Psychological Support

Call Directions Contact the practice

Psychological Support Contact information, map and directions, contact form, opening hours, services, ratings, photos, videos and announcements from Psychological Support, Mental Health Service, Erbil, Irbil.
(2)

نختص بتقديم خدمات الدعم والعلاج النفسي للتعامل مع مختلف الاضطرابات النفسية والمشاكل السلوكية للبالغين والأطفال، ونسعى لتوفير بيئة علاجية آمنة ومهنية تساعد الأفراد على تحقيق التوازن النفسي وتحسين جودة الحياة من خلال جلسات فردية مصممة خصيصًا لكل حالة

مو لازم تكون منهار حتى تعرف إنك تعبت 🧠ممكن نكمل يومنا بشكل طبيعي ... لكن الضغط النفسي المستمر يخلينا ندفع طاقة أكبر حتى ...
27/09/2026

مو لازم تكون منهار حتى تعرف إنك تعبت 🧠
ممكن نكمل يومنا بشكل طبيعي ... لكن الضغط النفسي المستمر يخلينا ندفع طاقة أكبر حتى نعمل نفس الأشياء 🪫

مو كل تعب لازم يوصل لمرحلة التوقف حتى نهتم فيه 🌿
((فريق الدعم النفسي)) 💙

#التوتر

09/09/2026

من أكثر الجمل اللي بنسمعها قبل أول جلسة : "برأيي هو بحاجة دواء"

لكن الحقيقة إنو تحديد الحاجة للعلاج الدوائي ما بيعتمد على رأي الأهل أو الأصدقاء، ولا حتى على عرض واحد فقط
العلاج النفسي الصحيح يبدأ أولاً بفهم الحالة، ثم تقييمها بشكل مهني، وبعدها يتم اختيار الطريق الأنسب... سواء كان علاجاً نفسياً، أو علاجاً دوائياً، أو الاثنين معاً.

أحياناً السؤال مو : "هل يحتاج دواء؟"
السؤال الأهم هو : "هل تم فهم حالته بالشكل الصحيح؟"

💬 برأيك... ليش ما زال كثير من الناس يربطون أي مشكلة نفسية مباشرة بالدواء؟

فريق الدعم النفسي 💙








أحياناً أول علامة إنك عم تمشي بالطريق الصح… مو إن كل مشاكلك اختفتهي إنك تحس نفسك أخف من قبل 🙏🏻من بين التقييمات الجديدة :...
02/09/2026

أحياناً أول علامة إنك عم تمشي بالطريق الصح… مو إن كل مشاكلك اختفت
هي إنك تحس نفسك أخف من قبل 🙏🏻

من بين التقييمات الجديدة : في شخص حكى عن شعوره براحة نفسية لأول مرة من سنين
وشخص تاني لاحظ فرق من الجلسات الأولى بموضوع كان عم يتعبه من فترة طويلة
وشخص اكتشف خلال تجربته أشياء عن نفسه ما كان منتبه إلها من قبل 👇🏻

وهون بتظهر قيمة العلاج النفسي الحقيقي ✨
مو لأن الجلسة بتمحي المشكلة
لكن لأنها ممكن تساعدك تفهم اللي عم يصير معك وتتعامل معه بطريقة مختلفة

شكراً لكل شخص شارك تجربته وثق فينا 🤍
وربما تجربتك أنت كمان تبدأ بخطوة صغيرة… لكن تأثيرها يكون أكبر مما تتوقع
((فريق الدعم النفسي)) 💙

#العلاقات #وعي

في أشخاص لما تكون معهم بتحس إنك أنت دائماً اللي عم تبدأ .... أنت اللي بتسأل ... أنت اللي بتفتح الحديث ... وأنت اللي بتحا...
30/08/2026

في أشخاص لما تكون معهم بتحس إنك أنت دائماً اللي عم تبدأ .... أنت اللي بتسأل ... أنت اللي بتفتح الحديث ... وأنت اللي بتحاول تعرف شو في

وبنفس الوقت، لما تبعد شوي عنهم... ممكن تلاقيهم يسألوا عنك ويهتموا فيك ويبين بوضوح إنك شخص مهم بحياتهم 🤍

وهون بتحتار: "طيب إذا بيحبني، ليش بحس إني لحالي بهالعلاقة؟"
لأن في ناس حبهم موجود، بس قدرتهم على التعبير عنه مو بنفس الطريقة اللي أنت محتاجها وممكن يكون الشخص متعود يعتمد على نفسه لدرجة إنه ما يطلب، ما يشرح، وما يبادر بسهولة
وممكن يكون القرب بالنسبة إله شيء جميل، بس بنفس الوقت شيء بيخليه يحس إنه مكشوف أكثر مما يحب 🧠

فبتلاقيه يقرب... وبعدين يبعد شوي
يشتاق... بس ما يحكي
يزعل... بس ما يشرح
يحب وجودك... بس ما يعرف كيف يخليك تحس بهالشي

ومن الطرف الثاني، أنت ما بتشوف كل هالتفاصيل اللي جواته، أنت بتشوف تصرفاته فقط
وبمرور الوقت ممكن تبدأ تسأل حالك: "هل أنا مهم فعلاً بالنسبة إله؟" 💭

وهون ممكن يصير شيء مؤلم بالعلاقة
كل طرف يكون عنده مشاعر حقيقية، لكن كل واحد عم ينتظر من الثاني طريقة مختلفة حتى يشعر بالأمان

واحد يقول: "إذا بيحبني، لازم يبادر"
والثاني ممكن يكون داخله: "إذا هو بيحبني، أكيد رح يفهم إني ما بعرف عبّر"
وبين هالجملتين... ممكن تمر فترة طويلة من سوء الفهم
الحب موجود، لكن طريقة التعبير عنه ما عم توصل 💔

لهذا أحياناً المشكلة بالعلاقات مو دائماً إن المشاعر ناقصة، أحياناً المشكلة إن الشخصين عم يحكوا لغتين مختلفتين وهم مفكرين إن الثاني لازم يفهم لحاله

وهون السؤال الأهم مو بس: "هل هو بيحبني؟"
لكن: "هل الطريقة اللي بيعبّر فيها عن حبه بتوصلني فعلاً؟"
لأن وجود الحب مهم... بس العلاقة كمان بدها مشاركة، مبادرة، ووضوح 🌱

وأحياناً الشخص اللي بيحبك فعلاً يحتاج يتعلم كيف يخليك تشعر بهذا الحب، مو بس كيف يشعر فيه من داخله

💬 برأيك، هل ممكن شخص يحبك فعلاً ومع ذلك يخليك تشعر طوال الوقت إنك مو مهم بالنسبة إله؟

#العلاقات

في لحظات بتلاقي حالك فجأة ما بدك تحكي مع حدا، بدك تترك المكان، تبعت رسالة، تشتري شي، أو حتى تنهي نقاشوبعدين إذا سألت حال...
29/08/2026

في لحظات بتلاقي حالك فجأة ما بدك تحكي مع حدا، بدك تترك المكان، تبعت رسالة، تشتري شي، أو حتى تنهي نقاش
وبعدين إذا سألت حالك: "ليش عملت هيك؟" ممكن ما تلاقي جواب واضح
بتقول: "ما بعرف، حسيت هيك" وهون في شيء مثير بطريقة عمل العقل 🧠

مو كل قراراتنا بتبدأ بتفكير واعي وطويل. أحياناً العقل بيلتقط تفاصيل كثيرة بسرعة، بيربطها بتجارب سابقة، وبعدين بيعطيك إحساس باتجاه معين قبل ما تلحق تحلل الموضوع بشكل منطقي

ممكن تدخل مكان وتحس بعدم الارتياح، تتعرف على شخص وما ترتاح له رغم إنه ما عمل شي واضح، تسمع جملة بسيطة وتحس إنها مستفزة، أو تشعر فجأة إنك لازم تبتعد

وبعدين عقلك الواعي بيبدأ يدور على تفسير:
"يمكن أسلوبه ما عجبني"
"يمكن طريقته بالحكي"
"يمكن ذكرني بشخص معين"

وأحياناً بيكون التفسير فعلاً صحيح، وأحياناً بيكون مجرد ارتباط قديم اشتغل بسرعة وهون المهم إننا ما نعتبر كل إحساس حقيقة، وبنفس الوقت ما نتجاهله

الإحساس معلومة... بس مو دائماً حكم نهائي
لهيك لما تحس بشي قوي تجاه شخص أو قرار، جرب تعطي حالك لحظة وتسأل :
"أنا عم اختار هالشي لأنني فهمت الموقف فعلاً، ولا لأن عقلي تعرّف على شي بيشبه تجربة قديمة؟"

يمكن الجواب يغير نظرتك للموقف كله
وهذا من الأشياء الممتعة بفهم العقل 🧠

أحياناً ما بتعرف ليش شعرت بشي... إلا لما تبدأ تفهم كيف عقلك وصل لهالشعور
فريق الدعم النفسي 💙



25/08/2026

كم مرة حسّيت إنك خرجت من موعد علاجي ومعك إجابات أقل من الأسئلة اللي دخلت فيها؟

المعاناة النفسية مو دائماً واضحة، ومش كل وجع ممكن نفهمه من أول لقاء
أحياناً الإنسان بيحتاج مساحة آمنة يحكي فيها قصته كاملة، قبل ما يبحث عن الحل 🙏🏻

العلاج النفسي مو سباق للوصول إلى تشخيص سريع، ولا محاولة لوضع الناس ضمن قوالب جاهزة .... هو رحلة فهم أعمق للنفس، للأحداث، وللطرق اللي تشكلت فيها مشاعرنا وأفكارنا عبر السنين 👍🏻

الدواء قد يكون جزءاً مهماً من العلاج في بعض الحالات، لكن الفهم الحقيقي يبقى جزءاً لا يقل أهمية 📝

برأيك...
شو أكتر شي كنت تتمنى حدا يفهمه عنك قبل ما يعطيك نصيحة أو حكم أو تشخيص؟




مو كل فكرة بتخطر ببالك هي حقيقة 👍أحياناً القلق بيخليك تشوف الاحتمال وكأنه شيء مؤكدلكن الفكرة تبقى فكرة… حتى لو بدت حقيقي...
24/08/2026

مو كل فكرة بتخطر ببالك هي حقيقة 👍

أحياناً القلق بيخليك تشوف الاحتمال وكأنه شيء مؤكد
لكن الفكرة تبقى فكرة… حتى لو بدت حقيقية جداً

فريق الدعم النفسي 💙

#القلق


في أشياء بحياتنا منكون عارفين إنها ما بتفيدنا ... منعرف إن السهر رح يتعبنا ومنسهر 😐- منعرف إن فتح نفس المحادثة للمرة الع...
15/08/2026

في أشياء بحياتنا منكون عارفين إنها ما بتفيدنا ... منعرف إن السهر رح يتعبنا ومنسهر 😐

- منعرف إن فتح نفس المحادثة للمرة العاشرة ما رح يغير شي ومنفتحها
- منعرف إن الرجوع لنفس الشخص ممكن يوجعنا، ومنرجع
- منعرف إن تأجيل الشي اللي لازم نعمله رح يزيد ضغطنا، ومنأجله

وبعدين منلوم حالنا 😓 :
"أنا بعرف الصح، ليش ما بعمله؟"
هون في نقطة كثير ناس ما بتنتبه إلها ,العقل مو دائماً بيختار الشي اللي بعرف إنه الأفضل أحياناً بيختار الشي اللي بيعطيه راحة أسرع
يعني ممكن تعرف إن مواجهة المشكلة أفضل من الهروب منها، لكن الهروب بيعطيك راحة فورية
ممكن تعرف إنك لازم توقف مراقبة شخص معين , لكن فتح حسابه بيعطيك لعدة دقائق إحساس إنك عرفت شو عم يصير
وممكن تعرف إن لازم تبدأ بشيء مؤجل من زمان، لكن تأجيله بيعطيك راحة من الشعور بالضغط الآن

المشكلة إن العقل أحياناً بيكون مهتماً جداً بـ **"كيف بدي أرتاح هلأ؟"**
وأقل اهتماماً بـ : **"شو رح يصير معي بعد أسبوع؟"**

وهذا أحد الأسباب اللي بتخلينا نكرر سلوكيات نحنا أصلاً مو مقتنعين فيها مو لأننا ما منعرف ومو لأننا ضعاف بالضرورة لكن لأن معرفة الشيء الصحيح شيء, والقدرة على تحمّل الشعور المزعج اللي بيجي قبل هذا الشيء شيء ثاني تماماً

لهيك أحياناً التغيير ما بيبدأ من سؤال : **"ليش أنا ما بعمل الصح؟"** ❌
قد ما بيبدأ من سؤال : **"شو الشعور اللي عم حاول أهرب منه لما بعمل هالشي؟"** ✅
وهون ممكن تكتشف عن نفسك أشياء ما كنت منتبه إلها من قبل

شو أكثر سلوك بتعرف إنه ما بيفيدك، ومع هيك بتلاقي حالك عم تكرره ؟

((فريق الدعم النفسي)) 💙








11/08/2026

مو كل تهديد للعلاقة بيكون واضح 🤔
أحياناً بيبدأ من “تفصيل بسيط”… مثل فيديو قصير

الخوارزميات اليوم ما بس بتعرض محتوى ... هي عم تعيد تشكيل توقعاتك، رغباتك، وحتى نظرتك لشريكك بدون ما تحس

المشكلة مو بـ TikTok نقسه ....المشكلة في الاستهلاك غير الواعي
انتبه لنفسك قبل ما تنتبه إنو علاقتك تغيّرت

((فريق الدعم النفسي)) 💙

#العلاقات






💬 برأيكم... ليش مجتمعنا صار يربط أي معاناة نفسية مباشرة بالدواء؟جملة بنسمعها كثير ,الغريب إنو أحياناً بتنقال عن شخص لأنه...
05/08/2026

💬 برأيكم... ليش مجتمعنا صار يربط أي معاناة نفسية مباشرة بالدواء؟

جملة بنسمعها كثير ,الغريب إنو أحياناً بتنقال عن شخص لأنه صار هادئ
وأحياناً لأنه صار يبكي أو لأنه صار عصبي أو انعزل فترة.

لكن هل كل هالأشياء تعني أن الشخص يحتاج دواء؟ الجواب: لا

المشكلة أن أغلب الناس يحكمون على ما يرونه من الخارج... بينما المختص يحاول أن يفهم ما الذي يحدث من الداخل

قد يتشابه شخصان بنفس الأعراض تماماً...
الاثنين قلقين
الاثنين نومهم مضطرب
الاثنين ما عاد عندهم رغبة يطلعوا من البيت
لكن بعد التقييم، ممكن تكون النتيجة مختلفة تماماً.

الأول يمر بضغوط حياتية مؤقتة ويستفيد من العلاج النفسي
والثاني يعاني من اضطراب يحتاج علاجاً نفسياً مع دواء
والثالث ممكن يكون السبب عنده مشكلة جسدية أو هرمونية أصلاً

لهذا السبب...القرار ما بيبدأ بالدواء، ولا برفض الدواء ,القرار يبدأ بفهم الحالة
ولهذا أيضاً، في المراكز النفسية المتقدمة، لا يتم اختيار العلاج قبل أن يتم تقييم الشخص بشكل مهني.
لأن التشخيص الصحيح هو الذي يقود للعلاج الصحيح....أما الاستعجال بالحكم فقد يؤخر العلاج المناسب أكثر مما يساعد صاحبه.

((فريق الدعم النفسي)) 💙







Address

Erbil
Irbil

Opening Hours

Monday 13:00 - 21:00
Tuesday 13:00 - 21:00
Wednesday 13:00 - 21:00
Sunday 13:00 - 21:00

Telephone

+9647519956270

Website

Alerts

Be the first to know and let us send you an email when Psychological Support posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Psychological Support:

Shortcuts

Share

Category