دۆسەیان ل ڕاگەهاندن و سوشیال میدیا بهێنە بەڵاڤکرن و ئازراندن و ئاراستەکرنا تاوانێ بۆ هەر لایەکی بێی دوماهی هاتنا پێرابوونێن یاسایی.
ئەم ژی داخوازێ ژ دەزگەهێن ڕاگەهاندنێ و سوشیال میدیایێ دکەین ژبۆ بەرژەوەندییا گشتی و پاراستنا ئارامی و ئێمناهییا جڤاکی و پاراستنا مافێن هاووڵاتی و نوژداران پێگیری ب ڤێ یاسایا گرنگ بهێتەکرن هەتا کو ژ لایێ دادگەهێن مەڤە بریارا دوماهێی دهێتەدان، بەروڤاژی ئەم وەکو سەندیکا دێ پێرابوونێن یاسایی ل بەرامبەر سەرپێچکاران گرینەبەر.
