16/12/2025
ئەمڕۆ لەدایک دەبیت. دوای شەش ساڵ ئەچیتە پۆلی یەکی سەرەتایی. دوای دوانزە ساڵ ئەچیتە زانکۆ. دوای شەش ساڵ دەبیت بە موقیم. دوای شەش ساڵ لەوانەیە وەربگیرێیتەوە بۆ خوێندنی پسپۆڕی. دوای پێنج ساڵ بڕوانامەی بۆرد بەدەست دەهێنیت.
ئەگەر بە سەلامەت و هیچ ساڵێک دوانەکەویت، یەکەم ڕۆژ کە لە عیادەی خۆت دانیشیت تەمەنت (٦+١٢+٦+٦+٥=٣٥) ٣٥ ساڵە. دوای پێنج ساڵ لەوانەیە بناسرێیت و ڕۆژانە دە نەخۆشێک ببینیت.
تۆش ئەی بەڕێزی دەم بە گلەیی کاتێک سەردانی ئەو پزیشکە دەکەیت تەنها ئەو دە نەخۆشەو ئەو دە دەقەیە دەبینیت. بەڵام چل ساڵ شەونخونی و خوێندنەوە و ئیمتیحانی یەک لە دوای یەک و چاودێریی سەدان نەخۆش و تەحەمول و ڕاگرتنی دڵی دەیان مامۆستای ڕەزاجیاواز نابینیت.
قەینا، ئەوانەش بەتۆ چی. ئەی جەستە و سحەتی خۆت قیمەتی چەندە لەلات کە ١٥ هەزار و ١٠ هەزار بە زۆر دابنێیت و دکتۆریش بە بێ ویژدان؟! تۆمەت زۆرە بۆ تاوانبارکردن، بەڵام ئەوە یەکێک نییە لێیان.
